„ოჯახს უთხრეს, რომ ბავშვს თევზის კუდი ჰქონდა და სასწრაფოდ ქუთაისში, ექსპერტიზაზე იყო გადასაყვანი...“ - კიდევ ერთი გაყიდული ბავშვის ისტორია

თამუნა მუსერიძე ჯგუფში „ვეძებ“ კიდევ ერთი ისტორიის შესახებ გვიყვება. 

„1989 წელს ოზურგეთის სამშობიაროში გოგონა დაიბადა. ოჯახს უთხრეს, რომ ბავშვს თევზის კუდი ჰქონდა და სასწრაფოდ ქუთაისში, ექსპერტიზაზე იყო გადასაყვანი.  რამდენიმე დღეში კი გარდაცვლილად გამოუცხადეს. 2025 წელს ,,გარდაცვლილმა" გოგონამ ამერიკიდან დარეკა.

როგორც გაირკვა, ქუთაისიდან თბილისში, მოსკოვის პროსპექტზე ძიძის სახლში გადაიყვანეს და იქიდან გაყიდეს. ჯგუფის წევრების დახმარებით, მამას გენეტიკური ტესტის თანხა შევუგროვეთ. რამდენიმე კვირაში პასუხიც იქნება“,- წერს თამუნა მუსერიძე.