პოლიტიკა • 1786709608

რევაზ სოხაძე - პროფესიონალიზმი და ხარისხი მნიშვნელოვანია არა მხოლოდ ინფრასტრუქტურის მშენებლობისას, არამედ ინფორმაციის გაშუქების დროსაც

ინფრასტრუქტურის მინისტრი რევაზ სოხაძე მიესალმება საზოგადოების და მედიის ინტერესს ინფრასტრუქტურული პროექტების ხარისხის მიმართ და აცხადებს, რომ სამინისტრო მზად არის, დაინტერესებულ ჟურნალისტებს პროექტებთან დაკავშირებული ინფორმაცია სრულად მიაწოდოს.მინისტრის განცხადებით, ხარისხი ნებისმიერი ინფრასტრუქტურული პროექტის განხორციელებისას ერთ-ერთი მთავარი განმსაზღვრელია, თუმცა კონკრეტული საკითხების გაშუქებისას მნიშვნელოვანია სრული სურათის წარმოჩენა და ყველა მხარის პოზიციის გათვალისწინება.„ჩვენ დიდი ხანია ვსაუბრობთ იმაზე, რომ ხარისხი ნებისმიერი ინფრასტრუქტურული პროექტის განხორციელებისას ერთ-ერთი მთავარი განმსაზღვრელი უნდა იყოს. ამიტომ გვიხარია, როდესაც ჟურნალისტები ამ საკითხით ინტერესდებიან. თუმცა, როდესაც კონკრეტული დოკუმენტის საფუძველზე ხდება საკითხის გაშუქება, მნიშვნელოვანია მისი კონტექსტის, დანიშნულებისა და შემდგომი რეაგირების სრულად წარმოჩენაც. პროფესიონალიზმი და ხარისხი მნიშვნელოვანია არა მხოლოდ ინფრასტრუქტურის მშენებლობისას, არამედ ინფორმაციის გაშუქების დროსაც, განსაკუთრებით მაშინ, როდესაც საქმე საზოგადოებისთვის მნიშვნელოვან საკითხს ეხება“, - განაცხადა რევაზ სოხაძემ.მინისტრის ინფორმაციით, ქვეშეთი–კობის გზის მშენებლობის პროექტზე დღეს მიწვეული იყვნენ ის მედიასაშუალებები და ჟურნალისტები, რომლებმაც აღნიშნულ საკითხთან დაკავშირებით კრიტიკული მასალები მოამზადეს. შეხვედრის მიზანი იყო, მათ უშუალოდ ობიექტზე მიეღოთ დეტალური ინფორმაცია, გაცნობოდნენ არსებულ ვითარებას და პასუხები მიეღოთ მათთვის საინტერესო კითხვებზე, თუმცა შეხვედრას არცერთი მათგანი არ დასწრებია.„ჩვენ გვინდოდა, ადგილზე ყველასთვის დეტალურად აგვეხსნა, რასთან გვაქვს საქმე და კონკრეტულად რას ეხება გავრცელებულ მასალებში ნახსენები შეუსაბამობა. სამწუხაროა, რომ ჟურნალისტებმა ამ შესაძლებლობით არ ისარგებლეს. თუმცა ეს არ ნიშნავს, რომ ჩვენ ხვალაც და მომავალშიც არ ვართ მზად ნებისმიერ ჟურნალისტთან თუ დაინტერესებულ პირთან თანამშრომლობისთვის, კითხვებზე პასუხის გასაცემად და ინფორმაციის გასაზიარებლად“, — განაცხადა მინისტრმა.რევაზ სოხაძის თქმით, სამინისტრო ღიაა მედიისა და საზოგადოების წინაშე და მზად არის, დაინტერესებულ პირებს მიაწოდოს როგორც კონკრეტულ შემთხვევასთან, ისე პროექტის ხარისხის კონტროლის პროცესთან დაკავშირებული ინფორმაცია.„არაფერი დასამალი ნამდვილად არ არის. მნიშვნელოვანია, ერთმანეთისგან გავარჩიოთ, რა არის მშენებლობის მიმდინარე სამუშაო პროცესი და რა არის საბოლოო მიღება-ჩაბარება. საკითხი სიღრმისეულად უნდა იყოს შესწავლილი მანამ, სანამ კონკრეტული დასკვნა გაკეთდება. ჩვენი მხრიდან კი სრული მზაობაა, ჟურნალისტებს მივაწოდოთ ინფორმაცია და დეტალურად ავუხსნათ მიმდინარე პროცესები“, - განაცხადა რევაზ სოხაძემ.მინისტრის თქმით, საზოგადოებისა და მედიის დაინტერესება ხარისხის საკითხებით მნიშვნელოვანია და სამინისტრო ამ მიმართულებით ღია კომუნიკაციას მომავალშიც გააგრძელებს.

პოლიტიკა • 1786698973

ოზურგეთის მერი პაატა კუნჭულია თანამდებობას ტოვებს

ოზურგეთის მერმა პაატა კუნჭულამ თანამდებობის დატოვების შესახებ სოციალურ ქსელში ვრცელი განცხადება გაავრცელა.როგორც ტექსტიდან ირკვევა, მიუხედავად მუნიციპალიტეტში მიღწეული წარმატებებისა და განხორციელებული პროექტებისა, გადაწყვეტილება პოლიტიკაში არსებულმა სირთულეებმა განაპირობა.კუნჭულია მადლობას უხდის მმართველ გუნდსა და ლიდერებს გამოცხადებული ნდობისთვის და ხაზს უსვამს, რომ ის "ქართული ოცნების" გუნდის ერთგულ, რიგით ჯარისკაცად რჩება."მსურს, ვაცნობო საზოგადოებას, რომ მივიღე გადაწყვეტილება ოზურგეთის მერის თანამდებობის დატოვების შესახებ.საქმეში ჩემი ყველა ნაბიჯი ეფუძნებოდა ოზურგეთელების ინტერესებს და მათი საჭიროებების გათვალისწინებას. არასრულ ერთ წელში, ოზურგეთში შევძელით და განვახორციელეთ საზოგადოების საჭიროებებზე მორგებული, უპრეცედენტო რაოდენობის პროექტი. ბიუჯეტის ათვისების და პროექტების განხორციელების მაჩვენებლით დღეს ოზურგეთი საქართველოს მუნიციპალიტეტებს შორის პირველ სამეულშია. ვამაყობ იმ შედეგით, რომელსაც ამ მცირე დროის პერიოდში მივაღწიეთ. მიხარია, რომ საკუთარი წვლილი შევიტანე ჩვენი მუნიციპალიტეტის გაძლიერებაში.ამ ფონზე, საზოგადოებისთვის არახალია, რომ აგენტურულ ოპოზიციურ მედიასაშუალებებს ნადირობა აქვთ გამოცხადებული წარმატებასა და პროგრესზე. ამის გარდა, მიუხედავად იმისა, რომ ადგილობრივი ხელისუფლების წარმომადგენლებმა, მათ შორის სახელმწიფო რწმუნებულმა და ოზურგეთის საკრებულოს თავმჯდომარემ, არაერთხელ, მათ შორის საჯაროდაც მოუწოდეს კონკრეტულ ადგილობრივ თანამდებობის პირებს ერთიანობისკენ, სამწუხაროდ, სათანადო მხარდაჭერა და გვერდში დგომა ხელოვნურად შექმნილი პრობლემების კვალდაკვალ, ვერ ვიგრძენი და დამალვას არ ვაპირებ, რომ ამასთან დაკავშირებით გარკვეული გულისწყვეტა ნამდვილად მაქვს, რამაც გარკვეული როლი შეასრულა ამ გადაწყვეტილების მიღების პროცესში. თუმცა, ეს არ იყო მთავარი მიზეზი, რის გამოც ეს გადაწყვეტილება მივიღე, მხოლოდ იმას დავამატებ, რომ ძალიან რთული აღმოჩნდა პოლიტიკაში ყოფნა…ამიტომ, მოვუწოდებ ყველას, სათანადოდ დააფასონ ის ადამიანები, ვინც წლებია პოლიტიკაში არიან, უძლებენ უმძიმეს გარე თუ შიდა შემოტევებს და მყარად დგანან საკუთარი სამშობლოს სადარაჯოზე. უდიდესი მადლობა თითოეულ ჩემს თანამშრომელს - ადამიანებს, ვინც ამ გზაზე გვერდში მედექით, თქვენი თავდადებითა და გვერდში დგომით, ჩვენ დღეს უკეთეს და უფრო ძლიერ ოზურგეთიში ვცხოვრობთ. განსაკუთრებული მადლობა ჩემს ძვირფას ოზურგეთელებს, თქვენი თანადგომა, სიყვარული იყო ჩემი მთავარი ძალა, პასუხისმგებლობა და სიამაყე.ბოლოს, მინდა განსაკუთრებული მადლობა გადავუხადო მმართველ გუნდს და მის ლიდერებს გამოცხადებული ნდობისა და მხარდაჭერისთვის - მე ყოველთვის ვიყავი და სულ დავრჩები „ქართული ოცნების“ ერთგულ, რიგით ჯარისკაცად,"- წერს პაატა კუნჭულია. 

საზოგადოება • 1786653817

„მინდა ისეთი დედა ვიყო, როგორიც იყო დედაჩემი ჩემთვის...“ – ამონარიდი ტრაგიკულად დაღუპული ლიზა მოისწრაფიშვილის ინტერვიუდან

11 აგვისტოს, ბათუმში ტრაგედია დატრიალდა. ულამაზესი ლიზი მოისწრაფიშვილი კორპუსიდან გადმოვარდა და დაიღუპა. ლიზის ერთი გოგონა, 11 წლის ნიცა დარჩა... თვითონაც დედისერთა იყო. ის ცნობილი რეჟისორის, ნანა ახვლედიანის შვილი იყო.წლების წინ, მაშინ, როცა ლიზი დედობის მოლოდინში იყო, „ბათუმელებთან“ ინტერვიუში ამბობდა, რომ უნდოდა, დედამისს დამსგავსებოდა და მასაც ისეთი დედობა გაეწია პატარა ნიცასთვის, როგორიც მას ნანა ახვლედიანმა გაუწია.„ჩემთვის დედობა ყოველთვის ნიშნავდა ყველაზე რთულ და სერიოზულ პროფესიას. როცა გავიგე, რომ ფეხმძიმედ ვიყავი, პირველი რეაქცია ის იყო, რომ გამიხარდა, მერე დავჯექი და მივხვდი, რომ ძალიან სერიოზული პასუხისმგებლობა მეკისრებოდა.ჩემს თავს ვუთხარი: ლიზა, მორჩა, შენ სერიოზული უნდა გახდე, ამის შემდეგ უფრო მშვიდი და ყურადღებიანი გავხდი, პატარა ნიცამ ჩემი გეგმები დააჩქარა, მინდა რომ სწრაფად მივიღო შედეგი. ვცდილობ, ყველაფერი ვისწავლო, მინდა კარგი დედა ვიყო, აი, ისეთი, როგორი დედაც იყო დედაჩემი ჩემთვის“, – ამბობდა ლიზა მოისწრაფიშვილი „ბათუმელებთან“.„ძალიან მიხარია, რომ ვიქნები ახალგაზრდა დედა, ყოველთვის ვიზრუნებ საკუთარ გარეგნობაზე, 10 წლის შემდეგ ვიქნები კარგი დიასახლისი და მექნება წარმატებული კარიერა...“,- ამბობდა ლიზი.

პოლიტიკა • 1786598594

ირაკლი კობახიძე: ვხედავთ, რომ „დიფ სთეითი“ რუსოფობიურ კამპანიას საგანგებო ყურადღებას უთმობს, ჩვენც საგანგებო ყურადღება უნდა დავუთმოთ და საზოგადოებას სრული ინფორმაცია მივაწოდოთ

პრემიერ-მინისტრ ირაკლი კობახიძის განცხადებით, საზოგადოებაში რუსოფობიის თემაზე საუბარი და ამ საკითხზე ხელისუფლების მხრიდან განსაკუთრებული ყურადღების გამახვილება „დიფ სთეითის“ მიერ დაგეგმილ ახალ კამპანიას უკავშირდება.„ტვ პირველის“ ჟურნალისტის კითხვაზე, ხედავს თუ არა იგი რუსოფობიას ქართულ საზოგადოებაში მთავარ გამოწვევად და იმსახურებს თუ არა ეს თემა ხელისუფლებისგან ასეთ დიდ ყურადღებას, პრემიერმა უპასუხა, რომ საკითხი „საგანგებო ყურადღებას იმსახურებს“.მისი განცხადებით, აღნიშნულ პროცესში ჩართულია პოლიტიკური აქტივი, არასამთავრობო ორგანიზაციები, მედიასაშუალებები და ეს ყველაფერი არის კოორდინირებული კამპანია, რომელიც გარედან იმართება.„დიდ ყურადღებას იმსახურებს, საგანგებო ყურადღებას იმსახურებს ერთი მარტივი მიზეზის გამო. ჩვენ ვხედავთ, რომ ეს არის “დიფ სთეითის” ახალი დაგეგმილი კამპანია, რომელშიც ჩართულია მთელი პოლიტიკური აქტივი - უცხოური აგენტურა პარტიების სახით, პოლიტიკოსების სახით, ენჯეოების სახით და თქვენი სახით, მათ შორის. იმიტომ, რომ თქვენ ხართ მთავარი, ვინც უზრუნველყოფს მედიის კუთხით ამ რუსოფობიურ კამპანიას. შესაბამისად, ჩვენ რადგან ვხედავთ, რომ საგანგებო ყურადღებას უთმობს „დიფ სთეითი“ ამ რუსოფობიურ კამპანიას, ჩვენც საგანგებო ყურადღება უნდა დავუთმოთ ამ კამპანიას და საზოგადოებას უნდა მივაწოდოთ სრული ინფორმაცია ამ საკითხთან დაკავშირებით“, - განუცხადა „ტვ პირველს“ ირაკლი კობახიძემ.

საზოგადოება • 1786544322

საავტომობილო გზების დეპარტამენტი განცხადებას ავრცელებს

საქართველოს საავტომობილო გზების დეპარტამენტი განცხადებას ავრცელებს, რომელსაც უცვლელად გთავაზობთ:„გვსურს გამოვეხმაუროთ მედიასაშუალება „მთის ამბების” მიერ ქვეშეთი–კობის გზის მშენებლობასთან დაკავშირებით გავრცელებულ სტატიას, რომელშიც სამუშაო პროცესში კონკრეტულ მონაკვეთზე გამოვლენილი შეუსაბამობა განზოგადებულია და იქმნება მცდარი წარმოდგენა, თითქოს პრობლემა მთლიან პროექტს ეხება, მშენებლობის ხარისხი სათანადოდ არ კონტროლდება და გამოვლენილ დარღვევებზე რეაგირება არ ხდება.არასწორია პროექტის ზედამხედველის მიერ შედგენილი NCR-ის (შეუსაბამობის შესახებ ანგარიშის) „საიდუმლო ანგარიშად” წარმოჩენაც და მისთვის ისეთი მნიშვნელობის მინიჭება, თითქოს ის №6 ხიდის უსაფრთხოების შესახებ საბოლოო საინჟინრო დასკვნას წარმოადგენს.NCR ხელშეკრულებით გათვალისწინებული ხარისხის კონტროლის ოფიციალური პროცედურის ნაწილია, რომლის საშუალებითაც ზედამხედველი აფიქსირებს კონკრეტული სამუშაოს შეუსაბამობას და კონტრაქტორს ავალებს მის შესწავლასა და გამოსწორებას. №6 ხიდთან დაკავშირებით NCR ოფიციალურად გამოიცა, გაეგზავნა კონტრაქტორს და ინფორმაცია მიეწოდა საავტომობილო გზების დეპარტამენტსაც.შესაბამისად, NCR-ის არსებობა კონტროლის არარსებობის მტკიცებულება კი არა, სწორედ მოქმედი კონტროლის მექანიზმის დასტურია.აღნიშნული NCR ეხება №6 ხიდის კონკრეტულ, A1–P1–P2 მონაკვეთის 75-მეტრიან რკინაბეტონის ფილას და არა მთლიან, 218-მეტრიან ხიდს. ზედამხედველმა აღნიშნულ მონაკვეთზე დააფიქსირა ბეტონირების პროცედურისა და არმირების ცალკეული შეუსაბამობა კონტრაქტის მოთხოვნებთან. ამ ფაქტების გამოვლენა, დოკუმენტირება, შესწავლა და მათზე შესაბამისი რეაგირება სწორედ ხარისხის კონტროლის სისტემის ნაწილია.კონტრაქტორსა და ზედამხედველს შორის გაიმართა სამუშაო შეხვედრა, რომელზეც განიხილეს გამოვლენილი შეუსაბამობები და მათი გამოსწორების მეთოდოლოგია. შეხვედრა დოკუმენტირებულია. მონაკვეთის სრულყოფილად შესწავლის მიზნით დაწყებულია სიღრმისეული სკანირება და მზადდება შესაბამისი ანგარიში, რომლის საფუძველზეც ზედამხედველი მიიღებს საბოლოო ტექნიკურ გადაწყვეტილებას.ამასთან, NCR-ის მოთხოვნები კონკრეტულ მონაკვეთს ეხება. შესაბამისად, ხიდის სხვა ნაწილებზე მიმდინარე სამუშაოების წარმოჩენა იმის მტკიცებულებად, თითქოს კონტრაქტორმა ზედამხედველის მოთხოვნის მიუხედავად პრობლემურ მონაკვეთზე მშენებლობა გააგრძელა, სიმართლეს არ შეესაბამება.ნებისმიერი შეუსაბამობა უნდა გამოვლინდეს, დაფიქსირდეს, სრულყოფილად იქნეს შესწავლილი და გამოსწორდეს - სწორედ ამას ემსახურება NCR-ის პროცედურაც. დადგენილ სტანდარტებთან შეუსაბამო სამუშაო სახელმწიფოს მიერ არ იქნება მიღებული.მოვუწოდებთ მედიასაშუალებებს, ტექნიკური საკითხების გაშუქებისას მკაფიოდ გამიჯნონ ერთმანეთისგან სამუშაო პროცესში გამოვლენილი შეუსაბამობა და ნაგებობის უსაფრთხოების შესახებ საბოლოო საინჟინრო დასკვნა. მიმდინარე ტექნიკური პროცედურების არასწორი ინტერპრეტაცია და კონკრეტული შემთხვევის მთელ პროექტზე განზოგადებას შეცდომაში შეჰყავს საზოგადოება და განზრახ თუ უნებლიედ იწვევს  პროექტის დისკრედიტაციას“, - ნათქვამია განცხადებაში.

ასტროლოგია • 1786480007

არა მხოლოდ მზის დაბნელება: რატომ გახდება 2026 წლის 12 აგვისტო წლის მთავარი ასტრონომიული დღე

2026 წლის 12 აგვისტოს მზის სრული დაბნელება ნებისმიერ ამინდში დაუვიწყარ სანახაობად იქცევა. ეს მოვლენა უნიკალური ასტრონომიული მოვლენების მთელ კვირეულს გახსნის.საიდან გამოჩნდება დაბნელება 2026 წლის 12 აგვისტოს12 აგვისტოს მთვარის ჩრდილი აღმოსავლეთ გრენლანდიას, დასავლეთ ისლანდიასა და ჩრდილოეთ ესპანეთს გაივლის. პორტუგალიის მცირე მონაკვეთიც სრული ფაზის ზოლის სიახლოვეს აღმოჩნდება. ვიწრო კორიდორის შიგნით მთვარე მზეს სრულად 2 წუთამდე და 18 წამამდე დაფარავს.მათ, ვინც სრული ფაზის ზოლში აღმოჩნდება, მაქსიმალური კონცენტრაცია მართებთ. სრული დაბნელება იმდენად ხანმოკლეა, რომ ზედმეტი ფუსფუსი ან "იდეალური კადრის" გადაღების მცდელობა ადამიანს მთავარს მარტივად აშორებს. მთავარი კი ცასა და გარემოზე საკუთარი თვალით დაკვირვებაა.სრული ფაზის ზოლის მიღმა, ნაწილობრივი დაბნელების ვრცელი ზონა დიდ ბრიტანეთს, ევროპის დიდ ნაწილს, ჩრდილოეთ ამერიკის მონაკვეთებსა და ჩრდილო-დასავლეთ აფრიკას მოიცავს. დაკვირვების თავისებურებები სხვადასხვა რეგიონშიდიდ ბრიტანეთში სრული ფაზის ერთ-ერთი ყველაზე ეფექტური "ალტერნატივა" - დღის მიწურულს ნაწილობრივი დაბნელება მოსალოდნელია. ქვეყნის უმეტეს ნაწილში მზის დისკოს დაახლოებით 90% დაიფარება. დასავლეთით და სამხრეთ-დასავლეთით ეს მაჩვენებელი უფრო მაღალი იქნება. ლონდონში, მანჩესტერსა და გლაზგოში დაფარვა დაახლოებით 91%-ს მიაღწევს, ხოლო კარდიფსა და ბელფასტში - ოდნავ მეტს.მაქსიმალური ფაზა ბრიტანეთის ზაფხულის დროით 19:05-დან 19:13 საათამდე დადგება. ამ დროს მზის დისკო დასავლეთ-ჩრდილო-დასავლეთის ჰორიზონტზე დაბლა იქნება. მნათობის ასეთი დაბალი მდებარეობა შესაძლოა გადამწყვეტ ფაქტორად იქცეს. ეს ის დაბნელება არ არის, რომელსაც შენობებს, ხეებსა თუ ოფისებს შორის უნდა ადევნოთ თვალი. სანაპირომ, კლდემ, ბორცვმა ან ღია ველმა შეიძლება გადაწყვიტოს, დაინახავთ მზის თხელ რკალს თუ საერთოდ ვერაფერს.დასავლეთით სუფთა ჰორიზონტის არსებობა მოითხოვს, რომ ცა მოწმენდილი იყოს არა მხოლოდ თქვენს თავზე, არამედ წინ, ათეულობით და ასეულობით კილომეტრზეც. ეს კიდევ უფრო კრიტიკულია აღმოსავლეთ ესპანეთისა და ბალეარის კუნძულებისთვის. იქ სრული ფაზა მაშინ მოხდება, როდესაც მზე და მთვარე ჰორიზონტიდან სულ რამდენიმე გრადუსზე იქნებიან.ჩრდილოეთ ამერიკაში დაბნელება ნაკლებად ღრმა, თუმცა მაინც შესამჩნევი იქნება. რაც უფრო ჩრდილო-აღმოსავლეთით წახვალთ, მზის მით უფრო დიდი ნაწილი დაიფარება.აშშ-ში ყველაზე ღრმა ნაწილობრივ ფაზას მენის ჩრდილოეთი დაინახავს. ბოსტონი, ნიუ-იორკი, ფილადელფია და ახალი ინგლისის ნაწილი კი ნაშუადღევს მთვარის მიერ მზის მხოლოდ მცირე "ნაკბენს" დააკვირდებიან.კანადაში, განსაკუთრებით აღმოსავლეთსა და ჩრდილოეთში, სანახაობა უფრო შთამბეჭდავი იქნება. ნიუფაუნდლენდში მზის დისკოს ნახევარზე მეტი დაიფარება. ატლანტიკური კანადის დანარჩენი ნაწილი კი უფრო მეტს დაინახავს, ვიდრე აშშ-ის ტერიტორიის უმეტესობა.როგორ შევიგრძნოთ დაბნელების ჯადოქრობა უსაფრთხოდდაკვირვების ადგილის მიუხედავად, სპეციალური დამცავი საშუალებების გარეშე მზის ყურება საფრთხეს შეიცავს. აუცილებელია დაბნელებისთვის განკუთვნილი სერტიფიცირებული სათვალეები ან ოპტიკისთვის განკუთვნილი საიმედო მზის ფილტრები. თხელი ღრუბლები დაკვირვებას უსაფრთხოდ ვერ აქცევს. ვერც ჩვეულებრივი მზის სათვალე გიშველით. მზისთვის მოკლე თვალის შევლებაც კი მხოლოდ სპეციალური ფილტრებითაა დასაშვები.ღრუბლების როლიღრუბლიანმა, "რძისფერმა" ცამ შესაძლოა გვირგვინი დაფაროს, თუმცა სიბნელე უფრო მკვეთრი და მოულოდნელი გახადოს. ეს არარეალურობის შეგრძნებას აძლიერებს.სწორედ ამიტომ აფასებენ ადამიანები დაბნელების გამოცდილებას ასე ძლიერად. მიზეზი მხოლოდ ფოტოები არ არის. მიზეზი მთელი გარემოს შეცვლაა. ღრუბლებს, გაფუჭების სანაცვლოდ, მომენტის უცნაურობისა და დრამის ხაზგასმა შეუძლიათ...ვრცლად

პოლიტიკა • 1786476673

ნიკოლოზ მეტრეველი: არის თუ არა რუსეთი საქართველოს მტერი? - ეს კითხვა კი არა, საკუთარი ქვეყნისთვის ხაფანგის დაგების უსინდისო მცდელობაა. ირაკლი კობახიძე ძალიან გამოცდილი ორატორია და ამ პროვოკაციას შესაბამისი პოლიტიკური პასუხი გასცა. სწორედ აქ ჩანს განსხვავება პოლიტიკოსსა და უსამშობლო პროვოკატორს შორის, პირველი ქვეყნის ინტერესებზე ფიქრობს, მეორე კი მტრულ ჰედლაინზე

სახელმწიფოს უსაფრთხოებისა და მომავლის საკითხების ერთი სიტყვით  მტერია ან არ არის მტერი დაყვანა მხოლოდ ერთი მიზნისთვის ხდება: ხელისუფლების წარმომადგენლისგან ისეთი ფრაზის ამოგლეჯა, რომელსაც შემდეგ საქართველოს წინააღმდეგ გამოიყენებენ, - წერს ანალიტიკოსი ნიკოლოზ მეტრეველი სოციალურ ქსელში, ოპოზიციური მედიის მიერ პრემიერ-მინისტრ ირაკლი კობახიძისთვის დასმული კითხვის შესახებ.მისივე თქმით, პრემიერ-მინისტრმა ირაკლი კობახიძემ აღნიშნულ პროვოკაციას შესაბამისი პოლიტიკური პასუხი გასცა.„არის თუ არა რუსეთი საქართველოს მტერი? - ეს კითხვა კი არა, საკუთარი ქვეყნისთვის ხაფანგის დაგების უსინდისო მცდელობაა.როდესაც  ჟურნალისტი პასუხს წინასწარ განსაზღვრულ ჩარჩოში აქცევს და შემდეგ ამ პასუხისგან პოლიტიკური სკანდალის შექმნას ცდილობს, ეს ჟურნალისტიკა არ არის.სახელმწიფოს უსაფრთხოებისა და მომავლის საკითხების ერთი სიტყვით მტერია ან არ არის მტერი დაყვანა მხოლოდ ერთი მიზნისთვის ხდება: ხელისუფლების წარმომადგენლისგან  ისეთი ფრაზის ამოგლეჯა, რომელსაც შემდეგ საქართველოს წინააღმდეგ გამოიყენებენ.ირაკლი კობახიძე ძალიან გამოცდილი ორატორია და ამ პროვოკაციას შესაბამისი პოლიტიკური პასუხი გასცა. და სწორედ აქ ჩანს განსხვავება პოლიტიკოსსა და უსამშობლო პროვოკატორს შორის, პირველი ქვეყნის ინტერესებზე ფიქრობს, მეორე კი მტრულ ჰედლაინზე.საქართველოს არ სჭირდება ომისკენ მიმანიშნებელი რიტორიკა და არც რუსეთის მიმართ რაიმე სახის რომანტიზება. საქართველოს სჭირდება მშვიდობა, სუვერენიტეტი, ტერიტორიული მთლიანობის აღდგენა და საბედნიეროდ ჰყავს ხელისუფლება, რომელიც გადაწყვეტილებებს არა უნამუსო მედიასაშუალებების დღის წესრიგით, არამედ ქვეყნის ინტერესებით იღებს.“ - წერს მეტრეველი.

პოლიტიკა • 1786368422

აჭარის მთავრობის თავმჯდომარე სატყეო სააგენტოს საქმიანობასა და განახლებულ შესაძლებლობებს გაეცნო

აჭარის მთავრობის თავმჯდომარე ზურაბ პატარაძე, რეგიონის სოფლის მეურნეობისა და გარემოს დაცვის მინისტრთან დენის სალუქვაძესთან ერთად, აჭარის სატყეო სააგენტოს მიერ ორგანიზებულ ღონისძიებას დაესწრო. მთავრობის თავმჯდომარე სააგენტოს საქმიანობასა და განახლებულ შესაძლებლობებს გაეცნო, ასევე დაათვალიერა უწყების ბალანსზე არსებული სპეციალიზებული ტექნიკა.სააგენტოს თანამშრომლებთან შეხვედრაზე სატყეო სააგენტოს მიერ განხორციელებული სამუშაოები შეაჯამეს და სამომავლო ინიციატივები განიხილეს. მთავრობის თავმჯდომარემ ყურადღება გაამახვილა ტყის რესურსების ეფექტიან მართვაზე, მოსახლეობასთან მუდმივ კომუნიკაციასა და პრევენციული ღონისძიებების გაძლიერებაზე.„სატყეო მიმართულება ერთ-ერთი უმთავრესი პრიორიტეტია როგორც ქვეყნის მასშტაბით, ასევე განსაკუთრებით ჩვენი რეგიონისთვის. მწვანე საფარის შენარჩუნება, მოვლა და განვითარება, მოსახლეობასთან მუდმივი კომუნიკაცია და პრევენცია არის ის მთავარი ამოცანები, რომლებსაც სატყეო სააგენტოს თანამშრომლები ღირსეულად ასრულებენ. დღეს დავათვალიერეთ სპეციალიზებული ტექნიკა, რომელიც გააძლიერებს კონტროლს და ხელს შეუწყობს სააგენტოს ეფექტიან მუშაობას. მოსახლეობასთან ერთად უნდა ვიზრუნოთ ჩვენი ბუნებრივი რესურსების შენარჩუნებასა და განვითარებაზე“ - აღნიშნა ზურაბ პატარაძემ.შეხვედრის ფარგლებში, სატყეო სექტორის განვითარებაში შეტანილი წვლილისთვის სააგენტოს თანამშრომლებს მადლობის სიგელები გადაეცათ.აჭარის სატყეო სააგენტო ტყის დაცვის, აღდგენისა და მდგრადი მართვის მიმართულებით მნიშვნელოვან პროექტებს ახორციელებს. ჩატარდა ტყის ინვენტარიზაციის, სანიტარიული მდგომარეობის გაუმჯობესებისა და აღდგენა-განახლების სამუშაოები. პარალელურად, გრძელდება სატყეო-სამეურნეო გზების გაყვანა-რეაბილიტაცია, სააგენტოს მატერიალურ-ტექნიკური ბაზის გაძლიერება და ახალი სანერგე მეურნეობის მოწყობა. ასევე, მიმდინარეობს ტურისტული ინფრასტრუქტურის მიმართულებით მოსამზადებელი სამუშაოები, რაც ეკოტურიზმის განვითარებას შეუწყობს ხელს.შეხვედრას აჭარის უმაღლესი საბჭოს თავმჯდომარე ცოტნე ანანიძე, საქართველოს პარლამენტის წევრი ანზორ ბოლქვაძე, ხელვაჩაურის მერი ზაზა დიასამიძე, აჭარის მთავრობის, უმაღლესი საბჭოსა და ადგილობრივი თვითმმართველობის, ასევე საქართველოს ეროვნული სატყეო სააგენტოს წარმომადგენლები ესწრებოდნენ.

მსოფლიო • 1786262204

მამის ლიკვიდაციის შემდეგ პირველად - რა კადრები ვრცელდება ირანის ახალ სულიერ ლიდერზე

ირანულმა მედიასაშუალებებმა ქვეყნის ახალი უმაღლესი სულიერი ლიდერის, მოჯტაბა ხამენეის ვიდეოკადრები გამოაქვეყნეს. ვიდეოში ის რამდენიმე პირის თანხლებით ჩანს, თუმცა მედიას არ დაუზუსტებია, კონკრეტულად როდის არის გადაღებული აღნიშნული მასალა.შეგახსენებთ, რომ მოჯტაბა ხამენეი ირანის სულიერ ლიდერად მამის, აიათოლა ალი ხამენეის ლიკვიდაციის შემდეგ დაინიშნა.გავრცელებული ცნობებით, იმავე თავდასხმისას თავად მოჯტაბაც დაშავდა ფეხის არეში. თანამდებობაზე დაკავების შემდეგ მას საზოგადოებრივ სივრცეში აქამდე არავითარი ვიდეო თუ ფოტომასალა არ გაუვრცელებია.

მსოფლიო • 1786030500

ფლორიდის ფედერალურმა მოსამართლემ დროებით შეაჩერა გადაწყვეტილება, რომელიც დონალდ ტრამპს ავალდებულებდა, BBC-ისთვის თავისი ბიზნესის ფინანსური მაჩვენებლები გაემჟღავნებინა

ფლორიდის ფედერალურმა მოსამართლემ დროებით შეაჩერა გადაწყვეტილება, რომელიც დონალდ ტრამპს ავალდებულებდა, BBC-ისთვის თავისი ბიზნესის ფინანსური მაჩვენებლები გაემჟღავნებინა - ეს მოთხოვნა უკავშირდება ცილისწამების სარჩელს, რომელიც ტრამპმა მედია-კომპანიის წინააღმდეგ შეიტანა, - წერს გამოცემა POLITICO.აშშ-ის საოლქო მოსამართლის, როი ოლტმანის განცხადებით, მან მტკიცებულებების მოპოვების პროცესი მანამ შეაჩერა, სანამ განიხილავს ტრამპის შუამდგომლობას British Broadcasting Corporation-ის წინააღმდეგ წარდგენილი სარჩელის ფორმულირების შეცვლისა და გარკვეული ასპექტების შევიწროების შესახებ. საქმე ეხება 2024 წელს დიდ ბრიტანეთში ეთერში გასულ დოკუმენტურ ფილმს.ეს სამართლებრივი დავა იმის გამოცდაა, მოჰყვება თუ არა ტრამპისთვის რაიმე სერიოზული უარყოფითი შედეგები მრავალმილიარდიანი სარჩელების იმ ტალღას, რომლებიც მან იმ მედიასაშუალებების წინააღმდეგ აღძრა, რომელთაც მისთვის ზიანის მიყენებაში ადანაშაულებს.ოლტმანის განკარგულებაში, რომელიც ოთხშაბათით თარიღდება და ხუთშაბათს გასაჯაროვდა, ნათქვამია, რომ მოსამართლემ დასაბუთებულად მიიჩნია ტრამპის არგუმენტი. ტრამპის პოზიციით, მისი გადაწყვეტილება - უარი თქვას თავისი ბრენდისა და ბიზნესისთვის მიყენებული ზიანის ანაზღაურების მოთხოვნაზე და ყურადღება მხოლოდ რეპუტაციულ ზიანზე გაამახვილოს - შესაძლოა აუქმებდეს BBC-ის მხრიდან ფინანსური მონაცემების მოპოვების საჭიროებას.

სამართალი • 1786003348

საქართველოს სახელმწიფო ინტერესების საზიანოდ უცხო ქვეყნიდან მართულ და საქართველოდან მხარდაჭერილ დისკრედიტაციულ კამპანიასთან დაკავშირებით საბოტაჟის მუხლით გამოძიება დაიწყო

სახელმწიფო უსაფრთხოების სამსახურის სახელმწიფო უსაფრთხოების დეპარტამენტმა საქართველოს სახელმწიფო ინტერესების საზიანოდ უცხო ქვეყნიდან მართულ და საქართველოდან მხარდაჭერილ დისკრედიტაციულ საინფორმაციო კამპანიასთან დაკავშირებით საბოტაჟის მუხლით გამოძიება დაიწყო.უწყების ცნობით, საქმე ეხება სხვადასხვა სოციალურ პლატფორმაზე უცხო ქვეყანაში რეგისტრირებული და მართული ყალბი ე.წ. ბოტ-ანგარიშებით საქართველოს ინტერესების წინააღმდეგ დისკრედიტაციული შინაარსის შემცველი ინფორმაციის მიზანმიმართულ გავრცელებას, რაც ემსახურება საქართველოს ეკონომიკური ინტერესების დაზიანებას.„კამპანიის მიზანია დეზინფორმაციის გავრცელებით შეიქმნას ყალბი აღქმა იმასთან დაკავშირებით, რომ საქართველოში რუსეთის ფედერაციიდან ჩამოსული ტურისტებისთვის არასასურველი გარემოა შექმნილი. ამ ეტაპზე ცნობილია, რომ სოციალურ პლატფორმა X-ზე რეგისტრირებულ რამდენიმე ყალბ ანგარიშზე სხვადასხვა საკითხზე ხდებოდა დეზინფორმაციის განთავსება. კერძოდ, საუბარი იყო, რომ თითქოს საქართველოს მოქალაქეები რუსეთის ფედერაციიდან ჩამოსულ ტურისტებს ტყეში მარტო ტოვებდნენ ანდა მათ მიერ შეკვეთილ საკვებს ქართულ რესტორნებში მიზანმიმართულად, განგებ აბინძურებდნენ და ა.შ. მსგავსი შინაარსის ყალბი ინფორმაცია მოგვიანებით, დროის კონკრეტული ინტერვალით, კოორდინირებულად ვრცელდებოდა უცხო ქვეყანაში რეგისტრირებული ერთ-ერთი ონლაინ მედიასაშუალების მიერ, რომელსაც მრავალმილიონიანი აუდიტორია ჰყავს.გამოძიება საქართველოს სისხლის სამართლის კოდექსის 318-ე მუხლით დაიწყო, რაც საქართველოს სახელმწიფოებრივი ინტერესებისთვის საფრთხის შექმნის მიზნით სახელმწიფო საწარმოს ან სხვა მნიშვნელოვანი ობიექტების ნორმალური ფუნქციონირების ხელშეშლას ან მათ დაზიანება/განადგურებას გულისხმობს. დანაშაული 4-წლამდე ვადით თავისუფლების აღკვეთას ითვალისწინებს. გამოძიების ფარგლებში მიმდინარეობს კანონით გათვალისწინებული ოპერატიული და სამძებრო ღონისძიებები, რათა დადგინდეს დეზინფორმაციული კამპანიის ორგანიზატორები, მონაწილეები, დაფინანსების შესაძლო წყაროები, ინფორმაციის გავრცელების მექანიზმები და მისი მიზნები. სახელმწიფო უსაფრთხოების სამსახური აგრძელებს მუშაობას მსგავსი დეზინფორმაციული კამპანიების დროული გამოვლენისა და მათგან მომდინარე საფრთხეების პრევენციის მიზნით; გარე თუ შიდა ძალებისგან მართულ ნებისმიერ ქმედებას, რომელიც მიზნად ისახავს საქართველოს ეროვნული ინტერესების ხელყოფას, სახელმწიფო ინსტიტუტების დესტაბილიზაციას, კონსტიტუციური წესრიგის დარღვევას ან ეროვნული უსაფრთხოებისათვის ზიანის მიყენებას, შესაბამისი სამართლებრივი რეაგირება მოჰყვება“, – ნათქვამია გავრცელებულ ინფორმაციაში.

პოლიტიკა • 1785948606

სუსი განცხადებას ავრცელებს

სახელმწიფო უსაფრთხოების სამსახურის სახელმწიფო უსაფრთხოების დეპარტამენტმა, საქართველოს სახელმწიფო ინტერესების საზიანოდ  უცხო ქვეყნიდან მართულ და საქართველოდან მხარდაჭერილ დისკრედიტაციულ საინფორმაციო კამპანიასთან დაკავშირებით, საბოტაჟის მუხლით გამოძიება დაიწყო.საქმე ეხება სხვადასხვა სოციალურ პლატფორმაზე უცხო ქვეყანაში რეგისტრირებული და მართული ყალბი ე.წ. ბოტ-ანგარიშებით, საქართველოს ინტერესების წინააღმდეგ დისკრედიტაციული შინაარსის შემცველი ინფორმაციის მიზანმიმართულ გავრცელებას, რაც ემსახურება საქართველოს ეკონომიკური ინტერესების დაზიანებას. კამპანიის მიზანია დეზინფორმაციის გავრცელებით შეიქმნას ყალბი აღქმა იმასთან დაკავშირებით, რომ საქართველოში რუსეთის ფედერაციიდან ჩამოსული ტურისტებისთვის არასასურველი გარემოა შექმნილი.ამ ეტაპზე ცნობილია, რომ სოციალურ პლატფორმა X-ზე რეგისტრირებულ რამდენიმე ყალბ ანგარიშზე სხვადასხვა საკითხზე ხდებოდა დეზინფორმაციის განთავსება, კერძოდ საუბარი იყო, რომ თითქოს საქართველოს მოქალაქეები რუსეთის ფედერაციიდან ჩამოსულ ტურისტებს ტყეში მარტო ტოვებდნენ, ანდა მათ მიერ შეკვეთილ საკვებს ქართულ რესტორნებში მიზანმიმართულად, განგებ აბინძურებდნენ და ა.შ.მსგავსი შინაარსის ყალბი ინფორმაცია მოგვიანებით, დროის კონკრეტული ინტერვალით, კოორდინირებულად ვრცელდებოდა უცხო ქვეყანაში რეგისტრირებული ერთ-ერთი ონლაინ-მედიასაშუალების მიერ, რომელსაც მრავალმილიონიანი აუდიტორია ჰყავს.გამოძიება საქართველოს სისხლის სამართლის კოდექსის 318-ე მუხლით დაიწყო, რაც საქართველოს სახელმწიფოებრივი ინტერესებისთვის საფრთხის შექმნის მიზნით, სახელმწიფო საწარმოს ან სხვა მნიშვნელოვანი ობიექტების ნორმალური ფუნქციონირების ხელშეშლას ან მათ დაზიანება/განადგურებას გულისხმობს. დანაშაული 4-წლამდე ვადით თავისუფლების აღკვეთას ითვალისწინებს.გამოძიების ფარგლებში მიმდინარეობს კანონით გათვალისწინებული ოპერატიული და სამძებრო ღონისძიებები, რათა დადგინდეს დეზინფორმაციული კამპანიის ორგანიზატორები, მონაწილეები, დაფინანსების შესაძლო წყაროები, ინფორმაციის გავრცელების მექანიზმები და მისი მიზნები.სახელმწიფო უსაფრთხოების სამსახური აგრძელებს მუშაობას მსგავსი დეზინფორმაციული კამპანიების დროული გამოვლენისა და მათგან მომდინარე საფრთხეების პრევენციის მიზნით; გარე თუ შიდა ძალებისგან მართულ ნებისმიერ ქმედებას, რომელიც მიზნად ისახავს საქართველოს ეროვნული ინტერესების ხელყოფას, სახელმწიფო ინსტიტუტების დესტაბილიზაციას, კონსტიტუციური წესრიგის დარღვევას ან ეროვნული უსაფრთხოებისათვის ზიანის მიყენებას, შესაბამისი სამართლებრივი რეაგირება მოჰყვება.