საზოგადოება • 1790775201

„ღამის სერენადების“ ფარგლებში შემოქმედებითი მასტერკლასი ჩატარდა

ფესტივალ „ღამის სერენადების“ ფარგლებში, კავშირ „მშობელთა ხიდის“ ბენეფიციარებისთვის მასტერკლასი გაიმართა. შეზღუდული შესაძლებლობების მქონე პირებისთვის მასტერკლასი მხატვარ-დიზაინერმა ნინო მირიანაშვილმა ჩაატარა.მასტერკლასი კულტურის სამინისტროსა და თბილისის მერიის მხარდაჭერით ჩატარდა და მასში მონაწილეობა 30-მდე შშმ პირმა მიიღო. „ღამის სერენადები“ საქართველოში მუსიკალური ფესტივალის ჩატარების ტრადიციას მეოცე საუკუნის 80-იანი დასაწყისიდან განაგრძობს. მისი დამაარსებელი ლიანა ისაკაძეა. სამხატვრო ხელმძღვანელი კი - გიორგი ისაკაძე. ფესტივალის დირექტორია ნინა ცაგარელი, ორგანიზატორი - კომპანია „არტ ალიანსი“. ნინო მირიანაშვილი, მხატვარ-დიზაინერი: "ვიოლინოს ლეგენდარული ვირტუოზის, ლიანა ისაკაძის მიერ დაარსებული საერთაშორისო ფესტივალის „ღამის სერენადების“ ფარგლებში ჩატარდა განსაკუთრებული შემოქმედებითი მასტერკლასი „ვენეციური ნიღბები“, რომელიც სპეციალური საჭიროებების მქონე მოსწავლეებისთვის მოეწყო. ღონისძიების ფარგლებში ბავშვებმა ნამდვილი ვენეციური კარნავალის ატმოსფეროში გადაინაცვლეს. წინასწარ მომზადებული ქაღალდის საფუძვლების გამოყენებით, მოსწავლეებმა საკუთარი ხელით გააფორმეს და შექმნეს უნიკალური, ფერადი ნიღბები — დააწებეს სხვადასხვა ფორმის ქაღალდები ნიღბებს და შეაბეს ელეგანტური ლენტები. ეს პროცესი არ ყოფილა მხოლოდ მხიარული და შემოქმედებითი დღესასწაული: ფერად დეტალებთან მუშაობა და მათი დაწებება მნიშვნელოვნად უწყობს ხელს მოსწავლეთა წვრილი მოტორიკის, ყურადღების კონცენტრაციისა და კოორდინაციის განვითარებას.გულწრფელ მადლობას ვუხდით ფესტივალის დირექტორს, ქალბატონ ნინა ცაგარელს, ამ განსაკუთრებული და მნიშვნელოვანი შეხვედრის ორგანიზებისა და ჩატარებისთვის. „ღამის სერენადების“ მხარდაჭერით გამართულმა მასტერკლასმა ბავშვებს უამრავი ღიმილი, დადებითი ემოცია და შემოქმედებითი სიხარული აჩუქა, ხოლო მათ მიერ შექმნილი ნიღბები ინდივიდუალური ფანტაზიისა და ნიჭის ბრწყინვალე გამოვლინებად იქცა."

ასტროლოგია • 1790022897

„კოსმოსური კარიბჭე იხსნება“ - მიხეილ ცაგარელი საზოგადოებას 23 სექტემბრისთვის სპეციალურ რიტუალს უზიარებს

ასტროლოგ მიხეილ ცაგარელის თქმით, წელიწადში სულ ოთხი განსაკუთრებული დღეა, როდესაც სამყაროში „პორტალი“ იხსნება და დედამიწაზე სასიკეთო ენერგიები შემოდის. ცაგარელი 23 სექტემბერს საზოგადოებას სურვილების ჩამონათვალის შექმნას ურჩევს. „აიღეთ ფურცელი და 23 რიცხვში ჩამოწერეთ სურვილები: მიუთითეთ სახელი, გვარი, თუ რით გინდათ მიაღწიოთ მიზნებს და განსაზღვრეთ კონკრეტული ვადა. ასე გააკეთა მსახიობმა ჯიმ ქერიმ, რომელმაც დაწერა, რომ 5 წლის შემდეგ 10 მილიონი სურდა. ზუსტად ხუთ წელში მან მიიღო როლი, სადაც სწორედ 10 მილიონი გამოიმუშავა. კოსმოსური კარიბჭე გაძლევთ საშუალებას ეს „ჩეკი განაღდდეს“, - აცხადებს ცაგარელი. 

ასტროლოგია • 1789416185

„დედამიწა უარყოფით ენერგოველში შედის...“ - მიმდინარე კვირის ასტროლოგიური პროგნოზი მიხეილ ცაგარელისგან

საინტერესო მოვლენებით აღსავსე კვირაა. შეხვედრა, მოლაპარაკება, ხელშეკრულება, ეს ყველაფერი რეკომენდებულია 18 სექტემბრამდე.შემდეგ კვირას დედამიწა უარყოფით ენერგოველში შედის, რაც ნიშნავს მეტს სირთულეებს, პრობლემებს. დღეს, 14 სექტემბერს შავი მთვარე (ლილიტი) ცხრა თვით თხის რქაში გადადის. რისკჯგუფშია ძვლოვანი სისტემა, ხერხემალი, სახსრები, მუხლები. მოტეხილობების დროა. ფრთხილად იყავით გვირაბებში, მეტროში.ეკოლოგიური საფრთხის ალბათობაც არის. მიმდინარე კვირაში გვაქვს 4 გეომაგნიტური დღე: ორშაბათი, პარასკევი, შაბათი და კვირა. გარდა ამისა, ასტეროიდი ქირონი, სამართლიანობის სიმბოლო გადადის ვერძში. ხვალ და ზეგ კოსმოსი მოუწყობს გამოცდას იმ ადამიანებს, ვისაც ფინანსური საკითხები, ურთიერთობები არამდგრადი აქვს. შაბათი და კვირა კარგია მავნე ჩვევებისგან თავის დასაღწევად. 

განათლება • 1789396440

ქუთაისის საერთაშორისო უნივერსიტეტში ახალი აკადემიური წელი დაიწყო

ქუთაისის საერთაშორისო უნივერსიტეტში (KIU) ახალი აკადემიური წელი დაიწყო. სასწავლო წლის დაწყებასთან დაკავშირებით, პირველკურსელების საზეიმო მიღება გაიმართა. შეხვედრაზე მისასალმებელი სიტყვით წარდგნენ ქუთაისის საერთაშორისო უნივერსიტეტის აღმასრულებელი დირექტორი/რექტორი ვახტანგ ცაგარელი და KIU-ს კანცლერი ლევან კოპალიანი.პირველკურსელებს შესაძლებლობა ჰქონდათ გაცნობოდნენ KIU-ს სკოლების დეკანებს, მოესმინათ პროგრამების შესახებ მნიშვნელოვანი ინფორმაცია და მიეღოთ ამომწურავი პასუხები მათთვის აქტუალურ აკადემიურ და ადმინისტრაციულ საკითხებთან დაკავშირებით.KIU 2026-2027 აკადემიურ წელს მნიშვნელოვანი სიახლეებითა და მიზნებით შეხვდა.  უნივერსიტეტმა პირველად მიიღო სტუდენტები ორ ახალ - ფიზიკისა და არქიტექტურის ინგლისურენოვან საბაკალავრო პროგრამაზე. ახალი და უკვე მოქმედი პროგრამების უმრავლესობა მიუნხენის ტექნიკურ უნივერსიტეტთან (TUM) და ასევე, ევროპის წამყვან უნივერსიტეტებთან თანამშრომლობით ხორციელდება. პროგრამებს უძღვებიან როგორც ქართველი, ისე უცხოელი პროფესორები მსოფლიოს წამყვანი უნივერსიტეტებიდან.  2026-2027 სასწავლო წლიდან სწავლას სახელმწიფო აფინანსებს.KIU-ს ერთ-ერთი მთავარი უპირატესობა, აკადემიურ პროგრამებთან ერთად, ულტრათანამედროვე საუნივერსიტეტო ქალაქია. განათლებისა და მეცნიერების რეგიონული მნიშვნელობის ჰაბი სტუდენტებს სთავაზობს როგორც მრავალფეროვან აკადემიურ პროგრამებს უმაღლესი განათლების სამივე საფეხურზე, ასევე, ევროპულ სტანდარტებთან შესაბამის სასწავლო-სამეცნიერო ინფრასტრუქტურასა და სრულად აღჭურვილ საცხოვრებელ სივრცეს.

ასტროლოგია • 1789233154

„ძალიან მნიშვნელოვანი პერიოდი გველის… ფრთხილად იყავით…“ – რას ნიშნავს და რა პერიოდს მოიცავს შავი მთვარე თხის რქის ზოდიაქოში - მიხეილ ცაგარელის პროგნოზი

მიხეილ ცაგარელი გვიხსნის, რას ნიშნავს შავი მთვარე თხის რქის ზოდიაქოში. როგორც ასტროლოგი გადაცემაში, „შუადღის“ ეთერში ამბობს, მნიშვნელოვანი პერიოდი დგება ზოდიაქოს ყველა ნიშნისთვის, რაც იმას ნიშნავს, რომ 14 სექტემბრიდან 2027 წლის 11 ივნისამდე, გადის ყველა ნიშანს, ამ პერიოდში კი ის იქნება თხის რქის ზოდიაქოში.

საზოგადოება • 1789051043

შუქი გაითიშება - გადაამოწმეთ თქვენი მისამართი

11 სექტემბერს შუქი გაითიშება. ინფორმაციას "თელასი" ავრცელებს. "დიდუბის რაიონიგადაუდებელი სამუშაოების გამო 11:00 საათიდან 15:00 საათამდე შეზღუდვა შეეხება: დიღმის მასივის I, III, IV, VI კვარტლების, რობაქიძის გამზირის (ნაწილობრივ), მიქელაძის, ახმეტელის, ლუბლიანას, ჯორჯ ბალანჩინის და აკაკი ბელიაშვილის ქუჩების მოსახლეობას.საბურთალოს რაიონიგადაუდებელი სამუშაოების გამო 10:30 საათიდან 11:30 საათამდე შეზღუდვა შეეხება: პეკინის გამზირის (ნაწილობრივ), ყაზბეგის გამზირის (ნაწილობრივ), ცინცაძის, ბახტრიონის, ქუთათელაძის, გამრეკელის, სხირტლაძის, შმიდტის, კუტუზოვის, საირმის, მიცკევიჩის, ცაგარელის, ნუცუბიძის, საბურთალოს და ბურძგლას ქუჩების მოსახლეობას.კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება",- ნათქვამია განცხადებაში

განათლება • 1788950829

ქუთაისის საერთაშორისო უნივერსიტეტში ინოვაციებისა და სტარტაპ-აქსელერაციის საზაფხულო სკოლა - 2026 დასრულდა

ქუთაისის ტექნოლოგიურ ჰაბში, ქუთაისის საერთაშორისო უნივერსიტეტისა (KIU) და საქართველოს ეკონომიკისა და მდგრადი განვითარების სამინისტროს ინოვაციების და ტექნოლოგიების სააგენტოს (GITA)  ერთობლივი პროექტის - ინოვაციებისა და სტარტაპ-აქსელერაციის საზაფხულო სკოლის შემაჯამებელი ღონისძიება გაიმართა.ღონისძიება გახსნეს ქუთაისის საერთაშორისო უნივერსიტეტის აღმასრულებელმა დირექტორმა/რექტორმა, ვახტანგ ცაგარელმა და საქართველოს ეკონომიკისა და მდგრადი განვითარების სამინისტროს ინოვაციების და ტექნოლოგიების სააგენტოს (GITA) თავმჯდომარემ, ავთანდილ კასრაძემ.პროგრამის ფარგლებში, KIU-ს სტუდენტებმა მიიღეს ცოდნა და პრაქტიკული გამოცდილება სტარტაპის შექმნისა და განვითარების მიმართულებით. ახალგაზრდები რამდენიმე კვირის განმავლობაში ამუშავებდნენ საკუთარ იდეებსა და ინოვაციური პროექტების მოდელებს, რომლებიც პროგრამის დასკვნით ეტაპზე ჟიურის წინაშე წარადგინეს. ყველა მონაწილეს გადაეცა სერტიფიკატი. ინოვაციების საზაფხულო სკოლა ახალგაზრდებს აძლევს შესაძლებლობას, იდეა რეალურ პროექტად აქციონ და სტარტაპის შექმნისთვის საჭირო პრაქტიკული გამოცდილება მიიღონ.აღნიშნული საზაფხულო სკოლა, KIU-ს და GITA-ს  შორის არსებული თანამშრომლობის ფარგლებში, ყოველწლიურად ხორციელდება. მასში, 2021 წლიდან, KIU-ს 250-ზე მეტი სტუდენტი მონაწილეობდა. პროგრამის მიზანია ახალგაზრდებში ინოვაციური და სამეწარმეო უნარების განვითარება და მათი ჩართულობის გაზრდა საქართველოს სტარტაპ და ინოვაციების ეკოსისტემაში.

პოლიტიკა • 1788934777

ავთანდილ კასრაძე: ინოვაციებისა და სტარტაპ აქსელერაციის საზაფხულო სკოლა ახალგაზრდებს აძლევს შესაძლებლობას, იდეა რეალურ პროექტად აქციონ

ქუთაისის ტექნოლოგიურ ჰაბში ინოვაციების და ტექნოლოგიების სააგენტოსა და ქუთაისის საერთაშორისო უნივერსიტეტის ერთობლივი პროექტის ინოვაციებისა და სტარტაპ აქსელერაციის საზაფხულო სკოლის შემაჯამებელი ღონისძიება გაიმართა.ღონისძიება საქართველოს ინოვაციების და ტექნოლოგიების სააგენტოს თავმჯდომარემ ავთანდილ კასრაძემ და ქუთაისის საერთაშორისო უნივერსიტეტის რექტორმა ვახტანგ ცაგარელმა გახსნეს.როგორც ინოვაციების და ტექნოლოგიების სააგენტოს თავმჯდომარე ავთანდილ კასრაძემ განაცხადა, ინოვაციებისა და სტარტაპ აქსელერაციის საზაფხულო სკოლა ახალგაზრდებს აძლევს შესაძლებლობას, იდეა რეალურ პროექტად აქციონ და სტარტაპის შექმნის პრაქტიკული გამოცდილება მიიღონ.„პროგრამის წარმატებაში განსაკუთრებული მნიშვნელობა აქვს ქუთაისის საერთაშორისო უნივერსიტეტთან პარტნიორობას, რომლის ჩართულობა აკადემიურ ცოდნას, ინოვაციებსა და მეწარმეობას ერთმანეთთან აკავშირებს. ჩვენი თანამშრომლობით, 2021 წლიდან პროგრამაში უკვე 250-მდე სტუდენტი ჩაერთო. გვჯერა, რომ ასეთი ინიციატივები აძლიერებს ახალგაზრდების შესაძლებლობებს და ქმნის საქართველოს ინოვაციური ეკოსისტემის მომავალს,” - აღნიშნა ავთანდილ კასრაძემ.წელს ინოვაციებისა და სტარტაპ აქსელერაციის საზაფხულო სკოლაში 40-მა ახალგაზრდამ მიიღო მონაწილეობა. ორი თვის განმავლობაში, ბანაკის მონაწილეები გუნდებად მუშაობდნენ, მიიღეს ცოდნა და პრაქტიკული გამოცდილება სტარტაპის შექმნისა და განვითარების მიმართულებით. ასევე იმუშავეს იდეების ვალიდაციაზე, ბიზნეს მოდელის შექმნასა და ინოვაციური პროექტების განვითარებაზე.პროგრამის დასკვნით ეტაპზე ჟიურის წინაშე რვა გუნდმა წარადგინა საკუთარი ინოვაციური იდეები და პროექტები.

საზოგადოება • 1788521572

საქართველოს ბანკი x Emolas Corporation - ამერიკაში ქართული კულტურის ღონისძიებების ახალი სერია იწყება

საქართველოს ბანკი ემიგრანტების მხარდაჭერას აგრძელებს და Emolas Corporation-ის პარტნიორობის ფარგლებში, ამერიკაში მცხოვრები ქართველებისთვის კულტურული ღონისძიებების ახალ სერიას აანონსებს. თანამშრომლობის ფარგლებში, უკვე არაერთი მნიშვნელოვანი ღონისძიება და კონცერტი გაიმართა, მათ შორის სამეფო უბნის თეატრის გასტროლი ნიუ-იორკში.ამჯერად, 2026–2027 წლების კულტურული სეზონი Georgia is the Great სახელწოდებით გაიმართება. ის აერთიანებს სხვადასხვა ჟანრის ღონისძიებებს - მუსიკას, თეატრს, კლასიკურ და თანამედროვე ხელოვნებას, ელექტრონულ მუსიკასა და ქართულ საშემსრულებლო ხელოვნებას.ახალი სეზონი 9 ოქტომბერს ნიუ-იორკში, Sony Hall-ში, Worth the Wait ღონისძიებით გაიხსნება, 11 ოქტომბერს კი ფილადელფიაში, Fabrika-ში გაგრძელდება. საღამოს მთავარი სიურპრიზი ქართველი არტისტის ამერიკულ სცენაზე გამოჩენა იქნება, რომლის ვინაობასაც ორგანიზატორები ღონისძიებამდე არ ამხელენ.17-18 ოქტომბერს ბრუკლინში, 1896-ის სივრცეში, ორდღიანი ელექტრონული მუსიკის ფესტივალი - EZO Festival გაიმართება. საქართველოს ბანკის მომხმარებლებისთვის ფესტივალის ბილეთებზე სპეციალური ფასდაკლება მოქმედებს 10 სექტემბრამდე. ბილეთების შესაძენად ეწვიეთ ბმულს.ქართული მუსიკისა და კინოს მოყვარულებს განსაკუთრებული საღამო ელოდებათ 29 ნოემბერს, ნიუ-იორკის The Town Hall-ში, სადაც ნიკოლოზ რაჭველი:Memory Card ღონისძიება გაიმართება. კონცერტში მონაწილეობას მიიღებენ ნინო ქათამაძე, ნატალიკო ქუთათელაძე, გიორგი ცაგარელი, ბექა გოჩიაშვილი და გიორგი უშიკიშვილი;2027 წლის 10 თებერვალს, კარნეგი ჰოლის სცენაზე ნინო სურგულაძის  და ჯონათან ტეტელმანის ვალენტინობის დღისადმი მიძღვნილი  გალა კონცერტი გაიმართება, რომელსაც კონსტანტინე ორბელიანი უდირიჟორებს.ქართული კულტურის ახალი სეზონის ერთ-ერთი მნიშვნელოვანი ღონისძიება საქართველოს სახელმწიფო ბალეტის გასტროლია - 16-18 აპრილს ნიუ-იორკის Lincoln Center-ის David H. Koch Theater-ში მაყურებელი გედების ტბას იხილავს.სეზონის პროგრამას კი დაასრულებს  გიორგი გიგაშვილისა და ნინი ნუცუბიძის ერთობლივი პროექტი - Georgian on My Mind. ღონისძიება 23 აპრილს ნიუ იორკში - The Appel Room, Jazz at Lincoln Center-ში, ხოლო 25 აპრილს ლოს-ანჯელესში გაიმართება.თვალი ადევნეთ საქართველოს ბანკის არხებს და არ გამოგრჩეთ Georgia is the Great-ის ფარგლებში დაგეგმილი ღონისძიებები. საქართველოს ბანკის მომხმარებლებს ბილეთების შეძენისას სპეციალური შეთავაზებით სარგებლობა შეეძლებათ.ინფორმაციისთვის, საქართველოს ბანკისა და Emolas Corporation-ის თანამშრომლობის ფარგლებში დაგეგმილი ღონისძიებები ქართული კულტურის საერთაშორისო პოპულარიზაციას, ქართველი არტისტების მსოფლიო სცენებზე წარმოჩენასა და აშშ-ში მცხოვრებ ქართულ დიასპორასთან კულტურული კავშირის გაძლიერებას ემსახურება. ბანკისთვის ემიგრანტების მხარდაჭერა ერთ-ერთი მნიშვნელოვანი მიმართულებაა, რომლის ფარგლებშიც საზღვარგარეთ მცხოვრები ქართველებისთვის სხვადასხვა ფინანსური, კულტურული და სოციალური ინიციატივა ხორციელდება.

ასტროლოგია • 1788250920

„დედამიწა პოზიტიურ ენერგოველში გადადის“ - ასტროპროგნოზი მიხეილ ცაგარელისგან

მიხეილ ცაგარელის თქმით, დედამიწა პოზიტიურ ენერგოველში გადადის.ნახეთ, რა ელოდება ზოდიაქოს თითოეულ ნიშანს:ვერძი: ენერგოტონუსი ეცემა, ჯანმრთელობა ნაკლებად მდგრადია, ამიტომ დასვენება თქვენთვის უპრიანია. თქვენი აღიარების სურვილი მოიმატებს, გარკვეული სირთულეები ჯანმრთელობასთან და კოლეგებთან დაკავშირებით იჩენს თავს. კურო: ენერგოტონუსი მატულობს, შესაძლებლობები კვირის მეორე ნახევარში უფრო მეტი გექნებათ. მეტი დრო დაუთმეთ შვილებს და მათ პრობლემებს. რაც უფრო კარგი ურთიერთობა გექნება სასიყვარულო პარტნიორთან, მით უფრო კარგი შესაძლებლობები გექნებათ. ტყუპები: ნეგატიური პერიოდია განსაკუთრებით ჯანმრთელობის კუთხით, ენერგოტონუსი მცირდება და თავს დაღლილობა იჩენს. ყური დაუგდეთ თქვენს ორგანიზმს და ნუ გადაიღლებით კირჩხიბი: ენერგოტონუსი უმჯობესდება, ჯანმრთელობა მდგრადი ხდება. ადვილად მოხვდებით ყურადღების ცენტრში, გექნებათ საინტერესო იდეები. კარიერაში გექნებათ წინსვლა. ლომი: ცოტა უნდა შეამციროთ აქტიურობა, ენერგოტონუსი ეცემა და ჯანმრთელობა არამდგრადია. გაქვთ საშუალება ისიამოვნოთ თქვენი ტრიუმფით, რაც წინა პერიოდში მოიპოვეთ. ქალწული: ახლა თქვენი დროა, დიდხანს ელოდით. მზე თქვენს ზოდიაქოშია, რაც საშუალებას გაძლევთ იმოქმედოთ დინამიკურად, იყოთ ჰარმონიაში, კარგად გაერკვიეთ თქვენი მიზნების პრიორიტეტებში. სასწორი: ყველაზე რთული, დაბადების წინა პერიოდია, რის გამოც დისკომფორტს იგრძნობთ. ფარული მტრები, ჭორები თქვენს საწინააღმდეგოდ იმოქმედებს. აკონტროლეთ რა ხდება ზურგს უკან, შემოიფარგლეთ ყოველდღიური საქმით. მორიელი: საკმაოდ კარგი პერიოდია, ენერგოტონუსი უმჯობესდება, ჯანმრთელობა მდგრადია და ინტუიცია იზრდება. მოიმატებს თქვენი შარმი და მიზიდულობა. ილუზიებს აღარ დაყრდნობით, რის გამოც შეგიძლიათ იყოთ წარმატებული. მშვილდოსანი: ცოტა დაღლილობა დაგეტყობათ, რაც თვითრწმენას შეგიმცირებთ. ფინანსურ საკითხებში შესაძლოა გამოასწოროთ მოქმედებები. ეს პერიოდი ხელს შეგიწყობთ ახალი პერსპექტიული პროექტების დასახვას, განხორციელებას. თხის რქა: თქვენთვის საკმაოდ კარგი პერიოდია, ორგანიზმი მდგრადია, ჯანმრთელობა უმჯობესდება და ენერგოტონუსიც იმატებს. კარგი პერიოდია უცხოეთთან ურთიერთობისთვის, სწავლისთვის. მემკვიდრეობასთან და უძრავ ქონებასთან დაკავშირებულ საკითხებს მოაგვარებთ. მერწყული: ენერგოტონუსი ეცემა, ამიტომ ნუ გადაიღლებით. ეს ის პერიოდია, როცა თავს იჩენს ემოციური არასტაბილურობა. იყავით ფრთხილად და ყურადღებით, დაიცავით საიდუმლო. თევზები: გამოცოცხლდებით, პერიოდი თქვენთვის უდავოდ კარგია. მატულობს ენერგოტონუსი, ჯანმრთელობა უმჯობესდება, ხდებით აქტიური და ენერგიული, ინიციატივიანი. შეგიძლიათ ინტუიციაზე დაყრდნობით სწორი გადაწყვეტილებები მიიღოთ. 

საზოგადოება • 1788186189

შუქი გაითიშება - ქუჩების ჩამონათვალი

1 სექტემბერს შუქი გაითიშება. ინფორმაციას „თელასი" ავრცელებს. „საბურთალოს რაიონიგადაუდებელი სამუშაოების გამო 11:00 საათიდან 15:00 საათამდე შეზღუდვა შეეხება: სააკაძის მოედნის, 26 მაისის მოედანი, პეკინის გამზირის, ყაზბეგის გამზირის (ნაწილობრივ), გამსახურდიას გამზირის, იოსებიძის, ბუკიას, საბურთალოს, არჩილ სულაკაურის, ვახტანგ ჭაბუკიანის, მერაბ კოსტავას, ბახტრიონის, ცინცაძის, ხვიჩიას, იყალთოს, საირმის, შმიდტის, მელიტონ და ანდრია ბალანჩივაძეების, ბურძგლას, გამრეკელის, მიცკევიჩის, ცაგარელის და მიჩურინის ქუჩების მოსახლეობას",- ნათქვამია განცხადებაში. 

კულტურა • 1787817614

„ღამის სერენადების“ ბათუმის კონცერტები ტრიუმფით დასრულდა

ლიანა ისაკაძის სახელობის საერთაშორისო ფესტივალი „ღამის სერენადები“  ბათუმში დასრულდა. ბათუმის დრამატული თეატრის სცენაზე სპეციალურად „ღამის სერენადებისთვის“ შექმნილი უნიკალური მუსიკალური პროექტი „ტანგო – ოპერაციონე“  წარმოადგინეს მსოფლიოში აღიარებულმა, ახალგაზრდა ქართველმა მუსიკოსებმა - პიანისტმა გლორია კამპანერიმ, ბანდონეონისტმა მარიო სტეფანო პიეტროდარკიმ, სოპრანომ მარიკა მაჩიტიძემ და ფლეიტისტმა ნიკოლოზ ვადაჭკორიამ. ვირტუოზი ქართველი და უცხოელი შემსრულებლების პერფორმანსს მაყურებლის მქუხარე აპლოდისმენტები მოჰყვა. უნიკალური მუსიკალური პროექტის ფარგლებში შესრულდა ასტორ პიაცოლას „მარტოობა“, „შემოდგომა“ და „ზაფხული“ „ბუენოს-აირესის წელიწადის დროებიდან“, „ობლივიონი“, „სამხრეთი“; Le Grand Tango; Libertango; „ხარების მილონგა“ ოპერიდან „მარია ბუენოს-აირესიდან“; ჟორჟ ბიზეს „ჰაბანერა“ ოპერიდან „კარმენი“.წლევანდელი „ღამის სერენადები“ ლეგენდარული ქართველი მევიოლინის, ლიანა ისაკაძის დაბადებიდან 80 წლის იუბილეს მიეძღვნა. ფესტივალმა წელსაც ტრადიციულად ქართველი და უცხოელი ვირტუოზი მუსიკოსები და მუსიკალური სამყაროს წარმომადგენლები შეკრიბა.საერთაშორისო მუსიკალური ფესტივალი “ღამის სერენადები”, რომელიც 1982 წელს სახელგანთქმული ქართველი მევიოლინე ლიანას ისაკაძის მიერ დაარსდა, საიუბილეო თარიღთან დაკავშირებით წელს საქართველოს სამ ქალაქში შვიდ გამორჩეულ კონცერტს აერთიანებს. „ღამის სერენადები“ 19 ივლისს ბორჯომში გაიხსნა,  21, 23 და 25 აგვისტოს ბათუმში გადაინაცვლა, დასკვნითი კონცერტები 16, 18 და 20 სექტემბერს თბილისში გაიმართება.ფესტივალი  საქართველოს კულტურის სამინისტროს, სსიპ „შემოქმედებითი საქართველო“, აჭარის ავტონომიური რესპუბლიკის კულტურის სამინისტროს, თბილისის, ბათუმის, ბორჯომის მერიების, საქართველოში იტალიის საელჩოს, თბილისის ზაქარია ფალიაშვილის სახელობის ცენტრალური სამუსიკო სკოლის „ნიჭიერთა ათწლედი“ მხარდაჭერით ტარდება. ფესტივალის „ღამის სერენადები“ სამხატვრო ხელმძღვანელია გიორგი ისაკაძე, ორგანიზატორი კომპანია „არტ ალიანსი“, ფესტივალის დირექტორი კი ნინა ცაგარელი.როგორც ფესტივალის “ღამის სერენადების“ სამხატვრო ხელმძღვანელმა გიორგი ისაკაძემ განაცხადა, ბორჯომის გახსნითი და ბათუმის სამი კონცერტით ფესტივალის საზაფხულო ნაწილი დასრულდა, თბილისის კონცერტებზე კი განსაკუთრებულად საინტერესო და მრავალფეროვანი პროგრამა ელოდება. „ჩემთვის განსაკუთრებით სასიხარულოა, რომ წელს, ლიანა ისაკაძის 80 წლის იუბილესადმი მიძღვნილ ფესტივალზე, მაყურებელმა ასეთი დიდი ინტერესი და სიყვარული გამოავლინა. ბათუმში ერთმანეთისგან სრულიად განსხვავებული, მაგრამ ძალიან ემოციური და დასამახსოვრებელი საღამოები შედგა, შესანიშნავი მუსიკოსებით, მრავალფეროვანი პროგრამებით და, რაც ყველაზე მთავარია, საოცარი მაყურებლით. დარბაზის რეაქცია და ის ემოცია, რომელსაც ამ დღეებში ვგრძნობდით, ჩვენთვის საუკეთესო შეფასებაა. მაგრამ „ღამის სერენადები 2026“ ჯერ არ დასრულებულა. წინ თბილისია და მინდა, ყველა მუსიკის მოყვარულს  ვუთხრა - გელოდებით!“-აღნიშნა გიორგი ისაკაძემ.წლევანდელი ფესტივალი ორმაგად ემოციური და საპასუხისმგებლოა ფესტივალის დირექტორის ნინა ცაგარელისთვის. მისი სიტყვებით, "ბათუმში კონცერტები დავასრულეთ სპეციალურად ფესტივალისთვის შექმნილი მუსიკალური პროექტით "ტანგო ოპერაციონე", რომელიც ტანგოს ცეცხლოვან რიტმებსა და ოპერის კლასიკურ ვოკალს აერთიანებს. მაყურებლის ოვაციები, ბისები და აღფრთოვანება ჩვენ ძალიან გვახარებს. წელს ფესტივალი ლიანა ისაკაძის 80 წლის იუბილეს აღნიშნავს, ამიტომ ეს წელი ჩვენთვის ორმაგად ემოციური და საპასუხისმებლოა“.ემოციურია ფესტივალის მონაწილეთა შეფასებებიც.გლორია კამპანერი, პიანისტი: „უბედნიერესი ვარ, რომ დავბრუნდი საქართველოში. ბათუმში პირველად ვარ ლიანა ისაკაძის საერთაშორისო ფესტივალის ფარგლებში. დაუვიწყარი კონცერტი იყო. საოცარი მონაწილეებითა და არაჩვეულებრივი მსმენელით. მოხარული ვარ, რომ ამ კონცერტში ჩემს მეგობართან მარიო სტეფანო პიეტრო დარკისთან და არაჩვეულებრივ ქართველ სოპრანოსთან მარიკა მაჩიტიძესთან ერთად მივიღე მონაწილეობა."ალესანდრო ბარიკო, მუსიკალური კრიტიკოსი: „პირველად ვარ საქართველოში, ბათუმში. ფანტასტიური ქვეყანა და გასაოცარი ხალხია. ძალიან სასიამოვნო და შთამბეჭდავი საღამო იყო. გავიცანი და აღმოვაჩინე არაჩვეულებრივი მუსიკოსები და შემსრულებლები. ასტორ პიაცოლას შემოქმედებას ათასობით თაყვანისმცემელი ჰყავს, ერთ-ერთი მეც გახლავართ და მესიამოვნა ამ საღამოს მისი მოსმენა ვირტუოზი მუსიკოსების შესრულებით. წარმატებებს ვუსურვებ ფესტივალს და მის შემოქმედებით გუნდს."მარიო სტეფანო პიეტროდარკი, ბანდონეონისტი: „ძალიან მიხარია, რომ წელსაც ვიღებ მონაწილეობას ლიანა ისაკაძის საერთაშორისო ფესტივალში. უნიჭიერეს პიანისტთან გლორია კამპანერთან, სოპრანო მარიკასთან,  ფლეიტისტ ნიკა ვადაჭკორიასთან და  ქართველ მუსიკოსებთან ერთად წარმოვადგინეთ მუსიკალური პროექტი, რომელმაც მსმენელის დიდი მოწონება დაიმსახურა. ჩემთვის უდიდესი პატივია ამ ფესტივალში მონაწილეობა."მარიკა მაჩიტიძე, სოპრანო: „უსაზღვროდ ბედნიერი ვარ და ძალიან მიხარია, რომ მომეცა შესაძლებლობა მონაწილეობა მიმეღო ლიანა ისაკაძის საერთაშორისო ფესტივალში. წლევანდელი ფესტივალი განსაკუთრებულია, რადგან ქალბატონი ლიანას 80 წლის იუბილეს ეძღვნება. ჩემთვის უდიდესი პატივია, რომ ვმონაწილეობდი ორ ძალიან ლამაზ და გამორჩეულ კონცერტში, რომელიც ბათუმელ მსმენელს ვაჩუქეთ. ეს პროგრამა ჩემთვის სიახლე იყო, მოკლე დროში მომიწია შესწავლა. დაუვიწყარი ემოციები მომცა ბრწყინვალე მუსიკოსებთან  თანამშრომლობამ. იმედი მაქვს, რომ ფესტივალთან და მის არაჩვეულებრივ მონაწილეებთან ჩემი თანამშრომლობა ამით არ დასრულდება და მომავალშიც გაგრძელდება. დიდ წარმატებას ვუსურვებ ჩვენი ქვეყნისთვის უმნიშვნელოვანეს "ღამის სერენადებს".ფესტივალი მასპინძელი სასტუმროები: „ბორჯომი ლიკანი“ და „Hilton Garden Inn Tbilisi“.პარტნიორი კომპანიები: პარფიუმერულ მაღაზიათა ქსელი „ლუტეცია“, მცენარეული კოსმეტიკის ფუძემდებელი „ივ როშე“, ნატურალური კოსმეტიკის ქართული წარმოების ბრენდი „პიელ ნატურალსი“, კომპანია „სარაჯიშვილი“, ღვინის კომპანია „პავილიონ ვაინსი“, ფარმაცევტული კომპანია „პსპ“, “გუდვილი” – პირველი ჰიპერმარკეტების ქსელი საქართველოში და ავეჯის სახლი „ნიტა“.საინფორმაციო მხარდამჭერები: აჭარის საზოგადოებრივი მაუწყებელი, საქართველოს პირველი არხი, ტელეკომპანია „რუსთავი 2“, ტელეკომპანია „იმედი“, ტელეკომპანია „პოს ტვ“, „Euronews Georgia“, Billboard Georgia, საპატრიარქოს ტელევიზია „ერთსულოვნება“, მედია და ციფრული კომუნიკაციების სააგენტო „კლიპ არტი“, პალიტრა ნიუსი , საინფორმაციო სააგენტო„პრაიმ ტაიმი“, ინგლისურენოვანი გაზეთი ,,Georgia Today’’, ყოველდღიური ინგლისურენოვანი გაზეთი ,, The Messenger’’, ჟურნალი „სარკე“, გაზეთი „აჭარა“, „აჭარა თაიმსი“, რადიო ჰოლდინგი„ფორტუნა“ და ვებ-პლატფორმა Fortuna.ge.