უკრაინის

რუსეთის არმიამ უკრაინაში დონეცკის, ოდესის, ხერსონის და პოლტავის რეგიონები დაბომბა

რუსეთის არმიამ უკრაინაში დონეცკის, ოდესის, ხერსონის და პოლტავის რეგიონები დაბომბა.უკრაინული მედიის ინფორმაციით, ხერსონში რუსეთის არმიამ ცეცხლი გაუხსნა სოციალურ ინფრასტრუქტურას და საცხოვრებელ რაიონებს, სადაც ორი კორპუსი და 14 კერძო სახლი დაზიანდა. დაბომბვის შედეგად შვიდი ადამიანი დაშავდა.უკრაინული მედია წერს, რომ რუსეთის საოკუპაციო ძალებმა კვლავ დაიწყეს მასობრივი და კომბინირებული შეტევა პოლტავის ოლქის ქალაქ კრემენჩუკზე. კრემენჩუკის რეგიონში ენერგეტიკული ინფრასტრუქტურის ობიექტებსა და ღია ადგილებში პირდაპირი დარტყმები დაფიქსირდა. ძლიერი აფეთქებების ხმა იყო ოდესაში. უკრაინის საჰაერო ძალებმა ოდესის მიმართულებით რუსეთის უპილოტო საფრენი აპარატების გადაადგილების შესახებ განაცხადა.უკრაინის არმიის გენშტაბის ინფორმაციით, ბოლო 24 საათის განმავლობაში, თავდაცვის ძალებმა კიდევ 1 060 რუსი ჯარისკაცი და 116 მტრის სატრანსპორტო საშუალება და ტანკერი გაანეიტრალეს. უკრაინული ანალიტიკური პროექტის, „დიფ სთეითის” ინფორმაციით, რუსეთის სამხედროები ფრონტის გასწვრივ ნელ წინსვლას აგრძელებენ და ბოლო 24 საათის განმავლობაში მათ დონეცკის ოლქის სამ დასახლებულ პუნქტთან ახლოს წინსვლა ჰქონდათ.

მსოფლიო • 1750448918

პუტინი განცხადებას ავრცელებს

რუსეთი არ მიისწრაფვის უკრაინის მხრიდან კაპიტულაციისკენ, – ამის შესახებ რუსეთის პრეზიდენტმა, ვლადიმერ პუტინმა სანქტ-პეტერბურგის ეკონომიკურ ფორუმზე განაცხადა.„ჩვენ მოვითხოვთ რეალობის აღიარებას, რომელიც ადგილზე წარმოიშვა“, – განაცხადა პუტინმა.როგორც პუტინი აღნიშნავს, ერთი ქვეყნის უსაფრთხოების უზრუნველყოფა არ უნდა ხდებოდეს მეორე სახელმწიფოს ხარჯზე.

პოლიტიკა • 1750441260

დავით ქართველიშვილი ისრაელ-ირანის კონფლიქტზე: კონფლიქტი დამთავრდება ზავით და სხვადასხვა ქვეყნის სახელისუფლებო შტოებიდან გარკვეული „ელიტების“ ჩამოშორებით

ისრაელ-ირანის კონფლიქტის დროულად დასრულების აუცილებლობაზე ისაუბრა ჟურნალისტებთან „ხალხის ძალის“ წევრმა დავით ქართველიშვილმა. როგორც ექსპერტმა აღნიშნა, მსოფლიოში გაჭიანურებულმა კონფლიქტებმა ცხადყო, რომ ყველაფერი თავის დროზე უნდა დასრულდეს.დავით ქართველიშვილმა ხაზი გაუსვა იმასაც, რომ ისრაელ-ირანის სამხედრო დაპირისპირება დამთავრდება ზავით.„ჩემი აზრით, ამ კონფლიქტს [ისრაელი-ირანი] არ ექნება ის ხანგრძლივობა, რომელშიც გადაიზარდა რუსეთ-უკრაინის დაპირისპირება. ეს არის გამორიცხული, იმიტომ, რომ ეს არის ძალიან კარგი ტესტი და მაგალითი იმის, რომ ყველაფერი თავის დროზე უნდა დასრულდეს. „თავისი დრო“ კი, რუსეთ-უკრაინის კონფლიქტის დასრულების იყო 2022 წლის მარტის ბოლოს გამართული სტამბულის მოლაპარაკებები. ეს ძალიან კარგი მაგალითია ყველასთვის და ამას აღიარებს ყველა - ამერიკის შეერთებული შტატებით დაწყებული, ევროპის ქვეყნებით დამთავრებული. მართალია ბორის ჯონსონს დაბრალდა ყველაფერი, მაგრამ ჩვენ ძალიან კარგად ვიცით, რომ ეს იყო „დიფ სთეითის“ კოლექტიური გადაწყვეტილება - ომი არ უნდა დასრულებულიყო, იმიტომ, რომ ამ ომის ამოცანა იყო სულ სხვა, რომელიც „დიფ სთეითისთვის“ არ შეცვლილა. ამ ომის ამოცანა იყო რუსეთის დამარცხება, აზიის დასუსტება, ირანის მეშვეობით ჩინეთის დასუსტება. ეს არის „ზე“ ამოცანა და თუ ამას ისრაელის მეშვეობით აკეთებენ, ძნელია რაიმე პროგნოზის გაკეთება," - განაცხადა დავით ქართველიშვილმა.რაც შეეხება იმას, თუ რით დასრულდება ისრაელ-ირანის სამხედრო დაპირისპირება, როგორც ექსპერტი აცხადებს, კონფლიქტი დასრულდება ზავით. „კონფლიქტი დამთავრდება ზავით და სხვადასხვა ქვეყნის სახელისუფლებო შტოებიდან გარკვეული „ელიტების“ ჩამოშორებით," - განაცხადა დავით ქართველიშვილმა.

მსოფლიო • 1750437508

რუსი და უკრაინელი ხალხები რეალურად ერთი ერია, ამ თვალსაზრისით, მთელი უკრაინა ჩვენია, იქ, სადაც რუსი სამხედროს ფეხი აბიჯებს, ჩვენია - პუტინი

ეს ანდაზა არ არის, არც იგავი, არამედ ძველებური წესია: იქ, სადაც რუსი სამხედროს ფეხი აბიჯებს, ჩვენია, – ამის შესახებ რუსეთის პრეზიდენტმა, ვლადიმერ პუტინმა სანქტ-პეტერბურგის ეკონომიკურ ფორუმზე განაცხადა.პუტინის განცხადებით, რუსებსა და უკრაინელებს ერთ ხალხად მიიჩნევს.„მე უკვე ბევრჯერ ვთქვი, მიმაჩნია, რომ რუსი და უკრაინელი ხალხები ერთი ერია რეალურად. ამ თვალსაზრისით, მთელი უკრაინა ჩვენია“, – განაცხადა პუტინმა.მისივე თქმით, რუსეთს ეჭვქვეშ არასდროს დაუყენებია უკრაინის სუვერენიტეტის საკითხი.„სხვათა შორის, ჩვენ არასდროს დაგვიყენებია ეჭვქვეშ უკრაინელი ხალხის უფლება დამოუკიდებლობასა და სუვერენიტეტზე“, – აღნიშნა პუტინმა.რუსეთის პრეზიდენტის თქმით, უკრაინაში სახელმწიფო გადატრიალების შემდეგ რუსეთის ქმედებები მიმართული იყო მოსახლეობის დაცვაზე.„სახელმწიფო, სისხლიანი, არაკონსტიტუციური გადატრიალება უკრაინაში. ეს რა არის? ესეც ხომ ქმედებაა ძალის პოზიციიდან და აშშ-ის წინა ადმინისტრაციამ პირდაპირ განაცხადა იმის შესახებ, რომ მან ამ გადატრიალებაზე მილიარდობით დოლარი დახარჯა; მორიდების გარეშე, საჯაროდ თქვეს. ჩვენი ქმედებები მიმართული იყო მოსახლეობის იმ ნაწილის დაცვაზე, რომელიც თავს სისხლისმიერად, სულიერად რუსეთთან დაკავშირებულად თვლიდა“, – განაცხადა პუტინმა.მისივე თქმით, რუსეთი აიძულეს, ეღიარებინა ლუგანსკისა და დონეცკის დამოუკიდებლობა.„ჩვენ შევეცადეთ მშვიდობიანი გზით მორიგება. ვითარების გამოსწორება, მაგრამ ჩვენმა პარტნიორებმა, როგორც მათ ახლა უკვე ბრჭყალებში მოვიხსენიებთ და როგორც მოგვიანებით გამოირკვა, გააჩაღეს ეს გადატრიალება მხოლოდ ერთი რამისთვის, რომ უკრაინა იარაღით აევსოთ და გაგრძელებული ეს საბრძოლო მოქმედებები. ბოლოს და ბოლოს, ეს გვაიძულებდა ჩვენ, გვეღიარებინა ამ რესპუბლიკების – ლუგანსკისა და დონეცკის დამოუკიდებლობა. ჩვენ რვა წელი არ ვაღიარებდით, ვცდილობდით მორიგებას, თუმცა გვაიძულეს, გვეღიარებინა ისინი დამოუკიდებლად. შემდეგ გვაიძულეს, მათთვის დახმარება გაგვეწია, მათ შორის შეიარაღებული მხარდაჭერა, რათა დაგვესრულებინა ომი, რომელიც ჩვენმა მოწინააღმდეგეებმა გააჩაღეს დასავლეთში და ვისაც ისინი ეყრდნობოდნენ და ეყრდნობიან უკრაინაში, ეს უკიდურესი ნაციონალისტები და ნეონაცისტები არიან“, – განაცხადა პუტინმა.

ომი უკრაინაში • 1750424280

უკრაინამ რუსეთის ტყვეობაში მყოფი მძიმედ დაშავებული და მძიმე დაავადებების მქონე მებრძოლების კიდევ ერთი ჯგუფი დაიბრუნა

უკრაინამ სტამბოლის შეთანხმების ფარგლებში, რუსეთის ტყვეობაში მყოფი მძიმედ დაშავებული და მძიმე დაავადებების მქონე მებრძოლების კიდევ ერთი ჯგუფი დაიბრუნა.პრეზიდენტ ვოლოდიმირ ზელენსკის თქმით, უმეტესობამ რუსეთის ტყვეობაში ორ წელზე მეტი გაატარა.„ესენი არიან მარიუპოლის, დონეცკის, ლუგანსკის, ზაპოროჟიეს, ხერსონის, ხარკოვისა და ჩერნიგოვის ოლქის დამცველები, შეიარაღებული ძალები, ეროვნული გვარდიისა და სასაზღვრო სამსახურის მებრძოლები“, – აცხადებს ზელენსკი.უკრაინისთვის გადაცემულ ტყვეებს შორის ყველაზე ხანდაზმული 60 წლისაა. გათავისუფლებულ მებრძოლებს მძიმე სამედიცინო დიაგნოზები აქვთ. მათ შორის, ეპილეფსია, ჰიპერტონია, იშემიური დაავადებები, მხედველობის პრობლემები, საყრდენ-მამოძრავებელი სისტემების დაავადებები.

პოლიტიკა • 1750421760

ნიკოლოზ სამხარაძე პოლონეთის დიპლომატიური მისიის ხელმძღვანელს შეხვდა

საგარეო ურთიერთობათა კომიტეტის თავმჯდომარე ნიკოლოზ სამხარაძე პოლონეთის დიპლომატიური მისიის ხელმძღვანელს, არტურ გებალს შეხვდა.შეხვედრის ფარგლებში მხარეებმა განიხილეს საქართველო-პოლონეთს შორის არსებული ორმხრივი ურთიერთობები და თანამშრომლობის განვითარების შესაძლებლობები.განსაკუთრებული ყურადღება დაეთმო რეგიონული უსაფრთხოების საკითხებს, მათ შორის რუსეთ-უკრაინის ომს, სომხეთსა და აზერბაიჯანს შორის არსებულ ვითარებას და ახლო აღმოსავლეთში მიმდინარე მოვლენებს.ნიკოლოზ სამხარაძემ პოლონელ დიპლომატთან შიდა პოლიტიკურ პროცესებზე, საქართველოს ევროკავშირში ინტეგრაციაზე, საქართველოს ოკუპირებულ რეგიონებში არსებულ რთულ ვითარებასა და ოკუპაციიდან მომდინარე საფრთხეებზე ისაუბრა.

მსოფლიო • 1750421721

რუსეთში ქალს, რომელიც უკრაინელებს საომარი ზონიდან გასვლაში დაეხმარა, პატიმრობა მიუსაჯეს

რუსეთში ქალს, რომელიც უკრაინელებს საომარი ზონიდან გასვლაში დაეხმარა, 22 წლით პატიმრობა მიუსაჯეს.The Moscow Times-ის მიერ 2024 წელს გამოქვეყნებული ანგარიშის მიხედვით, ნადეჟდა როსინსკაია მართავდა ჯგუფს, სახელად "ლამაზთა არმია", რომელიც რუსეთის მიერ კონტროლირებული უკრაინის ტერიტორიებიდან 25 000-მდე ადამიანს გაქცევაში დაეხმარა.პროკურატურის მტკიცებით, როსინსკაიამ Instagram-ზე გამოაქვეყნა პოსტი, რის გამოც, მას ღალატსა და ტერორისტულ აქტივობებში ხელშეწყობაში ედება ბრალი.როსინსკაია 2024 წლის თებერვალში დააკავეს. პროკურატურის მტკიცებით, როსინსკაიამ Instagram-ზე გამოაქვეყნა პოსტი, რომლითაც ხალხს უკრაინის აზოვის ბატალიონისთვის თანხის შეწირვისკენ მოუწოდებდა. პროკურატურა როსინსკაიასთვის 27 წლით პატიმრობას მოითხოვდა.

მსოფლიო • 1750401757

Politico: უკრაინის პრეზიდენტის ოფისის ხელმძღვანელი ვაშინგტონს აღიზიანებს

უკრაინის პრეზიდენტის ოფისის ხელმძღვანელი, ანდრეი ერმაკი აშშ-ის პრეზიდენტის, დონალდ ტრამპის ადმინისტრაციის გაღიზიანებას იწვევს. სტატიას ამ შინაარსით Politico ავრცელებს.როგორც გამოცემა იუწყება, მასალა 14 ადამიანთან - კონგრესმენების თანაშემწეებთან, ყოფილ ამერიკელ და უკრაინელ ჩინოვნიკებთან და ერმაკის ვაშინგტონში მოღვაწეობაში ჩახედულ პირებთან - საუბრის შედეგად არის შექმნილი.„2022 წელს უკრაინაში რუსეთის ფართომასშტაბიანი შეჭრის შემდეგ ერმაკი ვაშინგტონს რეგულარულად სტუმრობს და ადამიანებს უკრაინის პრეზიდენტის შუამავლად ევლინება. თუმცა ვაშინგტონში ბევრი ფიქრობს, რომ ერმაკი ამერიკულ პოლიტიკაში არ ერკვევა, ის მკვეთრია და ამერიკელ ჩინოვნიკებთან მიმართებაში ძალზედ მომთხოვნი, მას აგრეთვე კაპიტოლიუმში ვაშინგტონის ისტებლიშმენტის შიდა პროცესები არ ესმის“, - ნათქვამია სტატიაში.რამდენიმე ადამიანმა გამოცემასთან ეჭვი გამოთქვა, რომ ერმაკს ზელენსკიმდე აშშ-ის პოზიცია არასწორად მიჰქონდა. ერთ-ერმა ადამიანმა ერმაკს „ორპარტიული გამღიზიანებელი“ უწოდა.ივნისის ბოლოს ერმაკმა ვაშინგტონში მორიგი ვიზიტი განახორციელა. აღნიშნული ვიზიტის დროს მას ტრამპის ადმინისტრაციის წარმომადგენლებთან შეხვედრის გამართვა უჭირდა.

მსოფლიო • 1750397941

უკრაინის შეიარაღებული ძალების სახმელეთო ჯარებს ახალი მეთაური ჰყავს

უკრაინის პრეზიდენტმა ვოლოდიმირ ზელენსკიმ შეიარაღებული ძალების სახმელეთო ჯარების ახალ მეთაურად გენერალ-მაიორი გენადი შაპოვალოვი დანიშნა.თავდაცვის უწყების მიერ გამოქვეყნებული ინფორმაციის თანახმად, შაპოვალოვი საბრძოლო გამოცდილების მქონე ოფიცერია, რომელიც ადრე უკრაინის შეიარაღებული ძალების ოპერატიული სარდლობის "სამხრეთის" ჯარებს მეთაურობდა.ოფიციალური ინფორმაციითვე, ის ასევე ასრულებდა ამოცანებს ვისბადენში, ჩრდილოატლანტიკური ალიანსის პარტნიორებთან.

მსოფლიო • 1750393838

უკრაინაში ომი გრძელდება - ოკუპანტმა ღამით ოდესას შეუტია

უკრაინაში ომი გრძელდება - ოკუპანტმა ღამით ოდესას შეუტია. დაშავდა ორი ადამიანი, დანგრეულია სამოქალაქო ინფრასტრუქტურა.საომარი მოქმედებების ფონზე, ომის დასრულების პერსპექტივაზე საუბრობს ვოლოდიმირ ზელენსკი. უკრაინის პრეზიდენტის განცხადებით, ისურვებდა, დაპირისპირება უკრაინასა და რუსეთს შორის დონალდ ტრამპის მიმდინარე საპრეზიდენტო ვადაში დასრულდეს.პარალელურად, საერთაშორისო გამოცემა Financial Times-ი ტრამპის მიერ "დიდი შვიდეულის" სამიტის ნაადრევად დატოვების მიზეზს ასაჯაროებს. გამოცემის მიხედვით, ამერიკის შეერთებული შტატების პრეზიდენტს ვოლოდიმირ ზელენსკისთან შეხვედრა არ სურდა.

მსოფლიო • 1750363559

სასურველია, რომ უკრაინაში ომი აშშ-ის პრეზიდენტის, დონალდ ტრამპის ამჟამინდელი ვადის განმავლობაში დასრულდეს - ზელენსკი

სასურველია, რომ უკრაინაში ომი აშშ-ის პრეზიდენტის, დონალდ ტრამპის ამჟამინდელი ვადის განმავლობაში დასრულდეს, – ამის შესახებ უკრაინის პრეზიდენტმა, ვოლოდიმირ ზელენსკიმ ვიდეომიმართვაში განაცხადა.„ჩვეულებრივი საცხოვრებელი შენობა. რაკეტამ ყველა სართული გაიარა და სარდაფშიც ჩააღწია. ამ დარტყმას არანაირი სამხედრო დანიშნულება არ ჰქონდა, მან რუსეთს სამხედრო თვალსაზრისით აბსოლუტურად არაფერი შესძინა. ეს არის განზრახ ჩადენილი ტერორი, იგივე, რასაც პუტინის ხელმძღვანელობით რუსეთის არმია ყველგან აკეთებდა: ჩეჩნეთიდან სირიამდე“, – აღნიშნა მან.ზელენსკის თქმით, უკრაინის მიმართ გლობალური სოლიდარობის ამჟამინდელი დონე და რუსეთზე გლობალური ზეწოლა საკმარისი არ არის და სანქციები „მნიშვნელოვნად“ უნდა გამკაცრდეს.„ვისურვებდი, რომ ომი პრეზიდენტ ტრამპის პრეზიდენტობის დროს დასრულდეს. მე ძალიან ვენდობი მის დახმარებას. ძალიან ვენდობი შეერთებული შტატების გავლენას. სწორედ ეს შეიძლება დაგვეხმაროს. სანქციებია საჭირო. დიპლომატია. უსაფრთხოებაა საჭირო“, – განაცხადა ზელენსკიმ.

მსოფლიო • 1750356827

ტრამპმა „დიდი შვიდეულის“ სამიტი ნაადრევად იმის გამო დატოვა, რომ არ მოსწონს მაკრონი და არ სურდა ზელენსკისთან შეხვედრა - „ფაინენშალ თაიმსი“

დონალდ ტრამპმა „დიდი შვიდეულის“ სამიტი ნაადრევად იმის გამო დატოვა, რომ არ მოსწონს მაკრონი და არ სურდა ზელენსკისთან შეხვედრა, – ამის შესახებ „ფაინენშალ თაიმსი“ წერს.გამოცემის ცნობით, NATO-ს წლევანდელი სამიტის ორდღიანი სამუშაო სესია, ერთ დღემდე მხოლოდ იმ მიზნით შეამცირეს, რომ თავიდან აირიდონ აშშ-ის პრეზიდენტის მიერ სამიტის ნაადრევად დატოვების შემთხვევა, როგორც ეს რამდენიმე დღის წინ კანადაში, „დიდი შვიდეულის“ სამიტის შემთხვევაში მოხდა. როდესაც დონალდ ტრამპმა განაცხადა, რომ თეთრ სახლში ნაადრევად დაბრუნება ისრაელსა და ირანს შორის კონფლიქტის მოსაგვარებლად სჭირდებოდა.თუმცა, გამოცემა წერს, რომ საქმის კურსში მყოფი პირები „ირწმუნებიან, რომ მისი გადაწყვეტილება წასვლის თაობაზე, ნაწილობრივ გამოწვეული იყო საფრანგეთის პრეზიდენტ ემანუელ მაკრონით გაღიზიანებით, რომელიც კანადაში ჩასვლამდე გრენლანდიას ეწვია და გააკრიტიკა ტრამპის გეგმები, კონტროლი მოიპოვოს კუნძულზე, და რომ აშშ-ის პრეზიდენტს არ გააჩნია უკრაინის ლიდერთან შეხვედრის ინტერესი“.