მხრის ტრავმის მიუხედავად, შოთა მიშველიძემ ასპარეზობა მაინც შეძლო და მე-6 ადგილი დაიკავა

პარიზის ოლიმპიადაზე ტრავმის მიზეზით უმედლოდ დაასრულა ასპარეზობა 61 კგ წონაში მოასპარეზე ქართველმა ძალოსანმა შოთა მიშველიძემ.

მან ატაცში 121 კილოგრამი დაძლია, ხოლო აკვრაში ჯერ 125 ასწია, შემდეგ – 135, ბოლოს 150 კილოგრამიან შტანგასთან მივიდა. თუმცა ცდა გაუციდდა და აკვრაში ყველაზე მაღალი 135 კილოგრამი დარჩა.

ამ შედეგით ის ორჭიდის ჯამში მეექვსე იყო – 256 კილოგრამი.

ჩემპიონი ჩინელი ფაბინ ლი გახდა (310კგ), 303 კილოგრამით მეორე იყო ტალანდელი თეერაპონგ სირაჩაი, მესამე – ამერიკელი ჰემპტონ მორისი (298 კგ).