მსოფლიო • 1787240274

კრემლის განცხადებით, უკრაინის გადაყენებული მინისტრის მოწოდება არჩევნების ჩატარებისკენ კიევში არსებულ განხეთქილებაზე მიუთითებს

რუსეთის განცხადებით, უკრაინის ხელმძღვანელობაში ღრმა განხეთქილებაა მას შემდეგ, რაც უკრაინის თავდაცვის გადაყენებულმა მინისტრმა მიხაილო ფედოროვმა, ვოლოდიმირ ზელენსკისგან არჩევნების დანიშვნა მოითხოვა - ნაწილობრივ იმის გამო, რომ, მისი მტკიცებით, მთავრობაში კორუფცია კვლავ ყვავის.ზელენსკი აცხადებს, რომ ომიანობის დროს არჩევნების ჩატარება კანონით არ შეუძლია. უკრაინა ომში რომ არ ყოფილიყო, მისი უფლებამოსილების ვადა 2024 წელს ამოიწურებოდა. კრემლის სპიკერმა, დიმიტრი პესკოვმა ჟურნალისტებს განუცხადა, რომ ვლადიმერ პუტინმა არაერთხელ აღნიშნა უკრაინაში არჩევნების ჩატარების აუცილებლობა და რომ ახალი ვადით არჩევის გარეშე, ზელენსკის აკლია ის ლეგიტიმაცია, რაც რუსეთთან პირდაპირი მოლაპარაკებებისთვისაა საჭირო.„კიევის რეჟიმი და კიევის რეჟიმის ეს კვაზი-პოლიტიკური არენა უკიდურესად არაერთგვაროვანია. ჩვენ ვხედავთ, რომ იქ მრავალი ცდილობს, ბუნებრივია, მღვრიე წყალში თევზი დაიჭიროს“. - განაცხადა პესკოვმა.„ზოგიერთი აპელირებს დემოკრატიითა და დემოკრატიული ნორმებით, სხვები ამის მცდელობასაც კი არ აკეთებენ. თუმცა, დე იურე, სიტუაცია ზუსტად ისეთია, როგორც ეს პრეზიდენტმა პუტინმა არაერთხელ აღნიშნა“ - თქვა მან.

ომი უკრაინაში • 1787213940

ზელენსკი: ვიდრე უკრაინას საკმარისი ანტიბალისტიკური თავდაცვა არ ექნება, რუსეთი მშვიდობას სერიოზულად არ განიხილავს

ვიდრე უკრაინას საკმარისი ანტიბალისტიკური თავდაცვა არ ექნება, რუსეთი მშვიდობას სერიოზულად არ განიხილავს, - ასე ეხმაურება უკრაინის პრეზიდენტი ვოლოდიმირ ზელენსკი კიევზე რუსეთის მიერ განხორციელებულ მასშტაბურ იერიშს.„საგანგებო სიტუაციების სამსახურები რუსების დარტყმების ადგილებზე მუშაობას განაგრძობენ. ეს მასშტაბური თავდასხმა იყო, რომლისთვისაც რუსები დიდხანს ემზადებოდნენ სხვადასხვა ტიპის ბალისტიკური რაკეტების, ფრთოსანი რაკეტებისა და დრონების კომბინირებით, რათა მაქსიმალური ზიანი მიეყენებინათ სამოქალაქო ინფრასტრუქტურისთვის“, - წერს ზელენსკი X-ზე.ზელენსკის ცნობით, რუსების იერიშის შედეგად, უკრაინის დედაქალაქში 12 ადამიანი, ხოლო კიევის ოლქში ერთი ადამიანი დაიღუპა. ასევე, თავდასხმის შედეგად 40-მდე ადამიანი დაშავდა.უკრაინის პრეზიდენტის თქმით, რუსებმა ოდესის ოლქში, მოლდოვასთან სასაზღვრო გამშვებ პუნქტს დაარტყეს, ხოლო ჩერნიგოვის ოლქში ბუნებრივი აირის ინფრასტრუქტურას.„სამწუხაროდ, მაშინ, როდესაც მოსკოვი ბალისტიკურ რაკეტებსა და ესკალაციაში ინვესტიციას დებს, მსგავს თავდასხმებს ყოველთვის არ მოჰყვება მსოფლიოსგან სათანადო რეაქცია. ვიდრე უკრაინას საკმარისი ანტიბალისტიკური თავდაცვა არ ექნება, რუსეთი მშვიდობას სერიოზულად არ განიხილავს. ჩვენ Patriot-ის ჰაერსაწინააღმდეგო რაკეტები ყოველდღიურად გვჭირდება. ყოველი დამატებითი რაკეტა ჩვენი ხალხის სიცოცხლეს ინარჩუნებს. მადლობა ყველას, ვინც დახმარების გზებს ეძებს და პოულობს“, - აცხადებს უკრაინის პრეზიდენტი.

მსოფლიო • 1787161800

კიმ ჩენ ინის და უარყოფს ზელენსკის განცხადებას იმის შესახებ, რომ ფხენიანი რუსეთის მხარდასაჭერად 50 000-მდე სამხედროს გაგზავნას გეგმავს

ჩრდილოეთ კორეის ლიდერის, კიმ ჩენ ინის და და მმართველი პარტიის მაღალჩინოსანი, კიმ იო ჩჟონი უარყოფს უკრაინის პრეზიდენტის, ვოლოდიმირ ზელენსკის განცხადებას იმის შესახებ, რომ ფხენიანი რუსეთის მხარდასაჭერად 50 000-მდე სამხედროს გაგზავნას გეგმავს.კიმ იო ჩჟონმა ზელენსკის შეფასებას „უსაფუძვლო“ უწოდა. ზელენსკიმ აღნიშნული ბრალდება ამ თვეში სოციალურ ქსელ X-ში გამოქვეყნებულ პოსტში წამოაყენა და სამხრეთ კორეას უკრაინის საჰაერო თავდაცვის მხარდაჭერისკენ მოუწოდა. თავის მხრივ, კიმ იო ჩჟონმა აღნიშნა, რომ უკრაინის კრიზისის დაწყებასა და მის გაჭიანურებაზე პასუხისმგებლობა სრულად შეერთებულ შტატებსა და დასავლეთს ეკისრება.კიმ იო ჩჟონმა ასევე განაცხადა, რომ აშშ-ის „მტრული პოლიტიკა“ ჩრდილოეთ კორეის მიმართ არ შეცვლილა, მიუხედავად პრეზიდენტ დონალდ ტრამპის განკარგულებისა სამხრეთ კორეასთან ერთობლივ სამხედრო სწავლებაში ამერიკის მონაწილეობის შემცირების შესახებ.მან აღნიშნა, რომ თუმცა აშშ-ისა და ჩრდილოეთ კორეის ლიდერებს შორის ურთიერთობა „მართლაც შესანიშნავი“ იყო, ვაშინგტონი მაინც აგრძელებს სეულთან ერთად წვრთნების ჩატარებას და საფრთხეს უქმნის ფხენიანის ეროვნულ უსაფრთხოებას.მან დასძინა, რომ არ ფლობს ინფორმაციას ორი ქვეყნის ლიდერებს შორის ბოლო დროს განხორციელებული რაიმე სახის კომუნიკაციის შესახებ.

მსოფლიო • 1787158699

უკრაინის პრეზიდენტის ადმინისტრაციაში აცხადებენ, რომ საომარი მოქმედებებისას ქვეყანაში არჩევნების ჩატარება რეალიზმს არის მოკლებული

უკრაინის პრეზიდენტის ადმინისტრაცია ქვეყანაში არჩევნების ჩატარების შესახებ ყოფილი თავდაცვის მინისტრის, მიხაილ ფედოროვის მოწოდებას ეხმაურება.„ბიბისის“ ვოლიდიმირ ზელენსკის ადმინისტრაციის წარმომადგენელმა განუცხადა, რომ იდეა, საომარი მოქმედებების დროს არჩევნების ჩატარების შესახებ, რეალიზმს არის მოკლებული.გამოცემის ცნობით, ადმინისტრაციის წარმომადგენლმა ასევე აღნიშნა, რომ ძალიან უცნაურია არჩევნების დაგეგმვა „რაკეტებისა და დრონების თანხლებით“.„ეს რეალიზმის სრულ ნაკლებობაზე მიუთითებს“, – განაცხადა უკრაინის პრეზიდენტის ადმინისტრაციის წარმომადგენელმა.ცნობისთვის, უკრაინის თავდაცვის ყოფილი მინისტრი მიხაილო ფედოროვი უკრაინაში არჩევნების ჩატარების მოწოდებით გამოვიდა. ფედოროვის თქმით, უკრაინამ უნდა იპოვოს კანონიერი, უსაფრთხო და რეალისტური მექანიზმი, რომელიც სრულფასოვანი დემოკრატიული პროცესის განახლების საშუალებას მისცემს, თუნდაც გაჭიანურებული ომის პირობებში.

მსოფლიო • 1787154226

Financial Times: ირინა მუდრას დათხოვნა უკრაინის პრეზიდენტს ახალ კორუფციულ სკანდალში გახვევის საფრთხეს უქმნის, თანაც იმ დროს, როდესაც მას ყოფილი თავდაცვის მინისტრი, მიხაილო ფედოროვი მწვავედ აკრიტიკებს

ოთხშაბათს უკრაინის პრეზიდენტმა, ვოლოდიმირ ზელენსკიმ თანამდებობიდან დაითხოვა თავისი ერთ-ერთი წამყვანი თანაშემწე მას შემდეგ, რაც ანტიკორუფციულმა სამსახურებმა მის საცხოვრებელ სახლში რეიდი ჩაატარეს - ეს გადაწყვეტილება ემთხვევა პრეზიდენტის მიმართ გაზრდილ იერიშებს, რაც მისი უახლოესი გარემოცვის წინააღმდეგ წამოყენებული კორუფციული ბრალდებების სერიას უკავშირდება, - წერს ბრიტანული გამოცემა Financial Times.ანტიკორუფციულმა სამსახურებმა რეიდების სერია განახორციელეს იმ უკანონო სქემის გამოსავლენად, რომელიც სახელმწიფო ბანკის გავლით 3.4 მილიონი დოლარის გათეთრებას ითვალისწინებდა. აღნიშნული თანხით ზელენსკის ენერგეტიკის ექს-მინისტრის, ჰერმან ჰალუშჩენკოს გირაოს დაფარვა იგეგმებოდა, რომელსაც გასულ შემოდგომას ბრალდება წაუყენეს ზელენსკის მმართველობის მანძილზე ყველაზე დიდ კორუფციულ სკანდალში.სამართალდამცავი უწყებების ცნობით, ჩატარებული რეიდების ყველაზე გავლენიანი სამიზნე პრეზიდენტის ადმინისტრაციის უფროსის მოადგილე, ირინა მუდრა გახდა, რომელიც ზელენსკის უახლოეს მოკავშირედ ითვლება. მასთან ერთად საგამოძიებო მოქმედებები შეეხო ერთ-ერთ დეპუტატსა და სახელმწიფო „სენს ბანკის“ ხელმძღვანელებს.უკრაინის ეროვნული ანტიკორუფციული ბიუროს ოფიციალური პირის ცნობით, აღნიშნული თანხა „ფიქტიური ფირმების ანგარიშებზე გაატარეს და გაათეთრეს, რათა დანაშაულებრივი დაჯგუფების წევრისთვის გირაო გადაეხადათ“.მუდრას დათხოვნა პრეზიდენტს ახალ კორუფციულ სკანდალში გახვევის საფრთხეს უქმნის, თანაც იმ დროს, როდესაც მას ყოფილი თავდაცვის მინისტრი, მიხაილო ფედოროვი მწვავედ აკრიტიკებს.რეიდის წინა ღამეს ფედოროვმა ზელენსკის მიმართულებით „ცეცხლი გახსნა“ - მან განაცხადა, რომ ფართოდ გავრცელებული კორუფცია რუსეთთან ომში უკრაინის პოზიციებს ასუსტებს და არჩევნების დანიშვნა მოითხოვა.

მსოფლიო • 1787151589

POLITICO: ანტიკორუფციული რეიდი ზელენსკიზე ზეწოლას კიდევ უფრო აძლიერებს

უკრაინის პრეზიდენტმა, ვოლოდიმირ ზელენსკიმ ოთხშაბათს პრეზიდენტის ოფისის ხელმძღვანელის მოადგილე, ირინა მუდრა თანამდებობიდან დაითხოვა - ეს გადაწყვეტილება მას შემდეგ მიიღეს, რაც ანტიკორუფციული უწყების წარმომადგენლებმა, მასშტაბური საგამოძიებო მოქმედებების ფარგლებში, მის სამუშაო კაბინეტში ჩხრეკა ჩაატარეს, - წერს გამოცემა POLITICO სტატიაში სათაურით „ანტიკორუფციული რეიდი ზელენსკიზე ზეწოლას კიდევ უფრო აძლიერებს“.„ეს გათავისუფლება კიდევ უფრო ამძიმებს ზელენსკის ისედაც რთულ მდგომარეობას. ყოფილმა თავდაცვის მინისტრმა, მიხაილო ფედოროვმა არჩევნების ჩატარებისკენ მოუწოდა ხელისუფლებას, მკაცრად გააკრიტიკა კორუფცია და მმართველობის სისტემურ კრიზისზე მიუთითა - ეს განცხადება მან იმ მოვლენებიდან რამდენიმე კვირაში გააკეთა, როდესაც მის დათხოვნას ხანგრძლივი საპროტესტო ტალღა მოჰყვა“, - ნათქვამია სტატიაში.ოთხშაბათს დილით უკრაინის ეროვნულმა ანტიკორუფციულმა ბიურომ ახალი სპეცოპერაციის დაწყების შესახებ განაცხადა, რომელიც სავარაუდო დანაშაულებრივი დაჯგუფების წინააღმდეგაა მიმართული. უწყების ინფორმაციით, სქემაში მოქმედი თუ ყოფილი პარლამენტარები და ზელენსკის ადმინისტრაციის მაღალჩინოსნები ფიგურირებენ. ბიურო საგამოძიებო მოქმედებებსა და ჩხრეკას სპეციალიზებულ ანტიკორუფციულ პროკურატურასთან ერთად ატარებს.საგამოძიებო ოპერაციის - კოდური სახელწოდებით „ფორესტ გამპი“ - მიხედვით, აღნიშნულმა დაჯგუფებამ სახელმწიფო „სენს ბანკის“ გავლით დაახლოებით 150 მილიონი გრივნა (დაახლოებით 3 მილიონი დოლარი) გაათეთრა. ეს თანხა ენერგეტიკის ექსმინისტრის, ჰერმან ჰალუშჩენკოს გირაოს უზრუნველსაყოფად გამოიყენეს, რომელიც გასულ წელს მომხდარი კორუფციული სკანდალის მთავარი ფიგურაა.

მსოფლიო • 1787150280

The Wall Street Journal: ზელენსკის მმართველობა ომის დაწყების შემდეგ ყველაზე დიდი საფრთხის წინაშეა - მიხაილო ფედოროვმა პრეზიდენტს არჩევნების ჩატარებისკენ მოუწოდა და განაცხადა, რომ უკრაინულ დემოკრატიას საფრთხე ემუქრება

უკრაინის თანამდებობიდან დათხოვნილმა თავდაცვის მინისტრმა, ომისდროინდელი არჩევნების მოთხოვნითა და უკრაინული დემოკრატიისთვის საფრთხის შექმნის შესახებ გაფრთხილებით, ვოლოდიმირ ზელენსკის მმართველობას რუსეთის სრულმასშტაბური ინტერვენციის შემდეგ ყველაზე დიდი გამოწვევა შეუქმნა, - წერს ამერიკული გამოცემა The Wall Street Journal სტატიაში სათაურით „ზელენსკის მმართველობა ომის დაწყების შემდეგ ყველაზე დიდი საფრთხის წინაშეა - მიხაილო ფედოროვმა პრეზიდენტს არჩევნების ჩატარებისკენ მოუწოდა და განაცხადა, რომ უკრაინულ დემოკრატიას საფრთხე ემუქრება“.მიხაილო ფედოროვმა, რომლის გასულ თვეში გადაყენებასაც საპროტესტო ტალღა მოჰყვა, ვიდეომიმართვაში უკრაინის ხელისუფლება მკვეთრად გააკრიტიკა და დემოკრატიული პროცესის ნაკლებობაზე ილაპარაკა. მან კორუფციის, გადაჭარბებული ბიუროკრატიისა და კრონიზმის აღმოსაფხვრელად ფართომასშტაბური რეფორმების გატარება მოითხოვა.ზელენსკიზე წნეხი კიდევ უფრო გაძლიერდა, როდესაც რამდენიმე საათში უკრაინის ანტიკორუფციულმა უწყებამ პრეზიდენტის ოფისის მაღალჩინოსნების წინააღმდეგ მიმდინარე გამოძიების ფარგლებში რეიდების სერია ჩაატარა. შედეგად, პრეზიდენტმა ერთ-ერთი მაღალჩინოსანი თანამდებობიდან დაითხოვა.თავდაცვის მინისტრის თანამდებობაზე გატარებული ექვსი თვის განმავლობაში ფედოროვმა ინოვატორის რეპუტაცია მოიპოვა. იგი აქტიურად ებრძოდა არმიაში არსებულ საბჭოურ მენტალიტეტს და ბიუროკრატიის შესამცირებლად ისეთ თანამედროვე ტექნოლოგიებს ამკვიდრებდა, როგორებიცაა დრონები და ციფრული ინსტრუმენტები.„ხალხი ვერ იცხოვრებს მუდმივ გაურკვევლობაში, როდესაც არ ესმის, რატომ იღებენ ამა თუ იმ გადაწყვეტილებას, რატომ მიდის წინ ზოგიერთი რეფორმა და იბლოკება სხვები, ან რატომ იჭედება თვეობით სამთავრობო უწყებებში ის ნაბიჯები, რომლებიც ფრონტის ხაზზე დღესვეა სასიცოცხლოდ საჭირო“, - აღნიშნა ფედოროვმა. - „საკუთარი გადარჩენისთვის მებრძოლი ქვეყანა ასე უბრალოდ ვერ იფუნქციონირებს“.პოლიტიკური ანალიტიკოსების შეფასებით, ფედოროვის განცხადება მიზნად ისახავს იმ საზოგადოებრივი უკმაყოფილების სათავისოდ გამოყენებას, რომელიც სავარაუდო კორუფციამ და ზელენსკის მიერ ომის წარმართვის მეთოდებმა გამოიწვია. ამ პროტესტის იშვიათი გამოვლინება გახდა ბოლო დროს ქუჩაში გამართული აქციები, რომლებიც პრეზიდენტის ნდობის რეიტინგის შემცირების ფონზე მიმდინარეობს.

მსოფლიო • 1787138054

უკრაინის უმაღლესმა რადამ ევგენი ხმარა უკრაინის თავდაცვის მინისტრად დაამტკიცა

უკრაინის უმაღლესმა რადამ ევგენი ხმარა უკრაინის თავდაცვის მინისტრად დაამტკიცა. ამ თანამდებობაზე ხმარამ მიხაილო ფედოროვი შეცვალა. ინფორმაციას ამის შესახებ უკრაინის საზოგადოებრივი მაუწყებელი ავრცელებს.ევგენი ხმარას კანდიდატურას 312-მა დეპუტატმა დაუჭირა მხარი. ახლად დანიშნულმა თავდაცვის მინისტრმა პარლამენტის დარბაზში ფიცი დადო.სხდომის დროს ევგენი ხმარამ განაცხადა, რომ სამხედრო სამსახური უკვე დატოვა. უკრაინის კანონმდებლობის თანახმად, თავდაცვის მინისტრის თანამდებობის დაკავება მხოლოდ სამოქალაქო პირს შეუძლია.„საჭიროა ინიციატივის ხელში ჩაგდება ყველა მიმართულებით – ხმელეთზე, ზღვაზე, ჰაერში და საინფორმაციო სივრცეში. ყველაფერი სწრაფად უნდა გაკეთდეს. არმიას იარაღი სჭირდება. შესყიდვები მხოლოდ ფრონტის ინტერესებს უნდა ემსახურებოდეს და არა ვინმეს პირად ინტერესებს“, – განაცხადა ევგენი ხმარამ.ხმარამ ასევე განაცხადა, რომ მობილიზაციასთან დაკავშირებით „კომპლექსური გადაწყვეტილება“ უნდა იყოს მიღებული. უკრაინელი სამხედროები სათანადოდ უნდა იყვნენ მომზადებულები, აღჭურვილი და ინტეგრირებული. მისი თქმით, მობილიზაციის გეგმა ომის ხედვაზე უნდა იყოს დამოკიდებული და ამ საკითხზე სამინისტრო უკვე მუშაობს გენერალურ შტაბთან ერთად.მანამდე უკრაინის უმაღლესმა რადამ უკრაინის საგარეო საქმეთა მინისტრად ანდრეი სიბიგას დანიშვნას დაუჭირა მხარი.ცნობისთვის, 12 ივლისს უკრაინის პრეზიდენტმა, ვოლოდიმირ ზელენსკიმ მინისტრთა კაბინეტის განახლება და უკრაინის ახალი პოლიტიკური სტრატეგიის ფარგლებში სამართალდამცავი ორგანოების ხელმძღვანელებს შორის საკადრო ცვლილებები დააანონსა.

მსოფლიო • 1787135867

ვოლოდიმირ ზელენსკიმ ირინა მუდრა პრეზიდენტის ოფისის ხელმძღვანელის მოადგილის თანამდებობიდან გაათავისუფლა

უკრაინის პრეზიდენტმა, ვოლოდიმირ ზელენსკიმ ირინა მუდრა პრეზიდენტის ოფისის ხელმძღვანელის მოადგილის თანამდებობიდან გაათავისუფლა.ამის შესახებ უკრაინის პრეზიდენტის განკარგულებაშია ნათქვამი.ცნობისთვის, გავრცელდა ინფორმაცია, რომ უკრაინის ეროვნული ანტიკორუფციული ბიურო და სპეციალიზებული ანტიკორუფციული პროკურატურა უკრაინის პრეზიდენტის ოფისის ხელმძღვანელის მოადგილე ირინა მუდრასთან ატარებენ საგამოძიებო მოქმედებებს.უკრაინის ეროვნულ ანტიკორუფციულ ბიუროში განაცხადეს, რომ ჩაატარეს სპეციალური ოპერაცია „მაღალი დონის კორუფციის აღმოსაფხვრელად“.უწყების განმარტებით, დანაშაულებრივ დაჯგუფებაში შედიან ვოლოდიმირ ზელენსკის ოფისის ხელმძღვანელის მოადგილე ირინა მუდრა, უკრაინის უმაღლესი რადას ყოფილი დეპუტატი, სახელმწიფო ბანკის გამგეობის თავმჯდომარე და სხვა პირები.„უკრაინის ეროვნულმა ანტიკორუფციულმა ბიურომ და სპეციალიზებულმა ანტიკორუფციულმა პროკურატურამ, მაღალი დონის კორუფციის აღმოსაფხვრელად ჩატარებული სპეციალური ოპერაციის ფარგლებში, გამოავლინეს პირთა ჯგუფი, რომლებმაც ორგანიზება გაუწიეს დანაშაულებრივი გზით მოპოვებული თანხების ლეგალიზაციას და უზრუნველყვეს ეს პროცესი. საუბარია 150 მილიონ გრივნაზე (3,3 მილიონი დოლარი) ნაღდი ფულის სახით, რომელიც, გამოძიების ინფორმაციით, რამდენიმე ფიქტიური კომპანიის ანგარიშის გამოყენებით ლეგალურ ბრუნვაში გაუშვეს, რათა ერთ-ერთი დანაშაულებრივი ორგანიზაციის წევრისთვის, ე.წ. მიდასის საქმეზე, გირაო გადაეხადათ. ჯგუფის შემადგენლობაში შედიოდნენ: პრეზიდენტის ოფისის ხელმძღვანელის მოადგილე, ყოფილი დეპუტატი, სახელმწიფო ბანკის გამგეობის თავმჯდომარე და სხვა პირები“, — ნათქვამია გამოქვეყნებულ ვიდეომასალებში.ირინა მუდრა უკრაინის პრეზიდენტის ოფისის ხელმძღვანელის მოადგილის თანამდებობას 2024 წლის 29 მარტიდან იკავებდა.

მსოფლიო • 1787129939

ამ წუთებში პრეზიდენტის ოფისის ხელმძღვანელის მოადგილესთან ჩხრეკა მიმდინარეობს - ალექსეი გონჩარენკო

უკრაინის უმაღლესი რადის დეპუტატმა ალექსეი გონჩარენკო აცხადებს, რომ ამ წუთებში პრეზიდენტის ოფისის ხელმძღვანელის მოადგილესთან ჩხრეკა მიმდინარეობს.მისი თქმით, სისტემა "აბსოლუტურად კორუმპირებულია" და ზელენსკის გუნდში ყველაზე მეტად არჩევნები, ხელისუფლების შენარჩუნება და ომი აინტერესებთ."კარგია, მივაღწიეთ შედეგს. კიდევ ვინ დარჩა ზელენსკის გუნდში ისეთი, ვინც ან არ გაქცეულა, ან ვისთვისაც ბრალი არ წაუყენებიათ, ან თავად ზელენსკი არ დაუდანაშაულებია იმაში, რომ მან დანაშაულებრივი სისტემა შექმნა?გუშინ ყველამ მოვისმინეთ თავდაცვის ყოფილი მინისტრის, ყოფილი პირველი ვიცე-პრემიერის, ციფრულ საკითხთა ყოფილი მინისტრის, ზელენსკის ციფრული შტაბის ყოფილი ხელმძღვანელის - ფიოდოროვის მიმართვა. ის ამბობს: სახელმწიფოში კორუფციული სისტემაა აშენებულიო. იცით, რაშია საქმე? სანამ ვიღაც უკვე მერვე წელია ამ სისტემას ებრძვის, ვიღაცამ ეს სისტემა ააშენა. ვინ იყო ეს? ვინ ააშენა ეს სისტემა, რომელიც აბსოლუტურად დამპალია, აბსოლუტურად კორუმპირებულია, აბსოლუტურად არაკომპეტენტურია? დღეს დილით მინისტრებს ჩხრეკების ფონზე დანიშნავთ.სწორია. როგორც ყოველთვის ამას ერთი და იგივე დასასრული აქვს - მოიპარე - დაგიჭერენ, ბრალს წაგიყენებენ და ციხეში აღმოჩნდები. ეს არის ერთადერთი გზა, რომელსაც ზელენსკის გუნდი ადგას. ისინი ამ გზაზე ცალ-ცალკე, ერთმანეთის მიყოლებით მიდიან.მეგობრებო, მინდა გითხრათ, რომ მესმის - ზელენსკის გუნდში, და მიხაილო ფიოდოროვი სწორედ ზელენსკის გუნდის წევრია, ეს ჩვენ ყველამ ვიცით - ყველაზე მეტად არჩევნები, ხელისუფლების შენარჩუნება და ომი აინტერესებთ. მე მათ მოვუსმინე და მთავარი სიტყვა ვერ გავიგონე. იმ მთავარი სიტყვა, რომელსაც ყველა უკრაინელი ელოდება. ეს სიტყვაა - მშვიდობა.ჩვენ მშვიდობა გვჭირდება. ამის შემდეგ, რა თქმა უნდა, გვჭირდება არჩევნებიც, ცვლილებებიც და ყველაფერი დანარჩენიც. მაგრამ ყველაფერი მშვიდობით უნდა დაიწყოს.როგორც ჩანს, ეს სიტყვა არავის აინტერესებს. ასე გაგრძელება არ შეიძლება.მთელი ქვეყანა უკიდურეს მდგომარეობაშია, სუმი, ზაპოროჟიე, დნეპროპეტროვშჩინა, ოდესა იბომბება, ჩვენი პორტები გაჩერებულია, უმსხვილესი საწარმოები მუშაობას წყვეტენ, მთელი მეტალურგიული ინდუსტრიაა გაჩერებული, ხალხს უკვე აღარაფერი დარჩა მათ მხოლოდ იმას ეუბნებიან, რომ „წინ რთული ზამთარია“.საინფორმაციო ბიურო ხართ? ჩვენც ვიცით და კალენდარიც გვაქვს - რომ წინ ზამთარია. რა გააკეთეთ იმისთვის, რომ ეს ზამთარი რთული არ ყოფილიყო? სად არის რაიმე კონკრეტული მოქმედება?უკვე მეორე თვეა, შეუჩერებლად ინაწილებთ თანამდებობებს. ეს უკვე მეორე თვეა გრძელდება. სად ცხოვრობთ, რომელ რეალობაში? რეალობაში, რომელშიც უკრაინელები ცხოვრობენ, მათ მშვიდობა სჭირდებათ. ამის შემდეგ - საერთოდ უნდა მოვიშოროთ ყველა თქვენგანი", - აცხადებს გონჩარენკო.

მსოფლიო • 1787123522

უკრაინის ანტიკორუფციული ბიუროს ცნობით, ტარდება ოპერაცია კრიმინალური ორგანიზაციის გამოსავლენად, რომელიც მოქმედებდა რადას დეპუტატების ხელმძღვანელობით, უკრაინის პრეზიდენტის ადმინისტრაციის წარმომადგენლებისა და სხვა პირების მონაწილეობით

უკრაინის ეროვნული ანტიკორუფციული ბიურო ავრცელებს ინფორმაციას, სადაც აღნიშნულია, რომ ანტიკორუფციულ პროკურატურასთან ერთად, ტარდება სპეციალური ოპერაცია კრიმინალური ორგანიზაციის გამოსავლენად, რომელსაც ვერხოვნა რადას ყოფილი და ამჟამინდელი წევრები ხელმძღვანელობენ, მათ შორის არიან ვოლოდიმირ ზელენსკის ადმინისტრაციის თანამშრომლებიც."უკრაინის ეროვნული ანტიკორუფციული ბიურო (NABU) და ანტიკორუფციული პროკურატურა (SAP) ატარებენ სპეციალურ ოპერაციას კრიმინალური ორგანიზაციის გამოსავლენად, რომელიც მოქმედებდა უკრაინის რადას ამჟამინდელი და ყოფილი სახალხო დეპუტატების ხელმძღვანელობით, უკრაინის პრეზიდენტის ადმინისტრაციის წარმომადგენლებისა და სხვა პირების მონაწილეობით", - ამის შესახებ უკრაინის ეროვნული ანტიკორუფციული ბიურო ინფორმაციას ტელეგრამზე ავრცელებს.მათივე ინფორმაციის თანახმად, დეტალები მოგვიანებით გახდება ცნობილი.

მსოფლიო • 1786953536

კიევში ფედოროვის მხარდამჭერი აქცია გაიმართა

კიევში, თავდაცვის ყოფილი მინისტრის თანამდებობაზე დაბრუნების მოთხოვნით საპროტესტო აქცია გაიმართა. როგორც აქციის ერთ-ერთმა ინიციატორმა დმიტრო კოზიატინსკიმ განაცხადა, შეკრების მიზანია, ხელისუფლებას საზოგადოებასთან დიალოგის აუცილებლობა შეახსენოს.საპროტესტო აქციები უკრაინაში ივლისში დაიწყო, მას შემდეგ, რაც პრეზიდენტმა ზელენსკიმ თავდაცვის მინისტრი მიხაილო ფედოროვი თანამდებობიდან გაათავისუფლა. როგორც უკრაინული მედია აღნიშნავს, ქვეყანაში ამ გადაწყვეტილებას უკვე 32-ე დღეა აპროტესტებენ.