ომის დაწყების შემდეგ, უკრაინაში სულ მცირე 847 მშვიდობიანი მოქალაქე დაიღუპა, ხოლო 1 399 დაიჭრა - გაეროს ადამიანის უფლებათა უმაღლესი კომისრის ოფისი

გაეროს ადამიანის უფლებათა უმაღლესი კომისრის ოფისის მონაცემებით, ომის დაწყების შემდეგ, უკრაინაში სულ მცირე 847 მშვიდობიანი მოქალაქე დაიღუპა, ხოლო 1 399 - დაიჭრა.

„მშვიდობიან მოსახლეობას შორის დაფიქსირებული მსხვერპლის უმეტესობა გამოწვეული იყო ფართო ზემოქმედების არეალის ასაფეთქებელი იარაღის გამოყენებით“, - ნათქვამია უწყების განცხადებაში.

რუსეთი უკრაინის ტერიტორიაზე 24 თებერვალს შეიჭრა, ამის შემდეგ უკრაინის პრეზიდენტმა ვლადიმერ ზელენსკიმ ქვეყანაში საომარი მდგომარეობა გამოაცხადა.