ბათუმში, ახალგაზრდა კაცი დაჭრეს

ბათუმში, გორგასლის ქუჩაზე სისხლიანი დაპირისპირება მოხდა.

29 წლის კაცს ჭრილობები სახისა და გულმკერდის არეში, ცივი იარაღით მიაყენეს.

დაჭრილს ბათუმის რესპუბლიკურ საავადმყოფოში ოპერაცია უკვე ჩაუტარდა. მედიკოსების თქმით, მისი მდგომარეობა სტაბილურია და სიცოცხლეს საფრთხე არ ემუქრება. 

როგორც ,,პრაიმტაიმს" შინაგან საქმეთა სამინისტროში განუცხადეს, მომხდართან დაკავშირებით, გამოძიება სსკ 117-ე მუხლით მიმდინარეობს, რაც ჯანმრთელობის განზრახ დაზიანებას გულისხმობს.