ჯო ბაიდენმა უკრაინაში აშშ-ის ელჩად ბრიჯიტ ბრინკი წარადგინა

აშშ-ის პრეზიდენტმა ჯო ბაიდენმა უკრაინაში აშშ-ის ელჩად ბრიჯიტ ბრინკის კანდიდატურა წარადგინა. მას ამჟამად სლოვაკეთში აშშ-ის ელჩის თანამდებობა უკავია.

აშშ-ის დეპარტამენტის პრესსპიკერის, ნედ პრაისის ინფორმაციით, წინა წლებში ბრინკი აშშ-ის სახელმწიფო მდივნის თანაშემწის მოადგილე იყო ევროპისა და ევრაზიის საკითხთა ბიუროში. ასევე, ის გახლდათ აშშ-ის მისიის ხელმძღვანელის მოადგილე უზბეკეთსა და საქართველოში.