ბაიდენი

გურამ მაჭარაშვილი: როცა ევრობიუროკრატები გაიგებენ, რომ საქართველომ დაიწყო ცხოვრება, როგორც სუვერენულმა ქვეყანამ, მერე დელეგაციებიც ჩამოვლენ, ეს ვნახეთ შეერთებული შტატების შემთხვევაშიც

პარტია „ხალხის ძალის“ აღმასრულებელი მდივანი გურამ მაჭარაშვილი აცხადებს, რომ საქართველო უნდა იყოს პრინციპული საერთაშორისო ურთიერთობებში და საკუთარი სუვერენიტეტი პრინციპულად დაიცვას.„როგორც დაიცავ შენი ქვეყნისა და ერის ღირსებას, ისე მოგექცევა ყველა სახელმწიფო - ეს ჩვეულებრივი ნორმაა“, - აცხადებს დეპუტატი და აღნიშნავს, რომ დასავლეთის მხრიდან საქართველოს მიმართ ხშირად ორმაგი სტანდარტებია, რასაც, მისი შეფასებით, ადასტურებს ბრიტანეთის გადაწყვეტილება, რუსულ პროდუქტებზე გარკვეული სანქციების მოხსნის შესახებ.„ხალხის ძალას“ არ გვიჭირს სიმართლის თქმა და პრინციპულობა. ამისკენ ყოველთვის მოვუწოდებდით ხელისუფლებას და დღესაც ამ პოზიციაზე ვდგავართ. ბოლო პერიოდში ხელისუფლებამ გარკვეული ნაბიჯები გადადგა - იქნება ეს ელჩის დაბარება თუ კრიტიკული პოზიციის გამოხატვა იმასთან დაკავშირებით, რომ ევროკავშირის ელჩმა ან სხვა ქვეყნების წარმომადგენლებმა საქართველოს მიმართ შეურაცხმყოფელი განცხადებები გააკეთეს.როგორც დაიცავ შენი ქვეყნისა და ერის ღირსებას, ისე მოგექცევა ყველა სახელმწიფო - ეს ჩვეულებრივი ნორმაა. დღეს, როდესაც, ბრიტანეთმა ორ რუსულ პროდუქტზე სანქციები მოხსნა, მაქვს კითხვა ევროკავშირისა და ბრიტანეთის ელჩებთან - როგორ ხდება ეს? იქნებ ჩვენც გაგვაგებინონ: რუსეთმა რამე გამოასწორა და ამიტომ მოუხსნეს სანქციები? იქნებ ჩვენც გამოვიყენოთ ეს რამეში. და თუ არაფერი გამოუსწორებია რუსეთს, მაშინ რატომ მოუხსნეს სანქციები? შესცივდათ და დასჭირდათ ეს პროდუქტები? საჰაერო მიმოსვლისთვის საწვავი დასჭირდათ და რუსულ ნავთობს სუნი არ უდის დიდ ბრიტანეთს როცა სჭირდება? მაგრამ როცა საქართველოს სჭირდება ტურისტი, რომ გლეხმა რაღაც შემოსავალი ნახოს, მაშინ ეს დაუშვებელია?ახსნას ევროკავშირის ელჩმა - რას აკეთებს დიდი ბრიტანეთი? ბნელ წარსულში მიდის უკან, რუსულ ნავთობზე რომ სანქციები მოხსნა? ჩვენ ხომ გვეუბნებოდნენ, რომ თუ აქ ლგბტ აღლუმებს არ ჩაატარებთ, საქართველო ბნელ წარსულში დაბრუნდებაო? ამ დროს დიდი ბრიტანეთი რას აკეთებს - ახლა ორ პროდუქტზე მოხსნა სანქციები და ორი თვის წინ მილსადენზეც მოუხსნა სანქცია.ეს ძალიან მარტივი კითხვებია, მაგრამ პასუხი არ ექნებათ და ისევ რაღაც ორაზროვან განცხადებებს გააკეთებენ. სწორედ ამიტომ უნდა ვიყოთ პრინციპულები და არავის არაფერი არ უნდა შევარჩინოთ. როცა გაიგებენ, რომ საქართველომ დაიწყო ცხოვრება, როგორც სუვერენულმა ქვეყანამ, მერე დელეგაციებიც ჩამოვლენ.ასე მოხდა შეერთებული შტატების შემთხვევაშიც. გასაგებია, რომ ორმხრივი ურთიერთობების აღდგენა სწრაფი ტემპებით არ მომხდარა, მაგრამ, როგორც მინიმუმ, უკვე ერთი წელია თეთრი სახლიდან აღარ კეთდება ის უსამართლო განცხადებები, რაც ბაიდენის დროს იყო, როცა ყოველი მეორე განცხადება საქართველოს წინააღმდეგ იყო მიმართული.დღეს მათ აღარ გაუკეთებიათ ანტისახელმწიფოებრივი განცხადებები და მეტიც, საქართველოში დელეგაციები ჩამოდიან. სავარაუდოდ, ძალიან პოზიტიური ურთიერთობები გვექნება ამერიკასთან, რადგან მათ დაინახეს, რომ საქართველო არის ქვეყანა, რომელსაც უნდა ნორმალური ურთიერთობა ყველასთან, ვინც აღიარებს მის დამოუკიდებლობას. და რაც მალე გაიგებს ამას ევროკავშირი, მით უკეთესი იქნება. ევროკავშირს თავად ამერიკასთან აქვს პრობლემები და რა გასაკვირია, რომ საქართველოსთანაც ჰქონდეს“, - განაცხადა გურამ მაჭარაშვილმა.

მსოფლიო • 1779119009

შეერთებული შტატები უკვე პრეზიდენტ დონალდ ტრამპის ადმინისტრაციის დროს აწესებს რუსეთის წინააღმდეგ ახალ სანქციებს - სერგეი ლავროვი

შეერთებული შტატები უკვე პრეზიდენტ დონალდ ტრამპის ადმინისტრაციის დროს აწესებს რუსეთის წინააღმდეგ ახალ სანქციებს, – ამის შესახებ რუსეთის საგარეო საქმეთა მინისტრმა, სერგეი ლავროვმა განაცხადა.„უკვე ტრამპის ადმინისტრაციის დროს ხდება სულ უფრო და უფრო დამოუკიდებელი, ასე ვთქვათ, ახალი სანქციები მიიღება, გარდა იმისა, რომ ბაიდენის ყველა სანქცია რეგულარულად გრძელდება“, – აღნიშნა ლავროვმა.რუსეთის საგარეო უწყების ხელმძღვანელმა უკრაინის ომზეც ისაუბრა და თქვა, რომ ევროპელ რადიკალებს არ სურთ უკრაინაში აშშ-ის მიერ შემოთავაზებული დარეგულირების დაშვება.„გულწრფელად რომ ვთქვათ, ევროპელი რადიკალები, ნეოლიბერალები და ნეონაცისტები ზელენსკის რეჟიმთან ერთად იმყოფებიან იმ მდგომარეობაში, რომ ხელი შეუშალონ შეერთებული შტატების მიერ შემუშავებული დარეგულირების გეგმების განხორციელებას“, – განაცხადა სერგეი ლავროვმა.

მსოფლიო • 1778864400

ენტონი ბლინკენი აცხადებს, რომ ირანზე სამხედრო თავდასხმას ბარაკ ობამას ადმინისტრაციაც განიხილავდა, თუმცა მაშინ მიიჩნიეს, რომ ეს საუკეთესო ვარიანტი არ იყო

აშშ-ს ყოფილი სახელმწიფო მდივანი ენტონი ბლინკენი აცხადებს, რომ ირანის წინააღმდეგ სამხედრო ოპერაციას ბარაკ ობამას ადმინისტრაციაც განიხილავდა. ამის შესახებ ენტონი ბლინკენმა ლეო ბეკის უნივერსიტეტში გამართულ ღონისძიებაზე განაცხადა, რომელსაც გერმანიის ყოფილი კანცლერი ოლაფ შოლციც ესწრებოდა.ბლინკენის თქმით, ირანის წინააღმდეგ სამხედრო თავდასხმა საუკეთესო ვარიანტი არ არის.„ობამას ადმინისტრაციას თუ დავუბრუნდებით, ჩვენ ძალიან ყურადღებით განვიხილეთ სამხედრო ვარიანტი, თუმცა მაგრამ ჩვენ დავასკვენით, რომ იმ მიზეზების გამო, რასაც ახლა ვხედავთ, ეს სულაც არ იყო საუკეთესო ვარიანტი“, – განაცხადა ბლინკენმა.ცნობისთვის, ენტონი ბლინკენი აშშ-ს სახელმწიფო მდივნის პოსტს ჯო ბაიდენის პრეზიდენტობისას იკავებდა.

მსოფლიო • 1778822980

დონალდ ტრამპი: ირანის წინააღმდეგ სამხედრო კამპანია გაგრძელდება

ირანის წინააღმდეგ სამხედრო კამპანია გაგრძელდება, – ამის შესახებ აშშ-ის პრეზიდენტი დონალდ ტრამპი სოციალურ ქსელში წერს.სოციალურ ქსელში გამოქვეყნებულ განცხადებაში აშშ-ის პრეზიდენტმა ჯო ბაიდენი გააკრიტიკა.„როდესაც პრეზიდენტმა სი ძინპინმა ძალიან ელეგანტურად აღნიშნა, რომ შესაძლოა, შეერთებული შტატები დაღმასვლის გზაზე მდგომი ქვეყანა იყოს, ის გულისხმობდა იმ უზარმაზარ ზიანს, რომელიც ჩვენ მივიღეთ „მძინარე ჯო ბაიდენის“ და ბაიდენის ადმინისტრაციის ოთხწლიანი მმართველობის პერიოდში – და ამ მხრივ, ის 100%-ით მართალი იყო. ჩვენი ქვეყანა უზომოდ დაზარალდა ღია საზღვრების, მაღალი გადასახადების, „ტრანსგენდერი ყველასთვის“ პოლიტიკის, კაცების ქალთა სპორტში მონაწილეობის, DEI-ის, საშინელი სავაჭრო შეთანხმებების, ფართოდ გავრცელებული დანაშაულისა და კიდევ მრავალი სხვა მიზეზის გამო.პრეზიდენტი სი არ გულისხმობდა იმ წარმოუდგენელ აღმასვლას, რომელიც შეერთებულმა შტატებმა აჩვენა მსოფლიოს ტრამპის ადმინისტრაციის 16 შესანიშნავი თვის განმავლობაში – რაც მოიცავს ისტორიულ მაქსიმუმზე მყოფ საფონდო ბაზრებს, სამხედრო გამარჯვებას, ვენესუელასთან წარმატებულ ურთიერთობას, ირანის სამხედრო ძალების განადგურებას (გაგრძელება იქნება!) – მსოფლიოში ყველაზე ძლიერ არმიას დიდი უპირატესობით, ძლიერ ეკონომიკას, რეკორდულ 18 ტრილიონი დოლარის ინვესტიციებს, რომლებიც სხვა ქვეყნებიდან შედის აშშ-ში, ქვეყნის ისტორიაში საუკეთესო სამუშაო ბაზარს, სადაც ახლა უფრო მეტი ადამიანი მუშაობს, ვიდრე ოდესმე, ქვეყნისთვის დამანგრეველი DEI-ის დასრულებას და კიდევ ბევრ სხვა მიღწევას, რომელთა ჩამოთვლაც პრაქტიკულად შეუძლებელია.პრეზიდენტმა სიმ ასეთ მოკლე დროში არაერთი მნიშვნელოვანი წარმატება მომილოცა. ორი წლის წინ ჩვენ ნამდვილად ვიყავით დაღმასვლის გზაზე მდგომი ქვეყანა და ამაში სრულად ვეთანხმები პრეზიდენტ სი-ს. თუმცა ახლა შეერთებული შტატები მსოფლიოში ყველაზე „ცხელი“ ქვეყანაა და იმედი მაქვს, ჩვენი ურთიერთობა ჩინეთთან უფრო ძლიერი და უკეთესი იქნება, ვიდრე ოდესმე“, – წერს ტრამპი.

პოლიტიკა • 1778681897

სამარცხვინოა, როდესაც თავს უწოდებ „ქვეყნის პრეზიდენტს“ და პატრიარქის ინტრონიზაციის დღეს მიდიხარ საფრანგეთში, რათა მათ პარლამენტს გამოსტყუო საქართველოს წინააღმდეგ მორიგი სამარცხვინო რეზოლუცია - ქართველიშვილი ზურაბიშვილზე

„ესენი არიან ის ადამიანები, რომლებთანაც, სამწუხაროდ, ჩვენ კვლავ გვიწევს თანაცხოვრება,“ - განაცხადა „ხალხის ძალის“ წევრმა დავით ქართველიშვილმა რადიკალური ოპოზიციის მისამართით. მისი თქმით, ადამიანები, რომლებიც გარდაცვლილი პატრიარქის მიმართ შეურაცხმყოფელ გამონათქვამებს არ ერიდებოდნენ, დღეს მასზე ნიანგის ცრემლებს ღვრიან.დავით ქართველიშვილმა სამარცხვინო უწოდა ამ ძალების წარმომადგენლის, ყოფილი პრეზიდენტის, სალომე ზურაბიშვილის საფრანგეთში ვიზიტს და იქ საქართველოს წინააღმდეგ მორიგი კამპანიის წარმოებას.„დღეს რადიკალების ბანაკში ყველაზე სამარცხვინო სწორედ ეგ არის, რომ ნიანგის ცრემლებს ღვრიან იმის გამო, თურმე როგორ უყვარდათ გარდაცვლილი პატრიარქი ილია მეორე და ახლა წუხან იმის გამო, თუ რა არჩევანი გაკეთდა. არაფერია ახალი იმაში, რომ რადიკალები ყველაფერს იკადრებენ - ყველაფერს ამოეფარებიან ფარად, ოღონდ არა ქართულს, არა საქართველოს და არა დედა-ეკლესიას.სამარცხვინოა, როდესაც შენ თავს უწოდებ „ქვეყნის პრეზიდენტს“ და პატრიარქის ინტრონიზაციის დღეს მიდიხარ შენს სამშობლოში, საფრანგეთში (საქართველო არასდროს ყოფილა მისი სამშობლო), რათა მათ პარლამენტს გამოსტყუო საქართველოს წინააღმდეგ მორიგი დეზინფორმაცია და ცილისწამება სამარცხვინო რეზოლუციის სახით, რომელსაც საფრანგეთის პარლამენტის მთლიანი შემადგენლობის 11-მა პროცენტმა დაუჭირა მხარი. ესენი არიან ის ადამიანები, რომლებთანაც, სამწუხაროდ, ჩვენ კვლავ გვიწევს თანაცხოვრება, მაგრამ მადლობა ღმერთს, მასშტაბის შემცირება სახეზეა. ბაიდენის ადმინისტრაციის პირობებში 11 კი არა, ალბათ 67 % იქნებოდა, რომელიც საქართველოს წინააღმდეგ მორიგ ქმედებას დაუჭერდა მხარს, მაგრამ დღეს ეს 11 %-ია, ხვალ იქნება 7 და მაზეგ, შეიძლება, ეს ყველაფერი ნულამდეც დავიყვანოთ,“ - განაცხადა დავით ქართველიშვილმა.

მსოფლიო • 1778659343

სერგეი ლავროვი: ვაფასებთ, რომ ტრამპმა ჩვენთან დიალოგი დაიწყო, თუმცა არაფერი ხდება, გარდა ამ რეგულარული დიალოგისა, რაც ნორმალურია ქვეყნებს შორის ურთიერთობებში

რუსეთის საგარეო საქმეთა მინისტრი სერგეი ლავროვი აცხადებს, რომ აშშ-რუსეთის ურთიერთობების შესახებ ბევრი დადებითი რამ ითქმის, სინამდვილეში კი, „არაფერი ხდება“, გარდა „რეგულარული დიალოგისა“.მისივე თქმით, „ბაიდენის მის დაწესებული ყველა სანქცია ძალაში დარჩა, ტრამპის ადმინისტრაციამ კი საკუთარი ინიციატივები მიიღო რუსეთის ეკონომიკის დასასჯელად“.„ჩვენ ვაფასებთ, რომ პრეზიდენტმა ტრამპმა ჩვენთან, პრეზიდენტ პუტინთან დიალოგი დაიწყო. ასევე ვისაუბრეთ სხვადასხვა დონეზე. ბევრი კარგი სიტყვა ისმის რუსეთისა და შეერთებული შტატების ურთიერთსასარგებლო, თანამედროვე, ტექნოლოგიური, ენერგეტიკული და სხვა პროექტების უზარმაზარ პერსპექტივაზე. სინამდვილეში კი, არაფერი ხდება, გარდა ამ რეგულარული დიალოგისა, რაც ნორმალურია ადამიანებსა და ქვეყნებს შორის ურთიერთობებში. ყველაფერი დანარჩენი პრეზიდენტ ბაიდენის მიერ ინიცირებულ ნიმუშს მიჰყვება. მის მიერ დაწესებული ყველა სანქცია ძალაში დარჩა. უფრო მეტიც, ტრამპის ადმინისტრაციამ საკუთარი ინიციატივები მიიღო რუსეთის ეკონომიკის დასასჯელად“, – აღნიშნა ლავროვმა.

პოლიტიკა • 1778162460

ზვიად შალამბერიძე აშშ-ისა და საქართველოს ურთიერთობებზე: ვხედავთ, რომ ძალიან კონსტრუქციული დიალოგი მიმდინარეობს სხვადასხვა დონეზე, რაც საბოლოოდ, ჩვენს ორ ქვეყანას მიიყვანს იქამდე, რომ ჩვენი სტრატეგიული ურთიერთობა ისევ აღდგება

თუ ვინმე იყო ამ შემთხვევაში დამნაშავე იმ ჩვენი სტრატეგიული ურთიერთობების შეწყვეტისა, იყო ბაიდენის ადმინისტრაცია და ის ნაბიჯები, რომელიც წინა ადმინისტრაციის დროს იდგმებოდა ჩვენი ხელისუფლების წინააღმდეგ, - განაცხადა ზვიად შალამბერიძემ გადაცემაში „დღის ქრონიკა“.რეგიონული პოლიტიკისა და თვითმმართველობის საპარლამენტო კომიტეტის თავმჯდომარის პირველი მოადგილის თქმით, ბოლო პერიოდში საქართველოა და აშშ-ს შორის ურთიერთობის დინამიკა ნელ-ნელა გაიზარდა და შედეგად სახეზეა უმაღლეს დონეზე ვიზიტები. კერძოდ, აპრილის თვეში აშშ-ში რამდენიმე მინისტრი იმყოფებოდა. დღეს კი ამერიკის შეერთებული შტატების სახელმწიფო მდივნის თანაშემწის მოადგილე შეხვდა პრემიერსა და საგარეო საქმეთა მინისტრს.„რეალურად სხვადასხვა დელეგაცია ჩამოვიდა სხვადასხვა მიმართულებით და შეხვედრებზე ხდება სხვადასხვა თემის განხილვა, რაც ცალსახად არის სწორი ნაბიჯები აშშ-ის მთავრობის მხრიდან, რადგან ჩვენ არაერთხელ განვაცხადეთ, რომ თუ ვინმე იყო ამ შემთხვევაში დამნაშავე იმ ჩვენი სტრატეგიული ურთიერთობების შეწყვეტისა, იყო ბაიდენის ადმინისტრაცია და ის ნაბიჯები, რომელიც წინა ადმინისტრაციის დროს იდგმებოდა ჩვენი ხელისუფლების წინააღმდეგ. დღევანდელ დღეს ვხედავთ, რომ ძალიან კონსტრუქციული დიალოგი მიმდინარეობს სხვადასხვა დონეზე, რაც საბოლოოდ, რა თქმა უნდა, ჩვენს ორ ქვეყანას მიიყვანს იქამდე, რომ ჩვენი სტრატეგიული ურთიერთობა ისევ აღდგება“, - აღნიშნა შალამბერიძემ.

მსოფლიო • 1777662999

ტრამპი: ბაიდენი მოვიდა როგორც სულელი და ის, რაც ჩვენ გვქონდა, დიდწილად უკრაინას გადასცა - ბაიდენს ფული არ მიუღია, მას არაფერი მიუღია

აშშ-ის პრეზიდენტმა, დონალდ ტრამპმა ჯო ბაიდენი უკრაინის სამხედრო დახმარების პოლიტიკის გამო მკაცრად გააკრიტიკა და მას „სულელი“ უწოდა.ტრამპის განცხადებით, ბაიდენის ადმინისტრაციამ ამერიკული შეიარაღების არსებული მარაგები ისე გასცა, რომ სანაცვლოდ ქვეყნისთვის არანაირი სარგებელი არ მიუღია.„ბაიდენი მოვიდა როგორც სულელი და ის, რაც ჩვენ გვქონდა, დიდწილად უკრაინას გადასცა. ბაიდენს ფული არ მიუღია, მას არაფერი მიუღია, მან უბრალოდ მთელი ჩვენი მარაგი უკრაინას დაურიგა“, - განაცხადა ტრამპმა. Trump:Biden came in like a stupid fool, and he gave a lot of what we had to Ukraine. Biden didn’t get money, he got nothing but gave a lot of the inventory away to Ukraine. pic.twitter.com/VsH7eCzFtm — Clash Report (@clashreport) May 1, 2026

პოლიტიკა • 1777582094

კახა კალაძე აშშ-სთან ურთიერთობის გადატვირთვაზე: პრემიერ-მინისტრს მარკო რუბიოსთან სატელეფონო საუბარი ჰქონდა, მაისში დელეგაციასაც ველოდებით, პოზიტიური მოლოდინები გვაქვს

თბილისის მერმა კახა კალაძემ გადაცემაში “იმედი LIVE” ამერიკასთან ურთიერთობის გადატვირთვის მნიშვნელობაზე ისაუბრა და აღნიშნა, რომ ამ კუთხით პოზიტიური სიახლეები არსებობს.„არის ბევრი კონკრეტული ფაქტი, რაც გვაძლევს იმის თქმის შესაძლებლობას, რომ გვაქვს პოზიტიური მოლოდინი ამერიკასთან ურთიერთობის გადატვირთვის კუთხით. არა ერთი განცხადება გავაკეთეთ, რომ აუცილებელია ურთიერთობის ახალი ფურცლიდან დაწყება. პრემიერ-მინისტრს სატელეფონო საუბარიც ჰქონდა მარკო რუბიოსთან, მაისის დასაწყისში აშშ-დან დელეგაციასაც ველოდებით”, - განაცხადა კახა კალაძემ.მისივე თქმით, საქართველო ვერ შეეგუება ვერც ერთი ქვეყნის მხრიდან მტრულ და არამეგობრულ დამოკიდებულებას.„მტრული, არამეგობრული დამოკიდებულება, რაც პრეზიდენტ ბაიდენის ადმინისტრაციის პირობებში არსებობდა ქართულ სახელმწიფოსთან მიმართებით, კატეგორიულად მიუღებელია. ვისმენდით ცრუ განცხადებებს, მუქარის შემცველ ტონს. ყველამ უნდა გაითვალისწინოს, რომ პატივი სცეს სუვერენულ სახელმწიფოს. ჩვენ პატარა სახელმწიფო ვართ, მაგრამ დიდი კულტურის მატარებლები”, - აღნიშნა კახა კალაძემ.მისივე განმარტებით, საქართველოში გარედან მართულ კონკრეტულ ჯგუფს არ სურს საქართველოს და აშშ-ს შორის ურთიერთობის განახლება.„ვიცით, ვინც გამორიცხავს საქართველოს და ამერიკას შორის ურთიერთობების განახლებას. ადამიანები, რომლებსაც არანაირი კავშირი არ აქვთ ქართველ ხალხთან. ისინი არიან აგენტურის წარმომადგენლები. ასეულობით მილიონი იხარჯებოდა, ქვეყანაში მსგავსი ქსელის შესაქმნელად. ეს შეიძლება ყოფილიყო არასამთავრობო ორგანიზაციების, კონკრეტული პოლიტიკური პარტიების სახით. ეს მარტო საქართველოში კი არ ხდებოდა, არამედ სხვა ქვეყნებშიც. სურდათ, თავიანთი აგენტურით ემართათ ისინი. ევროინტეგრაციის გზაზეც ცდილობდნენ ხელშეშლას. ჩვეულებრივი მოღალატეები არიან”, - განაცხადა კახა კალაძემ.

მსოფლიო • 1777580624

ტრამპი: ბაიდენმა უკრაინას 350 მილიარდი დოლარი მისცა, რაც სრული სიგიჟე იყო - ეს არის ერთ-ერთი მიზეზი, რის გამოც ომი ამდენ ხანს გაგრძელდა

აშშ-ის პრეზიდენტმა, დონალდ ტრამპმა ბაიდენის ადმინისტრაციის საგარეო პოლიტიკა კიდევ ერთხელ გააკრიტიკა. ტრამპის განცხადებით, ჯო ბაიდენის მიერ უკრაინისთვის გაწეული ფინანსური და სამხედრო დახმარების მასშტაბები არაგონივრული იყო.ტრამპმა აღნიშნა, რომ სწორედ ამ რესურსების გადაცემამ შეუწყო ხელი კონფლიქტის გაჭიანურებას.„ბაიდენმა უკრაინას 350 მილიარდი დოლარი მისცა, რაც სრული სიგიჟე იყო. ეს არის ერთ-ერთი მიზეზი, რის გამოც ომი ამდენ ხანს გაგრძელდა“, - განაცხადა ტრამპმა. Trump:Biden gave 350 billion dollars for Ukraine, which was insane.It’s one of the reasons why the war went on. pic.twitter.com/EFszApj35g — Clash Report (@clashreport) April 30, 2026

პოლიტიკა • 1777577640

კახა კალაძე აშშ-სთან ურთიერთობებზე: არის ბევრი კონკრეტული ფაქტი, რაც გვაძლევს იმის თქმის შესაძლებლობას, რომ გვაქვს პოზიტიური მოლოდინი

არის ბევრი კონკრეტული ფაქტი, რაც გვაძლევს იმის თქმის შესაძლებლობას, რომ გვაქვს პოზიტიური მოლოდინი - განაცხადა გადაცემაში „იმედი Live” თბილისის მერმა და „ქართული ოცნების“ გენერალურმა მდივანმა კახა კალაძემ საქართველო-აშშ-ს ურთიერთობებზე საუბრისას.მისივე თქმით, აუცილებელია, რომ საქართველოსა და ამერიკის შეერთებულ შტატებს შორის ურთიერთობები ახალი ფურცლიდან დაიწყოს.„არის ბევრი კონკრეტული ფაქტი, რაც გვაძლევს იმის თქმის შესაძლებლობას, რომ გვაქვს პოზიტიური მოლოდინი. არაერთი განცხადება გავაკეთეთ იმასთან დაკავშირებით, რომ აუცილებელია ურთიერთობები დაიწყოს ახალი ფურცლიდან. საქართველოს ხელისუფლება მზად არის ამ ყველაფრისთვის, იმიტომ, რომ ის დამოკიდებულება, რაც ბაიდენის ადმინისტრაციის პირობებში იყო ქართულ სახელმწიფოსთან მიმართებით, კატეგორიულად მიუღებელია. ის იყო მტრული, არამეგობრული დამოკიდებულება, სადაც მუდმივად ვისმენდით ცრუ განცხადებებს, მუქარის შემცველ ტონს. ჩვენ ძალიან დიდი იმედი გვაქვს, რომ ეს ურთიერთობები დაიწყება ახალი ფურცლიდან. საქართველოს პრემიერ-მინისტრს სატელეფონო საუბარიც ჰქონდა მარკო რუბიოსთან, მაისის დასაწყისში დელეგაციას ველოდებით ამერიკის შეერთებული შტატებიდან და ვნახოთ, დაველოდოთ“, - განაცხადა კახა კალაძე.

პოლიტიკა • 1776841526

დავით ქართველიშვილი: ეპოქა, როცა თბილისს შეიძლებოდა ეპყრობოდნენ როგორც პერიფერიას, სრულდება - და მასთან ისე მოქცევა, როგორც მოსკოვი ზოგჯერ იქცევა ბაქოსა თუ ერევანთან, სულ უფრო ნაკლებად შესაძლებელი ხდება

პოლიტიკაimedi / 22 აპრილი 2026, 10:44/ სანდო წყაროდავით ქართველიშვილი: ეპოქა, როცა თბილისს შეიძლებოდა ეპყრობოდნენ როგორც პერიფერიას, სრულდება - და მასთან ისე მოქცევა, როგორც მოსკოვი ზოგჯერ იქცევა ბაქოსა თუ ერევანთან, სულ უფრო ნაკლებად შესაძლებელი ხდება დავით ქართველიშვილიფოტო: „ხალხის ძალა“პარტია „ხალხის ძალის“ წევრი დავით ქართველიშვილი, სოციალურ ქსელში წერს ვაშინგტონის მიდგომების ცვლილებაზე საქართველოს მიმართ. ანალიტიკოსი ხაზს უსვამს, რომ საქართველო აშშ-სთვის იქცა ფუნქციონირებად ინფრასტრუქტურულ კვანძად, ეს კი ხდება მსოფლიოში მიმდინარე ომების ფონზე. ქართველიშვილი აღნიშნავს, რომ საქართველოზე ზეწოლა სრულად არ გამქრალა, თუმცა ცალსახად შერბილებულია:„ზეწოლა ბოლომდე არ გამქრალა, მაგრამ გახდა დოზირებული: ზედმეტად მკაცრი ხაზი უკვე რისკებს ქმნის ტრანზიტული სტაბილურობისთვის და, შესაბამისად, თავად აშშ-სა და ევროკავშირის ინტერესებისთვის“ - წერს დავით ქართველიშვილი.ანალიტიკოსი ხაზს უსვამს, რომ საქართველოს მზარდი სუბიექტურობა რუსეთს გარდაუვლად უბიძგებს, გადახედოს საკუთარ აღქმებს საქართველოზე და აღარ შეხედოს საქართველოს, როგორც ზეწოლის ობიექტს.„არ იმჩნევენ, ჯიუტად არ იმჩნევენ. ან, პირიქით, ვერ ჩამოყალიბებულან საკუთარ რეაქციაში ნაცსექტანტები, რომლებიც "საქართველოში კი იბადებოდნენ, მაგრამ შემდგომ სულ წუხდნენ ამაზე". გამორიცხულია მათთვის შეუმჩნეველი იყოს ვაშინგტონის მიდგომის ცვლილება თბილისის მიმართ და ეს უკვე აღარ არის რიტორიკის ნიუანსი, ეს არის პარადიგმის ცვლილება. ჯო ბაიდენის ადმინისტრაციის პერიოდში საქართველო ძირითადად განიხილებოდა იდეოლოგიური ზეწოლის ობიექტად: აქცენტი კეთდებოდა არჩევნებზე, სასამართლო სისტემაზე, მედია-სივრცეზე. ეს ავტომატურად ამცირებდა ოფიციალური თბილისის სუბიექტობას: ქვეყანა თითქოს "ფასდებოდა", მაგრამ არ განიხილებოდა დამოუკიდებელ ფაქტორად რეგიონულ არქიტექტურაში.დღეს, უკრაინის ომისა და ახლო აღმოსავლეთის კრიზისის ფონზე, ეს მოდელი დაიშალა. აშშ იძულებულია გაითვალისწინოს ახალი რეალობა: გადაკეტილი რუსული მარშრუტები, საზღვაო ლოჯისტიკის რისკები და ევროპასა და აზიას შორის ალტერნატიული დერეფნების საჭიროება. ამ სისტემაში საქართველო აღარ არის „გასაროზგი ბიჭუნა“, არამედ ზრდასრული და ფუნქციონირებადი ინფრასტრუქტურული კვანძია. მის გავლით გადის შუა დერეფანი, ბაქო–თბილისი–ყარსის რკინიგზა, შენდება ახალი და იზრდება შავი ზღვის არსებული პორტების მნიშვნელობა. საქართველო უკვე აღარაა პოლიტიკური სამიზნე, არამედ მატერიალური აქტივია, რომლის იგნორირება დასავლეთს საკუთარი ინტერესების დაზიანების გარეშე აღარ შეუძლია.ტრანსფორმაციის ფაქტობრივი ნიშნები აშკარაა: აშშ-ში ექსპერტულ და პოლიტიკურ დისკუსიებში საქართველო სულ უფრო ხშირად ფიგურირებს არა „რეფორმები/დემოკრატიის“ ჭრილში, არამედ სამკუთხედში: "ლოჯისტიკა-ენერგეტიკა-მდგრადობა". ზეწოლა ბოლომდე არ გამქრალა, მაგრამ გახდა დოზირებული: ზედმეტად მკაცრი ხაზი უკვე რისკებს ქმნის ტრანზიტული სტაბილურობისთვის და, შესაბამისად, თავად აშშ-სა და ევროკავშირის ინტერესებისთვის. აქედან გამომდინარეობს სანქციური რიტორიკის შერბილება, ინფრასტრუქტურულ პროექტებზე აქცენტის გადატანა და შეფასებებში უფრო პრაგმატული ტონი.და სწორედ აქ ჩნდება ფაქტორი, რომელსაც ბევრი ვერ აფასებს სათანადოდ: რუსეთის მხრიდან საქართველოს აღქმის გარდაქმნა. სანამ მოსკოვი თბილისს აღიქვამდა ასევე, როგორც ზეწოლის ობიექტს - დიალოგის სივრცე პრაქტიკულად არ არსებობდა. მაგრამ საქართველოს მზარდი სუბიექტობა, გამყარებული არა ლოზუნგებით, არამედ აშშ-სა და ევროკავშირის პრაქტიკული დამოკიდებულებით, გარდაუვლად აიძულებს ამ ლოგიკის გადახედვას. რუსეთი ისტორიულად აწარმოებს მოლაპარაკებებს მხოლოდ მათთან, ვისაც რეალური აქტივები და ბერკეტები გააჩნია.იმ ფონზე, როცა საქართველო ყალიბდება საკვანძო ტრანზიტულ ჰაბად, მისი იგნორირება ან ძალის პოზიციიდან საუბარი სტრატეგიულად არამომგებიანი ხდება და ამის საშუალებას მას დღეს არც არავინ მისცემს. ეს ნიშნავს, რომ პერსპექტივაში მოსკოვი იძულებული გახდება გადავიდეს ზეწოლიდან ვაჭრობაზე, უკვე საკუთარი გეოეკონომიკური ინტერესებიდან გამომდინარე. სხვა სიტყვებით, ეპოქა, როცა თბილისს შეიძლებოდა ეპყრობოდნენ როგორც პერიფერიას, სრულდება - და მასთან ისე მოქცევა, როგორც მოსკოვი ზოგჯერ იქცევა ბაქოსა თუ ერევანთან, სულ უფრო ნაკლებად შესაძლებელი ხდება“ - წერს დავით ქართველიშვილი.