შოუბიზნესი

რას სთხოვდა ლენონს ფანი, რომელმაც შემდეგ მუსიკოსის წერილი აუქციონზე გაყიდა

ვარსკვლავებს ბევრ უცნაურ თაყვანისმცემელთან, ეგრეთ წოდებულ ფანთან უწევთ ურთიერთობა. ახლა ეს უფრო გაადვილებული გზებით ხდება, მაგრამ მეოცე საუკუნეში დიდი არჩევანი არ იყო. კუმირს წერილებს წერდნენ. ასე მოიქცა ერთი ახალგაზრდაც, რომელმაც 1972 წელს, წერილით ჯონ ლენონს, მსოფლიოში სამოგზაუროდ ფული სთხოვა. მუსიკოსმა უცნაური თხოვნა არ დააიგნორირა და წერილითვე უპასუხა: "გააკეთე მედიტაცია და შენ შეძლებ ნახო მთელი მსოფლიო შენს წარმოსახვაში."

1995 წელს ახალგაზრდა მსოფლიოს გარშემო სამოგზაუროდ მართლაც გაემგზავრა. მანამდე კი, მან ლენონის ეს წერილი აუქციონზე გაყიდა. გამოდის, რომ მისი მოგზაურობა მართლაც ლეგენდარულმა მუსიკოსმა დააფინანსა.

***

ჯონ ლენონი 1980 წლის 8 დეკემბერს ნიუ-იორკში, საკუთარი სახლის შესასვლელთან ცეცხლსასროლი იარაღით სასიკვდილოდ დაჭრეს. მომღერალი საავადმყოფოში მიყვანისთანავე გარდაიცვალა. ჯონს ხუთჯერ ესროლეს. ლეგენდარული მუსიკოსი 40 წლის იყო, მკვლელი კი - 25 წლის.

ობსესიური აშლილობის მქონე მარკ დევიდ ჩეპმენი, "ბითლზის" ფანი იყო. მკვლელობამდე, რამდენიმე საათით ადრე, მისგან ავტოგრაფი აიღო.

მარკ ჩეპმენი დღემდე ციხეშია. მას სამუდამო პატიმრობა აქვს მისჯილი. ჩეპმენის მთავარი მოტივი ცნობადობის მოპოვება იყო.

2018 წელს, როდესაც მას გათავისუფლებაზე მეათედ უთხრეს უარი, მარკმა საბჭოს უთხრა, რომ რაც მეტი წელი გადიოდა, მით უფრო მეტად რცხვენოდა თავისი საქციელის.

გათავისუფლებაზე უარყოფითი პასუხი კი იმით დაასაბუთეს, რომ ლენონის მკვლელობა ჩეპმენმა მხოლოდ სახელის დასამკვიდრებლად ჩაიდინა და მისი ციხიდან გაშვება საზოგადოებას საფრთხეს შეუქმნიდა.

69 წლის ჩეპმენი ისევ ციხეშია...