ევროკომისარი: ვფიქრობ, ის, რაც უკრაინისთვის საბოლოო ჯამში გვჭირდება, მარშალის გეგმის განახლებული მოდელია

უკრაინას რუსეთთან ომის შემდეგ აღდგენის გეგმა დასჭირდება, როგორიც აშშ-მა ევროპას მეორე მსოფლიო ომის შემდეგ შესთავაზა, - ამის შესახებ ბიუჯეტის საკითხებში ევროკომისარმა, იოჰანეს ჰანმა განაცხადა. ინფორმაციას Reuters-ი ავრცელებს.

„ვფიქრობ, ის, რაც უკრაინისთვის საბოლოო ჯამში გვჭირდება, მარშალის გეგმის განახლებული მოდელია“, - აღნიშნა ევროკომისარმა.

იოჰანეს ჰანის თქმით, აღნიშნული გეგმა უკრაინას სწრაფად აღდგენაში დაეხმარება და უკრაინის ევროკავშირთან უფრო სწრაფ დაახლოებას დაეხმარება.