დააჯარიმა

„დაფიქსირდა კრიტიკული შეუსაბამობების ფაქტი და ვადაგასული სურსათი...“ - „ლიბრე“დარღვევების გამო დაჯარიმდა

სურსათის ეროვნულმა სააგენტო განცხადებას ავრცელებს:„სურსათის ეროვნულმა სააგენტომ „ლიბრე“ დარღვევების გამო დააჯარიმა.სურსათის ეროვნულმა სააგენტომ, სოციალურ ქსელში გავრცელებული ინფორმაციის საფუძველზე ( ცხოველის, კატის არსებობა სასურსათო სივრცეში), სახელმწიფო კონტროლი (არაგეგმური ინსპექტირება) განახორციელა ს/ს „ნიკორა ტრეიდში“ („ლიბრე“, ს/კ 206255808 მის: ქ. თბილისი, რუსთავის გზატკეცილი 19).ინსპექტირებისას ობიექტზე დაფიქსირდა კრიტიკული შეუსაბამობების განმეორების ფაქტი, ასევე ვადაგასული სურსათის რეალიზაცია, რის გამოც ბიზნესოპერატორი დაჯარიმდა 5000 ლარით და შეუჩერდა კონკრეტული საწარმოო პროცესი. ვადაგასული სურსათი დაილუქა და სურსათის ეროვნული სააგენტოს ზედამხედველობით განადგურდება“,- ნათქვამია განცხადებაში. სააგენტო მოუწოდებს მომხმარებელს, სურსათის შეძენისას ყურადღება მიაქციოს ეტიკეტს, სურსათის შენახვისა და რეალიზაციის პირობებს და ნებისმიერი დარღვევის აღმოჩენის შემთხვევაში, აცნობოს გარემოს დაცვისა და სოფლის მეურნეობის სამინისტროს ცხელ ხაზს - 1501. არცერთი შეტყობინება რეაგირების გარეშე არ დარჩება.

საზოგადოება • 1778756438

სემეკმა „თელასი“ სალიცენზიო პირობების დარღვევის გამო დააჯარიმა

საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ) საჯარო სხდომაზე სს „თელასი“ სალიცენზიო პირობებისა და სემეკის სამართლებრივი აქტების მოთხოვნათა დარღვევის გამო დააჯარიმა.კომპანიას დაევალა სანქციის სახით დაკისრებული 75 000 ლარის სახელმწიფო ბიუჯეტში გადახდა.დაჯარიმების საფუძველია სს „თელასის“ მიერ მაღალი ძაბვის საკაბელო ელექტროგადამცემი ხაზისა და სატრანსფორმატორო ქვესადგურის მოწყობისას უსაფრთხოებისა და ექსპლუატაციის ნორმების დარღვევა. კომისიის გადაწყვეტილებით, სს „თელასს“ დაფიქსირებული პრობლემის აღმოსაფხვრელად ვადა განესაზღვრა.

საზოგადოება • 1778130980

გამოვლენილია შავი ზღვის დაბინძურების ორი ფაქტი - გემებმა ზღვაში სამეურნეო წყლები უკანონოდ ჩაუშვეს

შავი ზღვის დაბინძურების ორი ფაქტი გამოავლინეს გარემოს დამცველებმა სასაზღვრო პოლიციასთან ერთად. პორტუგალიისა და პალაუს დროშების ქვეშ მცურავმა გემებმა ზღვაში სამეურნეო წყლები უკანონოდ ჩაუშვეს.ფოთის სასამართლომ ორივე ხომალდი სამართალდამრღვევად ცნო და თითოეული 100-100 ათასი ლარით დააჯარიმა. მათ თავისუფალი ნაოსნობის უფლება ჯარიმისა და გარემოსთვის მიყენებული ზიანის თანხის გადახდის შემდეგ მიეცათ.

საზოგადოება • 1778080632

სურსათის ეროვნული სააგენტო ინფორმაციას ავრცელებს

სურსათის ეროვნულმა სააგენტომ ხორცპროდუქტების წარმოებისა და შენახვის მოთხოვნების დარღვევისთვის ორი ბიზნესოპერატორი დააჯარიმა.თბილისის დეპარტამენტის ინსპექტორებმა სახელმწიფო კონტროლის ფარგლებში, ხორცის და ხორცპროდუქტების საწარმო შპს „XXI+ ერისთავი“(მის: მოსკოვის გამზირი N12) გეგმურად შეამოწმეს. შემოწმებისას დადგინდა, რომ ბიზნესოპერატორი სურსათის გადამუშავებასა და კონსერვირებას ჰიგიენური ნორმებისა და სურსათის უვნებლობის დადგენილი მოთხოვნების დარღვევით ახორციელებდა.ამავდროულად, ჩატარებული მოკვლევის შედეგად გამოვლინდა ინდივიდუალური მეწარმის თ. მ. -ს კუთვნილი სამაცივრე მეურნეობა ქალაქ სენაკში (მისამართი: სენაკი, დადიანის ქ. N1), სადაც შპს „XXI+ ერისთავის“ მიერ წარმოებული პროდუქცია ინახებოდა. სამეგრელო- ზემო სვანეთის ინსპექტორებმა არაგეგმური შემოწმებისას დაადგინეს, რომ ბიზნესოპერატორი სავალდებულო აღიარებისა და ეკონომიკურ საქმიანობათა რეესტრში რეგისტრაციის გარეშე საქმიანობდა.გამოვლენილი შეუსაბამობების გამო, ბიზნესოპერატორები დაჯარიმდნენ და ობიექტებს საწარმოო პროცესი შეუჩერდათ.სურსათის ეროვნული სააგენტო სახელმწიფო კონტროლს მთელი ქვეყნის მასშტაბით უწყვეტ რეჟიმში ახორციელებს.

საზოგადოება • 1778069753

სურსათის ეროვნულმა სააგენტომ ხორცპროდუქტების წარმოებისა და შენახვის მოთხოვნების დარღვევისთვის ორი ბიზნესოპერატორი დააჯარიმა

თბილისის დეპარტამენტის ინსპექტორებმა სახელმწიფო კონტროლის ფარგლებში, ხორცის და ხორცპროდუქტების საწარმო შპს „XXI+ ერისთავი“(მის: მოსკოვის გამზირი N12) გეგმურად შეამოწმეს, - ინფორმაციას სურსათის ეროვნული სააგენტო ავრცელებს.უწყების ცნობით, შემოწმებისას დადგინდა, რომ ბიზნესოპერატორი სურსათის გადამუშავებასა და კონსერვირებას ჰიგიენური ნორმებისა და სურსათის უვნებლობის დადგენილი მოთხოვნების დარღვევით ახორციელებდა.„ამავდროულად, ჩატარებული მოკვლევის შედეგად გამოვლინდა ინდივიდუალური მეწარმის თ. მ. -ს კუთვნილი სამაცივრე მეურნეობა ქალაქ სენაკში (მისამართი: სენაკი, დადიანის ქ. N1), სადაც შპს „XXI+ ერისთავის“ მიერ წარმოებული პროდუქცია ინახებოდა. სამეგრელო - ზემო სვანეთის ინსპექტორებმა არაგეგმური შემოწმებისას დაადგინეს, რომ ბიზნესოპერატორი სავალდებულო აღიარებისა და ეკონომიკურ საქმიანობათა რეესტრში რეგისტრაციის გარეშე საქმიანობდა.გამოვლენილი შეუსაბამობების გამო, ბიზნესოპერატორები დაჯარიმდნენ და ობიექტებს საწარმოო პროცესი შეუჩერდათ.სურსათის ეროვნული სააგენტო სახელმწიფო კონტროლს მთელი ქვეყნის მასშტაბით უწყვეტ რეჟიმში ახორციელებს“, - აღნიშნულია გავრცელებულ ინფორმაციაში.

საზოგადოება • 1775122925

სემეკმა „ჯორჯიან უოთერ ენდ ფაუერი“ სალიცენზიო პირობების დარღვევის გამო დააჯარიმა

საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ) საჯარო სხდომაზე შპს „ჯორჯიან უოთერ ენდ ფაუერი“ სალიცენიზო პირობებისა და სემეკის მიერ კომპანიისთვის წარდგენილი მოთხოვნების დარღვევის გამო დააჯარიმა. კომპანიას დაევალა, სანქციის სახით დაკისრებული 50 000 ლარის სახელმწიფო ბიუჯეტში გადახდა.საჯარიმო სანქციის გამოყენების საფუძველს წარმოადგენს მოქალაქეთა მიმართვის საფუძველზე სემეკში დაწყებული ადმინისტრაციული წარმოება, რომლის ფარგლებშიც გამოიკვეთა სხვადასხვა კრიტიკული სისტემური ხარვეზი. მათ შორის:სისტემური დაყოვნება - კომპანიის მხრიდან ადგილი ჰქონდა სადავო საკითხებთან დაკავშირებული მასალების კომისიაში წარმოდგენის სისტემურ დაყოვნებას, რაც აფერხებს მარეგულირებელი ორგანოს მიერ მომხმარებელთა კანონიერი უფლებების დაცვის პროცესს;ქმედითი ღონისძიებების არარსებობა - მიუხედავად იმისა, რომ კომპანიას მოთხოვნის საფუძველზე, საკითხის დეტალურად შესწავლისთვის მიეცა დამატებითი გონივრული ვადა, კომპანიამ კომისიაში არ წარმოადგინა პრობლემების აღმოფხვრის ქმედითი და არგუმენტირებული გეგმა/ინფორმაცია;მარეგულირებელი ორგანოს მოთხოვნების უგულებელყოფა: კომპანიის მხრიდან კომისიის ოფიციალური მოთხოვნებისა და დადგენილი ვადების უგულებელყოფა საფრთხეს უქმნის ადმინისტრაციული პროცესის ეფექტიანობასა და მარეგულირებელი კონტროლის მექანიზმების ჯეროვან შესრულებას.შპს „ჯორჯიან უოთერ ენდ ფაუერს“ საჯარო სხდომაზე განემარტა, რომ აღნიშნული დარღვევის განმეორების შემთხვევაში, გამოყენებული იქნება კანონით გათვალისწინებული გაორმაგებული ჯარიმა.

მსოფლიო • 1774870020

ბრიტანეთმა ამერიკული კომპანია „ეფლი“ რუსეთის წინააღმდეგ სანქციების დარღვევისთვის 390 ათასი გირვანქა სტერლინგით დააჯარიმა

გაერთიანებული სამეფოს ფინანსთა სამინისტრომ კომპანია „ეფლი“ „შავ სიაში“ შეყვანილი რუსული კომპანიისთვის თანხის გადარიცხვის გამო 390 ათასი გირვანქა სტერლინგით დააჯარიმა.ოფიციალურ ვებგვერდზე გამოქვეყნებულ განცხადებაში ნათქვამია, რომ ჯარიმა უნდა გადაიხადოს Apple Distribution International Limited-ma (ADI). ეს არის ამერიკული ტექნოლოგიური გიგანტის ირლანდიაში რეგისტრირებული დანაყოფი.„ეფლს“ ჯარიმა დაეკისრა ორი გადარიცხვის გამო, საერთო ჯამში, დაახლოებით 636 ათასი გირვანქა სტერლინგის ოდენობით, რომლებიც ADI-მ რუსულ სტრიმინგსერვის Okko-ს გადაუხადა 2022 წლის ივნისსა და ივლისში.როგორც დიდი ბრიტანეთის მთავრობა აცხადებს, Okko ეკუთვნის რუსულ კომპანია „ნოვიე ვაზმოჟნოსტის“, ხოლო 2022 წლის მაისამდე სერვისის მფლობელი იყო „სბერბანკი“.რუსეთის მიერ უკრაინის წინააღმდეგ წამოწყებული ომის გამო გაერთიანებულმა სამეფომ სანქციები დააწესა როგორც „სბერბანკის“, ასევე, „ნოვიე ვაზმოჟნოსტის“ წინააღმდეგ. სანქციების შესახებ გადაწყვეტილება მიიღეს მანამდე, ვიდრე „ეფლი“ აღნიშნულ კომპანიებს თანხას გადაურიცხავდა.

საზოგადოება • 1774608027

სემეკმა სს „თელასი“ ელექტროენერგიის ხშირი წყვეტების აღმოსაფხვრელად განხორციელებული, ნორმებთან შეუსაბამო სამუშაოების გამო დააჯარიმა

საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ) სს „თელასი“ ელექტროენერგიის ხშირი წყვეტების აღმოსაფხვრელად ჩატარებული ნორმებთან შეუსაბამო სამუშაოების გამო, სახელმწიფო ბიუჯეტის სასარგებლოდ, 35 ათასი ლარით დააჯარიმა და პრობლემის გამოსასწორებლად ვადა განუსაზღვრა.სს “თელასის” სალიცენზიო პირობების შესრულების შესწავლის საფუძველი გახდა მოქალაქეთა განცხადებები ქ. თბილისში გ. გაგილაძის ქუჩაზე ელექტროენერგიის ხშირ წყვეტებთან დაკავშირებით. სემეკის სპეციალური ჯგუფის მიერ, კომპანიის მხრიდან წყვეტების აღმოსაფხვრელად განხორციელებული სამუშაოების შესწავლის შედეგად დადგინდა, რომ სს “თელასის” მიერ ადგილი ჰქონდა სალიცენზიო პირობების დარღვევას.სემეკის გადაწყვეტილებით, კომპანიას დაევალა 1 თვის ვადაში უზრუნველყოს ქვ/ს „მუხიანის“ ფ-16 - 1031/1034 საკაბელო ელექტროგადამცემი ხაზის ექსპლუატაციისა და უსაფრთხოების ნორმებთან შესაბამისობაში მოყვანა.სემეკი მოუწოდებს მოქალაქეებს, ენერგეტიკისა და წყალმომარაგების სექტორებში მოქმედი კომპანიების მხრიდან მომხმარებელთა უფლებების დარღვევის შემთხვევაშ მიმართონ სემეკს ან სემეკთან არსებულ ენერგოომბუდსმენის სამსახურს. კონსულტაციების გავლა შესაძლებელია ქოლცენტრის ნომერზე - 16 216 (ზარი უფასოა ნებისმიერი ოპერატორიდან).

მსოფლიო • 1771428431

POLITICO: ბერლინის სასამართლომ პლატფორმა X-ს უნგრეთის არჩევნებთან დაკავშირებული მონაცემების გაცემა დაავალა

გერმანიის სასამართლომ სამშაბათს დაავალა ილონ მასკის სოციალურ ქსელ X-ს, გადასცეს მკვლევრებს უნგრეთის მოახლოებულ არჩევნებთან დაკავშირებული მონაცემები მათი დეტალური შესწავლის მიზნით. ინფორმაციას ამის შესახებ გამოცემა POLITICO ავრცელებს.ბერლინის სასამართლომ გადაწყვეტილება უფლებადამცველი ჯგუფის, Democracy Reporting International-ის სასარგებლოდ მიიღო. ორგანიზაცია ითხოვდა წვდომას მონაცემებზე, რათა შეესწავლა საარჩევნო პროცესზე გავლენის კამპანიები და დეზინფორმაცია. ჯგუფმა სასამართლოს მას შემდეგ მიმართა, რაც გასული წლის ნოემბერში X-მა მათი მოთხოვნა მონაცემთა გაზიარების თაობაზე უარყო.ევროკავშირის რეგულაციები სოციალური მედიის პლატფორმებისთვის - ციფრული მომსახურების აქტი (DSA) - ავალდებულებს ისეთ მსხვილ ონლაინ პლატფორმებს, როგორიცაა X, მისცენ გარე მკვლევრებს მონაცემებზე წვდომის უფლება.ეს აუცილებელია იმის შესასწავლად, თუ როგორ უმკლავდებიან პლატფორმები რისკებს, მათ შორის არჩევნებში ჩარევას. დეკემბერში ევროკომისიამ X-ი ამ ვალდებულების დარღვევისთვის 40 მილიონი ევროთი დააჯარიმა, რაც საერთო ჯამში 120-მილიონიანი საჯარიმო სანქციის ნაწილი იყო.

ფინანსები • 1770126840

ეროვნული ბანკი განცხადებას ავრცელებს

მიმდინარე წლის 27 იანვარს, საქართველოს ეროვნულმა ბანკმა ვალუტის გადამცვლელი შვიდი პუნქტი დააჯარიმა. ზედამხედველმა ჯამურად აღნიშნულ ობიექტებს 92 000 ლარის ჯარიმა დააკისრა.სებ-ის ინფორმაციით, დაჯარიმების მიზეზი ფულის გათეთრებისა და ტერორიზმის დაფინანსების აღკვეთის ხელშეწყობის შესახებ“ საქართველოს კანონის 29-ე მუხლის პირველი და მე-2 პუნქტი გათვალისწინებული მოთხოვნების შეუსრულებლობა გახდა.„ვალუტის გადამცვლელი პუნქტი ვერ უზრუნველყოფს ფულის გათეთრებისა და ტერორიზმის დაფინანსების აღკვეთის ხელშეწყობის მიზნებისათვის შიდა კონტროლისა და მონიტორინგის განხორციელებასთან დაკავშირებული ვალდებულებების შესრულებას. პროგრამული (ელექტრონული) სისტემების ხარვეზიანი ფუნქციონირება, რის შედეგადაც ვერ ხდებოდა: საეჭვო, უჩვეულო ან დანაწევრებული გარიგებების გამოვლენა; კლიენტების (ფიზიკური და იურიდიული პირების) სრულყოფილი გადამოწმება სანქცირებულ და პოლიტიკურად აქტიურ პირთა სიებში.შიდა ინსტრუქციების არარსებობა, რომლებიც აუცილებელია ფულის გათეთრებისა და ტერორიზმის დაფინანსების პრევენციის ვალდებულებების შესასრულებლად.ფინანსური მონიტორინგის სამსახურში პირველადი აღრიცხვის ფორმის დადგენილ ვადებში წარმოუდგენლობა, რაც არღვევს ინფორმაციის მიღებისა და გადაცემის წესს.ეროვნული ბანკისთვის წარდგენილ რისკის ზედამხედველობის ანგარიშგებებში არასწორი ინფორმაციის მიწოდება, მათ შორის განმეორებით შემთხვევებში.დაჯარიმებული სუბიექტების ჩამონათვალი: შპს „რამაზი“ – 6 000 ლარი; შპს „ლიკუნა“ – 16 000 ლარი; ინდივიდუალური მეწარმე „დიმიტრი ქურციკაშვილი“ – 13 000 ლარი; ი.მ „გოჩა ბოლქვაძე” – 13 000 ლარი; ი.მ „ლევან მეხრიშვილი“ – 13 000 ლარი ; ი.მ „ნინო მორბედაძე“ – 15 000 ლარი; ი.მ „გურამ გასვიანი“ – 16 000 ლარი“, – ნათქვამია ეროვნული ბანკის გავრცელებულ ინფორმაციაში.

სამართალი • 1769761637

4 ოქტომბრის საქმის 15 ბრალდებულის ეპიზოდზე, სასამართლო პროცესზე 58 წუთით დაგვიანების გამო მოსამართლემ 2 ადვოკატი დააჯარიმა

4 ოქტომბრის საქმის 15 ბრალდებულის ეპიზოდზე მოსამართლე გიორგი გელაშვილმა საქმის ორი ადვოკატი, გიორგი ჭოჭუა და მერაბ წკრიალაშვილი 100-100 ლარით დააჯარიმა.სასამართლო პროცესზე, რომელიც 11:00 საათზე უნდა დაწყებულიყო, აღნიშნული ორი ადვოკატი 58 წუთის დაგვიანებით გამოცხადდა. სხდომა ამ დრომდე არ დაწყებულა.მოსამართლე გიორგი გელაშვილის განმარტებით, მიუხედავად იმისა, რომ სხდომის მდივანს ორივე ადვოკატთან ჰქონდა კომუნიკაცია, ისინი პროცესზე დროულად მაინც არ გამოცხადდნენ, რაც სასამართლოს უპატივცემულობაა და გიორგი ჭოჭუა და მერაბ წკრიალაშვილი დააჯარიმა.

საზოგადოება • 1769166515

სურსათის ეროვნულმა სააგენტომ Picot-ის იმპორტიორი სავალდებულო ინფორმირების წესის დარღვევისთვის დააჯარიმა

სურსათის ეროვნულმა სააგენტომ Picot-ის იმპორტიორი სავალდებულო ინფორმირების წესის დარღვევისთვის დააჯარიმა.„ფრანგულმა მწარმოებელმა „ლაქტალის ნუტრიშენ სანტე“ (LNS), Picot-ის ბავშვთა კვების რძის პროდუქტების რამდენიმე პარტიაში ტოქსინ Cereulide-ის გამოვლენის შესაძლო რისკის გამო, სხვადასხვა ქვეყნიდან, მათ შორის საქართველოდან, კონკრეტული პარტიების ამოღების შესახებ გადაწყვეტილება მიიღო იმის მიუხედავად, რომ არცერთ ქვეყანში ამ პროდუქტის მიღების შედეგად რაიმე სახის გართულების ფაქტი არ დაფიქსირებულა.მიღებული ინფორმაციის საფუძველზე, სურსათის ეროვნულმა სააგენტოს თბილისის დეპარტამენტის ინსპექტორებმა იმპორტიორი კომპანია „უნო გრუპი“ შეამოწმეს. ბიზნესოპერატორი სურსათის გამოთხოვის და მიღებული ზომების შესახებ სააგენტოსთვის სავალდებულო წერილობითი შეტყობინების თავის არიდებისთვის დაჯარიმდა.ამ დროისთვის იდენტიფიცირებულია კონკრეტული პარტიები, რომელებიც ექვემდებარება ბაზრიდან გამოთხოვას: Picot 1 400G – 8000003312; Picot 1 800G -8000003297; Picot 2 800G -8000003280. ბაზრიდან გამოთხოვის პროცესს, სააგენტოს ზედამხედველობით, ბიზნესოპერატორი ინტენსიურ რეჟიმში ახორციელებს.სურსათის ეროვნული სააგენტო მოუწოდებს მომხმარებელს, იმ შემთხვევაში, თუ უკვე შეძენილი აქვს პროდუქცია დასახელებული პარტიებიდან, არ გამოიყენოს.ბაზრიდან გამოთხოვა ხდება მხოლოდ მოცემული პარტიების პროდუქციის. ბაზრიდან გამოთხოვის მოთხოვნა არ ვრცელდება სხვა პარტიებსა და ბავშვთა კვების სხვა პროდუქტებზე, რომლებიც ბაზარზე Picot-ის სახელწოდებით არის წარმოდგენილი“, - აღნიშნულია განცხადებაში, რომელსაც სურსათის ეროვნული სააგენტო ავრცელებს.