ივლისის მთვარის კალენდარი - ასტროლოგიური პროგნოზი

თვის პირველ ნახევარში მოთმინებით უნდა აღიჭურვოთ: რეტროგრადული მერკური ყველაფერს თავის ადგილს მაინც მიუჩენს, ასე რომ, სიჩქარე არაფერში გამოგადგებათ. თვის მიწურულს კი ასტროლოგები მოვლენების ნამდვილ ფეიერვერკს გვპირდებიან. The Almanac-ის თანახმად, ივლისი დუნედ იწყება რეტროგრადული მერკურის გამო, ეს ტრანზიტი უკავშირდება შეფერხებებს, გაუგებრობებსა და ტექნიკურ პრობლემებს.

1-13 ივლისი: კლებადი მთვარე, რეტროგრადული მერკური და ნეპტუნი, ვენერა ქალწულში.
ეს არის დასრულებისა და განწმენდის პერიოდი, როდესაც უნდა გათავისუფლდეთ ყველაფერი ზედმეტისგან, როგორც მატერიალური მიმართულებით (ნივთების გადარჩევა, დალაგება), ისე ემოციურად. მსხვილი წამოწყებები ამ ეტაპზე ჯობია მომდევნო ახალმთვარეობამდე გადადოთ.

4 ივლისი: მარსი უერთდება ურანს — ეს არის ამაღელვებელი, თუმცა პოტენციურად არასტაბილური ასპექტი. მას შეუძლია კარგი სიურპრიზები მოგიტანოთ, მაგრამ ამ დღეს ნერვები ადვილად გიმტყუნებთ.
7 ივლისი: ნეპტუნი იწყებს რეტროგრადულ მოძრაობას — ეს დრო დაგეხმარებათ გაერკვიოთ, რამდენად რეალისტურია თქვენი მიზნები და რა არის მხოლოდ აუხდენელი ოცნება.
9 ივლისი: ვენერა გადადის ქალწულის ნიშანში და ურთიერთობებში წინა პლანზე წამოსწევს ახლობლებზე ზრუნვას. ეს ასევე შესანიშნავი პერიოდია სახლისა და ბაღის მოსაწესრიგებლად, ნუ დაზოგავთ ფულს საწმენდ საშუალებებზე, საბაღე ხელსაწყოებზე, მცენარეებსა და სივრცის ორგანიზატორებზე.
14 ივლისი: ახალმთვარეობა.
ახალმთვარეობა კირჩხიბში — შესანიშნავი დროა უძრავი ქონების შესაძენად ან რემონტის დასაწყებად, ასევე ოჯახის გასაფართოებლად (მათ შორის, ოთხფეხა წევრებით).

15-28 ივლისი: მზარდი მთვარე, მზე ლომში, რეტროგრადული სატურნი.
ყველაფერი, რაც ამ ფაზაში დაიწყება, უფრო ადვილად იკრებს ძალას და მიდის წინ. ეს პერიოდი ხელსაყრელია აქტიური მოქმედებებისთვის: პროექტების წინსვლისთვის, ფინანსური გადაწყვეტილებებისთვის, მოლაპარაკებებისთვის, მგზავრობისა და ახლის სწავლისთვის. ენერგია მუშაობს ზრდაზე, იქნება ეს ფული, ურთიერთობები თუ პირადი რესურსები.

22 ივლისი: მზე შედის ლომის ნიშანში და მომდევნო ოთხი კვირა ოპტიმისტური და გულუხვი ნათებით იქნება მოცული. ეს არის დასვენებისა და ბავშვებთან ერთად მხიარულების დრო, როდესაც ყველაზე მარტივია გამოხატოთ ის, რაც გულში გაქვთ.
26 ივლისი: სატურნი იწყებს რეტროგრადულ მოძრაობას — ეს კარგი მომენტია გეგმების გადასახედად. ჰკითხეთ საკუთარ თავს, როგორ მიდის პროექტები და ხომ არ არის საჭირო მიზნების კორექტირება. ეს პერიოდი შესაძლოა პირადი საზღვრების გამოცდად იქცეს — შესაძლოა დაგჭირდეთ ვინმესთან საკუთარი თავის ხელახლა დამკვიდრება. ასევე, ეს შესაფერისი დროა რემონტის დასასრულებლად, დაგროვილი საყოფაცხოვრებო პრობლემების მოსაგვარებლად და წარსული შეცდომების საკუთარ თავზე ასაღებად.
29 ივლისი: სავსემთვარეობა და მზე იუპიტერში.
მთვარის ციკლის პიკი —ამ დღეებში ემოციები და ინტუიცია განსაკუთრებით გამახვილებულია. ის, რაც ახალმთვარეობისას ჩაისახა, ახლა ვლინდება და ხილვადი ხდება.

ციკლი სრულდება მერწყულის ნიშანში სავსემთვარეობით 29 რიცხვში — განსაკუთრებით ძლიერი ემოციებისა და გამახვილებული ინტუიციის დღეს. ღირს ყურადღებით მოუსმინოთ თქვენს გრძნობებს: ისინი შეიძლება ძალიან მრავლისმეტყველი აღმოჩნდეს. ამ დღემ შესაძლოა მნიშვნელოვანი სიახლეები მოუტანოს მთელ საზოგადოებას ან გახდეს დღესასწაულის მიზეზი.

მთავარი: ამ დღეს მზე უერთდება იუპიტერს, რაც 29 ივლისს მთელი წლის ყველაზე იღბლიან დღედ აქცევს. ჩაიფიქრეთ სურვილები!ს.