მსოფლიო • 1774020449

ტრამპი: აშშ-ის გარეშე ნატო ქაღალდის ვეფხვია - ლაჩრები, ჩვენ ეს გვემახსოვრება

ამერიკის შეერთებული შტატების გარეშე ნატო ქაღალდის ვეფხვია, - განაცხადა აშშ-ის პრეზიდენტმა, დონალდ ტრამპმა.„მათ არ სურდათ ბრძოლაში ჩართვა ბირთვული შეიარაღების მქონე ირანის შესაჩერებლად. ახლა კი, როდესაც ეს ბრძოლა სამხედრო თვალსაზრისით მოგებულია და მათთვის საფრთხე მინიმალურია, ისინი წუწუნებენ ნავთობის მაღალ ფასებზე, რომლის გადახდაც უწევთ. ამავდროულად, მათ არ სურთ დახმარება ჰორმუზის სრუტის გახსნაში — ეს მარტივი სამხედრო მანევრია და სწორედ ამ სრუტის ჩაკეტვაა ნავთობის მაღალი ფასების ერთადერთი მიზეზი. მათთვის ამის გაკეთება ძალიან ადვილია, თანაც მცირე რისკის ფასად. ლაჩრები, ჩვენ ეს გვემახსოვრება!“ - აღნიშნა აშშ-ის პრეზიდენტმა.   

მსოფლიო • 1774005534

საფრანგეთის საგარეო მინისტრი ჟან-ნოელ ბარო იერუსალიმში ისრაელის საგარეო მინისტრს, გიდეონ საარს შეხვდა

 საფრანგეთის საგარეო მინისტრი ჟან-ნოელ ბარო იერუსალიმში ისრაელის საგარეო მინისტრს, გიდეონ საარს შეხვდა.საფრანგეთის საგარეო უწყების განცხადებით, ბარომ ისრაელის მხარესთან განიხილა რეგიონული უსაფრთხოება, ჰუმანიტარული დახმარების საკითხები და ახლო აღმოსავლეთში კონფლიქტების დეესკალაციის შესაძლებლობები.მანამდე ჟან-ნოელ ბარო ბეირუთშიც იმყოფებოდა ლიბანში ცეცხლის შეწყვეტის მიღწევის მცდელობის ფარგლებში.

მსოფლიო • 1773987354

ახლო აღმოსავლეთში მიმდინარე კონფლიქტი სერიოზულ საფრთხეს უქმნის როგორც რეგიონს, ისე გლობალურ სტაბილურობას - ურსულა ფონ დერ ლაიენი

 ახლო აღმოსავლეთში მიმდინარე კონფლიქტი სერიოზულ საფრთხეს უქმნის როგორც რეგიონს, ისე გლობალურ სტაბილურობას, -ამის შესახებ ევროკომისიის პრეზიდენტი ურსულა ფონ დერ ლაიენი აცხადებს.„რეგიონში ვითარება უკიდურესად სერიოზულია. ეს იწვევს დიდ არასტაბილურობას და რისკებს, რომლებიც რეგიონს სცდება. სწორედ ამიტომ გვჭირდება დეესკალაცია და მაქსიმალური თავშეკავება, მშვიდობიანი მოსახლეობისა და სამოქალაქო ინფრასტრუქტურის დაცვა“, – განაცხადა ფონ დერ ლაიენმა.მისი თქმით, ევროკავშირი სოლიდარობას უცხადებს სპარსეთის ყურის ქვეყნებს და უკვე გამოაცხადა რეგიონისთვის 450 მილიონ ევროზე მეტი ჰუმანიტარული დახმარება.„ჩვენ მათ გვერდით ვდგავართ სოლიდარობითა და მეგობრობით. ევროკავშირი მათ მხარს უჭერს. მიმდინარე კვირაში ევროკომისიამ გამოაცხადა რეგიონისთვის 450 მილიონ ევროზე მეტი ჰუმანიტარული დახმარების გამოყოფის შესახებ“, – განაცხადა ფონ დერ ლაიენმა.ამასთან, ევროკომისიის პრეზიდენტმა მიგრაციის საკითხზე ისაუბრა.„ამ ეტაპზე ევროპისკენ მიგრაციული ნაკადები არ ფიქსირდება, თუმცა მზად უნდა ვიყოთ. ჩვენ არ დავუშვებთ 2015 წლის სცენარის განმეორებას. ჩვენ გავაძლიერეთ გარე საზღვრები და სამართლებრივი ჩარჩო. გვაქვს მიგრაციისა და თავშესაფრის პაქტი და უფრო ძლიერი პარტნიორობა რეგიონთან. რაც მთავარია, ჩვენ ერთიანები ვართ, როგორც ევროპელები. ჩვენ ვიცით, რომ როდესაც ერთად ვმოქმედებთ, უფრო ძლიერები ვართ“, – განაცხადა ფონ დერ ლაიენმა.ამასთან, ფონ დერ ლაიენის თქმით, ევროკომისია შესთავაზებს ევროკავშირის ქვეყნებს, შეამცირონ ელექტროენერგიის გადასახადები.„ეროპაზე ომის ყველაზე დიდი გავლენა – ენერგეტიკაზეა. ამჟამად, ევროკავშირის ფიზიკური მიწოდების უსაფრთხოება დაცულია. თუმცა, ევროპა არ არის დაზღვეული გლობალური ფასების მკვეთრი ზრდისგან. და რადგან კონფლიქტი გრძელდება, ენერგიის ფასები კვლავ მერყეობს. ამიტომ, ჩვენ შევთავაზებთ ელექტროენერგიაზე გადასახადის შემცირებას და იმის უზრუნველყოფას, რომ ელექტროენერგია ნაკლებად დაიბეგროს, ვიდრე წიაღისეული საწვავი“, – განაცხადა ფონ დერ ლაიენმა.

საზოგადოება • 1773933962

„წავიდა უფალთან მართლმადიდებლობის დიდი ბურჯი“ - ბელარუსის საპატრიარქო ეგზარქოსი ბენიამინი

წავიდა უფალთან ქრისტეს ვენახის ერთგული მოღვაწე, მართლმადიდებლობის დიდი ბურჯი, რომლის სახელიც სამუდამოდ ჩაიწერა საქართველოს სახელმწიფოსა და ერის ისტორიაში. განსვენებული ჩვენს მეხსიერებაში სამუდამოდ დარჩება, როგორც ღრმა რწმენის ადამიანი, მლოცველი და მოსაგრე, – ამის შესახებ მინსკისა და ზასლავის მიტროპოლიტის, სრულად ბელარუსის საპატრიარქო ეგზარქოსის, ბენიამინის წერილშია ნათქვამი.როგორც წერილშია აღნიშნული, ილია მეორე სარგებლობდა უდიდესი პატივისცემითა და ავტორიტეტით მთელ მართლმადიდებლურ სამყაროში.„მის მაღალყოვლადუსამღვდელოესობას, სენაკისა და ჩხოროწყუს მიტროპოლიტ შიოს (მუჯირი), საქართველოს მართლმადიდებელი ეკლესიის საპატრიარქო ტახტის მოსაყდრეს. თქვენო მაღალყოვლადუსამღვდელოესობავ. საქართველოს მართლმადიდებელი ეკლესიის ღირსნო მღვდელმთავარნო, სამღვდელოებავ, მონაზონნო და ერისკაცნო. საქართველოს ღვთისმოყვარენო მკვიდრნო. ბელარუსის მართლმადიდებელმა მცხოვრებლებმა ღრმა მწუხარებით მიიღეს ცნობა სრულიად საქართველოს კათოლიკოს-პატრიარქის, უწმინდესისა და უნეტარესის ილია II-ის მიწიერი გზის დასრულების შესახებ. ვიზიარებ რა ქართველი ხალხის ტკივილს ამ დიდი დანაკლისის გამო, რუსეთის მართლმადიდებელი ეკლესიის ბელარუსის ეგზარქოსის მღვდელმთავრების, სამღვდელოების, მონაზონთა და ერისკაცთა სახელით, სამძიმარს ვუცხადებ და ლოცვით მხარდაჭერას აღვუთქვამ საქართველოს მართლმადიდებელი ეკლესიის იერარქებს, სასულიერო პირებსა და ღვთისმოყვარე სამწყსოს. წავიდა უფალთან ქრისტეს ვენახის ერთგული მოღვაწე, მართლმადიდებლობის დიდი ბურჯი, რომლის სახელიც სამუდამოდ ჩაიწერა საქართველოს სახელმწიფოსა და ერის ისტორიაში. განსვენებული ჩვენს მეხსიერებაში სამუდამოდ დარჩება, როგორც ღრმა რწმენის ადამიანი, მლოცველი და მოსაგრე. შორეულ 1977 წელს მიიღო რა მოციქულებრივი წილხვედრი, რათა ეწინამძღვრა ქრისტეს ეკლესიისთვის საქართველოს მიწაზე, იგი დაუღალავად აღასრულებდა თავის მღვდელმთავრულ მსახურებას ღვთისა და უფლის მიერ მინდობილი სამწყსოს წინაშე; აღადგენდა ნანგრევებიდან და აშენებდა ახალ ტაძრებსა და სავანეებს, მამობრივი მზრუნველობით ეპყრობოდა სასულიერო სკოლებს, დახმარების ხელს უწვდიდა ტანჯულთ, მრავალშვილიან ოჯახებს, ქვრივებსა და ობლებს. იგი იყო მილიონობით ადამიანის მამა, რომელმაც განამტკიცა მთელი ერის რწმენა და ერთიანობა განსაცდელების ჟამს და თავის მღვდელმთავრულ სიყვარულს მიჰფენდა ყოველ მასთან მისულს.სრულიად საქართველოს კათოლიკოს-პატრიარქის, უწმინდესისა და უნეტარესის ილია II-ის სულიერი ღვაწლი არის ქრისტეს ცოცხალი ქადაგება არა მხოლოდ ქართველი ერის საკეთილდღეოდ, არამედ ეკლესიებს შორის ძმური კავშირების შესანარჩუნებლად, რაც შეგვახსენებს: ჩვენ ვართ ქრისტეს ერთიანი სხეული, ერთიანი რწმენითა და სიყვარულით. ბელარუსის მართლმადიდებელმა მცხოვრებლებმა სიყვარულისა და მადლიერების გრძნობით გაიხსენეს მისი უწმინდესობის ვიზიტი ჩვენს ქვეყანაში 2013 წელს, რუსეთის გაქრისტიანების 1025 წლისთავის აღნიშვნის ფარგლებში. თბილი, მეგობრული ურთიერთობა აკავშირებდა მის უწმინდესობასა და უნეტარესობას ნეტარხსენებულ ბელარუსის პირველ საეგზარქოსო პატრიარქთან, მიტროპოლიტ ფილარეტთან, რომელთანაც იგი ახლოს იყო და კეთილგანწყობილ ურთიერთობას ინარჩუნებდა მოსკოვის სასულიერო აკადემიაში სწავლის დროიდან. მისი უწმინდესობა სარგებლობდა უდიდესი პატივისცემითა და ავტორიტეტით მთელ მართლმადიდებლურ სამყაროში: მღვდელმთავრებს, სასულიერო პირებსა და ერისკაცებს შორის. ამ მძიმე ჟამს, ბელარუსის მართლმადიდებელი ეკლესიის მღვდელმთავარნი და მრევლი, „ერთი პირითა და ერთი გულით“, ქართველ ერთან ერთად აღავლენენ ლოცვას, რათა უფალმა შეიწყნაროს თავისი ერთგული მსახურის სული და დაამკვიდროს იგი მართალთა ზეციურ სავანეებში. თქვენ კი ყოველთაგანი, „მამამან მოწყალებათამან და ღმერთმან ყოვლისა ნუგეშინისცემისა მან“ განგამტკიცოთ რწმენასა და სასოებაში განსვენებულის სულისა და ყოველი ჩვენგანისადმი მისი სიყვარულის მიმართ. საუკუნოდ იყოს ხსენება სრულიად საქართველოს კათოლიკოს-პატრიარქის, უწმინდესისა და უნეტარესის ილია II-ისა. ქრისტესმიერი სიყვარულითა და ლოცვით“, – ნათქვამია მინსკისა და ზასლავის მიტროპოლიტის, სრულად ბელარუსის საპატრიარქო ეგზარქოსის, ბენიამინის წერილში.

საზოგადოება • 1773932820

სუამის გენერალური მდივანი: პატრიარქი ილია მეორე დაამახსოვრდებათ, როგორც მშვიდობის, ტოლერანტობისა და ურთიერთპატივისცემის ერთგული დამცველი სხვადასხვა ერს, კულტურასა და რწმენას შორის

დემოკრატიის და ეკონომიკური ორგანიზაცია სუამის მუდმივი საერთაშორისო სამდივნოს სახელით, მსურს, სამძიმარი გამოვუცხადო საქართველოს ხალხს, ხელისუფლებას და სამოციქულო ავტოკეფალიურ მართლმადიდებელ ეკლესიას მისი უწმინდესობისა და უნეტარესობის, სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსის და ბიჭვინთისა და ცხუმ-აფხაზეთის მიტროპოლიტის გარდაცვალების გამო, - ნათქვამია სუამის გენერალური მდივნის, ალტაი ეფენდიევის წერილში.„მრავალი ათწლეულის განმავლობაში, მისი უდავო მორალური ავტორიტეტი და სულიერი ღირებულებების დაცვის ურყევი პოზიცია შეუცვლელი იყო საზოგადოების კონსოლიდაციის, ეროვნული ტრადიციების დაცვისა და ქართული იდენტობის შენარჩუნებისთვის. ისევე როგორც, მრავალი გამოწვევის ფონზე მისი როლი ერის გაერთიანებასა და სახელმწიფოებრიობის განმტკიცებაში.ის დაამახსოვრდებათ, როგორც მშვიდობის, ტოლერანტობისა და ურთიერთპატივისცემის ერთგული დამცველი სხვადასხვა ერს, კულტურასა და რწმენას შორის.ჩვენ ასევე ვაღიარებთ და ვაფასებთ მის მტკიცე და პრინციპულ პოზიციას არა მხოლოდ საქართველოს წინააღმდეგ მიმართული აგრესიისა და მისი ტერიტორიების ოკუპაციის, არამედ უკრაინის წინააღმდეგ რუსეთის უკანონო აგრესიის მიმართაც. მისი ხელმძღვანელობით, საქართველოს ეკლესიამ უზრუნველყო ჰუმანიტარული დახმარება და თავშესაფარი უკრაინელებისთვის, რომლებიც გამოექცნენ საშინელ ომს და საქართველოში პოვეს თავშესაფარი.ასეთი ავტორიტეტისა და მნიშვნელობის მქონე რელიგიური და საზოგადო მოღვაწის გარდაცვალება ყოველთვის დიდი დანაკლისია არა მხოლოდ ერისთვის, არამედ მთელი რეგიონისთვისაც.ეროვნული გლოვის ამ მძიმე დღეებში, ჩვენს ღრმა თანაგრძნობასა და სოლიდარობას ვუცხადებთ ქართველ ხალხს და ერს სიმტკიცესა და სულიერ მხნეობას ვუსურვებთ ამ დიდი დანაკლისის დასაძლევად. განისვენოს მისმა სულმა მშვიდობით!“ - ნათქვამია წერილში.

საზოგადოება • 1773932460

ბელარუსის მართლმადიდებელი ეკლესია: ამ მძიმე ჟამს, ბელარუსის მართლმადიდებელი ეკლესიის მღვდელმთავარნი და მრევლი, ერთი პირითა და ერთი გულით, ქართველ ერთან ერთად აღავლენენ ლოცვას

ბელარუსის მართლმადიდებელმა მაცხოვრებლებმა ღრმა მწუხარებით მიიღეს ცნობა სრულიად საქართველოს კათოლიკოს-პატრიარქის, უწმინდესისა და უნეტარესის ილია II-ის მიწიერი გზის დასრულების შესახებ, - ნათქვამია მინსკისა და ზასლავის მიტროპოლიტის, სრულად ბელარუსის საპატრიარქო ეგზარქოსის ბენიამინის წერილში.„ვიზიარებ რა ქართველი ხალხის ტკივილს ამ დიდი დანაკლისის გამო, რუსეთის მართლმადიდებელი ეკლესიის ბელარუსის ეგზარქოსის მღვდელმთავრების, სამღვდელოების, მონაზონთა და ერისკაცთა სახელით, სამძიმარს ვუცხადებ და ლოცვით მხარდაჭერას აღვუთქვამ საქართველოს მართლმადიდებელი ეკლესიის იერარქებს, სასულიერო პირებსა და ღვთისმოყვარე სამწყსოს.წავიდა უფალთან ქრისტეს ვენახის ერთგული მოღვაწე, მართლმადიდებლობის დიდი ბურჯი, რომლის სახელიც სამუდამოდ ჩაიწერა საქართველოს სახელმწიფოსა და ერის ისტორიაში. განსვენებული ჩვენს მეხსიერებაში სამუდამოდ დარჩება, როგორც ღრმა რწმენის ადამიანი, მლოცველი და მოსაგრე. შორეულ 1977 წელს მიიღო რა მოციქულებრივი წილხვედრი, რათა ეწინამძღვრა ქრისტეს ეკლესიისთვის საქართველოს მიწაზე, იგი დაუღალავად აღასრულებდა თავის მღვდელმთავრულ მსახურებას ღვთისა და უფლის მიერ მინდობილი სამწყსოს წინაშე; აღადგენდა ნანგრევებიდან და აშენებდა ახალ ტაძრებსა და სავანეებს, მამობრივი მზრუნველობით ეპყრობოდა სასულიერო სკოლებს, დახმარების ხელს უწვდიდა ტანჯულთ, მრავალშვილიან ოჯახებს, ქვრივებსა და ობლებს. იგი იყო მილიონობით ადამიანის მამა, რომელმაც განამტკიცა მთელი ერის რწმენა და ერთიანობა განსაცდელების ჟამს და თავის მღვდელმთავრულ სიყვარულს მიჰფენდა ყოველ მასთან მისულს.სრულიად საქართველოს კათოლიკოს-პატრიარქის, უწმინდესისა და უნეტარესის ილია II-ის სულიერი ღვაწლი არის ქრისტეს ცოცხალი ქადაგება არა მხოლოდ ქართველი ერის საკეთილდღეოდ, არამედ ეკლესიებს შორის ძმური კავშირების შესანარჩუნებლად, რაც შეგვახსენებს: ჩვენ ვართ ქრისტეს ერთიანი სხეული, ერთიანი რწმენითა და სიყვარულით.ბელარუსის მართლმადიდებელმა მაცხოვრებლებმა სიყვარულისა და მადლიერების გრძნობით გაიხსენეს მისი უწმინდესობის ვიზიტი ჩვენს ქვეყანაში 2013 წელს, რუსეთის გაქრისტიანების 1025 წლისთავის აღნიშვნის ფარგლებში. თბილი, მეგობრული ურთიერთობა აკავშირებდა მის უწმინდესობასა და უნეტარესობას ნეტარხსენებულ ბელარუსის პირველ საეგზარქოსო პატრიარქთან, მიტროპოლიტ ფილარეტთან, რომელთანაც იგი ახლოს იყო და კეთილგანწყობილ ურთიერთობას ინარჩუნებდა მოსკოვის სასულიერო აკადემიაში სწავლის დროიდან. მისი უწმინდესობა სარგებლობდა უდიდესი პატივისცემითა და ავტორიტეტით მთელ მართლმადიდებლურ სამყაროში: მღვდელმთავრებს, სასულიერო პირებსა და ერისკაცებს შორის.ამ მძიმე ჟამს, ბელარუსის მართლმადიდებელი ეკლესიის მღვდელმთავარნი და მრევლი, ერთი პირითა და ერთი გულით, ქართველ ერთან ერთად აღავლენენ ლოცვას, რათა უფალმა შეიწყნაროს თავისი ერთგული მსახურის სული და დაამკვიდროს იგი მართალთა ზეციურ სავანეებში.თქვენ კი ყოველთაგანი, „მამამან მოწყალებათამან და ღმერთმან ყოვლისა ნუგეშინისცემისა მან“ განგამტკიცოთ რწმენასა და სასოებაში განსვენებულის სულისა და ყოველი ჩვენგანისადმი მისი სიყვარულის მიმართ.საუკუნოდ იყოს ხსენება სრულიად საქართველოს კათოლიკოს-პატრიარქის, უწმინდესისა და უნეტარესის ილია II-ისა!“ - აღნიშნულია წერილში.

საზოგადოება • 1773927629

სასწრაფო დახმარების ექიმები სამებაში მივიდნენ

სასწრაფო დახმარების ექიმები სამებაში მივიდნენ:  

მსოფლიო • 1773924813

ლუქსემბურგის პრემიერ-მინისტრი მიიჩნევს, რომ ევროკავშირი იპოვის გზას უნგრეთის ვეტოსთვის გვერდის ასავლელად

ლუქსემბურგის პრემიერ-მინისტრი ლუკ ფრიდენი აცხადებს, რომ ევროკავშირი იპოვის გზას უნგრეთის ვეტოს დასაძლევად. ამის შესახებ ფრიდენმა ევროკავშირის სამიტის დაწყებამდე ბრიუსელში ჟურნალისტებს განუცხადა.ფრიდენი მიიჩნევს, რომ ევროკავშირს შეუძლია წინსვლა, მაშინაც კი, თუ ერთი ქვეყანა ბლოკავს საკითხს და არ ეთანხმება.„ევროკავშირის რომელიმე წევრი გადაწყვეტილებას თუ ბლოკავს, დანარჩენი 26 წევრით ყოველთვის შეგვიძლია წინსვლა. ეს არის ის, რასაც წარსულში ვაკეთებდით. ყურადღება უნდა გავამახვილოთ ჩვენს ძლიერ მხარეებზე და არა დამაბრკოლებელ ფაქტორებზე“, – აღნიშნა ლუკ ფრიდენმა.ლუქსემბურგის პრემიერ-მინისტრმა ასევე განაცხადა, რომ ევროპა მზად არის, მხარი დაუჭიროს სტაბილურობას, მშვიდობას და მომავალშიც გააგრძელებს უკრაინის მხარდაჭერას.„მოუთმენლად ველოდები პრეზიდენტ ზელენსკის გამოსვლას სამიტის დროს. ფინანსური, სამხედრო, ჰუმანიტარული დახმარება სჭირდებათ და ჩვენ მათ არ დავივიწყებთ. ვიმედოვნებ, ამას განვიხილავთ და, რა თქმა უნდა, ამ დროსაც შეგვიძლია უკრაინის მხარდაჭერა. ეს არის საკითხი, რომელიც სავარაუდოდ უახლოეს პერიოდში გადაწყდება“, – განაცხადა ფრიდენმა.უნგრეთმა ევროკავშირის მიერ უკრაინისთვის 90 მილიარდი ევროს ოდენობით კრედიტის გამოყოფა დაბლოკა.

მსოფლიო • 1773905848

თუ ირანი კატარზე თავდასხმებს გააგრძელებს, ტრამპი მსოფლიოში უდიდესი გაზის საბადოს, "სამხრეთ პარსის" აფეთქებით იმუქრება - ამის შესახებ აშშ-ის პრეზიდენტმა Truth Social-ზე დაწერა

პრეზიდენტი დონალდ ტრამპი, ირანში მდებარე, მსოფლიოში უდიდესი გაზის საბადოს, "სამხრეთ პარსის" მასიური აფეთქებით დაიმუქრა, თუ ქვეყანა გააგრძელებს კატარზე თავდასხმას ისრაელის მიერ საბადოზე განხორციელებული დარტყმის საპასუხოდ."ახლო აღმოსავლეთში მომხდარი მოვლენებით განრისხებულმა ისრაელმა სასტიკად შეუტია ირანში მდებარე "სამხრეთ პარსის" გაზის საბადოს სახელით ცნობილ მსხვილ ობიექტს", - დაწერა ტრამპმა სოციალურ მედია პლატფორმა Truth Social-ზე."ამ კონკრეტული თავდასხმის შესახებ შეერთებულმა შტატებმა არაფერი იცოდა", - თქვა ტრამპმა და დასძინა, რომ კატარიც არ იყო ინფორმირებული."სამწუხაროდ, ირანმა არ იცოდა ამის ან სამხრეთ პარსზე თავდასხმასთან დაკავშირებული სხვა მნიშვნელოვანი ფაქტების შესახებ და უსამართლოდ დაესხა თავს კატარის თხევადი ბუნებრივი აირის ქარხნის ნაწილს", - აღნიშნა ტრამპმა.მისივე განცხადებით, ისრაელი გაზის საბადოს აღარ დაესხმება თავს, თუ ირანი უდანაშაულო მხარეს არ დაარტყამს."განმეორებითი დარტყმის შემთხვევაში, ამერიკის შეერთებული შტატები ისრაელის დახმარებით ან თანხმობით, გაანადგურებს მთელ "სამხრეთ პარსის" გაზის საბადოს ისეთი ძალით, როგორიც ირანს აქამდე არასდროს უნახავს", - განაცხადა აშშ-ის პრეზიდენტმა.

საზოგადოება • 1773903138

დავით ქართველიშვილი: უკანასკნელ ორ საუკუნეში, საქართველო უკვე მეორე ბუმბერაზ ილიას ემშვიდობება - რათა ცათა სასუფეველში მოიპოვოს სათავისოდ დიდი ზეციური მეოხი და მლოცველი...

პარტია „ხალხის ძალის“ წევრი დავით ქართველიშვილი სოციალურ ქსელში 2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელი საქართველოს პარლამენტის დროებითი საგამოძიებო კომისიის ანგარიშიდან ამონარიდს აქვეყნებს.„მოგეხსენებათ, სამუშაო ჯგუფის წევრის რანგში პატივი მქონდა, სააკაშვილის რეჟიმის დანაშაულების შემსწავლელი პარლამენტის საგამოძიებო კომისიის მუშაობაში მიმეღო მონაწილეობა. დღეს მინდა გამოვაქვეყნო საბოლოო ანგარიშიდან, 2008 წლის ომის ეპიზოდის ეს ერთ-ერთი ფრაგმენტი:„...გამორიცხულია ორიოდე სიტყვა არ დაეთმოს ჩვენი დედა-ეკლესიის როლს უშუალოდ საომარი მოქმედებების დროს და ცეცხლის შეწყვეტის შემდგომ პერიოდში. დავიწყებთ იმ უშუალო თვითმხილველების მოგონებებით, თუ რა დონის გაოგნებული იყო ქვეყნის პატრიარქი, როდესაც არავის მოსვლია თავში აზრად მისი წინასწარი გაფრთხილება თუ რჩევის მიღება, როგორც შემდგომში გაირკვა, ფატალური ხასიათის გადაწყვეტილებების მიღების წინ.უკვე პოსტ-ფაქტუმ, 2008 წლის აგვისტოში, რუსეთ-საქართველოს ომის დროს, საქართველოს საპატრიარქო და ცალკეული სასულიერო პირები აქტიურად მონაწილეობდნენ კონფლიქტის მოგვარებისა და დაზარალებულთა დახმარების გაწევის მცდელობებში. სრულიად საქართველოს კათოლიკოს-პატრიარქმა ილია მეორემ კონფლიქტის ორივე მხარეს შეიარაღებული დაპირისპირების შეწყვეტისა და პრობლემების მშვიდობიანი გზით მოგვარების მოწოდებით მიმართა. მან ხაზი გაუსვა ქრისტიანული რწმენით გაერთიანებულ ქართველ და ოს ხალხებს შორის მრავალსაუკუნოვან მეგობრობასა და ოჯახურ კავშირებს და მშვიდობიანი თანაცხოვრების იმედი გამოთქვა.მან ასევე მიმართა საერთაშორისო თანამეგობრობას: მისმა უწმინდესობამ მოუწოდა დიდ სახელმწიფოებს, როგორიცაა რუსეთი, შეერთებული შტატები და ევროპის ქვეყნები, ხელი შეუწყონ კონფლიქტის მშვიდობიან მოგვარებას, ხაზგასმით აღნიშნა, რომ საქართველო ცდილობს დაიცვას თავისი წინაპრების მიწა და შეინარჩუნოს ძმური ურთიერთობა ოს ხალხთან. ყველაზე ინტენსიური ბრძოლის ადგილებშიც კი ქართველი მღვდელმსახურები აღავლენდნენ დაღუპულთა ხსოვნისადმი ლოცვას, უსამძიმრებდნენ ოჯახებს და მოსახლეობას ზნე-ჩვეულებას უნარჩუნებდნენ.სასულიერო პირები მონაწილეობდნენ ჭირისუფალთა დახმარების ორგანიზებაში, ჰუმანიტარული ტვირთების შეგროვებაში და ლტოლვილებისთვის ეკლესია-მონასტრებში თავშესაფრის მოწყობაში. მათ მოქმედებებს და კოორდინაციას უშუალოდ საქართველოს საპატრიარქო ახორციელებდა. ცეცხლის შეწყვეტისა და სამშვიდობო მოწესრიგების ინიციატივით კათოლიკოს-პატრიარქმა ილია მეორემ პირადად გამოავლინა მღვდელმსახურები დაზარალებულ რაიონებში ღვთისმსახურებისა და დახმარების გასაწევად.საეკლესიო სტრუქტურები მჭიდროდ თანამშრომლობდნენ ადგილობრივ თემებთან, უზრუნველყოფდნენ მხარდაჭერას და კომფორტს რთულ დროს. ამრიგად, საქართველოს საპატრიარქომ და მისმა სასულიერო პირებმა მნიშვნელოვანი როლი ითამაშეს მხარეთა შერიგებისა და 2008 წლის აგვისტოს კონფლიქტის დროს დაზარალებულთათვის დახმარების გაწევის მცდელობებში. ყველას გვახსოვს და არასდროს დაგვავიწყდება, ხელისუფლების მიერ ბრძოლის ველზე, მოწინააღმდეგის ზურგში დატოვებული ჩვენი გმირი სამხედროების, პოლიციელების და მშვიდობიანი მოსახლეების ცხედრების გამოტანის პროცესებს: ურიკებით, ცხენებით, საკაცეებით - რასაც უშუალოდ ჩვენი გმირი სამღვდელო დასის წარმომადგენლები ახორციელებდნენ..."ეს არის მშრალი დოკუმენტური ტექსტი, რომლის უკან უწმინდესის ცრემლი, ემოცია, ტკივილი, დიდსულოვნება, გმირობა, ქართველობა და მოყვასისადმი უზომო სიყვარული იმალება. უკანასკნელ ორ საუკუნეში, საქართველო უკვე მეორე ბუმბერაზ ილიას ემშვიდობება - რათა ცათა სასუფეველში მოიპოვოს სათავისოდ დიდი ზეციური მეოხი და მლოცველი...“ წერს დავით ქართველიშვილი.

საზოგადოება • 1773832291

ყოველ ჩემს დაბადების დღეს პატრიარქის გარდაცვალების დღე იქნება, ეს მისი პერსონალური დახმარებაც არის ჩემთვის, რომ ჩვენი სუფთა კავშირი გაგრძელდება - ზენონ იარაჯული

დმანისისა და აგარაკ-ტაშირის ეპისკოპოსი ზენონ იარაჯული ამბობს, რომ უწმინდესი და უნეტარესი, ილია მეორე მის დაბადების დღეს გარდაიცვალა.როგორც საპატრიარქოსთან სასულიერო პირმა მედიას განუცხადა, ეს იქნება მისთვის საჩუქარი პატრიარქისგან, რომ მათი სუფთა კავშირი გაგრძელდება.უიშვიათესი შინაგანი კულტურის მქონე და ძალიან დახვეწილი პიროვნება იყო. ჩემს დაბადების დღეს გარდაიცვალა. ძალიან ვუყვარდი მე, შვილივით ვყავდი. მეუბნებოდა ხოლმე, რომ ჩემი იმედი ხარო, პატარა რომ ვიყავი - 17, 18, 19 წლის. შემთხვევითი მაინც არაფერი არ არის ქვეყნიერებაზე. ყოველ ჩემს დაბადების დღეს მის გარდაცვალებას - მოდი ასე ვთქვათ, ეს მისი პერსონალური დახმარებაც არის ჩემთვის, რომ რაღაც სუფთა კავშირი, რომელიც იყო გაგრძელდება“, - ამბობს ზენონ იარაჯული.

მსოფლიო • 1773827851

„გულწრფელად ვუსამძიმრებთ საქართველოს მართლმადიდებლურ თემს სრულიად საქართველოს კათოლიკოს-პატრიარქის ილია II-ის გარდაცვალების გამო" - უკრაინის საელჩო

საქართველოში უკრაინის საელჩო კათოლიკოს-პატრიარქის გარდაცვალების გამო მწუხარებას გამოთქვამს და სამძიმრის წერილს აქვეყნებს.„გულწრფელად ვუსამძიმრებთ საქართველოს მართლმადიდებლურ თემს სრულიად საქართველოს კათოლიკოს-პატრიარქის ილია II-ის გარდაცვალების გამო. უკრაინელები მადლიერებით იხსენებენ მის უწმინდესობას რუსეთის მიერ უკრაინის წინააღმდეგ დაწყებული დაუნდობელი, არაპროვოცირებული ომის პირველ წელს საქართველოს მართლმადიდებლური ეკლესიის მიერ გაწეული დახმარებისთვის", - აღნიშნულია უკრაინის საელჩოს სამძიმრის წერილში.