მაისშიც თუ შევინარჩუნეთ ეს სტაბილიზაცია, სხვა შემსუბუქებებზეც იქნება საუბარი - ამირან გამყრელიძე

პირბადეების ტარება დახურულ სივრცეებში სავალდებულო აღარ არის. გამონაკლისია მხოლოდ სამედიცინო დაწესებულებები და საზოგადოებრივი ტრანსპორტი. 

დაავადებათა კონტროლის ცენტრი გადაწყვეტილებას ეთანხმება და ამბობს, რომ ეს მათი რეკომენდაციაც იყო.

დაავადებათა კონტროლისა და საზოგადოებრივი ჯანმრთელობის ეროვნული ცენტრის გენერალური დირექტორი ამირან გამყრელიძე აცხადებს, რომ ეპიდვითარების შენარჩუნების შემთხვევაში სხვა რეგულაციებიც შემსუბუქდება.

„ყველაფერი არის ბოლო ერთი თვის მანძილზე სტაბილური. ეს სტაბილიზაცია უნდა გაგრძელდეს მაისშიც, თუ შევინარჩუნეთ ეს სტაბილიზაცია სხვა შემსუბუქებებზეც იქნება საუბარი,"- განაცხადა გამყრელიძე.