ნანგრევებში

რუსეთის შეიარაღებულმა ძალებმა უკრაინის ქალაქი დნიპრო დაბომბა. ინფორმაციას დნეპროპეტროვსკის სამხედრო საოლქო ადმინისტრაციის უფროსი, სერგეი ლისაკი ავრცელებს.იერიშის სამიზნეში სამოქალაქო ინფრასტრუქტურა, საწარმო და ავტომობილები მოექცა, გაჩნდა ხანძარი, დაშავდა ოთხი მოქალაქე.მოგვიანებით მტერმა არტილერიისა და უპილოტო საფრენი აპარატების გამოყენებით დნეპროპეტროვსკის ოლქში მდებარე ქალაქი ნიკოპოლი დაბომბა. ერთ-ერთი ჭურვი საცხოვრებელ სახლს მოხვდა. სახლი დაინგრა, ხოლო ნანგრევებში 56 წლის ქალბატონი მოყვა, რომელიც ადგილზე გარდაიცვალა.

ტექნოლოგიები • 1754549293

ვულკანის ამოფრქვევის შემდეგ ხალხი პომპეიში ხელახლა დასახლდა - არქეოლოგების ახალი მტკიცებულება

არქეოლოგებმა იმის ახალი მტკიცებულებები აღმოაჩინეს, რომ 79 წელს, ვულკან ვეზუვის ამოფრქვევის შემდეგ ხალხი ქალაქ პომპეიში დაბრუნდა.არქეოლოგები მიიჩნევენ, რომ ქალაქში დაბრუნდნენ ის ბინადრები, რომლებმაც ახალ ადგილებში ვერ დაიდეს ბინა და ასევე ადამიანები, რომლებიც ეძებდნენ სახლებს და ქალაქის ნანგრევებში დარჩენილ ძვირფას ნივთებს.„არქეოლოგიური მონაცემების მიხედვით, ეს არაფორმალური დასახლება იყო, სადაც ადამიანები მძიმე პირობებში, რომაული ქალაქისთვის დამახასიათებელი ინფრასტრუქტურისა და სერვისების გარეშე ცხოვრობდნენ“, - განმარტავენ პომპეის არქეოლოგიურ პარკში.ადამიანები ძველი სახლების ზედა სართულებზე ცხოვრობდნენ, ქვედა სართულებზე კი სარდაფები და წისქვილები ჰქონდათ მოწყობილი.არქეოლოგებმა განმარტეს, რომ ქალაქის ხელახლა შესახლების მტკიცებულებები აქამდეც იყო აღმოჩენილი, მაგრამ იმ მომენტში მეცნიერებს ფრესკების შესწავლა უნდოდათ და ნაკვალევებს სათანადო ყურადღება არ მიაქციეს, ზოგი კი პრაქტიკულად გაანადგურეს.კატასტროფამდე ქალაქში 20 ათასზე მეტი ადამიანი ცხოვრობდა. ტერიტორია საბოლოოდ მეხუთე საუკუნეში დატოვეს.

ისტორიები • 1754063356

„დედაჩემმა მამაჩემი მოკლა“ - სერიული მკვლელი ქალის ისტორია, რომელმაც გამოძიებას კვალი აუბნია

XIX საუკუნის ბოლოს, ამერიკაში გამოჩნდა ქალი, რომლის ცხოვრება სისხლიან ლეგენდად გადაიქცა. ბელ განესისი, დღეს ერთ-ერთ ყველაზე ცნობილი და ამავე დროს საზარელი სერიული მკვლელის სახელს ატარებს.ბელის ისტორია თითქოს ერთი ჩვეულებრივი ქალის ამბავია — თავდაპირველად ის ნორვეგიაში დაიბადა და იმედით ჩავიდა ამერიკაში, რომ უბრალო სამუშაოებით იარსებებდა...1884 წელს ბელი ცოლად გაჰყვა მედს სორენსენს. რამდენიმე წელიწადში მათ სახლსა და მაღაზიაში ხანძარი გაჩნდა, რასაც მოჰყვა ქმრის უეცარი სიკვდილი. როგორც ჩანს, მხოლოდ ერთი ადამიანი ამჩნევდა დედის სისასტიკეს. მისი ქალიშვილი ჯენი ოლსენი. „დედაჩემმა მამაჩემი მოკლა... მან მას ხორცის საჭრელი დანა დაარტყა და ის მოკვდა. არავის უთხრათ“, - უთხრა ოლსენმა თანაკლასელებს. თუმცა, მალევე, ქალიშვილი ოლსენი ამ ამბიდან მალევე გაუჩინარდა. დედა თავდაპირველად ამტკიცებდა, რომ გოგონა კალიფორნიაში სკოლაში გაგზავნეს. თუმცა, წლების შემდეგ, გოგონას ცხედარი ღორების ფარეხში იპოვეს.ქმრის გარდაცვალების შემდეგ, ბელმა მიიღო დაზღვევის ფული და დასახლდა ინდიანას შტატში მდებარე პატარა ქალაქ ლა პორტში. ეს იყო ადგილი, სადაც მან საკუთარი ფერმა შეიძინა — ფერმა, რომელიც მოგვიანებით ნამდვილ სასაკლაოდ იქცა.„მარტოხელა გულების“ ხაფანგიბელი გაზეთებში აქვეყნებდა განცხადებებს, სადაც მდიდარ საქმროებს ეძებდა — ქვრივი, რომელსაც სჭირდებოდა გულწრფელი და ძლიერი მამაკაცი, რომელიც მასთან ერთად ფერმას მოუვლიდა. რამდენიმე მამაკაცი მართლაც გამოჩნდა მის ცხოვრებაში — ზოგმა სახლიც გაყიდა, ქონებაც დატოვა და მთელი დანაზოგი ბელს გადასცა.მეზობლები ბელს ახასიათებდნენ, როგორც ძლიერ ქალს — ფიზიკურადაც და ხასიათითაც. მაგრამ რაც არ იცოდნენ, იყო ის, რომ ეს ქალი საკუთარ ხელით კლავდა მათ, ვინც მას ენდობოდა. მკვლელობათა სქემა თითქმის უცვლელი იყო: მოწამლვა ან პირდაპირ მკვლელობა პირდაპირი ძალადობით, შემდეგ კი ცხედრების ფერმის ეზოში მარხავდა.ერთადერთმა მამაკაცმა, ჯორჯ ანდერსონმა, შეძლო გაქცევა - ღამით გამოიღვიძა და შენიშნა, რომ ბელი საწოლთან იდგა უცნაური მზერით. შეშინებული სასწრაფოდ გაიქცა და აღარ დაბრუნებულა.***1908 წლის აპრილში ბელის სახლი მთლიანად დაიწვა. ნანგრევებში იპოვეს სამი ბავშვისა და ქალის სხეული, რომელიც ბელად მიიჩნიეს. თუმცა სხეულის ფიზიკური მონაცემები - სიმაღლე და წონა - ბელის აღწერილობას არ შეესაბამებოდა. გამოძიება მაშინვე დაეჭვდა, რომ ქალი გაიქცა და კვალის დაფარვა, ამ გზით სცადა.ცეცხლის გაჩენის გამო დააკავეს მისი ყოფილი მუშა, რეი ლამფიერი. მან ციხეში აღიარა, რომ ბელი ცოცხალია და გაქცევა მოახერხა. აღიარებაში ასევე განაცხადა, რომ მასთან ერთად უამრავი ცხედარი დამარხა ეზოში. მართლაც, პოლიციამ 40-მდე ადამიანის ნაწამები და დასახიჩრებული ცხედარი იპოვა - მათ შორის ბევრი იმ მამაკაცის, ვინც ბელთან ურთიერთობის საწყის ეტაპზე იყვნენ.საბოლოოდ ბელ განესისის ბედი დღემდე უცნობია. ოფიციალურად იგი მკვდრად ითვლება, თუმცა არ არსებობს უტყუარი მტკიცებულება, რომ სხეული ნამდვილად მას ეკუთვნოდა.

მსოფლიო • 1754034600

ოკუპანტის თავდასხმის შემდეგ ჩამოშლილი 9-სართულიანი კორპუსის ნანგრევებში კიდევ 10 ადამიანის ცხედარი იპოვეს, მათ შორისაა ორი წლის ბავშვი

კიევში, ოკუპანტის თავდასხმის შემდეგ, სამძებრო სამუშაოები 24 საათზე მეტია გრძელდება. სვიატოშინსკის რაიონში ჩამოშლილი 9-სართულიანი კორპუსის ნანგრევებში მაშველებმა ღამით კიდევ 10 ადამიანის ცხედარი იპოვეს, მათ შორისაა ორი წლის ბავშვი.ამ დროისთვის არსებული ინფორმაციით, ოკუპანტის გუშინდელ კომბინირებულ თავდასხმას კიევში 28 ადამიანი ემსხვერპლა, მათ შორისაა სამი ბავშვი. დაშავებულია 150 ზე მეტი.კიევში გლოვის დღეა გამოცხადებული.

პოლიტიკა • 1753106101

ვატო შაქარიშვილი: „დიფ სთეითი“ წლების განმავლობაში მიზანმიმართულად ანგრევს ევროკავშირს ბრიუსელის ბიუროკრატიის ხელით

„დიფ სთეითი“ წლების განმავლობაში მიზანმიმართულად ანგრევს ევროკავშირს ბრიუსელის ბიუროკრატიის ხელით, - განუცხადა „ქრონიკას“ „ერთიანი ნეიტრალური საქართველოს ერთ-ერთმა დამფუძნებელმა ვატო შაქარიშვილმა.მისი თქმით, ევროკავშირი არის ღირებულებით-პოლიტიკურ და ეკონომიკურ კრიზისებში.„დიფ სთეითი“ წლების განმავლობაში მიზანმიმართულად ანგრევს ევროკავშირს ბრიუსელის ბიუროკრატიის ხელით. შესაბამისად, დღეს კვლავ იმის გაცხადება, რომ ვაგრძელებთ სვლას ევროკავშირისკენ და 2030 წლისთვის მზად ვიქნებით ინტეგრაციისთვის, ნიშნავს, რომ ჩვენივე ხელით ქვეყანა უნდა მოვაყოლოთ ნანგრევებში. ეს ნიშნავს, რომ სჯული უნდა შევიცვალოთ გამომდინარე იქიდან, რომ დღეს ევროკავშირი ღიად და ძალიან მკაფიოდ ითხოვს ჩვენგან სჯულის შეცვლას და იმ ლიბერალური, ლგბტ იდეოლოგიის რელიგიად გამოცხადებას. ქართველ ხალხს ამაზე აქვს ძალიან მკაფიო პასუხი.[ევროკავშირი]აღარ არის კეთილდღეობის და მშვიდობის სივრცე. არამედ, პირიქით არის ომის და ეკონომიკური სტაგნაციის სივრცე.ისეთი ქვეყნებიც კი, როგორიც გერმანიაა, წამყვანი ინდუსტრიული სახელმწიფო, განიცდის სერიოზულ უკუსვლას. ეს კი მთელს ევროკავშირსა და სხვა წევრ ქვეყნებზეც ძალიან მკაფიოდ აისახება. ევროკავშირი არის ღირებულებით-პოლიტიკურ და ეკონომიკურ კრიზისებში და ასეთი კავშირისკენ სვლა, თუნდაც რიტორიკის დონეზე ხელს უწყობს იმ მითის შენარჩუნებას, რომ თითქოს იქ გაწევრიანებით საქართველომ შეიძლება რაიმე სიკეთე მაინც მიიღოს მაშინ, როდესაც არის აბსოლუტურად საპირისპირო“, - აღნიშნა ვატო შაქარიშვილმა.

საზოგადოება • 1752572204

მესამე ხარისხი იმ დონის ავარიულობა არ არის, რომ აიკრძალოს შენობაში ცხოვრება, ან რაიმე ისეთი უსაფრთხოების ნორმები იქნეს მიღებული, რომელიც ცხოვრებას აკრძალავს ან უსაფრთხოების ჯებირები იქნება განსათავსებელი - გივი ჩხარტიშვილი

სადგურის მოედანზე საგამოძიებო მოქმედებები გრძელდება - ადგილზე სამართალდამცველები და შესაბამისი სამსახურები მუშაობას განაგრძობენ. ავარიული კორპუსის ფასადის ნგრევას ორი ადამიანი ემსხვერპლა. მეორე ცხედარი მაშველებმა გვიან ღამით ნანგრევებში იპოვეს. კლინიკაში რჩება დაშავებული მოქალაქე. ნგრევა გუშინ მოხდა, სავარაუდოდ ჩამოიშალა სახურავის და ფასადის ნაწილი.ძებნა-შველის ოპერაცია დასრულებულია, თუმცა ადგილზე საგამოძიებო მოქმედებები ამ დრომდე მიმდინარეობს, პარალელურ რეჟიმში შენობაში მუშაობენ ექსპერტები.ადგილზე ასევე იმყოფებოდა დიდუბის რაიონის მაჟორიტარი დეპუტატი. სწორედ მისი ინფორმაციით, 84 ადამიანი გაყვანილია უკვე ამ შენობიდან. ისინი გადანაწილებული არიან 10 სხვადასხვა სასტუმროში. ახლა მიმდინარეობს მათთან მოლაპარაკებები და შედგება გრაფიკი. სწორედ ამ გრაფიკის მიხედვით, აქ მცხოვრები ადამიანები ეტაპობრივად შეძლებენ შენობაში შესვლას და საყოფაცხოვრებო ნივთების გატანას."94 ადამიანი არის ათ სასტუმროში გადანაწილებული, და აქტიურად კომუნიკაცია გვაქვს როგორც გამგეობის თანამშრომლებს, ისე მაჟორიტარის წარმომადგენლობით ორგანოს, მოქალაქეებთან საჭიროებიდან გამომდინარე მაქსიმალურად ვცდილობთ ყველა ის დახმარება აღმოვუჩინოთ, რაც სჭირდებათ ამ ადამიანებს პირველ ეტაპზე. მიმდინარეობს მუშაობა და კომუნიკაცია ამ ადამიანებთან მომდევნო პერიოდში თუ როგორ უნდა დავიგეგმოთ, თუ როგორ უნდა მოხდეს ნივთების გამოტანა, არის ავარიული სადარბაზოები, სადაც ვერ მოხდება შესვლა სამაშველოს გარეშე. ამ კორპუსთან დაკავშირებით, დიდუბის რაიონის გამგეობას ჰქონდა არაერთხელ 5 წლის მანძილზე კომუნიკაცია, ლაბორატორიული დასკვნა არსებობს, სადაც არის მესამე კატეგორია. 2017 წელს ეს კორპუსი არის გამაგრებული და მოსახლეობას არაერთხელ შევთავაზეთ ავარიული სახლების ჩანაცვლების პროგრამასთან დაკავშირებით, სადაც 100%-იანი თანხმობა ვერ ხერხდებოდა.მესამე ხარისხი იმ დონის ავარიულობა არ არის, რომ აიკრძალოს შენობაში ცხოვრება, ან რაიმე ისეთი უსაფრთხოების ნორმები იქნეს მიღებული, რომელიც ცხოვრებას აკრძალავს ან უსაფრთხოების ჯებირები იქნება განსათავსებელი“, - აცხადებს თბილისის საკრებულოს ფრაქცია ”ქართული ოცნება - დემოკრატიული საქართველოს” თავმჯდომარის მოადგილე, დიდუბის მაჟორიტარი დეპუტატი გივი ჩხარტიშვილი.

საზოგადოება • 1752569744

არაერთხელ იყვნენ მოსულები გამგეობიდანაც, მერიიდანაც... გვეუბნებოდნენ, რომ აქვე დაინგრევა ეს სახლი და აქვე აგიშენდებათ, გვიქირავებდნენ ბინებს, მაგრამ ძალიან ბევრი მეზობელი უარზე იყო - ადგილობრივი

სადგურის მოედანზე საგამოძიებო მოქმედებები გრძელდება - ადგილზე სამართალდამცველები და შესაბამისი სამსახურები მუშაობას განაგრძობენ. ავარიული კორპუსის ფასადის ნგრევას ორი ადამიანი ემსხვერპლა. მეორე ცხედარი მაშველებმა გვიან ღამით ნანგრევებში იპოვეს. კლინიკაში რჩება დაშავებული მოქალაქე. ნგრევა გუშინ მოხდა, სავარაუდოდ, ჩამოიშალა სახურავისა და ფასადის ნაწილი.ძებნა-შველის ოპერაცია დასრულებულია, თუმცა ადგილზე საგამოძიებო მოქმედებები ამ დრომდე მიმდინარეობს, პარალელურ რეჟიმში შენობაში მუშაობენ ექსპერტები. გარე პერიმეტრი კი სრულიად შემოსაზღვრულია ყვითელი ლენტით, განთავსებულია რკინის ჯებირები და უსაფრთხოების ზომებიდან გამომდინარე ადგილობრივებს, აქ მყოფ ადამიანებს შენობასთან მიახლოება არ ეძლევათ. ასევე შეზღუდულია საავტომობილო მიმოსვლა თევდორე მღვდლის ქუჩაზე. ბუნებრივია, ჩვენ ვესაუბრეთ ადგილობრივებს, აქ მცხოვრებ ადამიანებს, რომლებიც გარე პერიმეტრზე იმყოფებიან და ისინი გვიდასტურებენ, რომ აქ მცხოვრები ყველა ადამიანი ინფორმირებული იყო იმასთან დაკავშირებით, რომ შენობა იყო ავარიული და მასში ცხოვრება იყო საშიში.ადგილობრივები ასევე ყვებიან, რომ მიმდინარეობდა მოლაპარაკებები გამგეობასთან, თუმცა აქ მცხოვრვები ადამიანების უმეტესობა ოჯახების უმეტესობა წინააღმდეგი იყო გასახლების და წინააღმდეგი იყო იმის, რომ ესარგებლათ თბილისის მერიის ჩანაცვლების პროგრამით."ისეთი ხმა იყო, ჩვენ, ოჯახის წევრებს მიწისძვრა გვეგონა. რომ გამოვედით, საკმაოდ დიდი ბინა არის და მეორე მხრიდან, რომელი მხრიდანაც ჩამოვარდა ეს პარაპეტი, ჩემი რძალი გამოვიდა ბავშვებით და ჩამოინგრაო. შიშში, რა თქმა უნდა, ჩამოვედით სულ ყველა ეზოში, მაგრამ ნამდვილად არ გვეგონა, ის თუ ჩამოინგრეოდა. ჩვენ გვქონდა გახსნილი ბზარები, რომელიც იყო მე-5 სადარბაზოში, რომ იქ რაღაცა ფრაგმენტები ჩამოვარდა, მაგრამ ეს ამხელა მასა თუ ჩამოვარდებოდა, ნამდვილად არავის არ ეგონა. თუმცა სახლი ავარიულია, ექსპერტიზის სამხარაულის დასკვნაც არის. არაერთხელ იყო მოსული გამგეობიდანაც, მერიიდანაც, რომ ჩანაცვლებით პროგრამას გვთავაზობდნენ, გვეუბნებოდნენ, რომ აქვე დაინგრევა ეს სახლი და აქვე აგიშენდებათ, ჩვენ ვუზრუნველვყოფთ, როგორც გუშინ მყისიერად გადაგვიყვანეს სასტუმროებში, დაგვაბინავეს. გვიქირავებდნენ ბინებს, მაგრამ ძალიან ბევრი მეაზობელი უარზე იყო.მეც თანახმა ვიყავი იმიტომ, რომ პატარა მცირეწლოვანი შვილიშვილები მყავს და მინდოდა მშვიდად მეცხოვრა და არ ვყოფილიყავი იმის შიშში, რომ რაღაც არ მოხვედრილიყო", - აცხადებს ადგილობრივი.

საზოგადოება • 1752566913

აღნიშნული ტრავმული დაზიანება, საბედნიეროდ, ოპერაციულ მკურნალობას არ საჭიროებს - "გლობალ მედის" გენდირექტორი ნგრევისას დაშავებულ პაციენტზე

საზოგადოება • 1752556580

ცნობილია „სადგურის მოედანზე“ ნგრევის დროს მეორე დაღუპულის ვინაობა

სადგურის მოედანზე“ შენობის ნგრევის დროს ერთ-ერთი დაღუპული 40 წლის დათო ბართიაა.მეორე დაღუპული მანანა დარახველიძეა. შეგახსენებთ, რომ „სადგურის მოედანზე“, სადაც საცხოვრებელი კორპუსის ფასადი ჩამოინგრა, ნანგრევებში ორი ადამიანის ცხედარი იპოვეს.რაც შეეხება დაშავებულს, რომელიც კლინიკაშია გადაყვანილი, სირაძემ აღნიშნა, რომ მის ჯანმრთელობას საფრთხე არ ემუქრება. შსს-მ მომხდარ ფაქტთან დაკავშირებით გამოძიება სსკ-ის 240-ე მუხლით დაიწყო.

საზოგადოება • 1752525856

ცნობილია „სადგურის მოედანზე“ ნგრევის დროს ერთ-ერთი დაღუპულის ვინაობა

„სადგურის მოედანზე“ შენობის ნგრევის დროს ერთ-ერთი დაღუპული 40 წლის დათო ბართიაა. შემთხვევის ადგილას გარდაცვლილი დასთან ერთად იმყოფებოდა, ქალი გადარჩა.შეგახსენებთ, რომ „სადგურის მოედანზე“, სადაც საცხოვრებელი კორპუსის ფასადი ჩამოინგრა, ნანგრევებში ორი ადამიანის ცხედარი იპოვეს.რაც შეეხება დაშავებულს, რომელიც კლინიკაშია გადაყვანილი, სირაძემ აღნიშნა, რომ მის ჯანმრთელობას საფრთხე არ ემუქრება. შსს-მ მომხდარ ფაქტთან დაკავშირებით გამოძიება სსკ-ის 240-ე მუხლით დაიწყო.

შემთხვევა • 1752525121

„19:07 საათი...“ - ამოღებულია კადრები ტრაგედიის ადგილიდან

სოციალურ ქსელში ვრცელდება კადრები, სადაც ჩანს როგორ ჩამოვარდა შენობის ნაწილი „სადგურის მოედანზე“.„სადგურის მოედანზე“, სადაც საცხოვრებელი კორპუსის ფასადი ჩამოინგრა, ნანგრევებში ორი ადამიანის ცხედარი იპოვეს.რაც შეეხება დაშავებულს, რომელიც კლინიკაშია გადაყვანილი, სირაძემ აღნიშნა, რომ მის ჯანმრთელობას საფრთხე არ ემუქრება.

საზოგადოება • 1752521084

ნიკო კახეთელიძე: ახლაც, როდესაც მოსახლეობის გაყვანის ღონისძიება მიმდინარეობს, აღმოჩნდნენ ოჯახები, რომლებსაც გასვლა არ უნდათ

საკრებულოს წევრმა, ნიკო კახეთელიძემ ჟურნალისტებთან განაცხადა, რომ „სადგურის მოედნის“ მიმდებარე ტერიტორიაზე, სადაც საცხოვრებელ კორპუსში ნგრევა მოხდა, მესამე კატეგორიის ავარიულობის ხარისხი აქვს მინიჭებული, რომელიც არ გულისხმობს შენობის შემოღობვას.„ძალიან მძიმე ფაქტი მოხდა. ეს შენობა არის 50-იანი წლების შენობა, როცა რკინა-ბეტონის კონსტრუქციები არ იხმარებოდა, შესაბამისად ის პარაპეტი, რაც ჩამოინგრა, ეს თავის დროზე არის დეკორაციისთის ნახმაერი ელემენტი.შენობა არის მესამე კატეგორიის. მესამე კატეგორია არ გულისხმობს რომ შენობა უნდა შემოღობო, თუნდაც ის, რომ ადამიანები არ გადიან სახლიდან და იმას რას უღობავ?! ახლაც, როდესაც მოსახლეობის გაყვანის ღონისძიება მიმდინარეობს, ახლაც აღმოჩნდნენ ოჯახები, რომელბსაც აქედან გასვლა არ უნდათ.სამწუხაროდ ასეთი შენობები თბილისის მერიას მემკვიდრეობით გადმოეცა. ასეულობით ასეთი შენობაა ქალაქში“, - აღნიშნა ნიკო კახეთელიძემ.სადგურის მოედნის მიმდებარე ტერიტორიაზე, საცხოვრებელ კორპუსის ნაწილი რამდენიმე საათის წინ ჩამოინგრა. ვაჟა სირაძის ინფორმაციით, ნანგრევებში კიდევ ერთი დაღუპულის ცხედარი იპოვეს.