მსოფლიო • 1762237783

ფრიდრიხ მერცმა სირიის პრეზიდენტი სირიელების დეპორტაციის საკითხის განსახილველად გერმანიაში მიიწვია

გერმანიის კანცლერმა, ფრიდრიხ მერცმა სირიის პრეზიდენტი აჰმედ ალ-შარაა გერმანიაში მიიწვია.გერმანული მედიის ინფორმაციით, მერცს სურს, აჰმედ ალ-შარაასთან გერმანიიდან სირიელების დეპორტაციის საკითხი განიხილოს.„სირიაში სამოქალაქო ომი დასრულდა. გერმანიაში თავშესაფრის მოთხოვნის საფუძველი აღარ არსებობს, ამიტომ შეგვიძლია, დეპორტაციები დავიწყოთ“, – განაცხადა ფრიდრიხ მერცმა.მერცის თქმით, გერმანია მონაწილეობას მიიღებს სირიაში არსებული ვითარების სტაბილიზაციაში. ამასთან, გერმანიის კანცლერმა გამოთქვა იმედი, რომ სირიელი ლტოლვილების მნიშვნელოვანი ნაწილი სამშობლოში ნებაყოფლობით დაბრუნდება. ხოლო მათ, ვინც უარს იტყვის ქვეყანაში დაბრუნებაზე, დეპორტაცია ემუქრება.ცნობისთვის, გერმანიის შინაგან საქმეთა სამინისტროს მონაცემებით, აგვისტოში გერმანიაში 951,406 ადამიანი იმყოფებოდა სირიიდან.

ასტროლოგია • 1762197820

4 ნოემბრის ასტროლოგიური პროგნოზი

ვერძიეს დღე ბალანსის აღდგენასა და სამართლიანობის დაცვას მიუძღვენით, ნუ განსჯით სხვებს, რათა შემდეგ თავად არ გახდეთ განსჯის საგანი. გახსოვდეთ,  წარმატების მისაღწევად ყველა ხერხი გამართლებული არ არის. კუროახლა მოდუნების დრო არ არის, დაძლიეთ შიშები და საკუთარი თავის სიბრალული. მხოლოდ შეუპოვარი შრომით მიაღწევთ წარმატებას. ახლა თქვენი ქმედება განსაზღვრავს თქვენს მომავალს.ტყუპებიშესაძლოა, კარდინალურად შეიცვალოს ძველი ურთიერთობები და საჭირო გახდეს ოჯახის წევრების პრობლემებში გარკვევა. იყავით სამართლიანი და გულისხმიერი, ახლა თქვენი თანადგომა ახლობლებს ძალიან სჭირდებათ.კირჩხიბიმოერიდეთ ნეგატიურად მოაზროვნე ადამიანებს, დაიცავით თავი არასასურველი სიტუაციებისა და გავლენებისგან, მარტივი პრაქტიკებით, რადგან თქვენი წარმატების გზაზე თავი არ იჩინოს დაბრკოლებებმა.ლომიიზრდება თქვენი გავლენა, ავტორიტეტი და შემოსავლები. სასიკეთოა საოჯახო საქმეებით დაკავება, გართობა საერთო ინტერესების მქონე ადამიანებთან ერთად. თავი შეიკავეთ მნიშვნელოვანი საყიდლებისგან.ქალწულიწარმატებით გადაჭრით პრობლემატურ საკითხებს, ყველაფერი თქვენს სასარგებლოდ გადაწყდება. გამოიყენეთ ეს დრო და ეს შესაძლებლობები. იაქტიურეთ სანამ ვარსკვლავები ხელს გიწყობენ.სასწორირაც შეიძლება სწრაფად მოაგვარეთ ფინანსური სირთულეები და შეასრულეთ დაპირებები. თქვენს ცხოვრებაში შესაძლოა, გამოჩნდნენ ადამიანები, რომლებიც ძალას შეგმატებენ.მორიელიწარმატებით გადაჭრით ფინანსურ საკითხებს, მთავარია, იყოთ ენერგიული და იმოქმედოთ გეგმის მიხედვით, არ გაგიტაცოთ ცდუნებამ, მხოლოდ გონივრული რისკია გამართლებული.მშვილდოსანიახლა დროა, თავად აკონტროლოთ თქვენი ცხოვრება. ენდეთ შინაგან ხმასა და გამოცდილებას, იმოქმედეთ გონივრულად. საკუთარი თავის რწმენა დაგეხმარებათ პირადი საქმეების წარმატებით წარმართვაში.თხის რქადაიხმარეთ ვიზუალიზაციის ტექნიკები და რეალობად აქციეთ თქვენი ჩანაფიქრები, შრომა მნიშვნელოვანია, მაგრამ არანაკლებ მნიშვნელოვანია თქვენი დასვენება.მერწყულითავი შეიკავეთ სამსახურთან დაკავშირებული საკითხების გარჩევისგან. დღეს დაისვენეთ სამსახურთან დაკავშირებული ყველა საკითხისაგან, რამდენადაც ეს შესაძლებელია. ზომიერება გამოიჩინეთ ფულის ხარჯვისას.თევზებიშინ თუ გარეთ მოსალოდნელია პატარ-პატარა გაუგებრობები, რაც გუნება განწყობას გაგიფუჭებთ. შედარებით მარტივად გაუმკლავდებით ყველაფერს, თუ ინტუიციას დაეყრდნობით და წინდახედულობას გამოიჩენთ.

რჩევები • 1762196701

„განკურნება მიიღწევა სამი პირობის დაცვით…“ - ყველაფერი, რაც მუნის შესახებ უნდა იცოდეთ

ბოლო პერიოდში, საქართველოში იმატა მუნის შემთხვევებმა და მოსახლეობაც პანიკამ მოიცვა. გთავაზობთ მოკლედ თუ რა არის მუნი და რა უნდა ვიცოდეთ, რომ დაავადება თავიდან ავიცილოთ:🦠მუნი - რა არის და როგორ ვებრძოლოთ?🧫მუნი არის კანის პარაზიტული დაავადება, რომელსაც იწვევს მიკროსკოპული ზომის ტკიპა, სახელად Sarcoptes scabiei. ეს პაწაწინა პარაზიტი იჭრება კანის ზედა შრეში, აკეთებს სავალ გზებს და დებს კვერცხებს, რაც იწვევს ძლიერ ალერგიულ რეაქციას და ინტენსიურ ქავილს.🚩ძირითადი სიმპტომებიმუნის მთავარი და ყველაზე შემაწუხებელი სიმპტომია ძლიერი ქავილი, რომელიც განსაკუთრებით ღამით და სითბოში ძლიერდება. სხვა ტიპიური ნიშნებია:• მუნის სავალი გზები: მცირე ზომის, თხელი, მონაცრისფრო ან წითელი, დაკლაკნილი ხაზები კანზე, რაც მდედრი ტკიპის მიერ გაკეთებული გვირაბია.• გამონაყარი: წვრილი ბუშტუკები, კვანძები ან პაპულები, ხშირად დაწყვილებული.• ლოკალიზაცია: გამონაყარი უმეტესად ჩნდება კანის ნაზ, თხელ უბნებზე:• თითებს შორის ნაკეცები და ხელისგულები;• მაჯები, იდაყვები;• მუცლის, წელისა და დუნდულების არე;• სარძევე ჯირკვლები და გენიტალიები.❗️მნიშვნელოვანია: ქავილის შედეგად გაჩენილმა ნაკაწრებმა (ექსკორიაციები) შესაძლოა გამოიწვიოს კანის მეორადი ინფექციები, როგორიცაა პიოდერმია ან ფურუნკულები.❔როგორ გადადის დაავადება?მუნი ძალიან გადამდები დაავადებაა. ის ძირითადად ვრცელდება:პირდაპირი კონტაქტით: დაავადებულ ადამიანთან ხანგრძლივი კანით-კანთან შეხებით (ხშირად ოჯახის წევრებს შორის ან სქესობრივი კონტაქტით).არაპირდაპირი გზით (იშვიათად): დაინფიცირებული ტანსაცმლით, საწოლის თეთრეულით ან პირადი მოხმარების ნივთებით. განკურნება მიიღწევა 3 პირობის დაცვით:👉ექიმის მიერ დანიშნული მკურნალობის სქემის ზუსტი შესრულება;👉ავადმყოფთან კონტაქტში მყოფი ყველა პირის პროფილაქტიკური დამუშავება;👉ჰიგიენური პირობების დაცვა. პირადი მოხმარების საგნებისა და საცხოვრებელი ადგილის დეზინფექცია.მუნის პრევენციის საუკეთესო საშუალებას წარმოადგენს ჰიგიენური პირობების დაცვა და სხვა პიროვნების პირადი მოხმარების ნივთების გამოყენებისგან თავის შეკავება.დაავადების აღმოჩენის შემთხვევაში, აუცილებელია მუნის კერების აღმოფხვრა, ინფექციის წყაროს სრული მკურნალობა, საკონტაქტო პირზე დაკვირვება და სადეზინფექციო ზომების განხორციელება.

პოლიტიკა • 1762180500

გია აბაშიძე: EMAAR/Eagle Hills-ის მრავალმილიარდიან ინვესტიციას უპირისპირდებიან ფსევდოპატრიოტი ნაცმანქურთები და სტერეოტიპებით შეპყრობილი სუბიექტები - როგორც კი ხდება ჩვენი განვითარებისთვის უმნიშვნელოვანესი პროექტის წინ წაწევა, მყისიერად აფუთფუთდებიან მარგინალები

ანტიქართულ პოლიტიკურ ძალებს, რაც არ უნდა ნიღაბი მოირგონ, დასახული აქვთ, რომ საქართველოში სიღარიბით, არასტაბილურობით და დაპირისპირებით რაღაც პოლიტიკური დივიდენდი მიიღონ ხელისუფლების როგორმე მიტაცებისთვის ანდა საკუთარი არაჯანსაღი, მარგინალური დღის წესრიგის თავზე მოხვევისთვის. რეალობის დანახვა ფაქტებით და არგუმენტებით, საზოგადოების ჯანსაღ ნაწილს ნამდვილად არ უჭირს, - ასე ეხმიანება ანალიტიკოსი, გია აბაშიძე, "ემაარ ჯგუფის" მიერ საქართველოში განსახორციელებელ ინვესტიციასთან დაკავშირებით საზოგადოების ნაწილში არსებულ უკმაყოფილებას.მისი თქმით, მსგავსი რეაქცია მოსალოდნელი იყო "სტერეოტიპებით შეპყრობილი ცალკეული სუბბიექტებისა და ფსევდო პატრიოტებისაგან".აბაშიძე ყურადღებას ამახვილებს იმ ფაქტზე, რომ როგორც კი საქართველოს განვითარებისთვის უმნიშვნელოვანესი პროექტი იწყება, ცალკეული პირები მაშინვე დეზინფორმაციით და მანიპულაციით ცდილობენ, საზოგადოება შეცდომაში შეიყვანონ. "ეს მოსალოდნელი იყო - EMAAR/Eagle Hills-ის მრავალმილიარდიან ინვესტიციას საქართველოში უპირისპირდებიან ფსევდოპატრიოტი ნაცმანქურთები და მითებითა და სტერეოტიპებით შეპყრობილი ცალკეული სუბიექტები. როგორც კი ხდება ჩვენი განვითარებისთვის უმნიშვნელოვანესი პროექტის წინ წაწევა, მყისიერად აფუთფუთდებიან მარგინალები და დეზინფორმაცია-მანიპულაციებით სურთ საზოგადოების დიდ შეცდომაში შეყვანა. ანტიქართულ პოლიტიკურ ძალებს, რაც არ უნდა ნიღაბი მოირგონ, დასახული აქვთ, რომ საქართველოში სიღარიბით, არასტაბილურობით და დაპირისპირებით რაღაც პოლიტიკური დივიდენდი მიიღონ ხელისუფლების როგორმე მიტაცებისთვის ანდა საკუთარი არაჯანსაღი, მარგინალური დღის წესრიგის თავზე მოხვევისთვის. რეალობის დანახვა ფაქტებით და არგუმენტებით, საზოგადოების ჯანსაღ ნაწილს ნამდვილად არ უჭირს.უმსხვილესი Emaar ჯგუფი საქართველოში ჩვენი ქვეყნისთვის ისტორიულ ინვესტიციას, 6.5 მილიარდიან პროექტს ახორციელებს, რომლის ფარგლებშიც თბილისსა და გონიოში საცხოვრებელი სახლები, ბიზნეს ცენტრები, მწვანე სივრცეები, სავაჭრო ცენტრები და უამრავი სხვა ინფრასტრუქტურა აშენდება. ინვესტიციას, რომელიც საქართველოში ხორციელდება, არანაირი საფრთხე მოაქვს ჩვენი ქვეყნისთვის. მეტიც, ის უდიდეს როლს შეასრულებს საქართველოს ეკონომიკური განვითარების გზაზე. ვეცდები ვუპასუხო რამდენიმე ბოროტ ზღაპარს: პროექტს სრულად აფინანსებს ინვესტორი, ჩვენს სახელმწიფოს მის წინაშე არანაირი ვალდებულება არ აქვს აღებული. კონტრაქტის მიხედვით, ინვესტორი ვალდებულია, რომ საქართველოს მთავრობის მიერ გამოყოფილ კონკრეტულ ტერიტორიებზე ააშენოს თანამედროვე კომპლექსები საკუთარი ფინანსებით. ინვესტორისთვის გადაცემული მიწის ნაკვეთების სანაცვლოდ, სახელმწიფო გახდა პროექტის 33%-იანი წილის მფლობელი. ანუ კაპიტალდამბანდებელი დახარჯავს თანხას, განახორციელებს პროექტს, ხოლო მისი რეალიზაციიდან მიღებული შემოსავლის 33% საქართველოს ხაზინაში ჩაირიცხება, რაც, ბუნებრივია, დამატებითი სარგებელია. დიდი ტყუილია, რომ თითქოს აშენებული სახლებისა თუ ბიზნეს ცენტრების გარკვეული ნაწილი უცხოელებმა უნდა შეიძინონ. მსგავსი რამ კონტრაქტში არ წერია. მზა ინფრასტრუქტურას იყიდის ის, ვისაც ამის სურვილი ექნება. აღსანიშნავია, რომ საქართველოში, ეკონომიკის წახალისებისა და ინვესტიციების მოზიდვის მიზნით, აქამდეც არ არის დაწესებული შეზღუდვები უძრავი ქონების შეძენის მიმართულებით. შეგახსენებთ, რომ საქართველოში მოქმედებს ბინადრობის, საზღვრის კვეთის, მოქალაქეობისა და ქვეყანაში დაყოვნების კარგად გამართული და მკაცრი წესები. შესაბამისად, რამდენი სახლიც არ უნდა იყიდოს უცხოეთის მოქალაქემ საქართველოში, მის ნებისმიერ შემდგომ ქმედებას გააკონტროლებს შესაბამისი კანონმდებლობა.უცხოელების საქართველოში დახარჯული ვალუტა ნიშნავს დატვირთვით მომუშავე სამასპინძლო სექტორს, სატრანსპორტო და სხვა მომიჯნავე სფეროებს და თანამდევ ბენეფიტებს მრავალი ოჯახისთვის. აღნიშნული პროექტი არის ერთგვარი ლოგიკური გაგრძელება იმ უდიდესი ინვესტიციის, რასაც წლებია ბიძინა ივანიშვილი საქართველოში ახორციელებს. სწორედ ივანიშვილების ოჯახის დამსახურებით, ჩვენს ქვეყანაში პირველად გაჩნდა მაღალი დონის ინფრასტრუქტურა, რომელმაც ერთგვარი ყინულმჭრელის როლი შეასრულა საქართველოს ეკონომიკისათვის. როდესაც ინვესტორებმა ნახეს, რომ ქვეყანაში არის სტაბილური გარემო, მშვიდობიანი განვითარების უწყვეტი კურსი და სავსებით შესაძლებელია, სრულიად უსაფრთხოდ განხორციელდეს უმაღლესი დონის პროექტები, თავადაც მიიღეს საქართველოში დიდძალი თანხის დახარჯვის გადაწყვეტილება. აღნიშნული პროექტის განხორციელების შემდეგ მისი ღირებულება იქნება შედარებით ძვირი, ვიდრე სხვა ჩვეულებრივი ინფრასტრუქტურული პროექტის შემთხვევაში, თუმცა აქ მნიშვნელოვანია მაღალშემოსავლიანი, მდიდარი კლიენტების მოზიდვა, რაც ნიშნავს, რომ საქართველო და მისი ეკონომიკა თვისებრივად გადადის განვითარების ახალ ეტაპზე - ხოლო მეორე მხრივ, რაც უფრო მეტი შეძლებული ადამიანი დახარჯავს საკუთარ რესურსებს ჩვენ ქვეყანაში, ეს ყველაფერი კიდევ უფრო განავითარებს ეკონომიკას, აწევს ხელფასს, გაზრდის სოციალურ პროექტებს.ასევე დიდი ტყუილია, რომ პროექტის განხორციელების პროცესში საქართველოში უცხოელების ჩამოსახლება იგეგმება. უფრო მეტიც - 6.5 მილიარდიანი საინვესტიციო ბიუჯეტი კონტრაქტის პირობებით, მხოლოდ და მხოლოდ ადგილობრივ ბაზარზე დაიხარჯება. ამ მასშტაბური პროექტის განხორციელებისთვის საჭირო სამშენებლო მასალები მხოლოდ და მხოლოდ ქართული ბიზნესებიდან იქნება შეძენილი. პროექტის მიმდინარეობისას, დასაქმდებიან მხოლოდ ადგილობრივი არქიტექტორები, დიზაინერები, მუშები, ხელოსნები, მძღოლები, მღებავები და ასე შემდეგ. გავიხსენოთ ახლო წარსული, როცა ანტიქართულმა ელემენტებმა მსგავსი ბინძური კამპანია გააჩაღეს თბილისის ზღვის ტერიტორიაზე ჩინური ინვესტიციით "ჰუალინგის“ ქალაქის მშენებლობამდე.რა, მოხდა ე.წ. "ჩინეთიზაცია"? ხსენებული პროექტით საქართველოს არაერთმა მოქალაქემ ისარგებლა, ხოლო უცხოეთის მოქალაქეები, რომლებიც ფლობენ უძრავ ქონებას თბილისის ზღვის ტერიტორიაზე, განუხრელად იცავენ კანონს ბინადრობის, საქართველოში დაყოვნებისა და ტურისტული ვიზიტების თაობაზე. თავიანთ დოვლათს კი საქართველოში ხარჯავენ, რაც თავის მხრივ ქართული ეკონომიკისთვის მხოლოდ დადებითია. საბოლოოდ, EMAAR/Eagle Hills-ის $6.5 მილიარდიანი ინვესტიციის განხორციელების შემდეგ, საქართველოში გაჩნდება მეორე უმაღლესი დონის ინფრასტრუქტურული პროექტი. მისი გამართულად ფუნქციონირებისათვის საჭირო იქნება ჩვენი თანამემამულეების, ბიზნესების ჩართულობა. ამით საქართველო ხდება მიზიდულობის ცენტრი, რომელიც საინტერესოა მსხვილი საერთაშორისო ინვესტორებისთვის. ცნობისთვის,ზუსტად იგივე კომპანიამ უმსხვილესი ინვესტიციები განახორციელა კათოლიკური ხორვატიის სამ სხვადასხვა ქალაქში და დახარჯა $15 მილიარდზე მეტი. თუმცა, იქ არანაირი "არაბიზაცია“ არ მომხდარა. ამ პროექტებმა ხორვატიის კურორტებს და ზოგადად, ამ ქვეყანას მსოფლიოში გაუთქვა სახელი, გახადა ის ტურისტული და საინვესტიციო მიმართულების მიზიდულობის ცენტრი, რამაც ხორვატიის რიგითი მოქალაქის შემოსავალი გაზარდა." - წერს გია აბაშიძე Facebook-ზე.

ტექნოლოგიები • 1762179041

მეცნიერები გვაფრთხილებენ: ყავა ნიჟარაში აღარ ჩაასხათ

მკვლევრები გვაფრთხილებენ, რომ ყოველდღიური ჩვევა – დარჩენილი ყავის ნალექისა და სითხის ნიჟარაში ან ნაგავს ჩასხმა – გარემოსთვის და წყლის სისტემის მილებისთვის საფრთხეს ქმნის.ყავის ნალექი და სითხე შეიცავს ქიმიკატებს, მათ შორის კოფეინს, რომლებიც ბუნებაში რთულად იხსნება.დარჩენილი ყავის სითხე მცენარეებს მოასხით, როგორც ბუნებრივი სასუქი.ნალექი გადააგდეთ საკვების ნაგვის სპეციალურ კონტეინერში.მოამზადეთ პატარა რაოდენობით ყავა, რომ ნარჩენი ნაკლები დარჩეს.სპეციალისტები განმარტავენ, რომ ერთი ფინჯანი ყავის ნარჩენი შეიცავს საკმარის რაოდენობაში ქიმიკატს, რათა გამოიწვიოს ეკოსისტემაზე ზიანი.მსოფლიოს მასშტაბით ყოველდღიურად დაახლოებით 2 მილიარდი ფინჯანი ყავის ნარჩენი ნაგავსა და კანალიზაციაში ხვდება.რატომ მნიშვნელოვანია ახლა:გლობალური წყლის რესურსების დაცვა ერთ-ერთი მთავარი გამოწვევაა თანამედროვე მსოფლიოში.ყავის ნალექისა და სითხის ნიჟარაში ჩასხმა მცირე დეტალი მგონია, მაგრამ ყოველდღიური პრაქტიკის კოლექტიური შედეგი დიდია. ეს ეხება არა მხოლოდ კერძო სახლების მილსადენებს, არამედ მუნიციპალურ კანალიზაციასაც

საზოგადოება • 1762177492

ამ პროექტმა გვასწავლა, როგორ გადავაქციოთ იდეა რეალურ შედეგად - STEM ოლიმპიადის პირველადგილოსანი გუნდი

საქართველოს ბანკისა და კომაროვის სკოლის თანამშრომლობით STEM ოლიმპიადის მესამე სეზონი წარმატებით მიმდინარეობს. პროექტი ახალგაზრდებში მეცნიერებებისა და მომავლის პროფესიების პოპულარიზაციის მიზნით შეიქმნა და უკვე ბევრი საინტერესო მოსწავლე გაგვაცნო. ამჟამად ახალ სეზონზე  განაცხადების მიღება დაწყებულია და 30 ნოემბრამდე გაგრძელდება. ინფორმაცია ხელმისაწვდომია შემდეგ ბმულზემეორე სეზონის ოლიმპიადაში 1-ლი ადგილი თბილისის თავისუფალი სკოლის გუნდმა დაიკავა, რომლის შემადგენლობაშიც იყვნენ: ანდრია პაპუაშვილი, ლიზა შალიკაშვილი, ლუკა უფლისაშვილი, თეკლა თენიეშვილი, ლუკა დუდაური.გუნდის მენტორმა, ლაშა ნიშნიანიძემ, გაგვიზიარა შთაბეჭდილებები და ისაუბა მოსამზადებელ პროცესზე.„STEM მიმართულება განსაკუთრებულად მნიშვნელოვანია თანამედროვე მსოფლიოში,  სწორედ ეს სფეროები ქმნიან იმ ახალ ტექნოლოგიებსა და გადაწყვეტებს, რომლებიც ჩვენს ყოველდღიურ ცხოვრებას აუმჯობესებენ.  თეორიული ცოდნისა და პრაქტიკული გამოცდილების კომბინაციით იზრდებიან მომავალი ინჟინრები, პროგრამისტები, მეცნიერები, რომლებიც შეცვლიან სამყაროს”.ოლიმპიადამდე გუნდები აქტიურად ემზადებოდნენ, როგორც თეორიულად, ისე პრაქტიკულად, თავისუფალი სკოლის გუნდმა გამარჯვებამდე საკმაოდ ბევრი იშრომა წარმატებული ასპარეზობისთვის:„მზადება იყო ინტენსიური, მიზანმიმართული და შთამბეჭდავი. სკოლის გაკვეთილების დასრულების შემდეგ გუნდი მუდმივად მეცადინეობდა, ფინალის დღემდე მოსწავლეები ყოველდღიურად ემზადებოდნენ, დილის 10 საათიდან გვიან ღამემდეც კი, თანაც ამას დიდი ენთუზიაზმით აკეთებდნენ. მზადების ძირითადი ნაწილი უკავშირდებოდა რთული ტექნიკური დავალებების გადაჭრას, ცოდნის გამყარებასა და გუნდური მუშაობის დახვეწას. ყოველთვის განსხვავებულ და კომპლექსურ დავალებებს ვაძლევდი. ისინი ისხდნენ, ფიქრობდნენ, კოდს წერდნენ, წრედებს აწყობდნენ, დაშვებულ შეცდომებს ასწორებდნენ - ასეთი თავდადება და შეუპოვრობა გახდა  წარმატების მთავარი ფაქტორი “.გადამწყვეტი მნიშვნელობა ფინალურ პროექტს ჰქონდა, ამ ეტაპზე გუნდები დამოუკიდებლად და ინოვაციურად უნდა გამკლავებოდნენ პრაქტიკულ დავალებას:„როდესაც ოლიმპიადა დაიწყო, მალევე შეგვატყობინეს მთავარი დავალება -  საგულშემატკივრო ჰოლში  დაიდო ლიფტის კონსტრუქციის მაკეტი. სწორედ ამ ტიპის სისტემაზე უნდა ემუშავათ მონაწილეებს. პროექტი იყო კომპლექსური და მაღალტექნოლოგიური, თუმცა ჩემი მოსწავლეებისთვის ეს სიახლე არ ყოფილა: მრავლად ჰქონდათ ნამუშევარი მსგავს ელექტრონულ კომპონენტებზე, სენსორებზე, ძრავებზე. მჯეროდა, რომ დავალებას კარგად შეასრულებდნენ. სირთულე მაინც არსებობდა — ტექნიკური დეტალების ზუსტი შესრულება, დროის შეზღუდვა და კონკურენციის მაღალი დონე “.პირველი ადგილის მოპოვების შთაბეჭდილებები გაგვიზიარეს გუნდის წევრებმაც:„STEM ოლიმპიადაში მონაწილეობაც კი ძალიან დიდი გამოცდილება იყო ჩემთვის,ოლიმპიადის განმავლობაში ვსწავლობდით ბევრ ისეთ დეტალს, რომელიც ყოველდღიურ ცხოვრებაში ძალიან გამოსადეგი იყო. სიტყვებით რთულია იმის აღწერა , რასაც  მოგებისას განვიცდიდი, ბედნიერად მახსენდებოდა დღეები, როდესაც მთელი დღე ვისხედით და ვვარჯიშობდით”, - ლუკა უფლისაშვილი.„ამ პროექტმა გვასწავლა, როგორ გადავაქციოთ იდეა რეალურ შედეგად. გუნდურად მუშაობა, პრობლემების ანალიზი და გადაწყვეტილებების პოვნა  - ეს უნარები მომავალში აუცილებლად გამოგვადგება, როგორც სწავლის, ისე პროფესიული განვითარების გზაზე”, - ლუკა დუდაური.საქართველოს ბანკი აქტიურად განაგრძობს საგანმანათლებლო შესაძლებლობების შექმნას ყველასთვის, ვინც არ ჩერდება, ცნობისმოყვარეა, აინტერესებს, ეძებს და ცდილობს, მეტი ისწავლოს. სწორედ ასეთი ახალგაზრდები ქმნიან უკეთეს მომავალს მთელი ქვეყნისთვის. STEM მიმართულებების წახალისებაც ამ მთავარი მიზნის ნაწილია და მომავალშიც ბევრ ნიჭიერ მოსწავლეს მისცემს საკუთარი შესაძლებლობების გამოვლენის საშუალებას.

პოლიტიკა • 1762175311

ლევან მახაშვილი: ევროკავშირის გაფართოების შესახებ ანგარიში ვიზალიბერალიზაციის ანგარიშს არ ეხება, ეს ორი განსხვავებული დოკუმენტია

ევროკავშირის გაფართოების შესახებ ანგარიში ვიზალიბერალიზაციის ანგარიშს არ ეხება, ეს ორი განსხვავებული დოკუმენტია, – ამის შესახებ საქართველოს პარლამენტის ევროინტეგრაციის კომოტეტის თავმჯდომარემ, ლევან მახაშვილმა განაცხადა.მახაშვილის თქმით, ევროკომისია ცალკე ანგარიშს, სავარაუდოდ, ნოემბერში გამოაქვეყნებს.„გასული სამი-ოთხი წლის პრაქტიკა აჩვენებს, რომ, როგორც წესი, გაფართოების ანგარიშში ეს თემები არ შედის. შესაძლოა, ზოგადი საუბარი იყოს, რას აკეთებს საქართველო საზღვრის დაცვისა და კრიმინალთან ბრძოლის მიმართულებით – საკითხებზე, რომლებიც ვიზალიბერალიზაციის სამოქმედო გეგმის შესრულების ანგარიშის ნაწილია. ინფორმაციული თვალსაზრისით, გარკვეული გადაკვეთა შეიძლება იყოს, თუმცა ევროკომისიის რეკომენდაცია ამ ანგარიშში არ იქნება. ეს ანგარიშის მიზანი არ არის. ამ შეფასებებს ევროკომისიისგან სხვა ანგარიშში მოვისმენთ, რომელიც, სავარაუდოდ, ნოემბერში გამოქვეყნდება, ოღონდ ცოტა მოგვიანებით“, – განაცხადა ლევან მახაშვილმა.

პოლიტიკა • 1762165980

ნინო წილოსანი: ბრიუსელის ბიუროკრატიამ ტრენდი დაამკვიდრა, რომ მათი პოლიტიკური განცხადებები ფაქტებისგან დაცლილია, საქართველოსთან მიმართებით რეალური შეფასების მოლოდინი ვერ გვექნება

ბოლო წლების განმავლობაში ბრიუსელის ბიუროკრატების მხრიდან რაც კი მოგვისმენია და გაგვიგია, მხოლოდ ცრუ ბრალდებები, თავდასხმებია, რათა საქართველოში როგორღაც ხელისუფლება დააზიანონ, აირიოს მდგომარეობა, – ამის შესახებ პარლამენტის ვიცე-სპიკერმა ნინო წილოსანმა განაცხადა.წილოსანს გაფართოების შესახებ ევროკომისიის ანგარიშზე დაუსვეს კითხვა, რომლის გამოქვეყნებაც ხვალისთვის არის დაგეგმილი.„სამწუხაროდ, ბრიუსელის ბიუროკრატიამ ტრენდი დაამკვიდრა, რომ მათ მიერ გაკეთებული პოლიტიკური განცხადებები ფაქტებისა და სისწორის მცირე ელემენტებისგანაც სრულად დაცლილია. ამ შემთხვევაში საქართველოსთან მიმართებით რეალური შეფასების მოლოდინი ვერ გვექნება. ბოლო წლების განმავლობაში ბრიუსელის ბიუროკრატების მხრიდან რაც კი მოგვისმენია და გაგვიგია, მხოლოდ ცრუ ბრალდებები, თავდასხმებია, რათა საქართველოში როგორღაც ხელისუფლება დააზიანონ, აირიოს მდგომარეობა, მათი მარიონეტები მოვიდნენ და ის გეგმები, პოლიტიკა განახორციელონ, რომელიც გარედან რიგ დაჯგუფებებს სურთ. ამიტომ, ვფიქრობ, ყველაზე კარგი განმსაზღვრელი თავად ქართველი ხალხია, რომელიც საკუთარი თვალით ხედავს ჩვენს ქვეყანაში მიმდინარე პროგრესს. მათ შორის იმ პროგრესს, რომელიც დიდწილად ასოცირების შეთანხმების, კანდიდატის სტატუსის თუ ჩვენ მიერ სხვადასხვა გავლილი ეტაპის შედეგად იყო დამდგარი.რა თქმა უნდა, ქართველი ხალხი იმ უსამართლობას ხედავს, რომელიც, სამწუხაროდ, პარტნიორებისგან მოედინება. პარტნიორებზე როცა ვსაუბრობთ, არ შეიძლება, რიგი ბიუროკრატები, პოლიტიკოსები გაიგივდნენ, ვინც ამ შეტევებს დასავლეთთან ახორციელებენ. რა თქმა უნდა, დასავლეთი, ფართო გაგებით, სამართლიანობაზე, თანამშრომლობასა და ქვეყნების სუვერენიტეტზე დაფუძნებული სივრცეა. სწორედ ევროკავშირი იყო ჩვენთვის მიზნობრივი ოჯახი, სადაც გაერთიანება იმიტომ გვინდოდა, რომ ჩვენს ინდივიდუალიზმს, სუვერენიტეტს სპეციალურ პატივს მიაგებდნენ. ამ შემთხვევაში ვხედავთ ჩვენს სუვერენიტეტზე, ქვეყნის შიდა გადაწყვეტილებებსა და ხალხის მიერ არჩეულ ხელისუფლებაზე შეტევებს, თავდასხმებს, რაც ალბათ ხვალინდელ განცხადებაშიც საკმაოდ ნათლად გამოჩნდება. უკვე ყავლი გაუვიდა იმ დაშინებასაც, რომ ქართველებს, შესაძლოა, ვიზალიბერალიზაცია გაუუქმონ და, გარკვეულწილად, ამან თავისი ძალა დაკარგა, რადგან არჩევანი უკვე გაკეთებულია“, – განაცხადა ნინო წილოსანმა.

ტექნოლოგიები • 1762159440

გავრცელდა ანტარქტიდის სავარაუდო იერსახე ყინულის საფარის გარეშე - ფოტოები

ანტარქტიდის დაახლოებით 98%-ს ყინული ფარავს, რაც მის თითქმის მთელ ხმელეთს მყინვარული გარსის ქვეშ მალავს. თუმცა, თანამედროვე ვიზუალიზაციის ტექნოლოგიების წყალობით, მეცნიერებს ახლა უკვე შეუძლიათ დაინახონ, როგორ გამოიყურება სინამდვილეში კონტინენტი ყინულის გარეშე.Iflscience-ის ცნობით, Bedmap2 2013 წელს შეიქმნა ვრცელი მონაცემების გამოყენებით. რუკაზე ნაჩვენებია ანტარქტიდის ყინულოვანი საფარის ქვეშ მდებარე მიწა - უხეში ლანდშაფტი, რომელიც დაფარულია მთის ქედებით, ხეობებითა და უსწორმასწორო რელიეფით .„რუკა ანტარქტიდის ყინულის ფენის ქვეშ არსებულ ქანებს წარმოუდგენლად დეტალურად აჩვენებს. ადრე რეგიონის ტოპოგრაფიის ზოგადი მიმოხილვა გვქონდა, მაგრამ ეს ახალი რუკა, გაცილებით მაღალი გარჩევადობით, თავად ლანდშაფტს ავლენს: მთების, ბორცვებისა და მოძრავი ვაკეების რთულ ლანდშაფტს, რომელიც ხეობებით, აუზებითა და ღრმა ხეობებით არის გამოყოფილი“, - კომენტარი გააკეთა ბრიტანეთის ანტარქტიდის კვლევის წარმომადგენელმა, პიტერ ფრეტველმა.პუბლიკაციაში აღნიშნულია, რომ ამ მონაცემების შესაგროვებლად გამოყენებული ერთ-ერთი მთავარი ინსტრუმენტი იყო ყინულის შემღწევი რადარი, რომელიც ცნობილია როგორც მრავალარხიანი კოჰერენტული რადარის სიღრმისეული ზონდერი და რომელსაც შეუძლია ყინულის სისქისა და ყინულქვეშა ტოპოგრაფიის დადგენა.ამ მყინვარქვეშა სამყაროს ფორმის გაგება მნიშვნელოვანია, რადგან ის გავლენას ახდენს ყინულის განაწილებაზე და იმაზე, თუ როგორ დნება ის გლობალური დათბობის დროს.Bedmap2-ის მონაცემები აჩვენებს, რომ ანტარქტიდა 27 მილიონ კუბურ კილომეტრ ყინულს შეიცავს, რომლის დნობა ზღვის დონის დაახლოებით 58 მეტრით აწევას გამოიწვევდა.მიუხედავად იმისა, რომ კლიმატის ამჟამინდელი მონაცემები არ პროგნოზირებს ანტარქტიდის მთლიანი ყინულის ფენის დნობას, ცხადია, რომ ის ნელ-ნელა და საგანგაშო ტემპით დნება. უახლესი შეფასებით, გლობალური ზღვის დონე ამჟამად წელიწადში 4 მმ-ით იმატებს ანტარქტიდისა და გრენლანდიის ყინულის ფენების დნობის გამო.ყინულის სისქისა და ანტარქტიდის ქვეშ არსებული მსოფლიოს მდგომარეობის უკეთ გასაგებად, მეცნიერები ახლა ქმნიან ახალი თაობის რუკას, Bedmap3-ს.

პოლიტიკა • 1762157303

ტატა ხვედელიანი: მავნებლობაა, თუ რომელიმე პოლიტიკოსი საუბრობს, რომ ვიზალიბერალიზაცია უნდა შეჩერდეს, ამას ქართველი ერი არ იმსახურებს

მწვავეა მოწოდებები, რომელიც საერთაშორისო მიმართულებიდან მომდინარეობს. სწორად და ადეკვატურადაა აღქმული, რომ „ქართული ოცნების“ პირობებში ქვეყანა თვითიზოლაციაში ექცევა, თუმცა ჩვენმა პოლიტიკურმა გუნდმა ბევრი იმუშავა, რომ შეზღუდვები ვიზალიბერალიზაციას არ შეხებოდა, – ამის შესახებ პარტია „გახარია საქართველოსთვის“ წევრმა, ტატა ხვედელიანმა განაცხადა.მისივე თქმით, ყველამ ერთად უნდა იმუშაოს, რათა ვიზალიბერალიზაციას არაფერი შეეხოს.„ყველამ ერთად უნდა ვიმუშაოთ, რომ არაფერი შეეხოს მონაპოვარს, რომელიც ჩვენმა ხალხმა დაიმსახურა, რადგან ამით ჩვენი ხალხი დაზიანდება. მნიშვნელოვანია, ვიზალიბერალიზაციას შეზღუდვები არ შეეხოს, რადგან ეს ქვეყანასა და მოსახლეობაზე პირდაპირ იქონიებს გავლენას, ჩვენი ხალხი ზიანდება. შესაბამისად, მავნებლობაა, თუ რომელიმე პოლიტიკოსი საუბრობს, რომ  ვიზალიბერალიზაცია უნდა შეჩერდეს, ამას ქართველი ერი არ იმსახურებს. რა თქმა უნდა, მნიშვნელოვანია, რომ შეზღუდვები ვიზალიბერალიზაციაზე არ გავრცელდეს და ჩვენს ხალხს არ შეეხოს“, – განაცხადა ტატა ხვედელიანმა.

პოლიტიკა • 1762154750

ნინო ლომჯარია: ჯერ გასარკვევი გვაქვს, ვინ ვართ ჩვენ? მერე გავარჩიოთ, ევროპაში გვინდა ყოფნა, არაბებთან თუ ჩინელებთან, მგონი, პირველ რიგში, კაცებს აქვთ გასაცემი პასუხი ამ კითხვებზე

მე მგონია, რომ სამართლებრივი შეფასებების მიღმაა უკვე, რაც ხდება ამ ქვეყანაში და ჩვენს თავს, – ამის შესახებ არასამთავრობო ორგანიზაციის, „საქართველოს ევროპული ორბიტის“ დამფუძნებელი ნინო ლომჯარია სოციალურ ქსელში წერს.„ჩვენ ჯერ გასარკვევი გვაქვს, ვინ ვართ ჩვენ? ვართ ერი, რომელსაც უძველეს კულტურასა და ცივილიზაციაზე აქვს პრეტენზია, ერი, რომელიც ამაყობს ქალის, მშობლების, მომავალი თაობის პატივისცემით, თუ ვართ უკულტურო, ველური ხალხი, სადაც ნორმაა ხანდაზმულების საპყრობილეებში ჩაყრა, შშმ პირების წამება, დაკავებული ქალების შეფურთხება და გაშიშვლება, ომგამოვლილი დევნილების შეურაცხყოფა, ომში დაღუპული გმირების დაკნინება – ჯერ გავარკვიოთ ეს საწყისი და მერე გავარჩიოთ, ევროპაში გვინდა ყოფნა, არაბებთან თუ ჩინელებთან. მე მგონი, ამ ქვეყნის კაცებს აქვთ გასაცემი პასუხი ამ კითხვებზე, პირველ რიგში“, – წერს ნინო ლომჯარია.

მსოფლიო • 1762090001

თურქეთში სასტუმროს ხანძრის საქმეზე, რომელსაც ქართველი ემიგრანტი ქალიც ემსხვერპლა, ახალი ინფორმაცია ვრცელდება

თურქეთის სასამართლომ 11 პირს სამუდამო პატიმრობა მიუსაჯა იანვარში ქვეყნის ჩრდილო-დასავლეთში, ბოლუს პროვინციაში, კარტალკაიას სათხილამურო კურორტზე მდებარე Grand Kartal Hotel-ში მომხდარი ხანძრის საქმეზე, რომელსაც 78 ადამიანის სიცოცხლე ემსხვერპლა.ხანძრისას დაიღუპა 58 წლის ქართველი ემიგრანტი ქალი, ლაურა სალუაშვილიც. იგი კურორტზე იმ ოჯახთან ერთად იმყოფებოდა, სადაც მუშაობდა. სამწუხაროდ, ამ ოჯახის წევრებიც დაიღუპნენ: ორი მცირეწლოვანი გოგონა (6 და 9 წლისები) და მათი დედა. ლაურა სალუაშვილი, 6 წლის გოგონა და ბავშვების დედა ბოლით გაიგუდნენ, ხოლო უფროსი გოგონა დაიწვა და მისი ცხედრის ამოცნობა მხოლოდ მამის დნმ-ით გახდა შესაძლებელი.გამოძიების ფარგლებში სამართალდამცველებმა დააკავეს 20-მდე პირი, მათ შორის, სასტუმროს მფლობელი – ჰალიტ ერგული. გამოძიების ცნობით, ხანძრის მიზეზი გახდა საუზმის მომზადებისას სამზარეულოში გრილზე დაღვრილი ცხიმი, რომელსაც ცეცხლი გაუჩნდა. ხანძრის ჩასაქრობად სამზარეულოს თანამშრომლებმა ცეცხლმაქრის ნაცვლად წყალი გამოიყენეს, რის გამოც ცეცხლი უფრო სწრაფად გავრცელდა და ზედა სართულებსაც მოედო. სასტუმროში არ ამუშავდა სახანძრო სიგნალიზაცია, ამიტომ დამსვენებლებმა, რომლებსაც ეძინათ, საფრთხის შესახებ დროულად ვერ შეიტყვეს.თურქეთის პრეზიდენტმა რეჯეფ თაიფ ერდოღანმა დაღუპულთა ოჯახებს მიუსამძიმრა და განაცხადა, რომ მკაცრად დაისჯებოდა ყველა, ვისაც ამ ტრაგედიაში ბრალი მიუძღოდა.ექსპერტების თქმით, სათხილამურო კურორტზე მდებარე სასტუმროს არ ჰქონდა ხანძარსაწინააღმდეგო უსაფრთხოების ელემენტარული ზომები.სასამართლომ სამუდამო პატიმრობა მიუსაჯა 11 პირს, მათ შორის, სასტუმროს მფლობელს – ჰალიტ ერგულს, ადმინისტრაციის წევრებს, მენეჯერებს, პერსონალს, მერის ერთ-ერთ მოადგილეს და სახანძრო სამსახურის თანამშრომლებს.წყარო: