მსოფლიო • 1750576383

ირანის იერიშის შედეგად ისრაელში 16 ადამიანი დაშავდა

ისრაელის საგანგებო სამსახურის ინფორმაციით, ირანის იერიშის შედეგად 16 ადამიანი დაშავდა. ისინი საავადმყოფოებში არიან გადაყვანილები. მათი მდგომარეობა მძიმე არ არის.ამასთან, იერიშის შედეგად თელ-ავივში დანგრეულია რამდენიმე შენობა. მაშველები ამოწმებენ, არიან თუ არა ნანგრევებში ადამიანები.მანამდე ვრცელდებოდა ინფორმაცია 11 დაშავებულის შესახებ.აშშ-მა ირანის ბირთვული ობიექტები დაბომბა. გაეროს ატომური ენერგიის საერთაშორისო სააგენტოში (IAEA ) განაცხადეს, რომ აშშ-ის მიერ ირანის ბირთვული ობიექტების დაბომბვის შემდეგ, ადგილზე რადიაციის დონე არ გაზრდილა.

მსოფლიო • 1750576129

ისრაელში მოხუცთა თავშესაფართან აფეთქება მოხდა

საგანგებო სამსახურები კვლავ აგრძელებენ ცენტრალურ ისრაელში მჭიდროდ დასახლებული რაიონიდან მცხოვრებლების ევაკუაციას, მას შემდეგ, რაც ირანიდან ბალისტიკური რაკეტების მასიური თავდასხმა განხორციელდა.ადგილზე მობილიზებულია სამაშველო ბრიგადები, რომლებიც ეძებენ მსხვერპლებსა და დაჭრილებს ნანგრევებში. სამაშველო ჯგუფები სპეციალურ ტექნიკასა და დრონებს იყენებენ ჩამონგრეული სტრუქტურების შესასწავლად.ადგილობრივი ხელისუფლების განცხადებით, რამდენიმე პაციენტი და პერსონალი დაკარგულად ითვლება, და მათ გადარჩენაზე დროის ყოველი წუთი გადამწყვეტია.სიტუაციას ამძიმებს ის ფაქტი, რომ იერიშის შედეგად დაზიანდა მოხუცებულთა მზრუნველობის ცენტრი.„ზუსტად არ ვიცი, რა მოხდა… უზარმაზარი აფეთქება იყო“ - ამბობს ერთ-ერთი დაზარალებული. უსაფრთხოების ძალებს მოსახლეობა საფრთხის ზონიდან შორს გადაჰყავთ, გამომდინარე იქიდან, რომ შესაძლებელია შენობის ნგრევა ან ნამსხვრევების ჩამოვარდნა.

მსოფლიო • 1750242631

"სასწაული არ მოხდა..." - ბიჭი, რომელსაც რამდენიმე დღე ნანგრევებში ეძებდნენ, გარდაცვლილი იპოვეს

მიხაილო დრაჰომანოვის სახელობის უკრაინის სახელმწიფო უნივერსიტეტმა გაავრცელა ინფორმაცია 31 წლის სტუდენტის, დმიტრო ისაენკოს ტრაგიკული დაღუპვის შესახებ. ის 17 ივნისის ღამეს, კიევში, სოლომიანსკის რაიონში, საკუთარ სახლში იმყოფებოდა, როდესაც რუსეთის მორიგი სარაკეტო შეტევა განხორციელდა. ინფორმაციას ამის შესახებ ადგილობრივი მედია ავრცელებს.დმიტროს მშობლებმა მთელი დღე სახლის ნანგრევებში გაატარეს და იმედი ჰქონდათ, შვილს ცოცხალს იპოვიდნენ. მათი ფოტოები სოციალურ ქსელებში ვირუსულად გავრცელდა.დმიტრო ისაენკო ფიზიკური აღზრდის, სპორტისა და ჯანმრთელობის ფაკულტეტის პირველი კურსის მაგისტრანტი იყო. „ეს არის ბიჭი, რომლის ბედსაც მთელი ქვეყანა აკვირდებოდა, მაგრამ სასწაული არ მომხდარა. დმიტრო კარგი მეგობარი იყო, ღირსეული შვილი, შთამაგონებელი ადამიანი... ის ცხოვრობდა, სწავლობდა, სჯეროდა სიცოცხლის - სანამ ომმა არ წაართვა“, - ნათქვამია უნივერსიტეტის განცხადებაში.

ომი უკრაინაში • 1750229705

გლოვის დღე უკრაინაში - ნანგრევებში მაშველებმა კიდევ ექვსი ადამიანის ცხედარს მიაგნეს

უკრაინაში გლოვის დღეა. ნანგრევებში მაშველებმა კიდევ ექვსი ადამიანის ცხედარს მიაგნეს. ოკუპანტების მასირებულ თავდასხმას გუშინ დედაქალაქში 22 ადამიანი ემსხვერპლა. სოლომენსკის რაიონში 9-სართულიანი საცხოვრებელი კორპუსი ჩამოიშალა. სამძებრო სამუშაოები ამ დრომდე გრძელდება. ბოლო მონაცემებით, დარტყმის შედეგად, 134 ადამიანი დაშავდა.უკრაინაში ომის დასასრულებლად რუსეთზე წეზოლის გაზრდის შესახებ ერთობლივი განცხადება ვერ შეიმუშავეს მსოფლიო ლიდერებმა კანადაში "დიდი შვიდეულის" სამიტზე. მიზეზი აშშ-ია. ვაშინგტონს არ სურდა, განცხადებაში ყოფილიყო რუსეთის შესახებ ზოგიერთი მწვავე შეფასება იმ მოტივით, რომ ეს ხელს შეუშლის მოლაპარაკებებს უკრაინაში ომის დასასრულებლად.

ომი უკრაინაში • 1750145820

რუსეთმა კიევი დაბომბა. დაიღუპა 14 ადამიანი

რუსეთის შეიარაღებულმა ძალებმა გამთენიისას უკრაინის დედაქალაქი კიევი დაბომბა, რის შედეგადაც სულ მცირე 14 ადამიანი დაიღუპა. ინფორმაციას უკრაინული მედია ავრცელებს.როგორც უკრაინის შინაგან საქმეთა მინისტრმა, იგორ კლიმენკომ განაცხადა, რუსეთმა კიევში 27 ლოკაცია დაბომბა. მათ შორის: საცხოვრებელი სახლები, სასწავლო დაწესებულებები, კრიტიკული ინფრასტრუქტურის ობიექტები. მისი თქმით, დაშავებულია ორმოცზე მეტი ადამიანი.დაბომბვას ნგრევა მოჰყვა. უკრაინული მხარის მტკიცებით, ნანგრევებში ადამიანებია მოყოლილი.

ომი უკრაინაში • 1749273240

უკრაინაზე რუსეთის მასირებული შეტევის შედეგად 4 ადამიანი დაიღუპა, 80 კი დაშავდა

უკრაინაზე რუსეთის მასირებული შეტევის შედეგად 4 ადამიანი დაიღუპა, 80 კი დაშავდა, - განაცხადა საღამოს ვიდეომიმართვაში უკრაინის პრეზიდენტმა ვოლოდიმირ ზელენსკიმ.მან აღნიშნა, რომ სხვადასხვა ქალაქსა და რაიონში სამაშველო სამუშაოები მთელი დღის განმავლობაში გრძელდებოდა.„ტერნოპოლი, ლუცკი, კიევი და ოლქი, პოლტავა, ხმელნიცკის ოლქი, ლვოვი, ჩერნიგოვი, ოდესის ოლქი, სუმი. სულ 80 ადამიანი დაზარალდა - დახმარება ყველას გაეწია. სამწუხაროდ, არიან დაღუპულები. ამ დროის მდგომარეობით 4 დაღუპულის შესახებ არის ცნობილი - კიევსა და ლუცკში”, - განაცხადა ზელენსკიმ.მან ასევე აღნიშნა, რომ შესაძლოა, ნანგრევებში ადამიანები იყვნენ მოყოლილი. მისი ინფორმაციით, კიევშიო დაღუპულები მაშველები არიან, რომლებიც ადგილზე პირველი დარტყმის შემდეგ მივიდნენ და განმეორებით დარტყმას ემსხვერპლნენ.

მსოფლიო • 1747392901

რუსეთში სანთლების ქარხანაში აფეთქება მოხდა

რუსეთში, ბაშკირეთის ქალაქ სალავათში სანთლების ქარხანაში აფეთქება მოხდა. შედეგად დაშავდა 3 ადამიანი. შესაძლოა ნანგრევებში კიდევ ერთი პირი იმყოფებოდეს.წინასწარი ინფორმაციით, ტექნოლოგიური პროცესის დარღვევის შედეგად, საწარმოო შენობაში ღუმელი დაზიანდა, რასაც აფეთქება და ხანძარი მოჰყვა.სამი დაშავებული საავადმყოფოში მძიმე მდგომარეობაში გადაიყვანეს.

ომი უკრაინაში • 1745907432

რუსეთმა დნეპროპეტროვსკის ოლქი დაბომბა - დაიღუპა მცირეწლოვანი ბავშვი

რუსეთის შეიარაღებულმა ძალებმა უკრაინის დნეპროპეტროვსკის ოლქი უპილოტო საფრენი აპარატებით დაბომბა, რის შედეგადაც ერთი მცირეწლოვანი ბავშვი დაიღუპა. ინფორმაციას უკრაინული მედია ავრცელებს.მათი ცნობით, რუსეთის სამიზნეს საცხოვრებელი სახლი წარმოადგენდა. დაბომბვის შედეგად სახლი ნაწილობრივ ჩამოიშალა. ნანგრევებში რამდენიმე ბავშვი მოყვა.„ადგილობრივმა მაცხოვრებლებმა თავად გამოიყვანეს ერთი ბავშვი, თუმცა 2012 წელს დაბადებული გოგონა, სამწუხაროდ, საავადმყოფოში მიყვანამდე გარდაიცვალა. კიდევ ერთი გოგონა, 2019 წლეს დაბადებული, ჩვენმა მაშველებმა ექიმებს გადასცეს“, - ციტირებს მედია უკრაინის საგანგებო სიტუაციების სახელმწიფო სამსახურს.

მსოფლიო • 1745815388

ომი გრძელდება უკრაინაში, ოკუპანტებმა კუპიანსკის მიმართულებით მართვადი ავიაბომბები გაუშვეს - დანგრეულია სასწავლო დაწესებულება, მაშველებმა ნანგრევებში ერთი მოქალაქის ცხედარს მიაგნეს

ომი გრძელდება უკრაინაში. ოკუპანტებმა კუპიანსკის მიმართულებით მართვადი ავიაბომბები გაუშვეს - დანგრეულია ერთ-ერთი სასწავლო დაწესებულება. მაშველებმა ნანგრევებში ერთი მოქალაქის ცხედარს მიაგნეს. დაშავებულია ორი მოქალაქე. ადგილობრივი მედიის მონაცემებით, თავდასხმის შედეგად დაზიანებულია 7 საცხოვრებელი სახლი.შეტევა იყო დონეცკის ოლქზეც. კონსტანტინოვკაზე იერიში რუსეთის ძალებმა საავიაციო ბომბებით განახორციელეს. არის მსხვერპლი. დაიღუპა სამი ადამიანი, ოთხი დაიჭრა. დაზიანდა 21 საცხოვრებელი სახლი და კერძო მეურნეობა.აშშ-ის ეროვნული უსაფრთხოების მრჩეველმა მაიკ უოლცმა განაცხადა, რომ ტრამპი რუსეთსა და უკრაინას შორის მოლაპარაკებებს წინ წაწევისთვისგამოიყენებს "როგორც სტაფილოს, ასევე ჯოხს".უოლცმა ეს კომენტარი ""ფოქს ნიუსის"" ეთერში მას შემდეგ გააკეთა, რაც ტრამპმა საკუთარ სოციალურ ქსელში დაწერა, რომ ""პუტინს არანაირი მიზეზი არ ჰქონდა, ბოლო რამდენიმე დღის განმავლობაში რაკეტებით სამოქალაქო ინფრასტრუქტურაზე, ქალაქებსა და დაბებზე შეეტია.“განცხადება გააკეთა უკრაინის პრეზიდენტმაც. ვოლოდიმირ ზელენსკიამბობს, რომ უკრაინა ინარჩუნებს ძლიერ პოზიციებს იმისთვის, რომ შესაძლებელი გახდეს სათანადო დიპლომატიური პროცესი. ზელენსკი იმეორებს, რომ რუსეთზე ზეწოლა აუცილებელია, რათა ომის შესაჩერებლად ყველა ნაბიჯი გადადგას.

მსოფლიო • 1745699499

არიან დაღუპულები, დაშავებულები... - ირანის უმსხვილეს პორტში აფეთქება მოხდა

სამხრეთ ირანში, სპარსეთის ყურის სანაპიროზე, ბანდარ-აბასის პორტში აფეთქების შედეგად დაღუპულთა რიცხვი რვამდე გაიზარდა. დაშავებულია 750-ზე მეტი ადამიანი. მედიის ცნობით, ნანგრევებში მოყოლილი არიან ადამიანები. ხანძრის ჩაქრობას კი ვერტმფრენებით ცდილობენ.წინასწარი ინფორმაციით, პორტში ერთ-ერთი კონტეინერი აფეთქდა.ადგილობრივი მედიის ცნობით, აფეთქება პორტის იმ ნაწილში მოხდა, სადაც ქიმიური ნივთიერებების კონტეინერები ინახება.თავდაპირველად გავრცელებული ინფორმაციით, დაღუპული იყო 5 და დაშავებული იყო 500-ზე მეტი ადამიანი.

ომი უკრაინაში • 1745484479

უკრაინის შეიარაღებული ძალების ცნობით, რუსეთმა უკრაინაზე მასირებული შეტევის დროს გამოიყენა 215 რაკეტა და უპილოტო საფრენი აპარატი

უკრაინის შეიარაღებული ძალების ცნობით, რუსეთმა უკრაინაზე მასირებული შეტევის დროს გამოიყენა 215 რაკეტა და უპილოტო საფრენი აპარატი.როგორც უკრაინის შეიარაღებული ძალებში აცხადებენ, 24 აპრილის ღამეს რუსმა სამხედროებმა კომბინირებული დარტყმა მიიტანეს უკრაინაზე, რა დროსაც გამოყენებული იყო საჰაერო, სახმელეთო და საზღვაო ბაზირების სხვადასხვა ტიპის რაკეტა, ასევე უპილოტო საფრენი აპარატები.კერძოდ, უკრაინის ტერიტორიის მიმართულებით რუსეთმა გაუშვა 145 დრონი; 37 ფრთოსანი რაკეტა Х-101; 12 ფრთოსანი რაკეტა „კალიბრი“; 11 ბალისტიკური რაკეტა „ისკანდერი“; 6 ფრთოსანი რაკეტა „ისკანდერ-კ“; 4 მართვადი საავიაციო რაკეტა Х-59/Х-69.უკრაინის საჰაერო თავდაცვის საშუალებებით ჩამოგდებულია 112 დრონი, კიდევ 68 უპილოტო საფრენმა აპარატმა სამიზნეს ვერ მიაღწია.რუსეთი იერიშის განხორციელდა კიევის, ხარკოვის, დნეპროპეტროვსკის, ჟიტომირის და ხმელნიცკის ოლქებზე.ამ დროისთვის არსებული მონაცემებით, მხოლოდ კიევში დაღუპულია ცხრა ადამიანი, მათ შორის ორი ბავშვი. სხვადასხვა სიმძიმის დაზიანებები მიიღო 70 პირმა, მათ შორის, არის ექვსი არასრულწლოვანი, რომლებიც საავადმყოფოში გადაიყვანეს. დაზარალებულების ნაწილი ნანგრევებშია მოყოლილი და მათი ძებნა გრძელდება.

მსოფლიო • 1744613937

4 მიწისძვრა ერთ დღეში - დაღუპულია 3 წლის ბავშვი (ტაჯიკეთი)

13 აპრილს ტაჯიკეთის აღმოსავლეთში დღე-ღამის განმავლობაში 4 მიწისძვრა მოხდა.მიწისქვეშა ბიძგების შედეგად დაინგრა 29 საცხოვრებელი სახლი. ერთ-ერთ შენობაში კედლის ნანგრევებში დაიღუპა 3 წლის ბავშვი.ყველაზე ძლიერი, 5.8-ბალიანი ბიძგი 9:24-ზე მოხდა. 20:00-მდე ტაჯიკეთში კიდევ სამი ბიძგი დაფიქსირდა. ბიძგების სიმძლავრე – 4,3 და 5 ბალი.ადგილზე მიმდინარე სამძებრო-სამაშველო სამუშაოები.