მსოფლიო • 1774004344

გამოღვიძების დროა! იაფი რუსული ენერგიის გარეშე ევროპა ნავთობის კრიზისს ვერ დაძლევს - ვიქტორ ორბანი

 უნგრეთის პრემიერ-მინისტრმა, ვიქტორ ორბანმა ევროკავშირს მოუწოდა აღიაროს, რომ იაფი რუსული ენერგიის გარეშე არსებული სანავთობო კრიზისის დაძლევა შეუძლებელია.ორბანის თქმით, ევროკავშირის ლიდერების სამიტზე ბრიუსელში მათ ევროპის ცენტრალური ბანკის პრეზიდენტის, კრისტინ ლაგარდის ანგარიში მოისმინე, რომლის ანალიზის საფუძველზე დაადგინეს, რომ ვითარება გაცილებით რთულია.„ჩვენ ევროპის ცენტრალური ბანკის პრეზიდენტის და ევროჯგუფის პრეზიდენტის ანგარიში მოვისმინეთ. სიტუაცია უფრო სერიოზულია, ვიდრე წარმოგვედგინა. სულ რაღაც ორ დღეში გლობალურად ენერგეტიკული სიტუაცია წარმოუდგენელ დონემდე გაუარესდა. დღევანდელი სიტუაცია შემდეგნაირია: ევროკავშირი არ აწარმოებს მოლაპარაკებებს არც ამერიკელებთან, არც რუსებთან და არც ჩინელებთან. შესაბამისად, თუ ჩვენ ამ იზოლაციას ვერ გავარღვევთ, რომელშიც ევროკავშირის მცდარი პოლიტიკის გამო აღმოვჩნდით, სერიოზული პრობლემა შეგვექმნება. ამ ტიპის ენერგეტიკული კრიზისის დაძლევა სხვებთან თანამშრომლობის გარეშე შეუძლებელია“, - თქვა ორბანმა.

მსოფლიო • 1773985931

Puma-მ რუსეთში სავაჭრო ნიშნის რეგისტრაციისთვის განაცხადი შეიტანა

რუსული მედიის ინფორმაციით, „როსპატენტის“ მონაცემთა ბაზის შესწავლის შემდეგ გაირკვა, რომ სპორტული ტანსაცმლის ცნობილმა გერმანულმა ბრენდმა, Puma-მ რუსეთში სავაჭრო ნიშნის რეგისტრაციისთვის განაცხადი შეიტანა თავისი საფირმო ფეხსაცმლის ზოლის ვარიაციისთვის.სპორტული სამოსის ცნობილი ბრენდის განაცხადი სარეგისტრაციოდ 18 მარტს შეიტანეს.ცნობისთვის, 2022 წლის მარტში Puma-მ რუსეთში საქონლის მიწოდება შეწყვიტა და ქვეყანაში არსებული მაღაზიები დახურა.

მსოფლიო • 1773948307

დავადასტურე მზადყოფნა, მივიღოთ შემდგომი ზომები უკრაინის წინააღმდეგ, თუ მისი პოლიტიკური ხელმძღვანელობა გააგრძელებს სლოვაკეთისთვის ეკონომიკური ზიანის განზრახ მიყენებას - რობერტ ფიცო

სლოვაკეთმა შესაძლოა, რუსული ნავთობის მიწოდების შეწყვეტის გამო უკრაინის წინააღმდეგ დამატებითი ზომები მიიღოს. ამის შესახებ ქვეყნის პრემიერ-მინისტრმა, რობერტ ფიცომ განაცხადა.სლოვაკეთის პრემიერ-მინისტრმა აღნიშნა, რომ ქვეყანაში გამოცხადებულია „ენერგომომარაგების სფეროში საგანგებო მდგომარეობა“, რაც მისი თქმით,  ვოლოდიმირ ზელენსკის „ცალმხრივ გადაწყვეტილებას“ რუსული ნავთობის მიწოდების შეწყვეტის შესახებ.„სლოვაკეთსა და უნგრეთს აქვთ უფლება, მიიღონ რუსული ნავთობი 2027 წლის ბოლომდე, როგორც „დრუჟბას“ ნავთობსადენით, ასევე საზღვაო გზით“, – განაცხადა ფიცომ.მისივე თქმით, ვითარებას კიდევ უფრო ართულებს ახლო აღმოსავლეთში არსებული დაძაბულობა.„უცნაურია, რომ ევროკავშირმა უკრაინისთვის ამდენის გაკეთების შემდეგ, ვერ შეძლო დაერწმუნებინა ან ეიძულებინა პრეზიდენტი ზელენსკი, დაუშვას დაზიანებული ნავთობსადენის დაუყოვნებელი შემოწმება, მისი შეკეთება და მუშაობის სწრაფად აღდგენა“, – განაცხადა ფიცომ.სლოვაკეთის პრემიერ-მინისტრმა აღნიშნა, რომ მისი ქვეყანა მზადაა დამატებითი ზომების მისაღებად.„დავადასტურე მზადყოფნა, მივიღოთ შემდგომი ზომები უკრაინის წინააღმდეგ, თუ მისი პოლიტიკური ხელმძღვანელობა გააგრძელებს სლოვაკეთისთვის ეკონომიკური ზიანის განზრახ მიყენებას“, – განაცხადა ფიცომ.ამასთან, ფიცოს თქმით, არსებობს ეჭვი, რომ ეს შეიძლება იყოს მცდელობა, საბოლოოდ შეწყდეს სლოვაკეთისა და უნგრეთისთვის რუსული ნავთობის მიწოდება. როგორც სლოვაკეთის პრემიერმა აღნიშნა, ზელენსკის ქმედებები უნგრეთის შიდა პოლიტიკაზეც ახდენს გავლენას.„მე ასევე გამოვთქვი მოსაზრება, რომ რუსული ნავთობის მიწოდების აღდგენის მუდმივი გადადებით, პრეზიდენტი ზელენსკი უკანონოდ ერევა უნგრეთის საარჩევნო კამპანიაში, რათა შეცვალოს მოქმედი მთავრობა“, – განაცხადა ფიცომ.

მსოფლიო • 1773914283

ვიქტორ ორბანი: უნგრეთი უკრაინისთვის სასარგებლო არცერთ გადაწყვეტილებას „დრუჟბას“ აღდგენამდე მხარს არ დაუჭერს

 ვიქტორ ორბანის განცხადებით, უნგრეთი უკრაინისთვის სასარგებლო არცერთ გადაწყვეტილებას მანამ არ განბლოკავს, სანამ ნავთობსადენი „დრუჟბა“ რუსული ნავთობის ტრანსპორტირებას არ განაახლებს. შესაბამისი განცხადება უნგრეთის პრემიერ-მინისტრმა ევროპული საბჭოს სხდომის დაწყების წინ გააკეთა.„უნგრეთის პოზიცია ძალიან მარტივია. ჩვენ მზად ვართ მხარი დავუჭიროთ უკრაინას მას შემდეგ, რაც მივიღებთ ჩვენს ნავთობს, რომელსაც უკრაინა ბლოკავს. ჩვენ ველოდებით ნავთობს. ყველაფერი დანარჩენი მხოლოდ ზღაპარია. ამიტომ, ჩვენ მხოლოდ ფაქტების გვჯერა. ნავთობი უნდა შემოვიდეს უნგრეთში... მანამდე ჩვენ ვერ დავუჭერთ მხარს პროუკრაინულ ვერცერთ წინადადებას“, - განაცხადა ორბანმა.უნგრეთს პრემიერმა მანამდეც არაერთხელ განაცხადა, რომ ბუდაპეშტი არ შეცვლის პოზიციას ევროკავშირის მხრიდან უკრაინისთვის 90 მილიარდი ევროს გამოყოფის თაობაზე - ეს შესაძლებელი გახდება მხოლოდ მაშინ, როცა „დრუჟბით“ ნავთობის მიწოდება აღდგება.უკრაინის პრეზიდენტი ვოლოდიმირ ზელენსკი ევროკავშირის ლიდერებისადმი გაგზავნილ წერილში დაჰპირდა მათ, რომ ტრანზიტი დაახლოებით 1,5 თვეში აღდგებოდა. 18 მარტს ევროკავშირის ექსპერტთა ჯგუფს უკრაინაში ნავთობსადენის დაზიანების ადგილის მონახულება სურდა, თუმცა უკრაინამ ისინი უსაფრთხოების მოტივით ჯერჯერობით ობიექტზე არ დაუშვა.

მსოფლიო • 1773898712

„რადიო თავისუფლების“ ცნობით, ჩეხეთი უცხოელი აგენტების შესახებ კანონის მიღებას გეგმავს

 ჩეხეთი უცხოელი აგენტების შესახებ კანონის მიღებას გეგმავს - ინფორმაცია "რადიო თავისუფლება" ავრცელებს.მათივე ცნობით, "უცხოეთთან კავშირების მქონე სუბიექტების რეგისტრაციის შესახებ" ტექსტი, რომლის მიხედვითაც ყველა ორგანიზაცია, მათ შორის სახელმწიფო უწყებებიც, რომლებიც  გრანტებს ევროკავშირის ფონდებიდან ან სხვა ქვეყნებიდან იღებენ, ვალდებულნი იქნებიან დარეგისტრირდნენ სპეციალურ ბაზაში. დოკუმენტი ითვალისწინებს ჯარიმებს 15 მილიონ კრონამდე (დღევანდელი კურსით დაახლოებით 700 000 აშშ დოლარზე მეტი) ან შემოსავლის/ბრუნვის 10%-მდე.ოპოზიცია და არასამთავრობო ორგანიზაციები მოუწოდებენ ხელისუფლებას კანონპროექტი შეაჩეროს. ლიბერალურმა ჩეხურმა "მეკობრეების პარტიამ" მას რუსული კანონის ასლი უწოდა.გამოცემა აღნიშნავს, რომ კანონპროექტი უცხოური დაფინანსების შემთხვევაში სავალდებულო რეგისტრაციის შესახებ შეტანილია ჩეხეთის მთავრობის პროგრამულ დეკლარაციაში. დოკუმენტი ითვალისწინებს საჯარო რეესტრის შექმნას სახელმწიფო ბიუჯეტიდან დაფინანსებული არასამთავრობო ორგანიზაციებისთვის, ხოლო "ორგანიზაციებისთვის, რომლებიც ეწევიან პოლიტიკურ საქმიანობას და ფინანსდებიან საზღვარგარეთიდან, დაწესდება ვალდებულება გამჭვირვალედ მიუთითონ ეს ფაქტი".

მსოფლიო • 1773752226

ევროკავშირმა უკრაინას შესთავაზა „დრუჟბას“ ნავთობსადენის შეკეთების დაფინანსება, რათა უნგრეთსა და სლოვაკეთში რუსული ნავთობის მიწოდება აღდგეს, რასაც კიევი დათანხმდა

ევროკავშირმა უკრაინას შესთავაზა „დრუჟბას“ ნავთობსადენის შეკეთების დაფინანსება, რათა კვლავ აღდგეს რუსული ნავთობის მიწოდება უნგრეთსა და სლოვაკეთში, რასაც კიევი დათანხმდა. ამის შესახებ ნათქვამია ევროკომისიის თავმჯდომარის ურსულა ფონ დერ ლაიენისა და ევროკავშირის საბჭოს პრეზიდენტ ანტონიუ კოშტას ერთობლივ განცხადებაში.განცხადებაში აღნიშნულია, რომ მათ „ინტენსიური მოლაპარაკებები აწარმოეს წევრ სახელმწიფოებთან და უკრაინასთან ყველა დონეზე, რათა აღდგენილიყო ნავთობის მიწოდება უნგრეთსა და სლოვაკეთში“.განცხადების თანახმად, „დრუჟბას“ შეკეთების დაფინანსების გარდა, ევროკავშირმა უკრაინას ტექნიკური დახმარებაც შესთავაზა.„უკრაინელები ამ წინადადებას მიესალმენ და მიიღეს. ევროპელი ექსპერტები მზად არიან, დაუყოვნებლივ დაიწყონ მუშაობა“, – აღნიშნულია განცხადებაში.უნგრეთსა და სლოვაკეთში „დრუჟბას“ მეშვეობით რუსული ნავთობის მიწოდება 27 იანვარს შეწყდა. უკრაინული მხარის განცხადებით, ნავთობსადენი რუსული დრონის დარტყმის შედეგად დაზიანდა. ბუდაპეშტი და ბრატისლავა კიევს პოლიტიკური მიზეზებით ნავთობის მიწოდების შეწყვეტაში ადანაშაულებენ.

ომი უკრაინაში • 1773738451

არ შეიძლება ევროკავშირმა უკრაინის ინტერესები, ევროკავშირის წევრი სახელმწიფოების ინტერესებზე მაღლა დააყენოს არ შეიძლება ევროკავშირმა უკრაინის ინტერესები, ევროკავშირის წევრი სახელმწიფოების ინტერესებზე მაღლა დააყენოს - რობერტ ფიცო

 სლოვაკეთის პრემიერ-მინისტრმა, რობერტ ფიცომ სოციალურ ქსელ X-ში დაწერა, რომ არ შეიძლება ევროკავშირმა უკრაინის ინტერესები ევროკავშირის წევრი სახელმწიფოების ინტერესებზე მაღლა დააყენოს.როგორც ფიცომ აღნიშნა, აღნიშნული განცხადება მან ევროპული საბჭოს პრეზიდენტს, ანტონიუ კოშტასთან სატელეფონო საუბრისას გააკეთა.სლოვაკეთის პრემიერ-მინისტრი წერს, რომ კოშტასთან სატელეფონო საუბარი 45 წუთს გაგრძელდა და ძირითადად უკრაინის ტერიტორიაზე მილსადენ „დრუჟბას“ აღდგენის საკითხს დაეთმო.სლოვაკეთის პრემიერ-მინისტრმა გამოთქვა უკმაყოფილება, რომ ევროკომისიამ ამ დრომდე არ წარადგინა კონკრეტული წინადადებები ელექტროენერგიის ფასების შემცირების შესახებ.„სლოვაკეთის მთავრობას არ შეუძლია შეეგუოს უკრაინის პრეზიდენტის მიერ ნავთობის ტრანზიტის შეჩერების ცალმხრივ და მავნე ნაბიჯს და ელოდება, რომ ევროკავშირის ინსტიტუტები ზეწოლას მოახდენენ უკრაინის ხელმძღვანელობაზე რუსული ნავთობის ნაკადის აღსადგენად, რომლის მიღების უფლებაც 2027 წლის ბოლომდე გვაქვს. ევროკავშირის ინსტიტუტებს არ შეუძლიათ ევროკავშირის არაწევრი ქვეყნის, უკრაინის ინტერესები ევროკავშირის წევრი სახელმწიფოების ინტერესებზე მაღლა დააყენონ“, - დაწერა ფიცომ.

მსოფლიო • 1773733374

აზერბაიჯანმა საკარანტინო რეჟიმი ივლისამდე გააგრძელა

აზერბაიჯანის მთავრობამ კორონავირუსული ინფექციის გავრცელებით გამოწვეული განსაკუთრებული საკარანტინე რეჟიმი 2026 წლის 1 ივლისამდე გააგრძელა. ინფორმაციას აზერბაიჯანული მედია ავრცელებს.შესაბამისი განკარგულება აზერბაიჯანის მთავრობამ მიიღო. განსაკუთრებული საკარანტინე რეჟიმი იმას ნიშნავს, რომ ქვეყნის სახმელეთო საზღვრები, მათ შორის საქართველოსთან, 2026 წლის 1 ივლისამდე დარჩება დაკეტილი.განსაკუთრებული საკარანტინე რეჟიმის ვადა აზერბაიჯანში 2026 წლის 1 აპრილს იწურებოდა.

პოლიტიკა • 1773720114

ვიცავთ საკუთარ ქვეყანას ადამიანებისგან, რომლებიც საბოტაჟს აწარმოებენ, პოლარიზაციას ასპონსორებენ და სიძულვილს თესავენ სახელმწიფოს, ეკლესიის მიმართ, ასეთ პირობებში იოლი არ არის წარმატების მიღწევა, თუმცა ვახერხებთ - ირაკლი კობახიძე

 ჩვენ ვართ მუდმივად თავდაცვის რეჟიმში, ვიცავთ საკუთარ თავს და პირველ რიგში საკუთარ ქვეყანას ამ ადამიანებისგან, რომლებიც მუდმივ რეჟიმში საბოტაჟს აწარმოებენ, საუბარი მაქვს კონკრკეტულ პოლიტიკურ ძალებზე, რაც იოლი არ არის, - განაცხადა საქართველოს პრემიერ-მინისტრმა, ირაკლი კობახიძემ „რუსთავი2“-ის ეთერში გამართულ დებატებში.როგორც მთავრობის მეთაურმა აღნიშნა, პოლარიზაციას ასპონსორებენ გარედან და სიძულვილს თესავენ მიზანმიმართულად ქვეყნის გარედან სახელმწიფოს, ეკლესიის, ყველაფერი წმინდის მიმართ.„რაც შეეხება სახელმწიფოებრივ საქმეებს, ჩვენ ვახერხებთ, რომ მიუხედავად ამხელა ზეწოლისა, ამ კატასტროფული ზეწოლისა, პირდაპირ ომში გვითრევდნენ, პირდაპირ გვთხოვდნენ სანქციების დაწესებას, მებრძოლი მოხალისეების გაგზავნას. მერე სრულიად უსამართლოდ გვითხრეს უარი კანდიდატის სტატუსზე, მერე გამჭვირვალობის კანონს დაარქვეს რუსული კანონი და ამ ყველაფერში თქვენც იყავით ჩართული. ამ ყველაფრის მიუხედავად ქვეყანა ძლიერდება, ეკონომიკურად იზრდება, პოლიტიკურად ძლიერდება, სუვერენიტეტს იმყარებს, ეს არის ჩვენ რასაც ვაკეთებთ და რასაც ვიღაცები დაუპირისპირდნენ თავის დროზე.ვითარება არის ასეთი, ჩვენ ხომ არ დაგვიწყია რადიკალიზმი ამ ქვეყანაში, თქვენ იცით, ეს ყველაფერი როგორ დაიწყო, როგორ გრძელდება, ვინ უჭერს ამ ყველაფერს მხარს, ვინ არ აღიარა 2020 წლის საპარლამენტო არჩევნები, ვინ არ აღიარა 2024 წლის არჩევნები, ვინ არ შემოვიდა პარლამენტში, რამდენი უბედურება გამოიარა ჩვენმა ქვეყანამ, ვინ უცხადებდა საბოტაჟს სამუშაო ჯგუფებს, რომლებიც კანდიდატის სტატუსის მისაღებად იყო შექმნილი და აღარ მინდა გავაგრძელო. ეს ხომ ჩვენ არ დაგვიწყია, ჩვენ ვართ მუდმივად თავდაცვის რეჟიმში და ვიცავთ საკუთარ თავს და პირველ რიგში საკუთარ ქვეყანას ამ ადამიანებისგან, რომლებიც მუდმივ რეჟიმში საბოტაჟს აწარმოებენ საუბარი მაქვს კონკრკეტულ პოლიტიკურ ძალებზე, რაც იოლი არ არის.ასეთ პირობებში რთულია პოლარიზაციის შემცირება. პოლარიზაციას ასპონსორებენ გარედან და სიძულვილს თესავენ მიზანმიმართულად ქვეყნის გარედან სახელმწიფოს, ეკლესიის მიმართ ყველაფერი წმინდის მიმართ, ეს არის მიზანმიმართული პოლიტიკა. ასეთ პირობებში იოლი არ არის წარმატების მიღწევა, თუმცა ჩვენ საბოლოო ჯამში ვახერხებთ სიმშვიდის და სტაბილურობის შენარჩუნებას. რაც შეეხება პატიმრებს, სამწუხაროდ ეს ახალგაზრდები კონკრეტულმა პოლიტიკოსებმა გაწირეს დანაშაულისთვის, შესაბამისად სასჯელისთვის და გაიპარნენ თავად ბრძოლის ველიდან, ეს არის დღევანდელი მდგომარეობა, რა თქმა უნდა, ამ პასუხისმგებლობას ვერავინ გაექცევა“, - განაცხადა ირაკლი კობახიძემ.

მსოფლიო • 1773676860

ენერგეტიკის საკითხებში ევროკომისარი: ევროკავშირში ჩვენ გადავწყვიტეთ, რომ არ გვსურს რუსული ენერგორესურსების იმპორტის განახლება

ევროკავშირი არ დანებდება ზეწოლას რუსეთთან ურთიერთობის აღდგენის თაობაზე იმ მიზნით, რომ ირანში მიმდინარე ომით გამოწვეული ენერგორესურსების მზარდი ფასები დააბალანსოს, - განუცხადა ბლოკის ენერგეტიკის ხელმძღვანელმა ჟურნალისტებს.„ევროკავშირში ჩვენ გადავწყვიტეთ, რომ არ გვსურს რუსული ენერგორესურსების იმპორტის განახლება“, - განაცხადა ევროკომისარმა ენერგეტიკის საკითხებში, დან იორგენსენმა.„უკიდურესად მნიშვნელოვანია, რომ ამ ხაზს მივყვეთ - ჩვენ ევროპაში არ შეგვიძლია ირიბად დავაფინანსოთ რუსეთის სასტიკი და უკანონო ომი“, - აღნიშნა მან.

მსოფლიო • 1773674033

არ შეიძლება, რომ ევროკავშირმა უკრაინის ინტერესები ევროკავშირის წევრი სახელმწიფოების ინტერესებზე მაღლა დააყენოს - რობერტ ფიცო

არ შეიძლება, რომ ევროკავშირმა უკრაინის ინტერესები ევროკავშირის წევრი სახელმწიფოების ინტერესებზე მაღლა დააყენოს, – ამის შესახებ რობერტ ფიცომ ევროპული საბჭოს პრეზიდენტს სატელეფონო საუბრისას განუცხადა.როგორც სლოვაკეთის პრემიერ-მინისტრი სოციალურ ქსელში წერს, ანტონიუ კოშტასთან სატელეფონო საუბარი 45 წუთს გაგრძელდა და მისი უმეტესი ნაწილი უკრაინის ტერიტორიაზე მილსადენ „დრუჟბას“ აღდგენის საკითხს დაეთმო.„სლოვაკეთის მთავრობას არ შეუძლია, შეეგუოს უკრაინის პრეზიდენტის მიერ ნავთობის ტრანზიტის შეჩერების ცალმხრივ და მავნე ნაბიჯს და ელოდება, რომ ევროკავშირის ინსტიტუტები ზეწოლას მოახდენენ უკრაინის ხელმძღვანელობაზე რუსული ნავთობის ნაკადის აღსადგენად, რომლის მიღების უფლებაც 2027 წლის ბოლომდე გვაქვს. ევროპული საბჭოს პრეზიდენტთან საუბრისას ხაზი გავუსვი, რომ ევროკავშირის ინსტიტუტებს არ შეუძლიათ ევროკავშირის არაწევრი ქვეყნის, უკრაინის, ინტერესები ევროკავშირის წევრი სახელმწიფოების ინტერესებზე მაღლა დააყენოს“, – წერს ფიცო.ამასთან, როგორც სლოვაკეთის პრემიერ-მინისტრმა აღნიშნა, სატელეფონო საუბრისას გამოთქვა უკმაყოფილება, რომ ევროკავშირის წევრი ქვეყნების პრემიერ-მინისტრებისა და სახელმწიფოების მეთაურების არაერთი მოთხოვნის მიუხედავად, ევროკომისიამ ამ დრომდე არ წარმოადგინა კონკრეტული წინადადებები ელექტროენერგიის ფასების შემცირების შესახებ.

მსოფლიო • 1773642308

რუსეთის თავდაცვის სამინისტრო: 145 უკრაინული დრონი ჩამოვაგდეთ, მათ შორის 46 მოსკოვისკენ მიფრინავდა

რუსეთის თავდაცვის სამინისტროს ცნობით, ქვეყნის საჰაერო თავდაცვის სისტემებმა ღამით რუსეთის ოლქების თავზე 145 უკრაინული დრონი ჩამოაგდეს, - ინფორმაციას რუსული მედია ავრცელებს.„ღამის განმავლობაში, 15 მარტს, მოსკოვის დროით 23:00 საათიდან 16 მარტს, მოსკოვის დროით დილის 8:00 საათამდე, რუსეთის საჰაერო თავდაცვის სისტემებმა 145 უკრაინული უპილოტო საფრენი აპარატი მოიგერიეს და გაანადგურეს“, - ნათქვამია უწყების განცხადებაში.რუსეთის თავდაცვის სამინისტროში აცხადებენ, რომ ყველაზე მეტი - 53 დრონი - მოსკოვის ოლქში ჩამოაგდეს, მათ შორის 46 მოსკოვისკენ მიფრინავდა.