ევროპულ დედაქალაქებში სხვადასხვა დონეზე ვმუშაობთ, რათა მივიღოთ საჭირო მხარდაჭერა სპეციალური ტრიბუნალის წამოსაწყებად - ვლადიმერ ზელენსკი

"მთელი ბოლო კვირის განმავლობაში, ევროპულ დედაქალაქებში სხვადასხვა დონეზე ვმუშაობთ, რათა მივიღოთ საჭირო მხარდაჭერა სპეციალური ტრიბუნალის წამოსაწყებად, რომელიც რუსულ აგრესიას ეხება", - ამის შესახებ უკრაინის პრეზიდენტმა ვლადიმერ ზელენსკიმ განაცხადა. 

"ლონდონში, პარიზში, ბერლინში ვარშავასა და სხვა დედაქალაქებში ვამყარებთ ჩვენს პოზიციებს და პარტნიორების მხარდაჭერის აკუმულირებას ვახდენთ. დარწმუნებული ვარ, ტრიბუნალი იქნება და სამართალი იზეიმებს", - განაცხადა ზელენსკიმ.