ოლიმპიურ თამაშებზე საქართველოს სახელით მოასპარეზე დიანა დევისისა და გლებ სმოლკინის წყვილმა ფინალში გამოსვლის უფლება მოიპოვა

 მილანსა და კორტინაში მიმდინარე ზამთრის ოლიმპიურ თამაშებზე ფიგურულ ციგურაობაში დიანა დევისისა და გლებ სმოლკინის წყვილმა რიტმულ ცეკვებში 77.15 ქულა დაიმსახურა, 23 მონაწილეს შორის მე-13 ადგილი დაიკავა და ფინალში თავისუფალი პროგრამით გამოსვლის უფლება მოიპოვა.

დევისისა და სმოლკინის წყვილი თავისუფალი პროგრამით 11 თებერვალს გამოვა – შეჯიბრება 22:30 საათზე დაიწყება. 10 თებერვალს კი ოლიმპიურ თამაშებზე მოკლე პროგრამას მამაკაცები წარადგენენ. მილანში საქართველოს ნაკრების სახელით ნიკა ეგაძე იასპარეზებს – პირდაპირ რეპორტაჟს საქართველოს პირველი არხი შემოგთავაზებთ.