ვულოცავ ლიზ ტრასს პრემიერ-მინისტრად არჩევას, სასიხარულოა კიდევ ერთი ქალი ლიდერის ხილვა - ზურაბიშვილი

საქართველოს პრეზიდენტი სალომე ზურაბიშვილი ლიზ ტრასს ბრიტანეთის პრემიერ-მინისტრის თანამდებობაზე არჩევას ულოცავს.

„ვულოცავ ლიზ ტრასს, გაერთიანებული სამეფოს ახალ პრემიერ-მინისტრს. ამ გადამწყვეტ მომენტში, სასიხარულოა კიდევ ერთი ქალი ლიდერის ხილვა, რომელიც ჩვენი კონტინენტის უსაფრთხოებისა და უფრო ძლიერი ტრანსატლანტიკური პარტნიორობისთვის იმუშავებს. ველი ერთად მუშაობას საქართველო-დიდი ბრიტანეთის ურთიერთობების გასაძლიერებლად“, - წერს სალომე ზურაბიშვილი „ტვიტერზე“.

დიდი ბრიტანეთის „კონსერვატიულმა პარტიამ“ ახალ პრემიერ-მინისტრად ლიზ ტრასი აირჩია.