Reuters

მსოფლიო • 1795110900

მერცმა რუსეთს სანქციების შეჩერების პერსპექტივა შესთავაზა იმ შემთხვევაში, თუ მოსკოვი სამშვიდობო მოლაპარაკებებისა და დათმობებისთვის მზადყოფნას გამოთქვამს

გერმანიის კანცლერმა, ფრიდრიხ მერცმა რუსეთს სანქციების შეჩერების პერსპექტივა შესთავაზა იმ შემთხვევაში, თუ მოსკოვი სამშვიდობო მოლაპარაკებებისა და დათმობებისთვის მზადყოფნას გამოთქვამს. ინფორმაციას ამის შესახებ გერმანული მედია ავრცელებს.ამის შესახებ მერცმა ხუთშაბათს, ბერლინში, კანცლერის უწყებაში „მსურველთა კოალიციის“ შეხვედრის დასრულების შემდეგ განაცხადა.მისი თქმით, ტერიტორიულ საკითხებზე მოლაპარაკებების ამოსავალი წერტილი უკრაინაში არსებული ე.წ. შეხების ხაზი უნდა იყოს, თავად უკრაინას კი დასავლური ინტეგრაციის შესაძლებლობა უნდა შეუნარჩუნდეს.„სანაცვლოდ გამოცხადდება რუსეთის წინააღმდეგ დაწესებული სანქციების ეტაპობრივი, კონკრეტულ პირობებზე დამოკიდებული გაუქმება“, - აღნიშნა გერმანიის კანცლერმა.

ევროკომისია

მსოფლიო • 1795103520

POLITICO: ევროპა იმაზე დავობდა, თუ ვინ უნდა დალაპარაკებოდა რუსეთს - იმაზე შეთანხმება, თუ რა უნდა ითქვას, კიდევ უფრო რთულია

მას შემდეგ, რაც ევროკავშირსა და მის მოკავშირეებს შორის უკრაინის შესახებ მოლაპარაკებებზე წარმომადგენლობის საკითხზე უთანხმოება იყო, ისინი ახლა კიდევ უფრო რთული დილემის წინაშე დგანან: რუსეთს ხისტი პოლიტიკით დაუპირისპირდნენ თუ უფრო მოქნილი მიდგომა სცადონ? - წერს გამოცემა POLITICO.ნებისმიერ მოლაპარაკებაში ევროპული გუნდისთვის „წითელ ხაზებზე“, ანუ პრინციპებზე შეთანხმება უკვე უთანხმოების მიზეზი ხდება - ევროკავშირის მთავარი დიპლომატი, კაია კალასი აცხადებს, რომ ევროპელებმა პროცესი მაქსიმალური მოთხოვნების წაყენებით უნდა დაიწყონ, მაშინ როცა ზოგიერთი მთავრობა, მაგალითად ავსტრია, უფრო რბილ მიდგომას, მათ შორის ნდობის აღდგენისკენ მიმართულ ზომებს უჭერს მხარს.„არის მთელი რიგი საკითხებისა, რომლებთან დაკავშირებითაც ევროპამ მკაფიოდ უნდა დააფიქსიროს, რომ განსახილველად მზად არ არის“, - განაცხადა ნორვეგიის საგარეო საქმეთა მინისტრმა, ესპენ ბარტ ეიდემ.გასულ კვირას აბუ-დაბიში რუსეთს, უკრაინასა და აშშ-ს შორის გამართულ მოლაპარაკებებში ევროპა, ფაქტობრივად, ჩართული არ ყოფილა, თუმცა კრემლმა და თეთრმა სახლმა მიანიშნეს, რომ მომავალ შეხვედრებზე ასე აღარ იქნება. მრავალდღიანი უთანხმოების შემდეგ, ევროკავშირის ლიდერები შეთანხმდნენ გუნდზე, რომელიც დაკომპლექტებული იქნება ოთხი წამყვანი ქვეყნის - საფრანგეთის, გერმანიის, იტალიისა და პოლონეთის ოფიციალური პირებით, ასევე დიდი ბრიტანეთის, ნატოს, ევროკომისიისა და ევროპული საბჭოს უმაღლესი წარმომადგენლებით.„ახლა აქცენტი კითხვიდან „ვინ“ კითხვაზე „რა“ უნდა გადავიდეს“, - განაცხადა ავსტრიის საგარეო საქმეთა მინისტრმა, ბეატე მაინლ-რაიზინგერმა.ავსტრიამ დააკონკრეტა, თუ რას შეიძლება მოიცავდეს ნდობის აღდგენისკენ მიმართული ეს ზომები: მაგალითად, უფრო ფართომასშტაბური ზავისთვის ნიადაგის მოსამზადებლად შეზღუდული ან ნაწილობრივი ცეცხლის შეწყვეტის შეთავაზებას, ან ნებისმიერი სამშვიდობო შეთანხმების მონიტორინგისთვის საერთაშორისო ფორუმის შექმნის ინიციატივას.

სამშვიდობო დეკლარაცია

მსოფლიო • 1795101000

Euronews: აშშ-ის, რუსეთისა და ჩინეთის ლიდერებმა სამმხრივი სამიტის შემდეგ „სამშვიდობო დეკლარაცია“ მიიღეს, თუმცა დოკუმენტში უკრაინისა და ირანის ომები ნახსენები არ არის

დონალდ ტრამპის, სი ძინპინისა და ვლადიმირ პუტინის სამმხრივი შეხვედრა ერთობლივი დეკლარაციის მიღებით დასრულდა. მხარეები გაეროს რეფორმებზე, საწვავის მიწოდებასა და ბირთვული რისკების შემცირებაზე თანამშრომლობაზე შეთანხმდნენ, თუმცა დოკუმენტში არაფერია ნათქვამი უკრაინასა და ირანში მიმდინარე ომებზე, - წერს Euronews.სამიტის დასრულების შემდეგ ლიდერებს ერთობლივი განცხადებები არ გაუკეთებიათ, დონალდ ტრამპმა კი შეხვედრის ადგილი დატოვა და პირდაპირ აეროპორტში გაემგზავრა. ამის მიუხედავად, კრემლის მიერ გავრცელებულ ვიდეოში ჩანს, რომ გამომშვიდობებისას ვლადიმერ პუტინმა სი ძინპინს მადლობა გადაუხადა: „მადლობა ამის ორგანიზებისთვის, არა მგონია, ვინმეს სცოდნოდა, რომ ყველაფერი ასე კარგად ჩაივლიდა“.გავრცელებული „სამმხრივი სამშვიდობო დეკლარაციის“ თანახმად, სი ძინპინი, ვლადიმირ პუტინი და დონალდ ტრამპი ადასტურებენ ერთგულებას სტრატეგიული სტაბილურობისა და საერთაშორისო უსაფრთხოების დაცვის მიმართ.დოკუმენტის მიხედვით, სამი ქვეყანა შეთანხმდა გაეროს რეფორმირებაზე, ნავთობპროდუქტების წარმოებისა და მიწოდების გაზრდაზე, ასევე ბირთვული რისკების შესამცირებლად დიალოგის წარმოებაზე. გარდა ამისა, მხარეები შეთანხმდნენ სახელმწიფო მოხელეთა იმუნიტეტის პატივისცემასა და სისხლის სამართლის საერთაშორისო სასამართლოსა და მსგავსი ინსტიტუტების მხრიდან „იურისდიქციის ბოროტად გამოყენების“ წინააღმდეგ გამოსვლაზე.აღსანიშნავია, რომ საბოლოო დეკლარაციაში პირდაპირ არ არის ნახსენები უკრაინა, ირანი, ჩრდილოეთ კორეა და სხვა კონფლიქტური საკითხები, მიუხედავად იმისა, რომ შეხვედრის დაწყებამდე გამართულ ორმხრივ მოლაპარაკებებზე დონალდ ტრამპმა განაცხადა, რომ სურდა განეხილა ბირთვული არსენალის შემცირება, რუსეთის ომი უკრაინაში და „ყველა ის პრობლემა, რაზეც რეალურად მსჯელობენ მსოფლიოში“.

ილონ მასკი

მსოფლიო • 1795085492

ილონ მასკი: ჩვენ, ამერიკელებმა, ხელი შევუწყვეთ სახელმწიფო გადატრიალების მოწყობას, რათა დაგვემხო უკრაინის დემოკრატიულად არჩეული პრორუსი პრეზიდენტი, ეს აშკარად შეტევითი ქმედებაა

ამერიკელი მილიარდერისა და ბიზნესმენის, ილონ მასკის განცხადებით, შეერთებულმა შტატებმა უკრაინის დემოკრატიულად არჩეული პრორუსი პრეზიდენტის დასამხობად სახელმწიფო გადატრიალების მოწყობას შეუწყო ხელი. ამის შესახებ მან The New York Times DealBook Summit-ზე ვიდეოჩართვისას ისაუბრა.როგორც მასკმა აღნიშნა, მიუხედავად იმისა, რომ ამ ომში აგრესორი რუსეთია, აშშ-ის სახელმწიფო დეპარტამენტისა და სხვა უწყებების პირდაპირი დახმარების გარეშე უკრაინაში ხელისუფლების შეცვლა არ მოხდებოდა. მან ეს ქმედება შეტევით გეოპოლიტიკურ ნაბიჯად შეაფასა.„მართალია, შეჭრის თვალსაზრისით აგრესორი რუსეთია, მაგრამ ასევე მართალია, რომ ჩვენ, ამერიკელებმა, ხელი შევუწყვეთ სახელმწიფო გადატრიალების მოწყობას, რათა დაგვემხო უკრაინის დემოკრატიულად არჩეული პრორუსი პრეზიდენტი. ეს აშკარად შეტევითი ქმედებაა. აშშ-ის სახელმწიფო დეპარტამენტისა და სხვა უწყებების დახმარების გარეშე ეს არ მოხდებოდა“.ვიდეოჩართვისას მასკმა ომის გაგრძელებასთან დაკავშირებით საკუთარ პოზიციაზეც ისაუბრა და აღნიშნა, რომ მორალურად ყველაზე მეტად აწუხებს კონფლიქტი, სადაც საზღვრების ცვლილების გარეშე ყოველდღიურად ათასობით ახალგაზრდა იღუპება.მისი თქმით, ემპათია საჭიროა როგორც უკრაინელი, ისე იძულებით გაწვეული რუსი ჯარისკაცების მიმართ, ხოლო მიდგომა, რომ „უკრაინა კარგია, რუსეთი – ცუდი და რუსების წინააღმდეგ ყველაფერი გამართლებულია“, მიუღებელია.ამავდროულად, მასკმა ხაზი გაუსვა, რომ რუსეთის გამართლებას არ ცდილობს და საკუთარი კომპანიის, SpaceX-ის მაგალითი მოიყვანა, რომელმაც, მისი თქმით, რუსეთის კოსმოსური და სარაკეტო აქტივობები მნიშვნელოვნად შეამცირა. ბიზნესმენმა ასევე უარყო უკრაინის პრეზიდენტის, ვოლოდიმირ ზელენსკის განცხადებები აშშ-ის სამთავრობო სისტემის, Starshield-ის გამოყენებასა და მის შენელებასთან დაკავშირებით და აღნიშნა, რომ ზელენსკი „ყოველთვის სიმართლეს არ ამბობს“.

ვლადიმერ პუტინი სი ძინპინი დონალდ ტრამპი

მსოფლიო • 1795081396

პუტინი ტრამპს და სი ძინპინს: ჩვენს სამ ქვეყანას აერთიანებს არა მხოლოდ მეორე მსოფლიო ომში გამარჯვებულების სტატუსი, არამედ მთავარია საერთო პასუხისმგებლობა საერთაშორისო მშვიდობისა და უსაფრთხოების მხარდაჭერის საქმეში

რუსეთის პრეზიდენტის ვლადიმერ პუტინის განცხადებით, რუსეთს, ჩინეთსა და აშშ-ს აერთიანებს არა მხოლოდ მეორე მსოფლიო ომში გამარჯვებულების სტატუსი, არამედ მთავარია საერთო პასუხისმგებლობა საერთაშორისო მშვიდობისა და უსაფრთხოების მხარდაჭერის საქმეში.აღნიშნული განცხადება პუტინმა ჩინეთის პრეზიდენტთან სი ძინპინთან და აშშ-ის პრეზიდენტთან დონალდ ტრამპთან სამმხრივი შეხვედრის დროს გააკეთა.„ჩვენს სამ ქვეყანას აერთიანებს არა მხოლოდ მეორე მსოფლიო ომში გამარჯვებულების სტატუსი, არამედ მთავარია საერთო პასუხისმგებლობა საერთაშორისო მშვიდობისა და უსაფრთხოების მხარდაჭერის საქმეში. ჩვენ გაერთიანებული ერების ორგანიზაციის შექმნის სათავეებთან ვიდექით, ამიტომ მხრებზე გვაწევს საერთაშორისო სამართლის სისტემის შენარჩუნებისა და განმტკიცების ამოცანა, რომელიც შეიქმნა ამ უნივერსალური ორგანიზაციის ფორმირებისას, გაეროს წესდებისა და მასში ასახული პრინციპების ჩათვლით“, - თქვა პუტინმა.როგორც კრემლის ლიდერმა აღნიშნა, რუსეთს, ჩინეთსა და აშშ-ს ბევრი საერთო ინტერესი აქვთ, რეგიონალური კონფლიქტების დარეგულირების ნაწილში, განსაკუთრებით კი, რა თქმა უნდა, უკრაინაში კონფლიქტის ჩათვლით.როგორც პუტინმა აღნიშნა, სამ ქვეყანას საერთო გამოწვევებიც აქვს, საერთაშორისო ტერორიზმისა და ტრანსნაციონალური ორგანიზებული დანაშაულის ჩათვლით.„დარწმუნებული ვარ, რომ რუსეთს, ჩინეთს და აშშ-ს, ჩვენს ხალხებს შეუძლიათ შეიტანონ განსაკუთრებული წვლილი მსოფლიოს უსაფრთხოებასა და სტაბილურობაში, თუ ითანამშრომლებენ კონსტრუქციულად, პარტნიორულად, ურთიერთპატივისცემის, თანასწორობის და ინტერესთა ბალანსის დაცვით“, - თქვა მან.

ილონ მასკი

მსოფლიო • 1795078920

"ზელენსკის "სტარლინკის" გამოყენება სურს შეტევითი სამხედრო ოპერაციებისთვის. ამას თუ დავუშვებთ, "სტარლინკი" ომის მხარე გახდება. მე ამის სურვილი არ მაქვს" - ილონ მასკი

ილონ მასკმა ზელენსკი სატელიტური კავშირის შესახებ ტყუილში დაადანაშაულა და განაცხადა, რომ უკრაინის პრეზიდენტს სტარლინკის გამოყენება შეტევითი სამხედრო ოპერაციებისთვის სურს.SpaceX-ის ხელმძღვანელი ამბობს, რომ კომპანია ამაზე უარს ომის დაწყებიდანვე ამბობს. მასკმა The New York Times-ის სამიტზე ომის წინაპირობებზეც ისაუბრა. მისი თქმით, უკრაინაში შეჭრისას აგრესორი რომ რუსეთი იყო, ამაზე არავინ დაობს.მისივე თქმით, 2014 წელს იანუკოვიჩის ხელისუფლებიდან ჩამოშორება ამერიკის მიერ მოწყობილი გადატრიალება იყო."ეს ტყუილია. ზელენსკი ყოველთვის სიმართლეს არ ამბობს. აქ ორი სისტემა ერთმანეთში ერევათ. "სტარშილდს" აშშ-ის მთავრობა აკონტროლებს, "სტარლინკი" კი კომერციული სისტემაა, რომელიც სამოქალაქო მოხმარებისთვის შეიქმნა. ზელენსკის სწორედ "სტარლინკის" გამოყენება სურს შეტევითი სამხედრო ოპერაციებისთვის. ამას თუ დავუშვებთ, "სტარლინკი" ომის მხარე გახდება. მე ამის სურვილი არ მაქვს. სტარლინკი სამოქალაქო მოხმარებისთვის შევქმენი. ომს რაც შეეხება. მართალია, რომ უკრაინაში შეჭრის თვალსაზრისით რუსეთი აგრესორია. მაგრამ ისიც მართალია, რომ ჩვენ, ამერიკელებმა, სახელმწიფო გადატრიალება მოვაწყვეთ უკრაინის დემოკრატიულად არჩეული პრორუსი პრეზიდენტის დასამხობად. არ მომჩვენებია, რომ ეს შეტევითი მოქმედებაა. ამერიკის შეერთებული შტატების სახელმწიფო დეპარტამენტისა და სხვა უწყებების დახმარების გარეშე ეს არ მოხდებოდა", - აცხადებს ილონ მასკი.

დონალდ ტრამპი სი ძინპინი

მსოფლიო • 1795077844

ტრამპი: პრეზიდენტ სი ძინპინთან განსაკუთრებული პირადი ურთიერთობა ჩამომიყალიბდა, ზოგიერთს ამის მოსმენა არ სიამოვნებს, მაგრამ მე ამით ძალიან ბედნიერი ვარ

მსოფლიოს სამი უდიდესი ბირთვული სახელმწიფოს ლიდერი ერთ მაგიდასთან - ჩინეთში ტრამპის, სი ძინპინისა და პუტინის ისტორიული შეხვედრა დღეს გაიმართება. უპრეცედენტო ფორმატის მოლაპარაკებები აზია-წყნარი ოკეანის ეკონომიკური თანამშრომლობის სამიტის ფარგლებში ქალაქ შენჟენში იმართება.უკრაინის ომი, ირანის ბირთვული პროგრამა, გლობალური უსაფრთხოება, შეიარაღების კონტროლი და სავაჭრო ურთიერთობები - ეს იმ საკითხების ნაწილია, რომლებსაც მხარეები განიხილავენ. სამმხრივ შეხვედრას წინ უძღოდა ტრამპის მოლაპარაკებები ჯერ ვლადიმირ პუტინთან, შემდეგ კი სი ძინპინთან.რუსული მხარის ინფორმაციით, ამერიკისა და რუსეთის პრეზიდენტების საუბრის მთავარი თემა უკრაინაში ომის დასრულება იყო. ჩინეთის ლიდერთან შეხვედრისას კი ტრამპმა განაცხადა, რომ ვაშინგტონსა და პეკინს უკრაინაში ომის დასრულების საერთო ინტერესი აქვთ.რაც შეეხება დონალდ ტრამპისა და სი ძინპინის ორმხრივ შეხვედრას, დონალდ ტრამპმა განაცხადა, რომ მასსა და პრეზიდენტ სი ძინპინს ერთმანეთთან განსაკუთრებული პირადი ურთიერთობა ჩამოუყალიბდათ."ჩვენი ურთიერთობა სულ უფრო მტკიცდება და ეს მართლაც საოცარია. პრეზიდენტ სი ძინპინთან განსაკუთრებული პირადი ურთიერთობა ჩამომიყალიბდა. ეს ნამდვილად ასეა. ზოგიერთს ამის მოსმენა არ სიამოვნებს, მაგრამ მე ამით ძალიან ბედნიერი ვარ. რეგიონული საკითხებიდან დაწყებული, მსოფლიო მშვიდობით დამთავრებული, შეერთებულ შტატებსა და ჩინეთს წამყვანი როლი აქვთ. სხვა ქვეყნებს არ შეუძლიათ იმის გაკეთება, რაც ჩვენ შეგვიძლია. შეერთებული შტატები ბოლო წლებში ძალიან გაძლიერდა. ჩინეთი კი ძლიერი იყო და, ჩემი აზრით, ასეთად დარჩება. დარწმუნებული ვარ, კონკრეტულ შედეგებს მივიღებთ. ორივე ვცდილობთ, ხელი შევუწყოთ რუსეთ-უკრაინის ომის დასრულებას. გვინდა, ეს ომი დასრულდეს. ვფიქრობ, ორივეს სახელით შემიძლია ვთქვა, რომ ამ მიზნის მიღწევა ძალიან გვინდა. ჩემთვის დიდი პატივია თქვენთან ყოფნა. თქვენ ჩემი მეგობარი ხართ და ჩვენ განსაკუთრებული ურთიერთობა გვაქვს. ვფიქრობ, სანამ მე და თქვენ ვიქნებით სათავეში, პრობლემები არასდროს გვექნება," - განაცხადა დონალდ ტრამპმა.

ნო

მსოფლიო • 1795064577

დონალდ ტრამპის, სი ძინპინისა და ვლადიმერ პუტინის პირველი სამმხრივი შეხვედრა - ლიდერები უკრაინაზე, ირანზე, ბირთვულ შეიარაღებასა და ეკონომიკურ თანამშრომლობაზე იმსჯელებენ

რამდენიმე საათში ჩინეთის ქალაქ შენჟენში, APEC-ის სამიტის ფარგლებში, დონალდ ტრამპის, სი ძინპინის და ვლადიმერ პუტინის, ისტორიაში პირველი, სამმხრივი შეხვედრა გაიმართება.ერთობლივ მოლაპარაკებებამდე ამერიკის პრეზიდენტი ორივე ლიდერს პირისპირ შეხვდება.მედია წერს, რომ პუტინთან ტრამპის ორმხრივი დისკუსიის მთავარი თემა უკრაინაში მიმდინარე ომია. ამასთან კრემლს სურს, რომ კონფლიქტის დასრულების საკითხი საერთო ფორმატშიც, სი ძინპინის მონაწილეობით განიხილოს.გამოქვეყნდა ოფიციალური დღის წესრიგიც: შეერთებული შტატების, ჩინეთისა და რუსეთის ლიდერები განიხილავენ ახლო აღმოსავლეთში - ირანში მიმდინარე ესკალაციას, ბირთვული შეიარაღების კონტროლს, ვაჭრობასა და ეკონომიკას - მათ შორის ამერიკაში იშვიათი მინერალების ექსპორტსა და ხელოვნურ ინტელექტთან დაკავშირებულ გამოწვევებს.

ირაკლი კირცხალია

პოლიტიკა • 1795030440

ირაკლი კირცხალია: ე.წ. პოლიტიკური აგენტურული ძალები საზოგადოებაზე რომ ფიქრობდნენ, აგენტები ვერ იქნებოდნენ. მათ ბოლო ათწლეულია საარჩევნო კამპანია არ ჩაუტარებიათ ველზე, საზოგადოებასთან არ ჰქონიათ ურთიერთობა. აგენტმა არ იცის, რა არის სამშობლოს ცნება

თუ კოლექტიურმა ნაცმოძრაობამ რამე გადააფასა, როგორ შეიძლება ყოველდღე, ყოველი მოვლენისა და პროცესის დროს, ყველა მხრივ, ყოველდღე საზოგადოებას შეურაცხყოფა მიაყენო იმ უტიფრობით, რასაც დღეს ჩვენ ვხედავთ? - განაცხადა გადაცემაში „იმედი LIVE“ საპარლამენტო უმრავლესობის ლიდერმა, ფრაქცია „ქართული ოცნების“ თავმჯდომარემ ირაკლი კირცხალიამ. მან უპასუხა კითხვას - უკრაინაში ომის დაწყების დროს არქივი კარგად აჩვენებს, რა პოზიცია ჰქონდათ [ოპოზიციონერ პოლიტიკოსებს] - დღეს ეს გადააფასეს, თუ როგორ უნდა ავხსნათ მათი გამიჯვნა მათივე სიტყვებისგან?„ე.წ. პოლიტიკური აგენტურული ძალები საზოგადოებაზე რომ ფიქრობდნენ, აგენტები ვერ იქნებოდნენ. ვსაუბრობთ ხალხზე, რომლებსაც ბოლო ათწლეულია საარჩევნო კამპანია არ ჩაუტარებიათ ველზე, საზოგადოებასთან არ ჰქონიათ ურთიერთობა. აგენტმა არ იცის, რა არის სამშობლოს ცნება.ვინც მათ ქმედებებს უყურა, განსაკუთრებით ბოლო 2022 წლის შემდეგ, მათი მხრიდან დავალებების შესრულების დინამიკას, ვინც მათ შეცვლილ განცხადებებს, შეცვლილ რიტორიკას და თეთრზე შავის თქმას უსმინა, ამის იქით როგორ შეიძლება ვინმე ჯანსაღად მოაზროვნეს გაუჩნდეს იოტისოდენა ნაპერწკალიც, რომ რომელიმე მათგანს შეიძლება ეროვნული ინტერესი ჰქონდეს“, - აღნიშნა კირცხალიამ.

ნინო წილოსანი

პოლიტიკა • 1795029178

„ლელო“ არის მატყუარათა პარტია, საკუთარი ქვეყნის წინააღმდეგ ემსახურებოდნენ სხვა ქვეყნის მიზნებს - ნინო წილოსანი

პარტია „ლელო - ძლიერი საქართველოს“ მხრიდან წარსულში გაკეთებული განცხადებებისგან დისტანცირების მცდელობას პარლამენტის თავმჯდომარის მოადგილე აფასებს და მათ მატყუარებს უწოდებს.როგორც ნინო წილოსანმა გადაცემაში „ღამის კურიერი“ საუბრის დროს აღნიშნა, პარტია "ლელო" შეგნებულად აყენებდა ისეთ მოთხოვნებს, რომელიც საქართველოს ეკონომიკისა და უსაფრთხოებისთვის დამაზიანებელი იქნებოდა.წილოსანის თქმით, ყველა ნაბიჯი, რომელიც იმ პერიოდში "ქართულმა ოცნებამ" გადადგა, ქართველი ხალხის ინტერესების დაცვას ემსახურებოდა მიზნად."ლელო" არის მატყუარათა პარტია. მარტივი ტესტი არსებობს იმის გამოსავლენად, არიან თუ არა ისინი მატყუარები, თუმც ეს ამომრჩეველს დიდი ხანია დადგენილი აქვს.თავადვე არ უარყოფენ, რომ რუსეთის წინააღმდეგ ორმხრივ სანქციებს ითხოვდნენ. ჩვენი წარდგენილი ბრალიც და დასაბუთებაც ის არის, რომ საკუთარი ქვეყნის წინააღმდეგ ემსახურებოდნენ სხვა ქვეყნის მიზნებს და ცდილობდნენ საქართველო ჩაერთოთ რუსეთის წინააღმდეგ ისეთ დაპირისპირებაში, რომელიც, ერთის მხრივ, ეკონომიკურად დამანგრეველ ეფექტს მოიტანდა, მეორე მხრივ, მოიტანდა რუსეთ-საქართველოს შორის ისედაც კონფლიქტური და საოკუპაციო რეჟიმის კიდევ უფრო მეტად დაძაბვას. განსაკუთრებით მაშინ, როდესაც გაცხარებული ომი იყო დაწყებული უკრაინაში.ყველაზე დიდი მავნებლობა ის არის, რომ თავად არ უარყოფენ, მათ ჰქონდათ ეს გაცხადებული, მათ შორის, პარლამენტში ჰქონდათ რეზოლუცია შემოტანილი ზუსტად ამ მოთხოვნებით, რომ აკრძალულიყო ავიამიმოსვლა, აკრძალულიყო რუსი ტურისტები, რუსეთის მოქალაქეები.წარმოიდგინეთ ადამიანი, რომელსაც პრეტენზია აქვს პოლიტიკოსობაზე და ელემენტარული წარმოდგენა არ აქვს ერთ მილიონამდე თანამოქალაქეზე, რომელიც რუსეთში ცხოვრობს, მათი დიდი ნაწილი რუსეთის მოქალაქეები არიან.ყველაფერი ის, რაც ჩვენ იმ პერიოდში გავაკეთეთ და არ შევზღუდეთ ეს შემოსვლა, უმეტესწილად ეხებოდა ზუსტად იმ ქართველებს, რომლებიც რუსეთში ცხოვრობენ, რათა მათ ამ პერიოდში ჰქონოდათ საკუთარ ქვეყანაში შემოსვლის საშუალება", - განაცხადა ნინო წილოსანმა.

სტუდენტები

საზოგადოება • 1795027640

ვის შეუძლია ერთიანი ეროვნული გამოცდების გარეშე ჩარიცხვა - ახალი გადაწყვეტილება

საქართველოს მოქალაქეებისთვის უმაღლეს საგანმანათლებლო დაწესებულებებში ერთიანი ეროვნული და საერთო სამაგისტრო გამოცდების გარეშე ჩარიცხვის ახალი წესი ამოქმედდა. შესაბამისი ბრძანება 2026 წლის 12 ნოემბერს გამოიცა და გამოქვეყნებისთანავე შევიდა ძალაში.ახალი რეგულაცია განსაზღვრავს, რა პირობებით შეძლებენ საქართველოს მოქალაქეები, რომლებმაც განათლება უცხოეთში მიიღეს ან სწავლა საზღვარგარეთ დაიწყეს, საქართველოს უნივერსიტეტებში გამოცდების გარეშე ჩარიცხვას ან სწავლის გაგრძელებას.ვის შეუძლია ერთიანი ეროვნული გამოცდების გარეშე ჩარიცხვა?ახალი წესის თანახმად, ერთიანი ეროვნული გამოცდების გარეშე სწავლის გაგრძელების შესაძლებლობა ექნებათ საქართველოს მოქალაქეებს, რომლებმაც სრული ზოგადი ან მისი ეკვივალენტური განათლება უცხო ქვეყანაში მიიღეს და ზოგადი განათლების ბოლო ორი წელი საზღვარგარეთ ისწავლეს.ამ შესაძლებლობით ისარგებლებენ ის მოქალაქეებიც, რომლებიც უცხოეთის კანონმდებლობით აღიარებულ უმაღლეს საგანმანათლებლო დაწესებულებაში სწავლობენ ან სწავლობდნენ, მიღებული აქვთ შესაბამისი კრედიტები ან კვალიფიკაცია და სწავლის პერიოდში, სულ მცირე, ერთი სემესტრის განმავლობაში, უცხო ქვეყანაში არანაკლებ 75 დღე ცხოვრობდნენ.აღნიშნული წესი არ ვრცელდება ერთობლივ და გაცვლით საგანმანათლებლო პროგრამებში მონაწილე სტუდენტებზე. ასევე, გათვალისწინებულია შეზღუდვები დისტანციურ პროგრამებთან დაკავშირებით, რომლებიც საქართველოს კანონმდებლობით აღიარებული არ არის.მნიშვნელოვანია, რომ უცხოეთის უნივერსიტეტში სწავლის საფუძველზე ჩარიცხვის მსურველთა ნაწილს ზოგადი უნარების გამოცდის ჩაბარება მაინც მოუწევს. ეს მოთხოვნა ეხება იმ მოქალაქეებს, რომლებმაც უცხოეთის აღიარებულ უმაღლეს საგანმანათლებლო დაწესებულებაში სწავლის უფლება 2019 წლის 1 იანვრიდან მოიპოვეს.ზოგადი უნარების გამოცდას შეფასებისა და გამოცდების ეროვნული ცენტრი წელიწადში ორჯერ, წერილობით ან ელექტრონული ფორმით ჩაატარებს. გამოცდაში მონაწილეობის საფასური 100 ლარია, ხოლო გამსვლელ ქულას ცენტრის დირექტორი განსაზღვრავს.რა იცვლება მაგისტრატურაში ჩარიცხვის შემთხვევაში?ახალი ბრძანება საერთო სამაგისტრო გამოცდების გარეშე სწავლის გაგრძელების შესაძლებლობასაც ითვალისწინებს.ამ უფლებით ისარგებლებენ საქართველოს მოქალაქეები, რომლებმაც შესაბამისი უმაღლესი განათლების აკადემიური ხარისხი უცხოეთში მიიღეს.გამოცდების გარეშე სწავლის გაგრძელებას შეძლებენ ის პირებიც, რომლებიც უცხოეთის აღიარებული უნივერსიტეტის მაგისტრატურაში სწავლობდნენ, დააგროვეს კრედიტები ან მიიღეს შესაბამისი კვალიფიკაცია და აკმაყოფილებენ უცხოეთში ცხოვრების დადგენილ მოთხოვნას.შესაბამისი შესაძლებლობა ექნებათ იმ კანდიდატებსაც, რომლებმაც ბაკალავრიატის საფეხურზე სწავლა საქართველოში ერთიანი ეროვნული გამოცდების გარეშე, დადგენილი წესის საფუძველზე გააგრძელეს.ამასთან, უნივერსიტეტმა უნდა დაადასტუროს, რომ კანდიდატი არჩეული საგანმანათლებლო პროგრამის სწავლების ენას არანაკლებ B1 დონეზე ფლობს.რა დოკუმენტები იქნება საჭირო?გამოცდების გარეშე ჩარიცხვის მსურველებმა, შესაბამისი საფუძვლის მიხედვით, უნდა წარადგინონ საქართველოს მოქალაქეობის დამადასტურებელი დოკუმენტი, უცხოეთში მიღებული განათლების ან კრედიტების დამადასტურებელი საბუთები და არჩეული უნივერსიტეტის ხელმძღვანელის წერილობითი თანხმობა.საჭიროების შემთხვევაში, კანდიდატებს მოეთხოვებათ უცხოეთში სწავლის ბოლო ორი წლის, შესაბამის ქვეყანაში ცხოვრების ან მიღებული განათლების არჩეულ პროგრამასთან შესაბამისობის დამადასტურებელი დოკუმენტებიც.უცხო ენაზე შედგენილი ყველა დოკუმენტი ქართულად უნდა ითარგმნოს და ნოტარიულად დამოწმდეს.როგორ მოხდება განაცხადების განხილვა?კანდიდატების განცხადებასა და თანდართულ დოკუმენტებს განათლების, მეცნიერებისა და ახალგაზრდობის სამინისტროს უმაღლესი განათლების დეპარტამენტი შეამოწმებს.დოკუმენტებში ხარვეზის აღმოჩენის შემთხვევაში, განმცხადებელს მის გამოსასწორებლად გონივრული ვადა მიეცემა, რომელიც სამ თვეს არ უნდა აღემატებოდეს.სამინისტრო უფლებამოსილი იქნება, შინაგან საქმეთა სამინისტროსგან გამოითხოვოს ინფორმაცია კანდიდატის მიერ საქართველოს საზღვრის გადაკვეთის შესახებ. საჭიროების შემთხვევაში, მონაცემები განათლების მართვის საინფორმაციო სისტემაშიც გადამოწმდება.უცხოეთში მიღებული განათლების აღიარებისა და გამოცდების გარეშე სწავლის უფლების მინიჭების მოთხოვნით დაინტერესებულმა პირებმა განათლების ხარისხის განვითარების ეროვნულ ცენტრს უნდა მიმართონ და შესაბამის განაცხადში აღნიშნული მოთხოვნა მიუთითონ.საბოლოო გადაწყვეტილებას სამინისტროს უმაღლესი განათლების დეპარტამენტის უფროსი ან მისი ფუნქციების შემსრულებელი მიიღებს. დადებითი გადაწყვეტილების შემთხვევაში, უნივერსიტეტი ვალდებული იქნება, პირის ჩარიცხვა ერთი წლის ვადაში უზრუნველყოს.რა გამონაკლისებია გათვალისწინებული?ახალი რეგულაცია ითვალისწინებს COVID-19-ის პანდემიისა და უკრაინაში საომარი მოქმედებების შედეგად შექმნილ განსაკუთრებულ გარემოებებსაც.კერძოდ, იმ სტუდენტებზე, რომლებიც უცხოეთის უნივერსიტეტებში 2019-2020 სასწავლო წლის გაზაფხულის სემესტრიდან 2021-2022 სასწავლო წლის გაზაფხულის სემესტრის ჩათვლით პერიოდში პანდემიის გამო დისტანციურ სწავლებაზე გადავიდნენ, შესაბამისი პირობების არსებობისას არ გავრცელდება უცხოეთში 75 დღით ცხოვრების მოთხოვნა.განსაკუთრებული პირობებია გათვალისწინებული უკრაინაში 2021-2022, 2022-2023 ან 2023-2024 სასწავლო წლებში სწავლისა და სრული ზოგადი განათლების მიღების შემთხვევებისთვისაც.გარდა ამისა, ბრძანება ითვალისწინებს ქართულ ენაში მომზადების 60-კრედიტიანი პროგრამის გავლის შესაძლებლობას. პროგრამის დასრულების შემდეგ სტუდენტს შესაბამისი სერტიფიკატის საფუძველზე იმავე უნივერსიტეტში განსაზღვრულ საგანმანათლებლო პროგრამებზე სწავლის გაგრძელება შეეძლება.ბრძანება №154/ნ გამოქვეყნებისთანავე ამოქმედდა. ამასთან, საქართველოს მოქალაქეებთან მიმართებით ძალადაკარგულად გამოცხადდა 2011 წლის 29 დეკემბრის №224/ნ ბრძანების შესაბამისი ნაწილი.ახალი წესის სრული პირობები და პროცედურები გამოქვეყნებულია საქართველოს საკანონმდებლო მაცნეს ვებგვერდზე.

რადოსლავ სიკორსკი

მსოფლიო • 1795022640

რადოსლავ სიკორსკი: ჩინეთს შეუძლია, რუსეთთან სავაჭრო ურთიერთობების შეწყვეტის მუქარით, უკრაინაში ომი დაასრულოს

პოლონეთის საგარეო საქმეთა მინისტრის, რადოსლავ სიკორსკის განცხადებით, უკრაინაში ომი შესაძლოა დასრულდეს, თუ ჩინეთის პრეზიდენტი სი ძინპინი რუსეთის პრეზიდენტ ვლადიმერ პუტინს რუსეთთან სავაჭრო ურთიერთობების შეწყვეტით დაემუქრება.სიკორსკის შეფასებით, ვლადიმერ პუტინი ჩინეთზე სულ უფრო მეტად ხდება დამოკიდებული.„რა თქმა უნდა, პუტინი ჩინეთზე სულ უფრო მეტად ხდება დამოკიდებული. ის სულ უფრო მეტად ანადგურებს საკუთარი ქვეყნის მომავალს. ვერ ვხედავ, რომ ის დასახული მიზნების მიღწევასთან ახლოს იყოს“, – განაცხადა სიკორსკიმ.როგორც პოლონეთის საგარეო უწყების ხელმძღვანელმა აღნიშნა, ჩინეთი სხვა ქვეყნების შეცდომებით სარგებლობს.„ჩინეთი ძალაუფლებას ზრდის ისე, რომ ზედმეტ ომებში არ ერთვება. ჩინეთი სხვების შეცდომებით სარგებლობს“, – აღნიშნა სიკორსკიმ.პოლონეთის საგარეო საქმეთა მინისტრის განცხადებით, ჩინეთს უკრაინაში ომის დასრულებაზე მნიშვნელოვანი გავლენის მოხდენა შეუძლია.„ვგულისხმობ, რომ ომი შეიძლება დასრულდეს, თუ პრეზიდენტი სი ძინპინი პუტინს ეტყვის: „დაასრულე ეს ომი, რადგან საკუთარ თავს საფრთხეს უქმნი და ეს უკვე მეტისმეტად დიდხანს გაგრძელდა. თუ ასე არ მოიქცევი, შენთან ვაჭრობას შევწყვეტ“. ამან შეიძლება ომი დაასრულოს“, – განაცხადა სიკორსკიმ.ამასთან, სიკორსკიმ მოსკოვის მიერ დასავლეთის წინააღმდეგ წარმოებულ ჰიბრიდულ ომზეც ისაუბრა და აღნიშნა, რომ ეს ქმედებები  კიევის მიმართ დასავლეთის მხარდაჭერას მხოლოდ აძლიერებს.„ეს ომი ძალიან რეალურ, ფიზიკურ მოქმედებებსაც მოიცავს: ფრთოსან რაკეტებს, დრონებს, მკვლელობებს, ცეცხლის წაკიდების შემთხვევებსა და სახელმწიფო ტერორიზმს. რუსეთი ჩვენს საზღვრებსა და ჩვენს რეაქციებს ცდის“, – განაცხადა სიკორსკიმ.მისი თქმით, რუსეთის მიზანია, დასავლეთის საზოგადოებას საკუთარ მთავრობებზე ზეწოლისკენ უბიძგოს, რათა მათ უკრაინის დახმარება შეწყვიტონ.„ვფიქრობ, ამ თამაშის მიზანია, დასავლეთის ქვეყნების მოსახლეობა დაარწმუნონ, მხარი არ დაუჭირონ საკუთარი მთავრობების გადაწყვეტილებას, უკრაინას დახმარება გაუწიონ. მიკვირს, რომ რუსებს, რომლებიც, როგორც წესი, საკმაოდ კარგი ფსიქოლოგები არიან, არ ესმით, რომ მსგავსი ქმედებები მხოლოდ აძლიერებს ჩვენს გადაწყვეტილებას, დავეხმაროთ უკრაინას“, – აღნიშნა პოლონეთის საგარეო საქმეთა მინისტრმა.

✕