ზელენსკი

Politico: უკრაინის პრეზიდენტის ოფისის ხელმძღვანელი ვაშინგტონს აღიზიანებს

უკრაინის პრეზიდენტის ოფისის ხელმძღვანელი, ანდრეი ერმაკი აშშ-ის პრეზიდენტის, დონალდ ტრამპის ადმინისტრაციის გაღიზიანებას იწვევს. სტატიას ამ შინაარსით Politico ავრცელებს.როგორც გამოცემა იუწყება, მასალა 14 ადამიანთან - კონგრესმენების თანაშემწეებთან, ყოფილ ამერიკელ და უკრაინელ ჩინოვნიკებთან და ერმაკის ვაშინგტონში მოღვაწეობაში ჩახედულ პირებთან - საუბრის შედეგად არის შექმნილი.„2022 წელს უკრაინაში რუსეთის ფართომასშტაბიანი შეჭრის შემდეგ ერმაკი ვაშინგტონს რეგულარულად სტუმრობს და ადამიანებს უკრაინის პრეზიდენტის შუამავლად ევლინება. თუმცა ვაშინგტონში ბევრი ფიქრობს, რომ ერმაკი ამერიკულ პოლიტიკაში არ ერკვევა, ის მკვეთრია და ამერიკელ ჩინოვნიკებთან მიმართებაში ძალზედ მომთხოვნი, მას აგრეთვე კაპიტოლიუმში ვაშინგტონის ისტებლიშმენტის შიდა პროცესები არ ესმის“, - ნათქვამია სტატიაში.რამდენიმე ადამიანმა გამოცემასთან ეჭვი გამოთქვა, რომ ერმაკს ზელენსკიმდე აშშ-ის პოზიცია არასწორად მიჰქონდა. ერთ-ერმა ადამიანმა ერმაკს „ორპარტიული გამღიზიანებელი“ უწოდა.ივნისის ბოლოს ერმაკმა ვაშინგტონში მორიგი ვიზიტი განახორციელა. აღნიშნული ვიზიტის დროს მას ტრამპის ადმინისტრაციის წარმომადგენლებთან შეხვედრის გამართვა უჭირდა.

მსოფლიო • 1750397941

უკრაინის შეიარაღებული ძალების სახმელეთო ჯარებს ახალი მეთაური ჰყავს

უკრაინის პრეზიდენტმა ვოლოდიმირ ზელენსკიმ შეიარაღებული ძალების სახმელეთო ჯარების ახალ მეთაურად გენერალ-მაიორი გენადი შაპოვალოვი დანიშნა.თავდაცვის უწყების მიერ გამოქვეყნებული ინფორმაციის თანახმად, შაპოვალოვი საბრძოლო გამოცდილების მქონე ოფიცერია, რომელიც ადრე უკრაინის შეიარაღებული ძალების ოპერატიული სარდლობის "სამხრეთის" ჯარებს მეთაურობდა.ოფიციალური ინფორმაციითვე, ის ასევე ასრულებდა ამოცანებს ვისბადენში, ჩრდილოატლანტიკური ალიანსის პარტნიორებთან.

მსოფლიო • 1750393838

უკრაინაში ომი გრძელდება - ოკუპანტმა ღამით ოდესას შეუტია

უკრაინაში ომი გრძელდება - ოკუპანტმა ღამით ოდესას შეუტია. დაშავდა ორი ადამიანი, დანგრეულია სამოქალაქო ინფრასტრუქტურა.საომარი მოქმედებების ფონზე, ომის დასრულების პერსპექტივაზე საუბრობს ვოლოდიმირ ზელენსკი. უკრაინის პრეზიდენტის განცხადებით, ისურვებდა, დაპირისპირება უკრაინასა და რუსეთს შორის დონალდ ტრამპის მიმდინარე საპრეზიდენტო ვადაში დასრულდეს.პარალელურად, საერთაშორისო გამოცემა Financial Times-ი ტრამპის მიერ "დიდი შვიდეულის" სამიტის ნაადრევად დატოვების მიზეზს ასაჯაროებს. გამოცემის მიხედვით, ამერიკის შეერთებული შტატების პრეზიდენტს ვოლოდიმირ ზელენსკისთან შეხვედრა არ სურდა.

მსოფლიო • 1750363559

სასურველია, რომ უკრაინაში ომი აშშ-ის პრეზიდენტის, დონალდ ტრამპის ამჟამინდელი ვადის განმავლობაში დასრულდეს - ზელენსკი

სასურველია, რომ უკრაინაში ომი აშშ-ის პრეზიდენტის, დონალდ ტრამპის ამჟამინდელი ვადის განმავლობაში დასრულდეს, – ამის შესახებ უკრაინის პრეზიდენტმა, ვოლოდიმირ ზელენსკიმ ვიდეომიმართვაში განაცხადა.„ჩვეულებრივი საცხოვრებელი შენობა. რაკეტამ ყველა სართული გაიარა და სარდაფშიც ჩააღწია. ამ დარტყმას არანაირი სამხედრო დანიშნულება არ ჰქონდა, მან რუსეთს სამხედრო თვალსაზრისით აბსოლუტურად არაფერი შესძინა. ეს არის განზრახ ჩადენილი ტერორი, იგივე, რასაც პუტინის ხელმძღვანელობით რუსეთის არმია ყველგან აკეთებდა: ჩეჩნეთიდან სირიამდე“, – აღნიშნა მან.ზელენსკის თქმით, უკრაინის მიმართ გლობალური სოლიდარობის ამჟამინდელი დონე და რუსეთზე გლობალური ზეწოლა საკმარისი არ არის და სანქციები „მნიშვნელოვნად“ უნდა გამკაცრდეს.„ვისურვებდი, რომ ომი პრეზიდენტ ტრამპის პრეზიდენტობის დროს დასრულდეს. მე ძალიან ვენდობი მის დახმარებას. ძალიან ვენდობი შეერთებული შტატების გავლენას. სწორედ ეს შეიძლება დაგვეხმაროს. სანქციებია საჭირო. დიპლომატია. უსაფრთხოებაა საჭირო“, – განაცხადა ზელენსკიმ.

მსოფლიო • 1750356827

ტრამპმა „დიდი შვიდეულის“ სამიტი ნაადრევად იმის გამო დატოვა, რომ არ მოსწონს მაკრონი და არ სურდა ზელენსკისთან შეხვედრა - „ფაინენშალ თაიმსი“

დონალდ ტრამპმა „დიდი შვიდეულის“ სამიტი ნაადრევად იმის გამო დატოვა, რომ არ მოსწონს მაკრონი და არ სურდა ზელენსკისთან შეხვედრა, – ამის შესახებ „ფაინენშალ თაიმსი“ წერს.გამოცემის ცნობით, NATO-ს წლევანდელი სამიტის ორდღიანი სამუშაო სესია, ერთ დღემდე მხოლოდ იმ მიზნით შეამცირეს, რომ თავიდან აირიდონ აშშ-ის პრეზიდენტის მიერ სამიტის ნაადრევად დატოვების შემთხვევა, როგორც ეს რამდენიმე დღის წინ კანადაში, „დიდი შვიდეულის“ სამიტის შემთხვევაში მოხდა. როდესაც დონალდ ტრამპმა განაცხადა, რომ თეთრ სახლში ნაადრევად დაბრუნება ისრაელსა და ირანს შორის კონფლიქტის მოსაგვარებლად სჭირდებოდა.თუმცა, გამოცემა წერს, რომ საქმის კურსში მყოფი პირები „ირწმუნებიან, რომ მისი გადაწყვეტილება წასვლის თაობაზე, ნაწილობრივ გამოწვეული იყო საფრანგეთის პრეზიდენტ ემანუელ მაკრონით გაღიზიანებით, რომელიც კანადაში ჩასვლამდე გრენლანდიას ეწვია და გააკრიტიკა ტრამპის გეგმები, კონტროლი მოიპოვოს კუნძულზე, და რომ აშშ-ის პრეზიდენტს არ გააჩნია უკრაინის ლიდერთან შეხვედრის ინტერესი“.

მსოფლიო • 1750304312

პუტინმა განაცხადა, რომ მისი შეხვედრა ზელენსკისთან შესაძლებელია, მაგრამ უკანასკნელის ლეგიტიმურობა კითხვებს ბადებს

რუსეთის პრეზიდენტმა, ვლადიმირ პუტინმა განაცხადა, რომ მისი შეხვედრა ვოლოდიმირ ზელენსკისთან შესაძლებელია, მაგრამ უკანასკნელის ლეგიტიმურობა კითხვებს ბადებს.„მე, სხვათა შორის, ვთქვი, რომ მზად ვარ ყველას შევხვდე, მათ შორის ზელენსკისაც. დიახ, საკითხი ეს არ არის. თუ უკრაინის სახელმწიფო ვინმეს ენდობა მოლაპარაკებების საწარმოებლად, ღმერთმა ხელი მოუმართოს, იყოს ზელენსკი. საკითხი ეს არ არის. საკითხი ისაა, ვინ მოაწერს ხელს დოკუმენტებს“, - აღნიშნა რუსეთის პრეზიდენტმა.„ჩვენთვის სულერთია, ვინ აწარმოებს მოლაპარაკებებს, თუნდაც ეს რეჟიმის მოქმედი მეთაური იყოს. მე მზად ვარ შევხვდე კიდეც. მაგრამ თუ ეს იქნება რაღაც დასკვნითი ეტაპი, რომ იქ უსასრულოდ არ ვიჯდეთ და რაღაცებს არ ვიყოფდეთ, არამედ წერტილი დავსვათ. თუმცა, წერტილი უნდა დაისვას, ხელმოწერა უნდა ეკუთვნოდეს ლეგიტიმურ ხელისუფლებას. წინააღმდეგ შემთხვევაში, იცით, მოვა შემდეგი [ხელისუფლება] და ამ ყველაფერს მოისვრის. მაგრამ ასე არ შეიძლება, ჩვენ ხომ სერიოზულ საკითხებს ვწყვეტთ“, - დასძინა მან.

მსოფლიო • 1750226877

დიდი შვიდეულის ლიდერებს მტკიცედ აქვთ გადაწყვეტილი, შეისწავლონ რუსეთზე ზეწოლის ყველა ვარიანტი - მარკ კარნი

კანადის პრემიერ-მინისტრი მარკ კარნი აცხადებს, რომ დიდი შვიდეულის ლიდერებმა მხარდაჭერა გამოუცხადეს აშშ-ის პრეზიდენტ დონალდ ტრამპის ძალისხმევას, რომლის მიზანიც უკრაინაში სამართლიანი და მდგრადი მშვიდობის მიღწევაა.კარნის თქმით, დიდი შვიდეულის ლიდერები „მზად არიან, შეისწავლონ“ რუსეთზე მაქსიმალური ზეწოლის ყველა ვარიანტი.„დიდი შვიდეულის ლიდერებმა აღიარეს, რომ უკრაინამ ვალდებულება აიღო უპირობო ცეცხლის შეწყვეტის შესახებ და შეთანხმდნენ, რომ რუსეთმაც უნდა გააკეთოს იგივე. დიდი შვიდეულის ლიდერებს მტკიცედ აქვთ გადაწყვეტილი, შეისწავლონ რუსეთზე მაქსიმალური ზეწოლის ყველა ვარიანტი, მათ შორის ფინანსური სანქციები. ლიდერები შეხვდნენ უკრაინის პრეზიდენტ ვოლოდიმირ ზელენსკისა და ნატო-ს გენერალურ მდივან მარკ რუტეს, რათა განეხილათ მათი მხარდაჭერა ძლიერი და სუვერენული უკრაინისთვის“, – აღნიშნავს მარკ კარნი.ცნობისთვის, დიდი შვიდეულის სამიტი კანადაში 15 ივნისს დაიწყო და ის ორი დღის განმავლობაში გრძელდებოდა.

მსოფლიო • 1750190561

ზელენსკი „დიდი შვიდეულის“ ლიდერების შეხვედრას დაესწრო

კანადის პრემიერ-მინისტრმა, მარკ კარნიმ „დიდი შვიდეულის“ ლიდერების შეხვედრას უმასპინძლა, რომელსაც უკრაინის პრეზიდენტი, ვოლოდიმირ ზელენსკიც ესწრებოდა.ვოლოდიმირ ზელენსკიმ „დიდი შვიდეულის“ ლიდერებს უკრაინისადმი მეტი მხარდაჭერისკენ მოუწოდა.უკრაინის პრეზიდენტი თავდაპირველად ცალკე შეხვდა კანადის პრემიერ-მინისტრ მარკ კარნის, რომელმაც განაცხადა, რომ ოტავა კიევს 2 მილიარდ კანადურ დოლარს გამოუყოფს სამხედრო დახმარებისთვის და ახალ ფინანსურ სანქციებს დააწესებს.მარკ კარნის თქმით, რუსეთის მხრიდან კიევზე ღამით განხორციელებული თავდასხმა, რომელსაც 12 ადამიანი ემსხვერპლა, ხაზს უსვამს უკრაინისადმი სრული სოლიდარობის მნიშვნელობას.ამასთან, „დიდი შვიდეულის“ ლიდერებმა ისაუბრეს რუსეთის წინააღმდეგ „მაქსიმალური ზეწოლის“ მნიშვნელობაზე, რათა აიძულონ იგი, დაიწყოს სამშვიდობო მოლაპარაკებები.

მსოფლიო • 1750134541

ვოლოდიმირ ზელენსკი დონალდ ტრამპთან უკრაინისთვის ამერიკული იარაღის შესყიდვაზე საუბარს გეგმავს

ვოლოდიმირ ზელენსკი დონალდ ტრამპთან უკრაინისთვის ამერიკული იარაღის შესყიდვაზე საუბარს გეგმავს. განცხადება უკრაინის პრეზიდენტმა კანადაში გამგზავრებამდე ავსტრიაში ვიზიტისას გააკეთა.ზელენსკი იმედოვნებს, რომ დიდი შვიდეულის სამიტის ფარგლებში, რომელშიც ის მონაწილეობას დღეს მიიღებს, დონალდ ტრამპთან პირისპირ შეხვედრას შეძლებს.„ერთ-ერთი საკითხი, რომლის განხილვასაც პრეზიდენტ ტრამპთან ვაპირებ, თავდაცვითი პაკეტია, რომლის ყიდვისთვისაც უკრაინა მზადაა. მჯერა, ამის შანსი გვექნება. ყოველ შემთხვევაში, მე ამის იმედი მაქვს. არავის სურს იმის წარმოდგენაც კი, როგორ შეიძლება ბრძოლა სიცოცხლისთვის შეერთებული შტატების დახმარების გარეშე. დიდი შვიდეულის ლიდერებთან ასევე განვიხილავთ რუსეთის გაყინულ აქტივებს. ჩვენ გვჭირდება ფასების ლიმიტი ენერგომატარებლებზე, კერძოდ, რუსულ ნავთობზე“, - განაცხადა ზელენსკიმ.

მსოფლიო • 1750085532

დონალდ ტრამპთან შეხვედრისას განვიხილავ თავდაცვით პაკეტს, რომლის შესაძენადაც უკრაინა მზად არის - ზელენსკი

უკრაინის პრეზიდენტი ვოლოდიმირ ზელენსკი აცხადებს, რომ აშშ-ის პრეზიდენტ დონალდ ტრამპთან ერთად განიხილოს შემდეგი თავდაცვითი პაკეტის შესყიდვის საკითხი. ამის შესახებ ზელენსკიმ ვენაში, ავსტრიის პრეზიდენტთან ერთობლივი პრესკონფერენციის დროს ისაუბრა.„ერთ-ერთი საკითხი, რომელსაც მე პრეზიდენტ ტრამპთან შეხვედრაზე განვიხილავ, ეხება თავდაცვით პაკეტს, რომლის შესაძენად უკრაინა მზად არის“, – აღნიშნა ზელენსკიმ.ზელენსკიმ ასევე ისაუბრა ამერიკული დახმარების მნიშვნელოვანი როლის შესახებაც წინა წლების განმავლობაში და განმარტა, რომ ჯერჯერობით არავის სურს წარმოიდგინოს, როგორ იცხოვროს და იბრძოლოს შტატების დახმარების გარეშე.ამჟამად ორ ქვეყანას შორის ახალი დახმარების შესახებ ფორმალური მოლაპარაკებები არ მიმდინარეობს, თუმცა ზელენსკი იმედს გამოთქვამს, რომ ეს საკითხი განიხილება პრეზიდენტ ტრამპთან მომავალი შეხვედრის დროს .მედიის ცნობით, დონალდ ტრამპი კანადაში, „დიდი შვიდეულის“ სამიტზე უკრაინის პრეზიდენტთან, ვოლოდიმირ ზელენსკისთან შეხვედრას აპირებს.

მსოფლიო • 1750065040

ზელენსკიმ გენერალური პროკურორის თანამდებობაზე რუსლან კრავჩენკო წარადგინა

უკრაინის პრეზიდენტმა, ვოლოდიმირ ზელენსკიმ გენერალური პროკურორის თანამდებობაზე რუსლან კრავჩენკო წარადგინა. პრეზიდენტმა მისი კანდიდატურა უმაღლეს რადას წარუდგინა. ამის შესახებ უკრაინის პარლამენტის სპიკერი რუსლან სტეფანჩუკი სოციალური ქსელ „ფეისბუქში“ წერს.სტეფანჩუკის განცხადებით, უმაღლესი რადა აღნიშნულ წარდგინებას უახლოეს პლენარულ სესიაზე განიხილავს.რუსლან კრავჩენკო გასული წლის ბოლოდან უკრაინის სახელმწიფო საგადასახადო სამსახურს ხელმძღვანელობდა. მანამდე ის კიევის საოლქო სამხედრო ადმინისტრაციის ხელმძღვანელი იყო. 2012 წლიდან პროკურატურაში სხვადასხვა თანამდებობაზე მუშაობდა. 2015-2019 წლებში კრავჩენკო მუშაობდა უკრაინის მთავარ სამხედრო პროკურატურაში. 2022 წლის მარტიდან კი, ბუჩაში სამხედრო დანაშაულების გამოძიებით იყო დაკავებული.

პოლიტიკა • 1750047817

,,დიდი შვიდეულის“ სამიტი დღეს იწყება

კანადაში დღეს „დიდი შვიდეულის“ სამიტი იწყება. ქვეყნის პრემიერ-მინისტრი მარკ კარნი იტალიის, აშშ-ის, საფრანგეთის, გერმანიის, დიდი ბრიტანეთისა და იაპონიის ლიდერებს ალბერტას პროვინციაში, კანანასკისში უმასპინძლებს.როგორც მასპინძელმა ქვეყანამ კანადამ სამიტზე ასევე დაპატიჟა ლიდერები, რომლებიც „დიდი შვიდეულის“ წევრები არ არიან. მაგალითად, ევროკავშირის ლიდერები, ინდოეთის პრემიერ-მინისტრი ნარენდრა მოდი, უკრაინის პრეზიდენტი ვოლოდიმირ ზელენსკი და სხვები.მოსალოდნელ განსახილველ თემებს შორის იყო ომი უკრაინაში, აშშ-ის პრეზიდენტის, დონალდ ტრამპის მიერ დაწესებული ტარიფები, ღაზაში არსებული ვითარება, თუმცა BBC წერს, რომ სამიტის წინასწარ შედგენილი დღის წესრიგი ისრაელისა და ირანის კონფლიქტმა გადაფარა.