დახმარ

პარიზში საცხოვრებელ სახლში აფეთქების შედეგად რამდენიმე ადამიანი დაშავდა

პარიზში ობერვილიეს რაიონში მდებარე საცხოვრებელ სახლში ძლიერი აფეთქება მოხდა. აფეთქების შედეგად 5 ადამიანი დაშავდა. მათი მდგომარეობა მძიმეა.ადგილზე სამაშველო და სამედიცინო დახმარების ბრიგადები იყო მობილიზებული. აფეთქება, სავარაუდოდ, გაზის გაჟონვამ გამოიწვია.

საზოგადოება • 1788679885

მაია ბუწაშვილი ინფორმაციას ავრცელებს

მაია ბუწაშვილი სოციალურ ქსელში ინფორმაციას ავრცელებს:„წელსაც, ისევე როგორც ზაფხულში ზოგადად, უამრავი ადამიანი ბრუნდება კურორტებიდან დიარეით (განსაკუთრებით ზღვისპირეთიდან). სტატისტიკურ მონაცემებს ვერ წარმოვადგენ და ერთი რიგითი ინფექციონისტის პაციენტები სტატისტიკური ანალიზისთვის ვერ გამოდგება, მაგრამ ჩემს დაკვირვებას გაგიზიარებთ, რომ ამ ზაფხულს უფრო დიდ პრობლემად გადაიქცა ნაწლავური ინფექციები, ვიდრე გასულ წლებში. თუმცა კარგი იქნებოდა დაავადებათა კონტროლის ცენტრი პერიოდულად გვიზიარებდეს მონაცემებს, რომელი ნაწლავური ინფექციები დომინირებს ამ სეზონზე და ამ მხრივ რომელი კურორტები უფრო მაღალი რისკის შემცველია.იმ მონაცემებს, რომელი ინფექციებია ამ სეზონზე დიარეის გამომწვევი, გადამწყვეტი მნიშვნელობა აქვს კლინიკური მართვისთვის - ვირუსულ, ბაქტერიულ და პარაზიტულ დაავადებებს სხვადასხვანაირი მართვა ჭირდება და როდესაც ექიმმა ანალიზის პასუხების მიღებამდე ეპიდემიოლოგიური სიტუაცია იცის, ანუ რომელი ინფექციის ალბათობაა მაღალი, ეს მას ძალიან ეხმარება.დიარეული დავადებების დროს უნდა ჩატარდეს განავლის შესაბამისი გამოკვლევები. წელს ხშირია სალმონელები, თუმცა ნაწლავური ვირუსული ინფექციებიც გვხვდება.თვითნებურად არ უნდა იქნას დაწყებული ანტიბიოტიკოთერაპია (დიაგნოსტიკას ართულებს და ასევე ზოგჯერ დიარეულ დაავადებას ამძიმებს).არ არის საჭირო გადასხმა, თუ პაციენტი სითხეს ადექვატურად იღებს. გადასხმა სითხის ერთჯერადი შევსებაა და გადაუდებელ შემთხვევებში გამოიყენება, როცა სითხეს ვერ იღებს ან დეჰიდრატაციის (გაუწყლოების) სიმპტომებია. ეს ვერ შეცვლის სითხის მიღების საჭიროებას და პაციენტმა დღის განმავლობაში სითხის დალევა გადასხმის მერეც უნდა გააგრძელოს.არ არის საჭირო უამრავი პრობიოტიკის, “კუჭის წამლის” და სხვადასხვა გაურკვეველი ჩვენების მედიკამენტის მიღება, რასაც ხშირად ერთდროულად ან ხან ერთს, ხან მეორეს, ქაოსურად იღებენ პაციენტები და ამდენი წამლით კიდევ უფრო ტვირთავენ ანთებად საჭმლის მომნელებელ სისტემას.“აბა წამალი არაფერი არ უნდა”? - უმრავლეს შემთხვევაში არ უნდა და სიმპტომები მაინც გაივლის. არადა, რომელიმე წამალს ან გადასხმას უმადლიან ხოლმე და გონიათ რომ ამან “უშველა”.მნიშვნელოვანი და საყურადღებო სიმპტომები, რომლის დროსაც სამედიცინო დახმარება აუცილებელია: სისხლიანი განავალი; ჭარბი ძილიანობა; ცნობიერების დაბინდვა/ცვლილება; შეუპოვარი ცხელება, რომელიც სტანდარტულ სიცხის დამწევებს არ ემორჩილება, მუცლის ძლიერი, შეტევითი ტკივილი.მხოლოდ იმიტომ, რომ პაციენტს სიცხე აქვს, აღებინებს ან ფაღარათი აქვს, სასწრაფოს გამოძახება არ არის აუცილებელი და არც სტაციონარში გადაყვანა (განსაკუთრებით თუ პაციენტი ჯანმრთელი ახალგაზრდაა), რაც ძალიან ხშირი სცენარია.გამონაკლისს წარმოადგენენ ჩვილი ბავშვები, მოხუცები, ქრონიკული დაავადებების მქონე პირები, სადაც ჰოსპიტალიზაცია ხშირად შეიძლება მართლაც აუცილებელი გახდეს.და კიდევ ბევრჯერ გავიმეორებ, დიარეულ დაავადებას არ ჰქვია “ენტეროვირუსი” და მართლა უხერხულია უკვე".

მსოფლიო • 1788677811

უიტკოფი პუტინთან შეხვედრაზე: „ეს პენსიაზე გასვლის შემდეგაც მემახსოვრება“

რუსული მედიის ცნობით, რუსეთის პრეზიდენტის, ვლადიმერ პუტინის შეხვედრა დონალდ ტრამპის მომლაპარაკებლებთან სტივ უიტკოფსა და ჯარედ კუშნერთან ერთ საათზე მეტხანს გაგრძელდა.მათივე ცნობით, შეხვედრისას პუტინმა განაცხადა, რომ მოსკოვი კიევთან ცეცხლის სრულად შეწყვეტას ამ ეტაპზე არ განიხილავს.„უკრაინის ხელისუფლებამ უფრო ფართო სამდღიანი ცეცხლის შეწყვეტისკენ მოგვიწოდა, თუმცა ჩვენ ამაზე მათთან არასდროს შევთანხმებულვართ“, – განაცხადა რუსეთის პრეზიდენტმა.ამასთან, რუსული მედიის ცნობით, სტივ უიტკოფმა აღნიშნა, რომ ვლადიმერ პუტინთან მისი საუბარი საინტერესო იყო და ის პენსიაზე გასვლის შემდეგაც ემახსოვრება.„მადლობას გიხდით, ბატონო პრეზიდენტო, დღეს აქ მასპინძლობისთვის. ჩვენ მოუთმენლად ველოდებოდით ამ შეხვედრას. ჩვენ ჯარედ კუშნერთან, კირილ დმიტრიევთან ერთად ვსხედვართ, შემდეგ იური უშაკოვი შემოგვიერთდა და ყველამ ვისაუბრეთ იმაზე, თუ როგორ გვექნება პენსიაზე გასვლისას ეს შესანიშნავი ისტორიები და მოგონებები. ჩვენი საუბრები თქვენთან ერთ-ერთი ყველაზე დასამახსოვრებელი იქნება“, – განაცხადა უიტკოფმა.ამასთან, რუსული მედიის ინფორმაციით, სტივ უიტკოფმა პუტინს მადლობა გადაუხადა აშშ-ის საზღვაო ქვეითის, რობერტ გილმანის გათავისუფლებისთვის, რომელიც რუსეთში 2022 წელს დააკავეს.„გილმანის ოჯახი წარმოუდგენლად მადლიერია თქვენი დახმარებისა და მისი სამშობლოში დაბრუნებისთვის“, – განაცხადა სტივ უიტკოფმა.

საზოგადოება • 1788676260

სავედრებელი ლოცვა, რომელიც რთულ წუთებში უნდა წაიკითხოთ

თითოეულ ადამიანს ცხოვრებაში აქვს მომენტი, როცა ვფიქრობთ, რომ გამოსავალი არაა... ამ დროს უფლის მხარდაჭერა ყველაზე მეტად გვჭირდება. ასეთ დროს სავედრებელი ლოცვა შეუცვლელი დამხმარეა.უფლის დახმარებით ნებისმიერ დაბრკოლებას გაუმკლავდებით. მთავარია, გულწრფელად ილოცოთ და სიტყვები გულიდან წარმოთქვათ.ლოცვაუფალო, არა ვუწყი რაი ვითხოვო შენგან! შენ მხოლომან უწყი რაი ვითხოვო შენგან! შენ მხოლომან უწყი რაი არს ჩემდა სახმარ. გაქუს შენ სიყვარული ჩემი უფროის, ვიდრეღა ძალმიძს მე სიყვარული თავისა თვისისა.მამაო! მეც მონასა შენსა – რაიცა არცაღა მე ვუწყი რაი ვითხოვო. არა თავს ვიდებ კადნიერებასა თხოვად ჯვარისა, გინა ნუგეშინისცემისა. მხოლოდღა წარდგომილ-ვარ წინაშე შენსა და გული ჩემი განხმულ არს. ხედავ შენ საჭიროებასა ჩემსა, რომელსა მე ვერ ვხედავ!ხედვიდე და იქმოდე ჩემთანა მოწყალებისაებრ შენისა! მომწყლავდე და განმკურნებდე მე, დამცემდე და აღმადგინებდე. ვჰკრთი და უსიტყველ ვიქმნები წინაშე წმიდისა ნებისა შენისა და მიუწვდომელისა განგებულებისა შენისა.თავსა თვისსა მსხვერპლად შენდა შემოვსწირავ. მიგენებები შენ. არარაი მაქუს სურვილი, გარნა სურვილისა აღვასრულო ნებაი შენი.მასწავე მე ლოცვაი შენი – თვით შენ ილოცვიდე თავსა შორის ჩემსა. ამინ.

მსოფლიო • 1788637355

ცნობილი თურქი მსახიობი საკუთარ სახლში გარდაცვლილი იპოვეს

ცნობილი თურქი მსახიობი სერჰათ ქილიჩი 51 წლის ასაკში გარდაცვლილი იპოვეს სტამბოლში, საკუთარ სახლში. ინფორმაციას თურქული მედია ავრცელებს.მსახიობს რამდენიმე დღის განმავლობაში ვერ უკავშირდებოდნენ. მისმა შეყვარებულმა, რომელიც მის საცხოვრებელ სახლში მივიდა, ის მისაღებ ოთახში, დივანზე გარდაცვლილი იპოვა.გავრცელებული ცნობებითა და მისი შეყვარებულის ჩვენებით, მსახიობს ლეიკემიასთან დაკავშირებული ჯანმრთელობის პრობლემები ჰქონდა. გარდა ამისა, სულ ახლახან მას ხერხემლის თიაქარიც დაუდგინდა.ადგილზე მისულმა პოლიციამ და სასწრაფო დახმარების ჯგუფებმა პირველადი დათვალიერებით ძალადობის ან ღია ჭრილობების კვალი ვერ აღმოაჩინეს. გარდაცვალების ზუსტი მიზეზის დასადგენად ცხედარი ექსპერტიზაზეა გადაყვანილი.ქართველ მაყურებელს სერჰათ ქილიჩი ცნობილი თურქული სერიალებიდან და ფილმებიდან ახსოვს, მათ შორის მეგაჰიტი სერიალით "მცველი“.

მსოფლიო • 1788630192

ქურდებმა 235 ათას დოლარიანი ბრილიანტი ყალბით შეცვალეს - როგორ გაირკვა სიმართლე

სინგაპურში ორმა მამაკაცმა საიუველირო მაღაზიიდან 235 ათას დოლარზე მეტი ღირებულების ბრილიანტის მოპარვა სცადა, თუმცა მათი გეგმა მალევე ჩავარდა - პოლიციამ ორივე მათგანი შემთხვევიდან სულ რაღაც სამ საათში დააკავა.30 და 42 წლის მამაკაცები მაღაზიაში შევიდნენ და ძვირად ღირებული ბრილიანტის შეძენით დაინტერესდნენ.მათ ქვის დათვალიერება და შემოწმება დაიწყეს. სწორედ ამ დროს, პოლიციის ინფორმაციით, მამაკაცებმა მოხერხებულად შეცვალეს ნამდვილი ბრილიანტი წინასწარ მომზადებული ყალბი ქვით.ორივემ მაღაზია ისე დატოვა, რომ არაფერი შეუძენია. თუმცა, მათი საქციელი თანამშრომელს საეჭვოდ მოეჩვენა. შემოწმების შემდეგ მან აღმოაჩინა, რომ ნამდვილი ბრილიანტი აღარ იყო ადგილზე და მისი ადგილი ყალბ ქვას დაეკავებინა.მაღაზიის თანამშრომელმა პოლიციას დაუყოვნებლივ მიმართა. სამართალდამცველებმა გამოძიება დაიწყეს და ეჭვმიტანილების იდენტიფიცირება სათვალთვალო კამერებისა და პოლიციის კამერების ჩანაწერების დახმარებით შეძლეს.საბოლოოდ, ორივე მამაკაცი აეროპორტში, შემთხვევიდან სამ საათზე ნაკლებ დროში დააკავეს. პოლიციამ მათგან მოპარული ნამდვილი ბრილიანტიც ამოიღო.მამაკაცებს ბრალი წაუყენეს ქურდობაში თანამზრახველთან ერთად. სინგაპურის კანონმდებლობით, აღნიშნული დანაშაული შვიდ წლამდე თავისუფლების აღკვეთითა და ჯარიმით ისჯება.

რჩევები • 1788626263

ინფექციონისტი მოსახლეობას მიმართავს

ზაფხულში კურორტებიდან დაბრუნებულ პაციენტებში ნაწლავური ინფექციებისა და დიარეის შემთხვევები განსაკუთრებით ხშირდება. ინფექციონისტი მაია ბუწაშვილი სეზონის ძირითად გამოწვევებზე, არასწორი თვითმკურნალობის რისკებზე, ანტიბიოტიკებისა და გადასხმების მცდარ პრაქტიკაზე ამახვილებს ყურადღებას და განმარტავს, თუ როდის არის აუცილებელი ექიმთან მიმართვა.„წელსაც, ისევე როგორც ზაფხულში ზოგადად, უამრავი ადამიანი ბრუნდება კურორტებიდან დიარეით (განსაკუთრებით ზღვისპირეთიდან). სტატისტიკურ მონაცემებს ვერ წარმოვადგენ და ერთი რიგითი ინფექციონისტის პაციენტები სტატისტიკური ანალიზისთვის ვერ გამოდგება, მაგრამ ჩემს დაკვირვებას გაგიზიარებთ, რომ ამ ზაფხულს უფრო დიდ პრობლემად გადაიქცა ნაწლავური ინფექციები, ვიდრე გასულ წლებში. თუმცა კარგი იქნებოდა დაავადებათა კონტროლის ცენტრი პერიოდულად გვიზიარებდეს მონაცემებს, რომელი ნაწლავური ინფექციები დომინირებს ამ სეზონზე და ამ მხრივ რომელი კურორტები უფრო მაღალი რისკის შემცველია.იმ მონაცემებს, რომელი ინფექციებია ამ სეზონზე დიარეის გამომწვევი, გადამწყვეტი მნიშვნელობა აქვს კლინიკური მართვისთვის - ვირუსულ, ბაქტერიულ და პარაზიტულ დაავადებებს სხვადასხვანაირი მართვა ჭირდება და როდესაც ექიმმა ანალიზის პასუხების მიღებამდე ეპიდემიოლოგიური სიტუაცია იცის, ანუ რომელი ინფექციის ალბათობაა მაღალი, ეს მას ძალიან ეხმარება.დიარეული დავადებების დროს უნდა ჩატარდეს განავლის შესაბამისი გამოკვლევები. წელს ხშირია სალმონელები, თუმცა ნაწლავური ვირუსული ინფექციებიც გვხვდება.თვითნებურად არ უნდა იქნას დაწყებული ანტიბიოტიკოთერაპია (დიაგნოსტიკას ართულებს და ასევე ზოგჯერ დიარეულ დაავადებას ამძიმებს).არ არის საჭირო გადასხმა, თუ პაციენტი სითხეს ადექვატურად იღებს. გადასხმა სითხის ერთჯერადი შევსებაა და გადაუდებელ შემთხვევებში გამოიყენება, როცა სითხეს ვერ იღებს ან დეჰიდრატაციის (გაუწყლოების) სიმპტომებია. ეს ვერ შეცვლის სითხის მიღების საჭიროებას და პაციენტმა დღის განმავლობაში სითხის დალევა გადასხმის მერეც უნდა გააგრძელოს.არ არის საჭირო უამრავი პრობიოტიკის, “კუჭის წამლის” და სხვადასხვა გაურკვეველი ჩვენების მედიკამენტის მიღება, რასაც ხშირად ერთდროულად ან ხან ერთს, ხან მეორეს, ქაოსურად იღებენ პაციენტები და ამდენი წამლით კიდევ უფრო ტვირთავენ ანთებად საჭმლის მომნელებელ სისტემას.“აბა წამალი არაფერი არ უნდა”? - უმრავლეს შემთხვევაში არ უნდა და სიმპტომები მაინც გაივლის. არადა, რომელიმე წამალს ან გადასხმას უმადლიან ხოლმე და გონიათ რომ ამან “უშველა”.მნიშვნელოვანი და საყურადღებო სიმპტომები, რომლის დროსაც სამედიცინო დახმარება აუცილებელია: სისხლიანი განავალი; ჭარბი ძილიანობა; ცნობიერების დაბინდვა/ცვლილება; შეუპოვარი ცხელება, რომელიც სტანდარტულ სიცხის დამწევებს არ ემორჩილება, მუცლის ძლიერი, შეტევითი ტკივილი.მხოლოდ იმიტომ, რომ პაციენტს სიცხე აქვს, აღებინებს ან ფაღარათი აქვს, სასწრაფოს გამოძახება არ არის აუცილებელი და არც სტაციონარში გადაყვანა (განსაკუთრებით თუ პაციენტი ჯანმრთელი ახალგაზრდაა), რაც ძალიან ხშირი სცენარია.გამონაკლისს წარმოადგენენ ჩვილი ბავშვები, მოხუცები, ქრონიკული დაავადებების მქონე პირები, სადაც ჰოსპიტალიზაცია ხშირად შეიძლება მართლაც აუცილებელი გახდეს.და კიდევ ბევრჯერ გავიმეორებ, დიარეულ დაავადებას არ ჰქვია “ენტეროვირუსი” და მართლა უხერხულია უკვე.“ წერს ექიმი.

შემთხვევა • 1788595173

მძღოლი ადგილზე გარდაიცვალა, არიან დაშავებულები - ტრაგედია ომალოში

ერთი ადამიანი გარდაიცვალა, ოთხი კი დაშავდა თუშეთში მომხდარი ავტოსაგზაო შემთხვევის შედეგად.შემთხვევა სოფელ ომალოში მოხდა.თვითმხილველების ინფორმაციით, მსუბუქი ავტომობილი, რომელშიც ხუთი ადამიანი იმყოფებოდა, გზის სავალი ნაწილიდან გადავიდა და რამდენჯერმე ამობრუნდა.მიღებული დაზიანებების შედეგად, ავტომობილის მძღოლი ადგილზე გარდაიცვალა, ოთხი მგზავრი კი დაშავდა.სასწრაფო-სამედიცინო დახმარების ბრიგადამ, დაშავებულები თელავის საავადმყოფოში გადაიყვანა.ექიმების განმარტებით, დაზარალებულებს მრავლობითი დაზიანებები და ქვედა კიდურების მოტეხილობები აღენიშნებათ. ავარიის მიზეზად, გადაჭარბებული სიჩქარე სახელდება.

საზოგადოება • 1788544255

5 წლის სოფიას საზოგადოების დახმარება სჭირდება - ის ნეირობლასტომას ებრძვის

5 წლის სოფიას საზოგადოების დახმარება სჭირდება. ის მძიმე დაავადებას ებრძვის, მკურნალობის გასაგრძელებლად საჭიროა სოლიდური თანხა. როგორც ოჯახის ახლობელი სოციალურ ქსელში წერს, შექმნილია პატარას დახმარების გვერდიც - Help Sophia, სადაც დახმარების სურვილის და შესაძლებლობის შემთხვევაში საზოგადოებას შეეძლება გაეცნოს ბავშვის მკურნალობის ეტაპებს. ასევე პოსტში მოცემულია ანგარიშის ნომრები, სადაც შესაძლებელია თანხის დარიცხვა. „არასდროს მიფიქრია, რომ ერთ დღეს ასეთი სიტყვებით მომიწევდა თქვენთვის მომართვა… მაგრამ დღეს ჩვენი პატარა სოფიასთვის დახმარებას გთხოვთ. უკვე 8 თვეა, 5 წლის სოფია ნეირობლასტომას ებრძვის - ბავშვთა ასაკში ერთ-ერთ ყველაზე რთულ და აგრესიულ ონკოლოგიურ დაავადებას. ამ დროის განმავლობაში მან გაიარა ქიმიოთერაპია, რთული ოპერაცია და სხივური თერაპია. სოფიამ წარმოუდგენლად დიდი გზა გამოიარა, თუმცა მკურნალობის დასრულებამდე ყველაზე მნიშვნელოვანი ეტაპი დარჩა - Qarziba-ს იმუნოთერაპია, რომელიც, სამწუხაროდ, საქართველოში არ ტარდება. მკურნალობისთვის 237 500 დოლარია საჭირო. სახელმწიფოს ჩართულობის დიდი იმედი გვაქვს, თუმცა ეს გარკვეულ პროცედურებსა და დროს მოითხოვს - დრო კი, სამწუხაროდ, ძალიან ცოტა გვაქვს. ამ ეტაპამდე ოჯახმა საკუთარი შესაძლებლობებით ყველაფერი გავაკეთეთ და ჩვენი ფინანსური რესურსი პრაქტიკულად ამოწურულია. ამიტომ დღეს მთელი გულით გთხოვთ დახმარებას. ნებისმიერ თანხას ჩვენთვის ძალიან დიდი მნიშვნელობა აქვს. თუ ფინანსურად დახმარება არ შეგიძლიათ, გთხოვთ, უბრალოდ გააზიაროთ ეს პოსტი. შეიძლება სწორედ თქვენმა დახმარებამ ან ერთმა გაზიარებამ სოფიასთვის ყველაფერი შეცვალოს. შევქმენით სოფიასთვის გვერდი სადაც გაგიზიარებთ დეტალურ ინფორმაციას მისი მკურნალობის შესახებ - Help Sophia TBC BANK#GE97TB7188345064300131ANASTASIIA KOBAKHIDZE ( mother ) BOG#GE81BG0000000613358579ANASTASIIA KOBAKHIDZE ( mother ) RevolutTea Tchanturidze (Aunt)IBANFR76 2823 3000 0179 5729 5249 404https://revolut.me/tchanturidze PayPalhttps://www.paypal.me/AnastasiiaKobakhidze“, - წერს ოჯახის ახლობელი სოციალურ ქსელში.

მსოფლიო • 1788543983

უკრაინის ფინანსთა მინისტრი: ომი ძალიან სწრაფად გამწვავდა, ეს სრულიად სხვა რეალობაა გასულ თვესთან შედარებით, ძალიან მძიმე ზამთარს ველოდებით - უკვე ვხედავთ ლიკვიდურობის პრობლემებს და ველოდებით სახსრების დეფიციტს ბიუჯეტში

რუსული იერიშების ინტენსიური ზრდის ფონზე, უკრაინა მძიმე ზამთრისთვის ემზადება და 32.6 მილიარდი დოლარის საბიუჯეტო დეფიციტის წინაშე დგას. ფინანსთა მინისტრმა, სერგი მარჩენკომ Euronews-თან ინტერვიუში აღნიშნა, რომ პარტნიორებისგან დამატებითი დახმარების გარეშე, კიევს, შესაძლოა, არასამხედრო ხარჯების ნაწილობრივ შეჩერება მოუწიოს.მინისტრის განცხადებით, 2022 წელს რუსეთის სრულმასშტაბური შეჭრის შემდეგ, უკრაინა ასეთი მძიმე საბიუჯეტო კრიზისის წინაშე არ მდგარა.იმის გამო, რომ პრიორიტეტი სამხედრო სექტორსა და შეიარაღების შესყიდვებს ენიჭება, გამოსავლის მოძებნამდე შესაძლოა ბიუჯეტის სხვა მუხლები დაზარალდეს და სოციალური თუ სხვა ტიპის გაცემები შეფერხდეს.„ჩვენ უკვე ვხედავთ ლიკვიდურობის პრობლემებს და ველოდებით სახსრების დეფიციტს ბიუჯეტში. ეს ნიშნავს, რომ, შესაძლოა, მოგვიწიოს ომთან დაუკავშირებელი ზოგიერთი გადახდის გადადება ლიკვიდურობის ნაკლებობის გამო. ამას ექნება შედეგები“, - განაცხადა მარჩენკომ.ამასთან, მარჩენკომ აღნიშნა, რომ შესაძლო შეფერხებები საგარეო კრედიტორებზე არ აისახება. მისი განმარტებით, ფინანსური პრობლემები უმეტესად ადგილობრივ დონეზე - კერძოდ, თავშესაფრებისა და ინფრასტრუქტურული ობიექტების მშენებლობის პროცესში იჩენს თავს.მარჩენკომ აღნიშნა, რომ რუსული დარტყმების ინტენსივობა უკრაინაზე აგვისტოში მკვეთრად გაიზარდა. ის ახალ ბიუჯეტს ამზადებს იმ დაშვებით, რომ ომი 2027 წლამდე გაგრძელდება. ამასთან, უკრაინას დასჭირდება 32.6 მილიარდი დოლარის ოდენობის დაფინანსების დეფიციტის დაფარვა. მინისტრის თქმით, საერთაშორისო სავალუტო ფონდს, რომლის მისიაც ამ კვირაში კიევში მუშაობდა, მსგავსი ციფრები მოჰყავს.„ომი ძალიან სწრაფად გამწვავდა. ჩვენ ამას თავად ვგრძნობთ. ეს სრულიად სხვა რეალობაა გასულ თვესთან შედარებით, ჩვენს ლოგისტიკაზე ბოლო შეტევების გათვალისწინებით. ძალიან მძიმე ზამთარს ველოდებით. ესკალაცია ნიშნავს იმას, რომ ჩვენ უნდა ვიპოვოთ რესურსები მის გადასატანად“, - განაცხადა მარჩენკომ.

მსოფლიო • 1788534981

რუსული დრონი უსაფრთხოების სამსახურის შენობას შეეჯახა, ალექსანდრ პოკლადს დავავალე, როდესაც ყველაფერი მზად იქნება, რუსეთს შესაბამისად უპასუხონ - ზელენსკი

კიევში უკრაინის უსაფრთხოების სამსახურის შენობას რუსული დრონი შეეჯახა. ინფორმაციას „უკრაინსკაია პრავდა“ თვითმხილველებსა და დედაქალაქის მერ ვიტალი კლიჩკოზე დაყრდნობით ავრცელებს. მედიის ცნობით, შემთხვევა ადგილობრივი დროით 15:30-ზე მოხდა.კიევის მერმა, ვიტალი კლიჩკომ განაცხადა, რომ აფეთქების შედეგად დაშავდა ერთი პირი. მისი თქმით, დაშავებული მამაკაცი მედიკოსებმა საავადმყოფოში გადაიყვანეს.მომხდარს მალევე გამოეხმაურა უკრაინის პრეზიდენტი ვოლოდიმირ ზელენსკი. მისი თქმით, რუსული დრონი უსაფრთხოების სამსახურის ცენტრალურ შენობას, წმინდა სოფიას ტაძრის მოპირდაპირე მხარეს მოხვდა. ზელენსკიმ აღნიშნა, რომ ადგილზე სასწრაფო დახმარების სამსახურებია მობილიზებული.„ყველა დაზარალებული მიიღებს საჭირო დახმარებას. დრონი პირდაპირ უსაფრთხოების სამსახურის უფროსის კაბინეტისკენ იყო მიმართული“, – წერს უკრაინის პრეზიდენტი.ვოლოდიმირ ზელენსკის თქმით, მან უკრაინის უსაფრთხოების სამსახურის უფროსს, ოლექსანდრ პოკლადს დაავალა, რომ როდესაც ყველაფერი მზად იქნება, რუსეთს შესაბამისად უპასუხოს.ცნობისთვის, შემთხვევა 4 სექტემბერს, უკრაინის დროით 15:30-ზე მოხდა. ამას წინ უძღოდა უკრაინელთა იერიშები ოკუპირებულ ქალაქებზე, რომლებსაც რუსეთი უკრაინაზე თავდასხმისთვის იყენებდა.

მსოფლიო • 1788533460

„ამ აქტივების ათვისება ისეთი მექანიზმით, რაც ფაქტობრივად კონფისკაციის ტოლფასია, უზარმაზარ რისკებთან იქნება დაკავშირებული“ - ბელგიამ მკვეთრი უარით უპასუხა მორიგ ინიციატივას რუსეთის ცენტრალური ბანკის გაყინული აქტივების უკრაინის დამატებითი დახმარებისთვის გამოყენების შესახებ

ბელგიამ მკვეთრი უარით უპასუხა მორიგ ინიციატივას რუსეთის ცენტრალური ბანკის გაყინული აქტივების უკრაინის დამატებითი დახმარებისთვის გამოყენების შესახებ, - წერს Euronews-ის ფრანგულენოვანი გამოცემა.„ჩვენი წინააღმდეგობის მიზეზები ჯადოსნურად არ გამქრალა“, - განაცხადა ბელგიის საგარეო საქმეთა მინისტრმა, მაქსიმ პრევომ, მაშინ როდესაც ევროკავშირის ქვეყნების ჯგუფი რუსეთის გაყინული აქტივების გამოყენების იდეის გაცოცხლებას ცდილობს.ევროკავშირში ამ აქტივების 210 მილიარდი ევროა განთავსებული, რომლის უდიდესი ნაწილი უშუალოდ ბრიუსელში მდებარე ფინანსურ დეპოზიტარში - Euroclear-ში ინახება.ეს მგრძნობიარე საკითხი ევროკავშირის საგარეო საქმეთა მინისტრების არაფორმალურ შეხვედრაზე სამშაბათს განიხილეს. გასულ კვირას გაგზავნილი ერთობლივი წერილის კვალდაკვალ, პროცესს სათავეში შვედეთი, ნიდერლანდები, ესპანეთი და პოლონეთი ჩაუდგნენ. პოზიცია ბალტიისპირეთის ქვეყნებმაც გაიზიარეს.თუმცა ბელგიის საგარეო საქმეთა მინისტრმა, მაქსიმ პრევომ აღნიშნა, რომ დებატებს „მის კოლეგებში დიდი ენთუზიაზმი თუ ინტერესი არ გამოუწვევია“.„ვეცადე, კიდევ ერთხელ მკაფიოდ დაფიქსირებულიყო ბელგიის პოზიცია, რომელიც უკვე ერთი წელია უცვლელია. ამასობაში ჩვენი წინააღმდეგობის მიზეზები თავისით ხომ ვერ გაქრებოდა“, - აღნიშნა პრევომ Euronews-ისთვის მიწოდებულ კომენტარში, ირლანდიაში გამართული შეხვედრის დასრულებისას.„ამ აქტივების ათვისება ისეთი მექანიზმით, რაც ფაქტობრივად კონფისკაციის ტოლფასია, უზარმაზარ რისკებთან იქნება დაკავშირებული“, - დასძინა მან.ბელგია განაგრძობს იმ იდეის დაცვას, რომ ეს სუვერენული აქტივები ხელუხლებელი უნდა დარჩეს სამშვიდობო მოლაპარაკებებამდე, რათა გაძლიერდეს ბლოკის დიპლომატიური ბერკეტი.