ჯეფრი ეპშტეინს შესაძლოა, "საიდუმლო შვილი" ჰყავდეს, რომელიც დედას "დაბადებიდან რამდენიმე წუთში წაართვა" - სკანდალური ჩანაწერი

აშშ-ის იუსტიციის დეპარტამენტის მიერ გამოქვეყნებული დოკუმენტების მიხედვით, არსებობს ეჭვი, რომ ჯეფრი ეპშტეინს შესაძლოა საიდუმლო შვილი ჰყოლოდა. მრავალმილიონიან მასალებში ერთ-ერთი არასრულწლოვანი მსხვერპლის ჩვენებაა წარმოდგენილი, სადაც ქალი ამტკიცებს, რომ დაახლოებით 2002 წელს, 16–17 წლის ასაკში, გოგონა გააჩინა, რომელიც დაბადებიდან რამდენიმე წუთში წაართვეს.

მისი თქმით, პროცესს ეპშტეინის ყოფილი პარტნიორი, გისლენ მაქსველი აკონტროლებდა. მსხვერპლი აღწერს, რომ ბავშვის ტირილი გაიგონა და ახალშობილი საკუთარი თვალით ნახა. აღნიშნული ჩანაწერები და პირადი დღიური ქალის იურისტებმა ფედერალურ პროკურორებს გადასცეს.

ოფიციალურად არასდროს დადასტურებულა, რომ ეპშტეინს შვილები ჰყავდა. არც მის ანდერძშია მოხსენიებული შესაძლო შთამომავლობა. პარალელურად, მედიაში გავრცელდა დაუთარიღებელი ვიდეო, სადაც ნიუ-იორკის სასამართლოში გადაღებულ მაგიდაზე მამობის დამადასტურებელი დნმ-ის ტესტი ჩანს. ასევე გამოქვეყნდა 2011 წლით დათარიღებული ელექტრონული წერილი, რომელშიც სარა ფერგიუსონი ეპშტეინს ბავშვის დაბადებას ულოცავს.