„აღენიშნებოდა სახის შეშუპება და სისხლჩაქცევები“ - როგორია აშშ-ის პირველი ლედის მდგომარეობა

თეთრი სახლის ექიმმა, აშშ-ს პირველ ლედის, ჯილ ბაიდენს, კანზე ორი სიმსივნური წარმონაქმნის მოსაცილებლად ოპერაცია ჩაუტარდა. ამის შესახებ უცხოური მედია წერს.

გამოცემის ცნობით, 71 წლის პირველმა ლედიმ, პრეზიდენტ ჯო ბაიდენის თანხლებით, რვა საათზე მეტი გაატარა სამედიცინო ცენტრში ამბულატორიული პროცედურისთვის. თეთრი სახლის ექიმმა თქვა, რომ მათ ყველა სიმსივნური ქსოვილი ამოიღეს.

„ყველა სიმსივნური ქსოვილი წარმატებით იქნა ამოღებული და კიდეები გავწმინდეთ კანის კიბოს უჯრედებისგან. ჩვენ ყურადღებით დავაკვირდებით ტერიტორიას, როდესაც ის შეხორცდება, მაგრამ არ ვვარაუდობთ, რომ დამატებითი პროცედურები იქნება საჭირო", - თქვა მან.

გარდა ამისა, ჯილ ბაიდენის მარცხენა ქუთუთოზე აღმოჩენილი იქნა მცირე დაზიანება, რომელიც სრულად ამოკვეთეს და გაგზავნეს შემდგომი გამოკვლევისთვის, თქვა ო'კონორმა.

ჯილ ბაიდენს აღენიშნებოდა სახის შეშუპება და სისხლჩაქცევები, მაგრამ კარგ ხასიათზე იყო და თავს კარგად გრძნობდა, თქვა ო'კონორმა.

პრეზიდენტ ბაიდენს „სურდა იქ ყოფილიყო მის მხარდასაჭერად", - თქვა თეთრი სახლის პრესმდივანმა - „ისინი უკვე 45 წელია დაქორწინებულები არიან და მას სურდა იქ ყოფნა მეუღლესთან ერთად“.

პირველმა ლედიმ გაიარა საერთო პროცედურა, რომელიც ცნობილია როგორც მოჰსის ოპერაცია, რათა ამოეღოთ და საბოლოოდ გამოეკვლიათ ქსოვილი.

ბაიდენები კიბოსთან საბრძოლველად არაერთ ღონისძიებას ატარებენ. 

გასულ წელს პრეზიდენტმა ბაიდენმა გამოაცხადა ინიციატივა კიბოსგან სიკვდილიანობის მაჩვენებლის მინიმუმ 50%-ით შემცირების შესახებ მომდევნო 25 წლის განმავლობაში.

ცნობისთვის, ბაიდენის ვაჟი, ბო ბაიდენი, 2015 წელს 46 წლის ასაკში ტვინის კიბოთი გარდაიცვალა.