მსოფლიო • 1786892202

მუზეუმიდან რენესანსის პერიოდის ოთხი ნახატი მოიპარეს (იტალია)

იტალიაში, სიცილიაზე მდებარე მუზეუმიდან რენესანსის პერიოდის ოთხი ნახატი მოიპარეს.ქვეყნის კულტურის მინისტრის განცხადებით, ნამუშევრებს „განსაკუთრებული ღირებულება“ აქვს. ამის შესახებ „ბიბისი“ წერს. ამჟამად მიმდინარეობს გამოძიება, რათა დაადგინონ, როგორ შეძლეს მძარცველებმა მუზეუმში შეღწევა ისე, რომ სიგნალიზაცია არ ამოქმედებულა და ვინ დგას დანაშაულის უკან.მუზეუმის დირექტორის, მარიზა მერკურიოს განცხადებით, ქურდობა შაბათს, დაახლოებით 21:50 საათზე მოხდა. მისი თქმით, „მომხდარი შოკისმომგვრელია“ და ეს დიდი დანაკარგია არა მხოლოდ მუზეუმის, არამედ მთელი ხელოვნების სამყაროსთვის.ცნობისთვის, გუშინ იტალიის პოლიციამ რამდენიმე თვის წინ მოპარული სამი ძვირად ღირებული ნახატი მუზეუმში დააბრუნა. ფრანგი მხატვრების – სეზანის, რენუარისა და მატისის ნამუშევრები, რომელთა საერთო ღირებულება ცხრა მილიონი ევროა, 22 მარტს, ღამით ქალაქ პარმასთან მდებარე მუზეუმიდან მოიპარეს.როგორც „ბიბისი“ წერს, ევროპის მუზეუმების უსაფრთხოების საკითხი განსაკუთრებით აქტუალური გასული წლის ბოლოს გახდა, როდესაც ლუვრიდან მძარცველებმა დაახლოებით 88 მილიონი ევროს ღირებულების ისტორიული სამკაულები მოიპარეს. 

პოლიტიკა • 1786885472

რეინტეგრაცია სწორედ იმაზე უნდა იდგეს, რომ აფხაზებსა და ოსებს საქართველოსთან თანაცხოვრება უფრო უსაფრთხო და სასარგებლო პერსპექტივად ეჩვენებოდეთ, ვიდრე იზოლაცია და რუსეთზე სრული დამოკიდებულება, ამიტომ 300 ტონა ბენზინზე მეტად საინტერესოა პატარა ადამიანების პატარა მასკარადის დადგმის მცდელობა, რომელიც ამ ამბავმა გააჩინა - ლიზა გეგეჭკორი

აფხაზეთში საწვავის შეტანას რაც შეეხება, ყველაზე საინტერესო ამ ამბავში არც 300 ტონა ბენზინია და არც ის ტექნიკური დავა, ბენზინი შევიდა თუ დიზელი. ბევრად საინტერესოა პოლიტიკური პრეცედენტი, რომელიც ამ ფაქტმა შექმნა, - წერს ტელეწამყვანი, ლიზა გეგეჭკორი, სოციალურ ქსელში.როგორც ის აღნიშნავს, კონფლიქტები მხოლოდ განცხადებებით არ გვარდება და ხშირად ნდობის აღდგენა იწყება გაცილებით პრაგმატული საკითხებით, ვაჭრობით, გადაადგილებით, ადამიანებს შორის ურთიერთობით და საერთო ეკონომიკური ინტერესების გაჩენით.“ბოლო სამი ათწლეულის განმავლობაში ქართულ-აფხაზური ურთიერთობები თითქმის მთლიანად ჩაკეტილი იყო უსაფრთხოების, ოკუპაციისა და სტატუსის საკითხებში. ახლა კი საქართველოდან აფხაზეთში საწვავის შეტანა, თუნდაც ერთჯერადი და კონკრეტული საჭიროებით განპირობებული ნაბიჯი, აჩვენებს, რომ გამყოფ ხაზს მიღმა ეკონომიკური ურთიერთობის სივრცე ჯერ კიდევ არსებობს. ეს შეიძლება ბევრად მნიშვნელოვანი იყოს, ვიდრე ერთი შეხედვით ჩანს. კონფლიქტები მხოლოდ განცხადებებით არ გვარდება. ხშირად ნდობის აღდგენა იწყება გაცილებით პრაგმატული საკითხებით, ვაჭრობით, გადაადგილებით, ადამიანებს შორის ურთიერთობით და საერთო ეკონომიკური ინტერესების გაჩენით. სწორედ ასეთი ლოგიკა არსებობდა თავის დროზე ერგნეთის ბაზრობის შემთხვევაშიც: პოლიტიკური შეთანხმება არ არსებობდა, მაგრამ არსებობდა ყოველდღიური ურთიერთობა ადამიანებს შორის. შემდეგ ეს სივრცეც გაქრა და კონფლიქტის ორივე მხარეს კიდევ ერთი დამაკავშირებელი არხი მოეშალა.ამ კონკრეტულ შემთხვევას კიდევ ერთი საინტერესო დეტალი აქვს: გავრცელებული ინფორმაციით, საწვავი აფხაზეთში ქართული მხრიდან საბაჟო პროცედურების გარეშე შევიდა. თუ ეს მართლაც ასე მოხდა, სიმბოლური თვალსაზრისით საკმაოდ მნიშვნელოვანი გარემოებაა, თბილისს არ მოუწია აფხაზეთის, როგორც ცალკე სახელმწიფოს, საბაჟო სუბიექტად აღიარება, ხოლო აფხაზურმა მხარემ პრაქტიკული საჭიროების გამო ასეთ ფორმატზე თანხმობა თქვა. ამიტომ ამ ამბავს მხოლოდ კითხვით - „რატომ მივეცით საწვავი?“ - არ შევხედავდი. უფრო მნიშვნელოვანი კითხვაა: შეიძლება თუ არა ეკონომიკური კავშირების ეტაპობრივი აღდგენა გახდეს გზა, რომ ოცდაათწლიანი გაუცხოების შემდეგ ქართველებსა და აფხაზებს ერთმანეთთან პირდაპირი ინტერესები ისევ გაუჩნდეთ? და აქ განსაკუთრებით საყურადღებოა რადიკალების რეაქცია. ადამიანები, რომლებიც წლებია მშვიდობიან რეინტეგრაციაზე საუბრობენ, პირველივე პრაქტიკულ კონტაქტს ღალატად აფასებენ და ეს იმ დროს როცა ომის ალტერნატივა სწორედ ურთიერთობის აღდგენაა, ვაჭრობა, ეკონომიკური დამოკიდებულებები, ადამიანური კონტაქტები და ნდობის დაბრუნება.ტერიტორიული მთლიანობის აღდგენის რეალისტური გზა ადამიანების განადგურებაზე ვერ გაივლის. თუ ოდესმე რეინტეგრაცია შესაძლებელი გახდება, ის სწორედ იმაზე უნდა იდგეს, რომ აფხაზებსა და ოსებს საქართველოსთან თანაცხოვრება უფრო უსაფრთხო და სასარგებლო პერსპექტივად ეჩვენებოდეთ, ვიდრე იზოლაცია და რუსეთზე სრული დამოკიდებულება. ამიტომ 300 ტონა ბენზინზე მეტად საინტერესო ჩემთვის ის პატარა ადამიანების პატარა მასკარადის დადგმის მცდელობა, რომელიც ამ ამბავმა გააჩინა. ზოგჯერ ისტორიული პროცესები დიდი ხელშეკრულებით არ იწყება. ზოგჯერ ისინი ერთი შეხედვით უმნიშვნელო სავაჭრო ოპერაციით იწყება,” - წერს გეგეჭკორი.        შეყვანა, შეტყობინება გაგზავნილია 16:56 Mariam მიერ: ლიზა გეგეჭკორი: რეინტეგრაცია სწორედ იმაზე უნდა იდგეს, რომ აფხაზებსა და ოსებს საქართველოსთან თანაცხოვრება უფრო უსაფრთხო და სასარგებლო პერსპექტივად ეჩვენებოდეთ, ვიდრე იზოლაცია და რუსეთზე სრული დამოკიდებულება, ამიტომ 300 ტონა ბენზინზე მეტად საინტერესოა პატარა ადამიანების პატარა მასკარადის დადგმის მცდელობა, რომელიც ამ ამბავმა გააჩინა აფხაზეთში საწვავის შეტანას რაც შეეხება, ყველაზე საინტერესო ამ ამბავში არც 300 ტონა ბენზინია და არც ის ტექნიკური დავა, ბენზინი შევიდა თუ დიზელი. ბევრად საინტერესოა პოლიტიკური პრეცედენტი, რომელიც ამ ფაქტმა შექმნა, - წერს ტელეწამყვანი, ლიზა გეგეჭკორი, სოციალურ ქსელში. როგორც ის აღნიშნავს, კონფლიქტები მხოლოდ განცხადებებით არ გვარდება და ხშირად ნდობის აღდგენა იწყება გაცილებით პრაგმატული საკითხებით, ვაჭრობით, გადაადგილებით, ადამიანებს შორის ურთიერთობით და საერთო ეკონომიკური ინტერესების გაჩენით. “ბოლო სამი ათწლეულის განმავლობაში ქართულ-აფხაზური ურთიერთობები თითქმის მთლიანად ჩაკეტილი იყო უსაფრთხოების, ოკუპაციისა და სტატუსის საკითხებში. ახლა კი საქართველოდან აფხაზეთში საწვავის შეტანა, თუნდაც ერთჯერადი და კონკრეტული საჭიროებით განპირობებული ნაბიჯი, აჩვენებს, რომ გამყოფ ხაზს მიღმა ეკონომიკური ურთიერთობის სივრცე ჯერ კიდევ არსებობს. ეს შეიძლება ბევრად მნიშვნელოვანი იყოს, ვიდრე ერთი შეხედვით ჩანს. კონფლიქტები მხოლოდ განცხადებებით არ გვარდება. ხშირად ნდობის აღდგენა იწყება გაცილებით პრაგმატული საკითხებით, ვაჭრობით, გადაადგილებით, ადამიანებს შორის ურთიერთობით და საერთო ეკონომიკური ინტერესების გაჩენით. სწორედ ასეთი ლოგიკა არსებობდა თავის დროზე ერგნეთის ბაზრობის შემთხვევაშიც: პოლიტიკური შეთანხმება არ არსებობდა, მაგრამ არსებობდა ყოველდღიური ურთიერთობა ადამიანებს შორის. შემდეგ ეს სივრცეც გაქრა და კონფლიქტის ორივე მხარეს კიდევ ერთი დამაკავშირებელი არხი მოეშალა. ამ კონკრეტულ შემთხვევას კიდევ ერთი საინტერესო დეტალი აქვს: გავრცელებული ინფორმაციით, საწვავი აფხაზეთში ქართული მხრიდან საბაჟო პროცედურების გარეშე შევიდა. თუ ეს მართლაც ასე მოხდა, სიმბოლური თვალსაზრისით საკმაოდ მნიშვნელოვანი გარემოებაა, თბილისს არ მოუწია აფხაზეთის, როგორც ცალკე სახელმწიფოს, საბაჟო სუბიექტად აღიარება, ხოლო აფხაზურმა მხარემ პრაქტიკული საჭიროების გამო ასეთ ფორმატზე თანხმობა თქვა. ამიტომ ამ ამბავს მხოლოდ კითხვით - „რატომ მივეცით საწვავი?“ - არ შევხედავდი. უფრო მნიშვნელოვანი კითხვაა: შეიძლება თუ არა ეკონომიკური კავშირების ეტაპობრივი აღდგენა გახდეს გზა, რომ ოცდაათწლიანი გაუცხოების შემდეგ ქართველებსა და აფხაზებს ერთმანეთთან პირდაპირი ინტერესები ისევ გაუჩნდეთ? და აქ განსაკუთრებით საყურადღებოა რადიკალების რეაქცია. ადამიანები, რომლებიც წლებია მშვიდობიან რეინტეგრაციაზე საუბრობენ, პირველივე პრაქტიკულ კონტაქტს ღალატად აფასებენ და ეს იმ დროს როცა ომის ალტერნატივა სწორედ ურთიერთობის აღდგენაა, ვაჭრობა, ეკონომიკური დამოკიდებულებები, ადამიანური კონტაქტები და ნდობის დაბრუნება. ტერიტორიული მთლიანობის აღდგენის რეალისტური გზა ადამიანების განადგურებაზე ვერ გაივლის. თუ ოდესმე რეინტეგრაცია შესაძლებელი გახდება, ის სწორედ იმაზე უნდა იდგეს, რომ აფხაზებსა და ოსებს საქართველოსთან თანაცხოვრება უფრო უსაფრთხო და სასარგებლო პერსპექტივად ეჩვენებოდეთ, ვიდრე იზოლაცია და რუსეთზე სრული დამოკიდებულება. ამიტომ 300 ტონა ბენზინზე მეტად საინტერესო ჩემთვის ის პატარა ადამიანების პატარა მასკარადის დადგმის მცდელობა, რომელიც ამ ამბავმა გააჩინა. ზოგჯერ ისტორიული პროცესები დიდი ხელშეკრულებით არ იწყება. ზოგჯერ ისინი ერთი შეხედვით უმნიშვნელო სავაჭრო ოპერაციით იწყება,” - წერს გეგეჭკორი. 

მსოფლიო • 1786866499

ბელგიაში 18 წლის სტუდენტმა საკანალიზაციო სამუშაოების დროს 9 მილიონი ევროს ღირებულების ოქრო იპოვა

ბელგიაში 18 წლის სტუდენტმა საკანალიზაციო სამუშაოების დროს 9 მილიონი ევროს ღირებულების ოქრო იპოვა, - წერს მედია.ბელგიაში ყოფილი ლუდსახარშის ტერიტორიაზე სამშენებლო სამუშაოებისას 18 წლის სტუდენტმა შემთხვევით დაახლოებით 9 მილიონი ევროს ღირებულების განძი აღმოაჩინა.ძველი ვილის სარდაფის კედელში დამალულ ჩანთაში ოქროს მონეტები და ნომრიანი ზოდები ინახებოდა. ახალგაზრდა ხელოსანმა და მისმა კოლეგებმა ნაპოვნი ოქრო პოლიციას ჩააბარეს.სამართალდამცველები ოქროს წარმოშობის შესასწავლად და კანონიერი მფლობელის დასადგენად გამოძიებას აწარმოებენ, ხოლო სტუდენტი იმედოვნებს, რომ აღმოჩენისთვის შესაბამის ჯილდოს მიიღებს.

სამართალი • 1786865482

პოლიციამ აჭარაში განსაკუთრებით დიდი ოდენობით ნარკოტიკი ამოიღო - დაკავებულია უცხო ქვეყნის მოქალაქე

შინაგან საქმეთა სამინისტროს აჭარის პოლიციის დეპარტამენტის თანამშრომლებმა, განსაკუთრებით დიდი ოდენობით ნარკოტიკული საშუალების უკანონო შეძენა-შენახვისა და რეალიზაციის ხელშეწყობის ბრალდებით უცხო ქვეყნის მოქალაქე დააკავეს.შსს-ს ინფორმაციით, სამართალდამცველებმა ბათუმში, ბრალდებულის პირადი და საცხოვრებელი ბინის ჩხრეკის შედეგად, ნივთმტკიცებად ამოიღეს განსაკუთრებით დიდი ოდენობით ნარკოტიკი, მათ შორის 50 შეკვრა სარეალიზაციოდ დაფასოებული „მეთადონი“.მათივე ცნობით, პოლიციის მიერ, ასევე, ამოღებულია ნარკოტიკების დაფასოებისთვის საჭირო მასალები.გამოძიება სისხლის სამართლის კოდექსის 260-ე და 260-ე კვარტა მუხლებით მიმდინარეობს, რაც 20 წლამდე ან უვადო თავისუფლების აღკვეთას ითვალისწინებს.

მსოფლიო • 1786819423

მშენებლებმა საკანალიზაციო სამუშაოების დროს ოქროს საცავი აღმოაჩინეს და პოლიციას გადასცეს (უცხოეთი)

ბელგიურ ქალაქ სინტ-გილის-დენდერმონდში მშენებლებმა ყოფილი ლუდსახარშის სარდაფში დაახლოებით ცხრა მილიონი ევროს ღირებულების ოქროს მონეტები და ზოდები იპოვეს. ამის შესახებ New York Post იტყობინება.აღინიშნება, რომ ძვირფასი მეტალი საკანალიზაციო მილის გაყვანის სამუშაოების დროს აღმოჩნდა. მუშები შენობის საძირკველს შლიდნენ, როდესაც დამალული მონეტები შენიშნეს. მათ ნაპოვნი ყველაფერი პოლიციის თანამშრომლებს გადასცეს.ამჟამად ოქრო იმყოფება ორგანიზაცია CAW Oost-Vlaanderen-ის განკარგულებაში, რომელიც დენდერმონდის მაცხოვრებლების სოციალური მხარდაჭერით არის დაკავებული. სახსრები საქველმოქმედო მიზნებისთვის დაიხარჯება.

სამართალი • 1786801036

პროკურატურა განცხადებას ავრცელებს

თბილისის საქალაქო სასამართლომ სრულად გაიზიარა,პროკურატურის მიერ წარდგენილი მტკიცებულებები და წინასწარი შეთანხმებით, ჯგუფის მიერ განსაკუთრებით დიდი ოდენობით ნარკოტიკული საშუალების უკანონო შეძენა, შენახვის, რეალიზაციის ხელშეწყობის, რეალიზაციის მცდელობის, ასევე ცეცხლსასროლი იარაღისა და საბრძოლო მასალის მართლსაწინააღმდეგო შეძენა, შენახვის ფაქტზე სამი ადამიანი დამნაშავედ ცნო.თბილისის საქალაქო სასამართლომ ბრალდებულები სრულად ცნო დამნაშავედ საქართველოს სისხლის სამართლის კოდექსის 260-ე მუხლის მე-2 ნაწილის „ბ” და მე-3 ნაწილის „ა” ქვეპუნქტებით, 260-ე კვარტა მუხლის მე-5 ნაწილის „ბ” და მე-6 ნაწილის „ა” ქვეპუნქტებით, 19-260-ე ტერცია მუხლის მე-5 ნაწილის „ა” ქვეპუნქტით და 236-ე მუხლით მე-3 ნაწილით წარდგენილ ბრალდებებში და სასჯელის სახედ და ზომად ორ ბრალდებულს 18 -18 წლით, ერთს კი 17 წლით თავისუფლების აღკვეთა განუსაზღვრა.ინფორმაციას პროკურატურა ავრცელებს.

რჩევები • 1786787760

დალიეთ დღეში ორჯერ... - არუნ ხათრი წონაში კლების მარტივ რეცეპტს აზიარებს

ინდური ხალხური მედიცინის სპეციალისტი არუნ ხათრი გამომწერებს ხშირად უზიარებს სასარგებლო რჩევებს. ამჯერად ის წონის კლების მარტივი რეცეპტის შესახებ წერს.„თუ გსურთ წონის დაკლება, სცადეთ ეს მარტივი სასმელი ჭამამდე. ინგრედიენტები:• 200 მლ წყალი.• ¼ ჩაის კოვზი დარიჩინი.• ½ ლიმონის წვენი.• 1 სუფრის კოვზი ვაშლის ძმარი.კარგად შეანჯღრიეთ და დალიეთ ჭამამდე 20–30 წუთით ადრე, დღეში ორჯერ.სარგებელი:  აუმჯობესებს ინსულინის მგრძნობელობას.  ხელს უწყობს სისხლში შაქრის დონის სტაბილიზაციას და ამცირებს ტკბილის სურვილს.  ეხმარება მადის კონტროლში.  ხელს უწყობს ჯანსაღად წონის დაკლებას.არ მიიღოთ, თუ გაქვთ კუჭის წყლული ან იღებთ სისხლში შაქრის დამწევ მედიკამენტებს.“ - წერს არუნ ხათრი.

პოლიტიკა • 1786778040

სანამ ომის დაწყების თარიღის შეცვლასთან დაკავშირებით გარე მითითებას მიიღებდნენ, წლების განმავლობაში აგენტურაც ამტკიცებდა, რომ ომი 8 აგვისტოს დაიწყო - ამ თემის ირგვლივ სოროსის ფონდს სპეციალური ვებგვერდიც კი ჰქონდა შექმნილი, რომელსაც გულანთებული „ნჯოშნიკები“, აპიარებდნენ - ნინო წილოსანი

როდესაც ფაქტებით დადასტურდა, რომ 7 აგვისტოს საომარი მოქმედებები უკვე მიმდინარეობდა და 8 აგვისტოს ომის დაწყების თარიღად წარმოჩენა აგენტურისთვის პოლიტიკური ხარაკირის ტოლფასი იყო, გარე დავალების შესაბამისად, მომენტალურად შეცვალეს ნარატივი და ომის დაწყების დღედ 7 აგვისტო დასახელდა, - წერს პარლამენტის თავმჯდომარის მოადგილე, ნინო წილოსანი, სოციალურ ქსელში.მისი განცხადებით, სანამ ომის დაწყების თარიღის შეცვლასთან დაკავშირებით გარე მითითებას მიიღებდნენ, ოპოზიციის წარმომადგენლებიც წლების განმავლობაში ამტკიცებდნენ, რომ ომი 8 აგვისტოს დაიწყო და სოროსის ფონდს სპეციალური ვებგვერდიც ჰქონდა შექმნილი, რომელსაც არასამთავრობო სექტორის წარმომადგენლები აპიარებდნენ. წილოსანი მიიჩნევს, რომ სტორიული მოვლენების შეფასება უნდა ემყარებოდეს ფაქტებს და არა პოლიტიკურ ინტერესებს, შესაბამისად, მისთვის დაუშვებელია აგვისტოს ომის ვიწრო პარტიული ინტერესებისთვის გამოყენება.,,ვფიქრობ, აუცილებელია აგვისტოს ომის თემას და ომის დაწყების თარიღთან დაკავშირებულ სპეკულაციებს კვლავ მივუბრუნდეთ, რადგან როგორც არაერთხელ დავრწმუნდით, რადიკალური აგენტურა ამ საკითხს პოლიტიკური სპეკულაციებისთვის აქტიურად იყენებს. ნურავინ იფიქრებს, რომ სააკაშვილმა და „ნაციონალური მოძრაობის“ რეჟიმმა მიდგომა შეცვალა. რეალურად, როდესაც ფაქტებით დადასტურდა, რომ 7 აგვისტოს საომარი მოქმედებები უკვე მიმდინარეობდა და 8 აგვისტოს ომის დაწყების თარიღად წარმოჩენა აგენტურისთვის პოლიტიკური ხარაკირის ტოლფასი იყო, გარე დავალების შესაბამისად, მომენტალურად შეცვალეს ნარატივი და ომის დაწყების დღედ 7 აგვისტო დასახელდა. ამ თემასთან დაკავშირებით საზოგადოებას კარგად ახსოვს აგენტურის ის სამარცხვინო კამპანია, რომელიც წლების განმავლობაში მიმდინარეობდა და რაშიც აქტიურად იყვნენ ჩართული ის ე.წ. ნჯო-ები, რომლებიც, რეალურად, ქვეყანაში დესტაბილიზაციის მთავარ წყაროს წარმოადგენენ და იმავე გარე პატრონების აგენტურას წარმოადგენენ.მანამ, სანამ ომის დაწყების თარიღის შეცვლასთან დაკავშირებით გარე მითითებას მიიღებდნენ, ისინიც წლების განმავლობაში ამტკიცებდნენ, რომ ომი 8 აგვისტოს დაიწყო. შეგახსენებთ, რომ ამ თემის ირგვლივ სოროსის ფონდს სპეციალური ვებგვერდიც კი ჰქონდა შექმნილი, რომელსაც გულანთებული „ნჯოშნიკები“, მაგალითად, გიორგი ბურჯანაძე და საბა ბრაჭველი აპიარებდნენ. ამ ყველაფრის გათვალისწინებით, მით უმეტეს ახლა, როდესაც ჩვენი ქვეყნის უახლეს წარსულზე ღიად და საჯაროდ მიმდინარეობს დისკუსია, როდესაც აშკარად იკვეთება გარე ძალების ინტერესი საქართველოსთან მიმართებაში, მათი აგენტურა კი გაშიფრულია, დღეს, ისე, როგორც არასდროს, მნიშვნელოვანია, რომ ისტორიული მოვლენების შეფასება ემყარებოდეს ფაქტებს და არა პოლიტიკურ ინტერესებს. აგვისტოს ომი საქართველოს უახლესი ისტორიის ერთ-ერთი უმძიმესი ტრაგედიაა და მისი გამოყენება ვიწროპარტიული მიზნებისთვის დაუშვებელია" - წერს ნინო წილოსანი.  

საზოგადოება • 1786764771

„გაფრინდი ჩემო გოგო ზეცაში და შეუერთდი ანგელოზებს“ - ლიზი მოისწრაფიშვილს დღეს დაკრძალავენ

11 აგვისტოს, ბათუმი უმძიმესმა ტრაგედიამ შეძრა. ცნობილი რეჟისორის ნანა ახვლედიანის ერთადერთი შვილი კორპუსიდან გადმოვარდა და დაიღუპა. ლიზის ერთი გოგონა, 11 წლის ნიცა დარჩა... თვითონაც დედისერთა იყო.ახალგაზრდა გოგოს, 15 აგვისტოს, დიდი ბაბუის,  ბათუმის თეატრის მსახიობის, გიორგი (ჟორა) ახვლედიანის გვერდით დაკრძალავენ.ლიზი მოისწრაფიშვილი სხვადასხვა დროს იყო მაუწყებლის თანამშრომელი, და ერთ-ერთი გამორჩეული სახე.ტრაგიკულად დაღუპულ გოგოს სოციალურ ქსელში ემოციური პოსტებით ემშვიდობებიან.„ჩემო ფერია! შენ ბავშვობიდან იყავი ნამდვილი პრინცესა და ამას ყოველი ჩვენი საუბრისას გეუბნებოდი.შენ არ დადიოდი დედამიწაზე, შენ დაფრინავდი, დაფრინავდი და ამშვენებდი ჩვენს ქალაქს, პოდიუმს, სამყაროს. შენ ჩემი ლამაზი სამყაროს შეუდარებელი ფერია ხარ და ასე იქნება მუდამ.შენ საქართველოში ერთ-ერთი ყველაზე ლამაზი გოგო იყავი, ხარ და იქნები.სილამაზე არ გარდაიცვლება, სილამაზე მარადიულია, სიყვარული მარადიულია, ვერ ვპოულობ ხსნას რომ გავიგო რატომ გაფრინდი ამჯერად გაუგებრად და რატომ დაფრინდი ისე, როგორც შენ არ შეგეფერება.ვეხვევი შენ ლამაზ სხეულს, შენ გულს, შენ შინაგან სამყაროს, შენ ლამაზ მზერას. გაფრინდი ჩემო გოგო ზეცაში და შეუერთდი ანგელოზებს.უფალმა ნათელში ამყოფოს შენი სული. ნანა! არ დავიშურებ არაფერს, რომ შენში დავაბრუნო სიცოცხლე! მიყვარხარ“, - წერს დიზაინერი გოგა ნიქაბაძე სოციალურ ქსელში.ლიზიმ უმაღლესი განათლება ხელოვნების უნივერსიტეტში, ხელოვნებისა და კულტურის მენეჯმენტის მიმართულებით მიიღო, რის შემდეგაც კარიერა წარმატებით გააგრძელა როგორც სამოდელო სფეროში, ისე ტელესივრცეში."ბათუმელების" არქივში ინახება ახალგაზრდა ჟურნალისტისა და მოდელის, ლიზა მოისწრაფიშვილის ინტერვიუ. იმ დროს ლიზა ცხოვრების ახალ ეტაპს იწყებდა და დედობისთვის ემზადებოდა.

სამართალი • 1786764308

ჯარიმა 7 000 ლარის ნაცვლად, 20 000 ლარი იქნება - ვინ და რა შემთხვევაში დაჯარიმდება

სათამაშო ბიზნესის სფეროში სამართლებრივი პასუხისმგებლობა მკაცრდება და სანებართვო პირობების შეუსრულებლობისთვის დაწესებული ჯარიმების ოდენობები იზრდება.მიღებული კანონპროექტის მიხედვით, სამორინეს მოწყობის ნებართვის მფლობელთა მიმართ ჯარიმის ოდენობა 7 000 ლარის ნაცვლად, 20 000 ლარით განისაზღვრა.სათამაშო აპარატების სალონის მოწყობის ნებართვის მფლობელთა მიმართ ჯარიმის ოდენობა 1 000 ლარის ნაცვლად, 10 000 ლარით განისაზღვრა.აზარტული კლუბის მოწყობის ნებართვის მფლობელთა მიმართ ჯარიმა 2 000 ლარის ნაცვლად, 10 000 ლარი იქნება.აზარტული და მომგებიანი თამაშების მიწოდების ნებართვის მფლობელთა მიმართ ჯარიმის ოდენობა 2 000 ლარის ნაცვლად, 10 000 ლარით განისაზღვრება, ხოლო სისტემურ-ელექტრონული ფორმით სამორინეს, სათამაშო აპარატების და ტოტალიზატორის თამაშობების ორგანიზების ნებართვის მფლობელთა მიმართ დაწესებული ჯარიმა 7 000 ლარის ნაცვლად, 20 000 ლარი იქნება.

ტაბლოიდი • 1786721880

„ბათუმი კიდევ უფრო შემიყვარდა“ - რა ამბავს გვიზიარებს ლიზა ჩიჩუა

ტელეწამყვანი ირაკლი მაქაცარია და მისი მეუღლე, ლიზა ჩიჩუა საზოგადოებისთვის კარგად ნაცნობი სახეები არიან. 24 წლის ასაკში იგი უკვე 3 შვილის დედაა, მესამე შვილი 3 ივნისს ეყოლა.ამჯერად, მის ცხოვრებაში მორიგი სიახლეა, მან მართვის მოწმობა აიღო და ფოტოს სოციალურ ქსელში აქვეყნებს.„ბათუმი კიდევ უფრო მეტად შემიყვარდა! მართვის მოწმობა ავიღე“, - წერს ლიზა ჩიჩუა.

პოლიტიკა • 1786702889

ვოლსკი: ვფიქრობთ, განცხადება, თითქოს საქართველოს გერმანიასთან პრობლემები აქვს, გერმანიაში კარგად გაანალიზდება, თუ საიდან მოდის ეს პრობლემები, რა არის ამ პრობლემების არსი

იმედი გვაქვს, გერმანიის ახალ ელჩს შესაბამისი ინსტრუქციები ექნება, რომ ურთიერთობის ნორმალიზაციისთვის იმუშაოს და არა პიტერ ფიშერივით ურთიერთობა გაამწვავოს, – ამის შესახებ პარლამენტის ვიცე-სპიკერმა, გია ვოლსკიმ განაცხადა.ვოლსკის თქმით, ხელისუფლების ინტერესი გერმანიასთან ურთიერთობის ნორმალიზებაა.„ერთადერთი ინტერესი გვაქვს, რომ გერმანიასთან ურთიერთობა ნორმალურ კალაპოტში ჩადგეს, ვინაიდან ისტორიულად პოზიტიური იყო ჩვენი ურთიერთობები, არა მარტო პოლიტიკის, არამედ ბევრი სხვა მიმართულებით, იქნებოდა ეს ეკონომიკა, კულტურა, განათლება თუ სხვა დარგები. ჩვენ არასდროს შეგვიცვლია დამოკიდებულება, საერთაშორისო დონეზე არ შეგვიცვლია პოლიტიკა. განცხადება, რომელიც ახლა მოვისმინეთ, თითქოს და საქართველოს პრობლემები აქვს გერმანიასთან – ვფიქრობთ, გერმანიაში ეს რეალობა კარგად გაანალიზდება, თუ საიდან მოდის ეს პრობლემები, რა არის ამ პრობლემების არსი. იმედი გვაქვს, რომ ამ ელჩსაც შესაბამისი ინსტრუქციები ექნება, რომ ურთიერთობის ნორმალიზაციისთვის იმუშაოს და არა პიტერ ფიშერივით ურთიერთობა გაამწვავოს და ისეთი ვითარება შექმნას, როდესაც გერმანიის საელჩო გარკვეული ექსტრემისტული ჯგუფების ხელშეწყობაში პირდაპირ იყო ჩართული“, – განაცხადა ვოლსკიმ.ცნობისთვის, საქართველოში გერმანიის საელჩომ ახალდანიშნული ელჩის, ბარბარა ფოსის პირველ კომენტარი გაავრცელა:„არსებული დაძაბულობა ამძიმებს გერმანიისა და ევროკავშირის ურთიერთობას საქართველოსთან. მიუხედავად ამისა, გერმანიის აქტიური მხარდაჭერა ქვეყნის დემოკრატიული და პროევროპული კურსის მიმართ უცვლელად ძლიერი რჩება“, – განაცხადა ფოსმა.