მსოფლიო • 1783315524

დონალდ ტრამპი და ვოლოდიმირ ზელენსკი ერთმანეთს ანკარაში შეხვდებიან

 დონალდ ტრამპი ვოლოდიმირ ზელენსკის შეხვდება. ინფორმაცია თეთრ სახლში დაადასტურეს. აშშ-სა და უკრაინის პრეზიდენტების შეხვედრა ანკარაში ნატოს სამიტის ფარგლებში გაიმართება. ორი ქვეყნის ლიდერები 8 ივლისს, შუადღისას შეხვდებიან.ანონიმურმა წყარომ მედიას ასევე განუცხადა, რომ საუბრის მთავარი თემა უკრაინაში ომის დასრულება იქნება, ზელენსკისთან შეხვედრის შემდეგ კი ტრამპი ამ საკითხზე რუსეთის პრეზიდენტ ვლადიმერ პუტინსაც გაესაუბრება.

მსოფლიო • 1783017240

ზელენსკი აცხადებს, რომ რუსტემ უმეროვმა და ჯარედ კუშნერმა ბოლო ორი დღის განმავლობაში მოლაპარაკებები გამართეს

უკრაინის პრეზიდენტის, ვოლოდიმირ ზელენსკის თქმით, უკრაინის ეროვნული უსაფრთხოებისა და თავდაცვის საბჭოს მდივანმა, რუსტემ უმეროვმა და ჯარედ კუშნერმა ბოლო ორი დღის განმავლობაში მოლაპარაკებები გამართეს.„გუშინ, თუ არ ვცდები, უმეროვსა და კუშნერს შორის საუბარი შედგა. ასევე გუშინწინაც. ვგულისხმობ, რომ მათ რამდენიმე კვირის ან, არ ვიცი, შესაძლოა რამდენიმე თვის წინ თქვეს, რომ უკრაინაში ჩამოვიდოდნენ. ისინი უნდა ჩამოვიდნენ, რათა თავად ნახონ და გაიგონ, შემდეგ კი ეს პრეზიდენტს აუხსნან. სტივ უიტკოფმა კი რუსეთს ძალიან თავაზიანად უნდა უთხრას, რა უნდა გააკეთონ: სწრაფად დასხდნენ მოლაპარაკების მაგიდასთან და ეს ომი შეაჩერონ“, – განაცხადა უკრაინის პრეზიდენტმა ჟურნალისტებთან საუბრისას.ამასთან, ვოლოდიმირ ზელენსკიმ აღნიშნა, რომ მომავალ კვირას ანკარაში დაგეგმილ ნატო-ს სამიტზე დონალდ ტრამპთან პირისპირ შეხვედრას გეგმავს.

მსოფლიო • 1783012680

ზელენსკი რუსეთის მასირებულ თავდასხმაზე: მსხვერპლი ამდენი არ იქნებოდა, უკრაინის დასავლელ პარტნიორებს რომ შეესრულებინათ ნაკისრი ვალდებულებები უკრაინის საჰაერო თავდაცვის გაძლიერებასთან დაკავშირებით

დღევანდელი მასირებული თავდასხმა კიევზე არის პუტინის ძალისხმევის ნაწილი, რომელიც სექტემბრის არჩევნებისთვის მზადებას უკავშირდება. თუმცა, მსხვერპლი ამდენი არ იქნებოდა, უკრაინის დასავლელ პარტნიორებს რომ შეესრულებინათ ნაკისრი ვალდებულებები უკრაინის საჰაერო თავდაცვის გაძლიერებასთან დაკავშირებით, - განაცხადა უკრაინის პრეზიდენტმა, ვოლოდიმირ ზელენსკიმ.ზელენსკის თქმით, მნიშვნელოვანია იმის გააზრება, რომ ესკალაცია მოსალოდნელია, ამიტომ აუცილებელია იარაღის შეუფერხებელი მიწოდება.პრეზიდენტმა ასევე უპასუხა კითხვას იმის შესახებ, მიიღებს თუ არა რუსეთი საპასუხო დარტყმას ამ თავდასხმისთვის და განხორციელდება თუ არა იერიში მოსკოვზე: „თქვენ ხომ იცით, ჩვენ სამართლიანი მშვიდობისა და ომის სამართლიანი დასასრულისთვის ვიბრძვით, ვიდრე ეს არ მოხდება, ეს იქნება სამართლიანი პასუხები“.მისივე თქმით, პარტნიორებს დაპირებული დახმარება დროულად რომ მოეწოდებინათ, დღეს შესაძლებელი იქნებოდა სახლებისა და ადამიანების გადარჩენა და ეს დიდი პრობლემაა.„ჩვენ ახლა არ განვიხილავთ და არ გავასაჯაროებთ მიწოდების დეტალებს. მიმაჩნია, რომ ეს არის დიდი პრობლემა, რომელიც ჩვენს პარტნიორებს უკავშირდება. ერთი მხრივ, დიდი მხარდაჭერაა და ჩვენ მადლობელი ვართ მათი, მაგრამ მეორე მხრივ, ჩვენ დღეს ვიბრძვით, ჩვენ ვიბრძვით მარტო, მსხვერპლი კი მხოლოდ უკრაინელები არიან. პარტნიორებისგან მხოლოდ ის გვჭირდება, რომ გააკეთონ ის, რაზეც შევთანხმდით. ჩვენ იმაზე მეტსაც არ ვითხოვთ. უბრალოდ, შეასრულონ ის, რაზეც შეთანხმდნენ, ხელი მოაწერეს ან დაგვპირდნენ“, - შეაჯამა პრეზიდენტმა.

ომი უკრაინაში • 1782971554

რუსულმა მხარემ კიევის მიმართულებით თავდასხმა უპილოტო საფრენი აპარატებითა და რაკეტებით განახორციელა, არის მსხვერპლი

ღამის განმავლობაში რუსულმა მხარემ კიევის მიმართულებით თავდასხმა უპილოტო საფრენი აპარატებითა და რაკეტებით განახორციელა. შედეგად 11 ადამიანია დაღუპული, ხოლო 56 დაშავებული.უკრაინული მედიის ინფორმაციით, დაზიანდა რამდენიმე უბანი: დესნიანსკის რაიონში დანგრეულია ცხრა სართულიანი საცხოვრებელი სახლი.ამასთან, შევჩენკოვსკის რაიონში ცეცხლი გაუჩნდა სასტუმროს, დაზიანდა სამედიცინო დაწესებულებაც.ქვეყნის შინაგან საქმეთა მინისტრის, იგორ კლიმენკოს განცხადებით, საგანგებო სიტუაციების სამსახური ამჟამად ნანგრევებიდან ადამიანების ამოყვანაზე მუშაობს, ვარაუდობენ, რომ გარდაცვლილთა რაოდენობა გაიზრდება.„17 ადამიანის გადარჩენა მოხერხდა, მათგან შვიდი სასიკვდილო ხაფანგიდან გამოვიდა ცოცხალი. სამწუხაროდ, ერთი ადამიანი დაიღუპა“, – აღნიშნავს კლიმენკო.შინაგან საქმეთა მინისტრის განცხადებით, კიევში 20-ზე მეტი საცხოვრებელი სახლი დაზიანდა. მაშველები ამჟამად 15 უბანზე განაგრძობენ მუშაობას.ცნობისთვის, მანამდე უკრაინის პრეზიდენტმა ვოლოდიმირ ზელენსკიმ განაცხადა, რომ რუსეთი უკრაინის წინააღმდეგ ახალ მასირებულ დარტყმას ამზადებდა.

მსოფლიო • 1782934508

მნიშვნელოვანია გავიგოთ, რომ ყველა ქვეყნის ინტერესშია, უკრაინა ევროკავშირში რაც შეიძლება მალე გაწევრიანდეს - ზელენსკი

უკრაინის პრეზიდენტი ვოლოდიმირ ზელენსკი აცხადებს, რომ უკრაინამ ომის პირობებში შეასრულა ევროკავშირთან მოლაპარაკებების ყველა კლასტერის გასახსნელად საჭირო მოთხოვნები, ამიტომ იმედი აქვს, რომ დაპირისპირებისა და რთული ურთიერთობების მიუხედავად, პოლონეთი და უნგრეთი უკრაინის ევროინტეგრაციას არ დაბლოკავენ.ზელენსკის ირლანდიის პრემიერ-მინისტრ მიშელ მარტინთან ერთობლივ პრესკონფერენციაზე ჟურნალისტმა ჰკითხა, როგორ დაარწმუნებს უკრაინა უნგრეთსა და პოლონეთს, რომ დარჩენილი ხუთი კლასტერის გახსნას მხარი დაუჭირონ.როგორც უკრაინის პრეზიდენტმა კითხვის საპასუხოდ აღნიშნა, უკრაინამ ყველაფერი შეასრულა, რასაც ბრიუსელი სთხოვდა და ყველა ქვეყნის ინტერესშია, უკრაინა რაც შეიძლება მალე გაწევრიანდეს ევროკავშირში.„ჩვენ ყველაფერი გავაკეთეთ. იმედი მაქვს, პეტერ მადიარი ამას მხარს უჭერს. ასევე, იმედი მაქვს, პოლონეთის მთავრობაც დაუჭერს მხარს. ვფიქრობ, მნიშვნელოვანია გვესმოდეს, როდესაც ყველას გვაქვს წესები – არა მხოლოდ პოლიტიკური ემოციები, არამედ წესები – ჩვენ უნდა გავაკეთოთ ის, რაც აუცილებელია. ვფიქრობ, მნიშვნელოვანია გავიგოთ, რომ ყველა ქვეყნის ინტერესშია, უკრაინა რაც შეიძლება მალე გაწევრიანდეს ევროკავშირში“, – აღნიშნა ზელენსკიმ.პოლონეთთან დაპირისპირებაზე საუბრისას ზელენსკიმ აღნიშნა, რომ ყურადღება წარსულზე კი არა, აწმყოზე უნდა გამახვილდეს.„ჩვენ მეზობლები ვართ. ჩვენს ისტორიაში გარკვეული სირთულეები გვაქვს. ქვეყნების უმეტესობას წარსულში აქვს სირთულეები, თუმცა ახლა ჩვენ აწმყოში ვცხოვრობთ, აგრესიის წინაშე ვდგავართ და უნდა ვიყოთ ერთიანები. ჩვენ ვიცავთ ევროკავშირს, უნდა ვიფიქროთ ჩვენი ხალხის უსაფრთხოებაზე მომავალში. ამიტომ ვფიქრობ, კითხვებზე ყოველთვის შეიძლება პასუხის პოვნა, თუ მზად ვართ, ძლიერი მეზობლები ვიყოთ და გვინდა ამ პასუხების პოვნა“, – განაცხადა ზელენსკიმ.

პოლიტიკა • 1782934479

ჯეფრი საქსი: ჩემზე ძალიან დიდი შთაბეჭდილება მოახდინა თქვენს პრემიერ-მინისტრთან შეხვედრამ, ძალიან ჭკვიანია, მეტად კმაყოფილი ვარ ჩვენს შორის საუბრით, ვინაიდან მოვისმინე ძალიან რეალური, ზუსტი თვალსაზრისი არსებულ ვითარებასთან დაკავშირებით

ჩემზე ძალიან დიდი შთაბეჭდილება მოახდინა თქვენს პრემიერ-მინისტრთან შეხვედრამ, ძალიან ჭკვიანია, მეტად კმაყოფილი ვარ ჩვენს შორის საუბრით, ვინაიდან მოვისმინე ძალიან რეალური, ზუსტი თვალსაზრისი არსებულ ვითარებასთან დაკავშირებით, - განაცხადა გადაცემაში „იმედი LIVE“ კოლუმბიის უნივერსიტეტის მდგრადი განვითარების ცენტრის დირექტორმა, პროფესორმა, ჯეფრი საქსმა.წამყვანმა მას ჰკითხა, „ნათელია, რომ რუსეთ-უკრაინის ომმა გეოპოლიტიკური ვითარება შეცვალა. უსაფრთხოების ძველი არქიტექტურა და წესებზე დაფუძნებული მსოფლიო წესრიგი აღარ არსებობს. თქვენ როგორ დაახასიათებდით ამჟამინდელ საერთაშორისო ურთიერთობებს და საქართველოს ძალისხმევას განავითაროს მრავალვექტორული დიპლომატია? ვიცით, რომ შეხვდით პრემიერ-მინისტრს და გქონდათ შესაძლებლობა განგეხილათ მმართველი პარტიის ხედვა“.ჯეფრი საქსის თქმით, ფიქრობს, რომ ცვალებად მოცემულობაში ვართ, არამარტო უკრაინაში მიმდინარე ომის მიზეზით.„უსაფრთხოების არქიტექტურა ამ ძალიან რთულ რეგიონში, თავიდან არის ჩამოსაყალიბებელი. ერთ დროს, 20 წლის წინ, ამერიკის შეერთებულ შტატებს ჰქონდა გეგმა, რომელიც გულისხმობდა ნატო-ს გაფართოებას, ნატო გაფართოვდებოდა უკრაინაში, საქართველოში. ამერიკის შეერთებულ შტატებში მიაჩნდათ, რომ ახლო აღმოსავლეთს აკონტროლებდნენ. ყველა ეს მოსაზრება მცდარია და გეტყვით რატომ. პირველ რიგში, რუსეთმა განაცხადა უარი უკრაინასა და საქართველოში ნატო-ს გაფართოებაზე. სიმართლე გითხრათ ეს გასაგებია, შეიძლება არა იმდენად უკრაინის და საქართველოს თვალსაზრისით, მაგრამ რუსეთის გადმოსახედიდან ეს ნათელია, ვინაიდან თუ რუსეთი ერთ დღეს გამოაცხადებს, რომ მექსიკაში საკუთარი სამხედრო ბაზების განთავსებას აპირებს, გნებავთ კანადაში, ამერიკის შეერთებული შტატები ძალიან გაბრაზდება. მათ არ სურთ რუსული სამხედრო ბაზები ამერიკის შეერთებული შტატების სიახლოვეს. მე მჯერა, რომ არც ამერიკის შეერთებულ შტატებს უნდა ჰქონდეს ამერიკული სამხედრო ალიანსები რუსეთის სიახლოვეს, რადგან მეტად საშიშია დიდ ძალებს შორის ასეთი დაპირისპირება. ამავე დროს, გვაქვს კიდევ ერთი დიდი ცვლილება, 20 წლის წინ, უმრავლესობას, ყოველ შემთხვევაში ამერიკელ ლიდერებს, მიაჩნდათ რომ ყოვლისშემძლე იყვნენ, რომ ერთადერთი სუპერსახელმწიფო იყვნენ, რომ რუსეთი დასუსტებული იყო, ხოლო ჩინეთს მართალია დიდი რაოდენობით მოსახლეობა ჰყავდა, მაგრამ არცთუ ისეთი ძლიერი იყო. დღეს ასე ფიქრი აღარავის შეუძლია. საინტერესოა ამჟამინდელი მოცემულობა რას გვეუბნება, უპირველეს ყოვლისა აუცილებელია უსაფრთხოების არქიტექტურა, რომელიც უზრუნველყოფს რომ დიდი ძალები ერთმანეთს პირდაპირ არ დაუპირისპირდნენ“, - აღნიშნა ჯეფრი საქსმა.მისივე თქმით, ამგვარი არქიტექტურა ამჟამად არ არსებობს, უკრაინაში ომი ისევ მეტად საშიშია.„ჩემი აზრით უკრაინაში მიმდინარე ომი საშიშია, ვინაიდან მიუხედავად იმისა, რომ ამერიკის შეერთებულ შტატებს უკან დახევა სურს, ევროპელები აცხადებენ, რომ უკრაინას ბოლომდე დაიცავენ. რიტორიკა, ესკალაცია რუსეთსა და ევროპას შორის საშიშ ხარისხს იძენს. ვითარება მეტად დაძაბულია ვინაიდან ბრიტანული, ფრანგული და გერმანული მხარდაჭერით, უკრაინა სამხედრო დრონებს მოსკოვს უმიზნებს. ეს დიდ გაღიზიანებას იწვევს. ზელენსკი უფრო და უფრო უმატებს ესკალაციას საკუთარი რიტორიკით და რუსეთი საპასუხოდ ძალიან ძლიერად დაარტყამს. მე მაშინებს ევროპის მიერ გამოყენებული ესკალაციის ენა. მიმაჩნია რომ ეს რეალობას არის აცდენილი, ისევე როგორც ამერიკული თვალსაზრისი, რომ რუსეთის დამარცხება შეუძლიათ. რუსეთი ისე არ ჩამოიქცევა, როგორც ევროპელ ლიდერებს ჰგონიათ. მიმაჩნია, რომ საჭიროა მოლაპარაკებების მაგიდასთან დაჯდომა და საუბარი. ეს ეხება როგორც ევროპასა და რუსეთს, რომელთა შორის დიპლომატია გამქრალია. და ეს ასევე ეხება თქვენს რეგიონს, ბევრისთვის საყვარელ და ძალიან რთულ რეგიონს. დიპლომატია აუცილებელია სამხრეთ კავკასიისა და რუსეთის უსაფრთხოებისთვის. მიმაჩნია, რომ ნატო-ში გაწევრიანება ძალიან ცუდი იდეაა, მეტად პროვოკაციული. აუცილებელია განსხვავებული უსაფრთხოების არქიტექტურის მოძიება. ისეთის, რომელიც გამორიცხავს დიდ ძალებს შორის დაპირისპირებას რეგიონში, ისეთი უსაფრთხოების არქიტექტურა, რომელიც არ მოიცავს ამერიკული ან რუსული მხარის არჩევას და საპირისპირო მხარესთან დაპირისპირებას. მიმაჩნია, რომ საქართველოს ხელისუფლებას ეს შესანიშნავად ესმის. ჩემზე ძალიან დიდი შთაბეჭდილება მოახდინა თქვენს პრემიერ-მინისტრთან შეხვედრამ, ძალიან ჭკვიანია, მეტად კმაყოფილი ვარ ჩვენს შორის საუბრით, ვინაიდან მოვისმინე ძალიან რეალური, ზუსტი თვალსაზრისი არსებულ ვითარებასთან დაკავშირებით. ეს არ გახლავთ მარტივი მოცემულობა, დიდი სიფრთხილეა საჭირო. ამ გამოწვევების აღმოფხვრა ჯადოსნური გზით არ მოხდება, ევროპა ვერავის გადაარჩენს, ვერც ამერიკის შეერთებული შტატები იხსნის ვითარებას. ეს მოგვარდება მხოლოდ რეგიონში მდებარე სახელმწიფოებს, საქართველოს, აზერბაიჯანსა, სომხეთსა და რუსეთს შორის მოლაპარაკებებით, შესაბამისი გამოსავლის მოძიებით. თავისთავად, სხვა დიდი მეზობელი სახელმწიფოების მონაწილეობით - ირანის და თურქეთის. სწორედ ეს გახლავთ მიდგომა რომელსაც მე დავუჭერდი მხარს“, - განაცხადა ჯეფრი საქსმა.

მსოფლიო • 1782926880

ზელენსკი: რუსეთი ამაღამ მასშტაბურ სარაკეტო და დრონებით თავდასხმას ამზადებს

უკრაინის პრეზიდენტმა, ვოლოდიმირ ზელენსკიმ განაცხადა, რომ რუსეთი ამაღამ მასშტაბურ სარაკეტო და დრონებით თავდასხმას ამზადებს.უკრაინის ლიდერმა ამის შესახებ ირლანდიის პრემიერ-მინისტრთან, მიხოლ მარტინთან დუბლინში გამართულ ერთობლივ პრესკონფერენციაზე ისაუბრა.როგორც ზელენსკიმ აღნიშნა, რუსეთი უკრაინას ყოველდღიურად უტევს, კვირაში ერთხელ ან ორჯერ კი რუსი დამპყრობლები მიმართავენ მასშტაბურ დარტყმებს ასობით დრონისა და სხვადასხვა ტიპის ათობით რაკეტის გაშვებით.„დღეს არის ინფორმაცია, ძალიან უსიამოვნო, რუსეთის მორიგი ასეთი მასშტაბური დარტყმის მომზადების შესახებ. არსებობს დაზვერვის მონაცემები“, - ხაზგასმით აღნიშნა ზელენსკიმ.

პოლიტიკა • 1782909737

მამუკა მდინარაძე: აქვთ გეგმა, რომ ეს ქვეყანა გამოყენებული იქნას გლობალურ დაპირისპირებაში, როგორც ერთი პაიკი, მაგრამ ჩვენ არ ვაპირებთ, ეს არ შედის საქართველოს ინტერესში და საქართველო და მისი ხელისუფლება არასდროს გააკეთებს იმას, რაც ქვეყნის ეროვნულ ინტერესში არ შედის

აქვთ გეგმა, რომ ეს ქვეყანა გამოყენებული იქნას გლობალურ დაპირისპირებაში, როგორც ერთი პაიკი, უმნიშვნელო, მაგრამ ჩვენ არ ვაპირებთ, ამის შესახებ ვიცე-პრემიერმა, სამართალდამცავი ორგანოების კოორდინაციის საკითხებში სახელმწიფო მინისტრმა მამუკა მდინარაძემ მთავრობის ადმინისტრაციაში გამართულ ბრიფინგზე გიგა ავალიანის საქმესთან დაკავშირებით დასმული კითხვის საპასუხოდ განაცხადა.მისი თქმით, საქართველო და მისი ხელისუფლება არასდროს არ გააკეთებს იმას, რაც ქვეყნის ეროვნულ ინტერესში არ შედის.„გახსოვთ ბევრი, მათ შორის ასე უწოდებენ ხოლმე საკუთარ თავს, ნეიტრალურად განწყობილი ადამიანის მესიჯები, როდესაც ზელენსკი გამოვიდა და  თქვა, რომ ელჩი საქართველოდან გაიწვია ორი მიზეზით - სანქციების დაწესებაზე უარი რომ თქვა საქართველომ და მთავრობის თანხმობით მოხალისე მებრძოლები რომ არ გაგზავნა უკრაინაში. დღეს ხომ იგივე წარმატებით, როგორც მაშინ ამტკიცებდნენ რაღაცეებს, ვიღაც-ვიღაცეები გვეუბნებიან, რომ რა ომის დაწყებაზე  კულისებში ვინ რა გითხრათ, ამას ნუ დაიჯერებთ, კი ბატონო. მაგრამ რაც გარეთ გამოვიდა საჯაროდ, რა განცხადებებსაც უკრაინის მაღალჩინოსნები აკეთებდნენ და რა განცხადებაც ზელენსკიმ გააკეთა და რისთვის გააკეთა და რისთვისაც გაიწვია ელჩი, ეს მათი გონების გახსნისთვის, ვინც აგენტი არ არის და ამ აგენტს უჯერებს, საკმარისი არ უნდა იყოს? არავის შეურაცხყოფას არ ვაყენებ. ბაზები განთავსდეს, სანქციები დაუწესეთ, მოხალისე მებრძოლები გაგზავნეთ, საბრძოლო მასალა გაუგზავნეთ, ეს მაინც საკმარისი არ არის იმისათვის, რა ზრახვები აქვთ, რა მიზნები აქვთ საქართველოსთან მიმართებაში? თუ მაინცდამაინც უნდა ნახოს ვიღაცამ ჩანაწერი, რომ ვიღაც მოდის და „შედით სასწრაფოდ და დაიწყეთ ომი და მერე ჩვენ მოგეხმარებით და იქნებ პარტიზანული ბრძოლებით თავი გაიტანოთ“, ეს უნდა გამოვარდეს მაინცდამაინც, რომ დაიჯერონ ელემენტარული რეალობა და გონება გაეხსნას? მე მგონია, რომ ყველა მათი ნაბიჯი, ფრთხილად, შეპარვით, ერთი პერიოდი საერთოდ უარყოფდნენ მსგავს განცხადებებთან კავშირს, ახლა კიდევ აპარებენ როგორც ჩანს საქართველოსთან მიმართებაში. აქვთ გეგმა, რომ ეს ქვეყანა გამოყენებული იქნას გლობალურ რაღაც დაპირისპირებაში, როგორც ერთი პაიკი, უმნიშვნელო, რომელიც პატარა დარტყმას ვიღაცას თუ რაღაცას მიაყენებს. მაგრამ ჩვენ არ ვაპირებთ. საქართველოს ინტერესში არ შედის ეს. შეიძლება ყველას ინტერესში შედიოდეს, მაგრამ ეს არ შედის საქართველოს ინტერესში და საქართველო არასდროს და მისი ხელისუფლება არ გააკეთებს იმას, რაც ქვეყნის ეროვნულ ინტერესში არ შედის“, - განაცხადა მამუკა მდინარაძემ.

პოლიტიკა • 1782905047

მამუკა მდინარაძე: საქართველო და მისი ხელისუფლება არასდროს გააკეთებს იმას, რაც ქვეყნის ეროვნულ ინტერესში არ შედის

აქვთ გეგმა, რომ ეს ქვეყანა გამოყენებული იყოს გლობალურ დაპირისპირებაში, როგორც ერთი პაიკი, უმნიშვნელო, მაგრამ ჩვენ არ ვაპირებთ, – ამის შესახებ ვიცე-პრემიერმა, სამართალდამცავი ორგანოების კოორდინაციის საკითხებში სახელმწიფო მინისტრმა, მამუკა მდინარაძემ მთავრობის ადმინისტრაციაში გამართულ ბრიფინგზე გიგა ავალიანის საქმესთან დაკავშირებით დასმული კითხვის საპასუხოდ განაცხადა.მისი თქმით, საქართველო და მისი ხელისუფლება არასდროს არ გააკეთებს იმას, რაც ქვეყნის ეროვნულ ინტერესში არ შედის.„გახსოვთ ბევრი, მათ შორის ასე უწოდებენ ხოლმე საკუთარ თავს, ნეიტრალურად განწყობილი ადამიანის მესიჯები, როდესაც ზელენსკი გამოვიდა და თქვა, რომ ელჩი საქართველოდან გაიწვია ორი მიზეზით – სანქციების დაწესებაზე უარი რომ თქვა საქართველომ და მთავრობის თანხმობით მოხალისე მებრძოლები რომ არ გაგზავნა უკრაინაში. დღეს ხომ იმავე წარმატებით, როგორც მაშინ ამტკიცებდნენ რაღაცებს, ვიღაც-ვიღაცები გვეუბნებიან, რომ რა ომის დაწყებაზე კულისებში ვინ რა გითხრათ, ამას ნუ დაიჯერებთ, კი ბატონო. მაგრამ რაც გარეთ გამოვიდა საჯაროდ, რა განცხადებებსაც უკრაინის მაღალჩინოსნები აკეთებდნენ და რა განცხადებაც ზელენსკიმ გააკეთა და რისთვის გააკეთა და რისთვისაც გაიწვია ელჩი, ეს მათი გონების გახსნისთვის, ვინც აგენტი არ არის და ამ აგენტს უჯერებს, საკმარისი არ უნდა იყოს? არავის შეურაცხყოფას არ ვაყენებ. ბაზები განთავსდეს, სანქციები დაუწესეთ, მოხალისე მებრძოლები გაგზავნეთ, საბრძოლო მასალა გაუგზავნეთ, ეს მაინც საკმარისი არ არის იმისათვის, რა ზრახვები აქვთ, რა მიზნები აქვთ საქართველოსთან მიმართებაში? თუ მაინცდამაინც უნდა ნახოს ვიღაცამ ჩანაწერი, რომ ვიღაც მოდის და „შედით სასწრაფოდ და დაიწყეთ ომი და მერე ჩვენ მოგეხმარებით და იქნებ პარტიზანული ბრძოლებით თავი გაიტანოთ“, ეს უნდა გამოვარდეს მაინცდამაინც, რომ დაიჯერონ ელემენტარული რეალობა და გონება გაეხსნას? მე მგონია, რომ ყველა მათი ნაბიჯი, ფრთხილად, შეპარვით, ერთი პერიოდი საერთოდ უარყოფდნენ მსგავს განცხადებებთან კავშირს, ახლა კიდევ აპარებენ როგორც ჩანს საქართველოსთან მიმართებაში. აქვთ გეგმა, რომ ეს ქვეყანა გამოყენებული იქნას გლობალურ რაღაც დაპირისპირებაში, როგორც ერთი პაიკი, უმნიშვნელო, რომელიც პატარა დარტყმას ვიღაცას თუ რაღაცას მიაყენებს, მაგრამ ჩვენ არ ვაპირებთ, საქართველოს ინტერესში არ შედის ეს. შეიძლება, ყველას ინტერესში შედიოდეს, მაგრამ ეს არ შედის საქართველოს ინტერესში და საქართველო არასდროს და მისი ხელისუფლება არ გააკეთებს იმას, რაც ქვეყნის ეროვნულ ინტერესში არ შედის“, – განაცხადა მამუკა მდინარაძემ.

მსოფლიო • 1782892777

უკრაინული მედია: ვალერი ზალუჟნიმ ზელენსკის აცნობა, რომ საპრეზიდენტო არჩევნებში მონაწილეობას მიიღებს

უკრაინის შეიარაღებული ძალების ყოფილმა მთავარსარდალმა, დიდ ბრიტანეთში უკრაინის მოქმედმა ელჩმა ვალერი ზალუჟნიმ პრეზიდენტ ვოლოდიმირ ზელენსკისთან გამართულ შეხვედრაზე განაცხადა, რომ უკრაინაში საპრეზიდენტო არჩევნებში მონაწილეობის მიღებას გეგმავს. ინფორმაციას უკრაინული მედია ავრცელებს.მედიის ცნობით, ზალუჟნი კირ სტარმერის დიდი ბრიტანეთის პრემიერ-მინისტრის პოსტიდან გადადგომამდე რამდენიმე დღით ადრე კიევში გამოიძახეს.კიევში ზალუჟნიმ ზელენსკისთან პირისპირ შეხვედრა გამართა. უკრაინის ყოფილმა მთავარსარდალმა და ზელენსკიმ ჯერ ბრიტანეთში მიმდინარე ამბები განიხილეს. ხოლო ამის შედეგ უკრაინის პრეზიდენტმა მას უთხრა, რომ ვითარება ფრონტზე პოზიტიურისკენ იცვლება, საზოგადოება კონსოლიდირებულია და არჩევნების ჩასატარებლად „ფანჯარა გამოჩნდა“.როგორც უკრაინული მედია იუწყება, ზელენსკიმ დასძინა, რომ საპრეზიდენტო არჩევნები ისე უნდა ჩატარდეს, რომ უკრაინული საზოგადოება არ გაიხლიჩოს. ზელენსკიმ ზალუჟნის პირდაპირ ჰკითხა: „თუ არჩევნები შემოდგომაზე ჩატარდება, თქვენ კენჭს იყრით?“, რაზეც ზალუჟნიმ დადებითი პასუხი გასცა.

მსოფლიო • 1782830700

ჩეხური მედია: ჩეხეთის კოალიციურ პარტიას სურს, რომ ვოლოდიმირ ზელენსკის ჩამოერთვას უმაღლესი სახელმწიფო ჯილდო - „თეთრი ლომის“ ორდენი

ჩეხეთის კოალიციურ პარტიას „თავისუფლება და პირდაპირი დემოკრატია“ (SPD) სურს, რომ ვოლოდიმირ ზელენსკის ჩამოერთვას ჩეხეთის უმაღლესი სახელმწიფო ჯილდო - „თეთრი ლომის“ ორდენი. ინფორმაციას ამის შესახებ ჩეხური პორტალი Ceske Noviny ავრცელებს.SPD-ს საპარლამენტო ფრაქციის წარმომადგენელმა, ინდრჟიხ რაიხლმა სამშაბათს ჟურნალისტებს განუცხადა, რომ ეს პოლონეთის მაგალითზე უნდა მოხდეს, სადაც პრეზიდენტმა კაროლ ნავროცკიმ ზელენსკის „თეთრი არწივის“ ორდენი ჩამოართვა იმის საპასუხოდ, რომ მან სპეციალური ოპერაციების ძალების დანაყოფს უპა-ს გმირების სახელი დაარქვა.რაიხლმა განაცხადა, რომ SPD აპირებს ეს საკითხი კოალიციური საბჭოს სხდომაზე დააყენოს. პარტიის აზრით, დეპუტატთა პალატამ ჩეხეთის პრეზიდენტს უნდა შესთავაზოს ზელენსკისთვის ჯილდოს ჩამორთმევა.„ჩვენ არ შეგვიძლია გავჩუმდეთ, როდესაც ჩვენი უმაღლესი სახელმწიფო ჯილდო აქვს ადამიანს, რომელიც სამხედრო დანაყოფებს ნაცისტი მონსტრების სახელებს არქმევს“, - თქვა რაიხლმა.

მსოფლიო • 1782828840

პოლონური მედია: კაროლ ნავროცკიმ შესაძლოა შეზღუდოს კონტაქტები ვოლოდიმირ ზელენსკისთან, უკრაინა-პოლონეთის ურთიერთობებში დაძაბულობის ესკალაციის ფონზე

პოლონეთის პრეზიდენტმა, კაროლ ნავროცკიმ შესაძლოა შეზღუდოს კონტაქტები უკრაინელ კოლეგასთან, ვოლოდიმირ ზელენსკისთან, უკრაინა-პოლონეთის ურთიერთობებში დაძაბულობის ესკალაციის ფონზე. ინფორმაციას ამის შესახებ პოლონური გამოცემა Dziennik Gazeta Prawna პოლონეთის პრეზიდენტის გარემოცვის წევრზე დაყრდნობით ავრცელებს.წყარო ამტკიცებს, რომ ნავროცკიმ შესაძლოა თავისი პოზიცია 11 ივლისს გაასაჯაროოს - უკრაინის ამბოხებულთა არმიის (უპა) მიერ ჩადენილი გენოციდის მსხვერპლთა ხსოვნის ეროვნულ დღეს.პოლონეთის პრეზიდენტის ადმინისტრაცია ზელენსკის მიერ ეროვნული პანთეონის შექმნის შესახებ განცხადებას უკრაინის მხრიდან შეგნებულ პროვოკაციად მიიჩნევს. კაროლ ნავროცკის გარემოცვაში სულ უფრო მეტად მყარდება რწმენა, რომ უკრაინის ხელისუფლების ბოლო ქმედებები შემთხვევითი არ არის და ჯდება იმ გრძელვადიან ისტორიულ პოლიტიკაში, რომელსაც კიევი ატარებს.„ჩვენ ამ განცხადებას თავშეკავებით ვუყურებთ, რადგან ზელენსკისა და მისი გარემოცვის ქმედებები პროვოკაციული ხასიათისაა, ჩვენ კი არ ვიქნებით კიევის მიერ დაწერილი სცენარის ნაწილი, რომელიც, სხვათა შორის, რუსულ პროპაგანდას აძლიერებს“, - განაცხადა პრეზიდენტის კანცელარიის წარმომადგენელმა.მისი აზრით, უკრაინის პრეზიდენტის გადაწყვეტილებები „უპირველეს ყოვლისა გათვლილია შიდა აუდიტორიაზე, რათა გაამყაროს მისი შესუსტებული პოზიციები“, ასევე მიზნად ისახავს „კორუფციული სკანდალების დაფარვას, რომლებშიც გარეულნი არიან უკრაინის წამყვანი პოლიტიკოსები“.კაროლ ნავროცკის გარემოცვა განიხილავს ვოლოდიმირ ზელენსკისთან კონტაქტების შეზღუდვის შესაძლებლობას. ამასთანავე, უკრაინისთვის დახმარების გაწევა გაგრძელდება.