მსოფლიო • 1715660640

აშშ უკრაინისათვის სამხედრო დახმარების ახალ პაკეტს ამზადებს - სალივანი

ეროვნული უსაფრთხოების საკითხებში აშშ-ის პრეზიდენტის მრჩეველმა, ჯეიკ სალივანმა განაცხადა, რომ აშშ უკრაინისათვის სამხედრო დახმარების ახალ პაკეტს ამზადებს.ჯეიკ სალივანმა ხაზგასმით აღნიშნა, რომ ჯო ბაიდენის ადმინისტრაცია ცდილობს დააჩქაროს უკრაინისათვის სამხედრო დახმარების მიწოდების ტემპი.მან აღნიშნა, რომ კონგრესში გაჭიანურებული დისკუსიების გამო, უკრაინის დახმარების რამდენიმეთვიანმა დაგვიანებამ შექმნა იარაღის მიწოდების ხვრელი, ამიტომ ახლა აშშ-ის ადმინისტრაცია ცდილობს დაეხმაროს უკრაინას რაც შეიძლება მალე მიიღოს შეიარაღება.

მსოფლიო • 1715622519

ტრამპმა განაცხადა, რომ პრეზიდენტობის პირველივე დღესვე ჯო ბაიდენის მიერ დაწესებული ტრანსგენდერი სტუდენტების დაცვის პროგრამას გააუქმებს

აშშ-ის ყოფილმა პრეზიდენტმა, დონალდ ტრამპმა განაცხადა, რომ პრეზიდენტობის პირველივე დღესვე ჯო ბაიდენის მიერ დაწესებული ტრანსგენდერი სტუდენტების დაცვის პროგრამას გააუქმებს. ინფორმაციას ამის შესახებ ამერიკული მედია ავრცელებს.აშშ-ის განათლების დეპარტამენტმა აპრილში გამოაქვეყნა საბოლოო ცვლილებები სამოქალაქო უფლებების ფედერალურ კანონში, რომლის მიზანია თავიდან აიცილოს სქესის მიხედვით დისკრიმინაცია სკოლებსა და საგანმანათლებლო პროგრამებში, რომლებიც იღებენ სახელმწიფო დაფინანსებას.ახალი რეგულაციები, რომლებიც 1-ლი აგვისტოდან ამოქმედდება, პირველად მოიცავს დისკრიმინაციას სექსუალური ორიენტაციისა და გენდერული იდენტობის საფუძველზე.„ჩვენ დავასრულებთ ამას [ჩემი პრეზიდენტობის] პირველივე დღეს“, - აღნიშნა დონალდ ტრამპმა.

მსოფლიო • 1715496435

ჯო ბაიდენი აცხადებს, რომ იმ შემთხვევაში, თუ „ჰამასი“ გაათავისუფლებს მძევლებს, ცეცხლის შეწყვეტის შეთანხმება მეორე დღესვე შედგება

აშშ-ის პრეზიდენტი ჯო ბაიდენი აცხადებს, რომ იმ შემთხვევაში, თუ „ჰამასი“ გაათავისუფლებს მძევლებს, ცეცხლის შეწყვეტის შეთანხმება მეორე დღესვე შედგება. ინფორმაციას „სიენენი“ ავრცელებს.„როგორც უკვე განვაცხადე, ეს „ჰამასზეა“ დამოკიდებული. თუ მათ სურთ, ეს ხვალვე დასრულდება“, – თქვა ბაიდენმა.შეგახსენებთ, რომ ისრაელისა და „ჰამასის“ დელეგაციამ კაირო რამდენიმე დღის წინ დატოვა. მათ შორის ცეცხლის შეწყვეტის შესახებ შეთანხმება კვლავ ვერ შედგა, რადგან ისრაელის თქმით, „ჰამასი“ ეგვიპტის მიერ შეთავაზებულ ცეცხლის შეწყვეტის წინადადებას დათანხმდა, რომელიც ისრაელში არც კი განიხილებოდა. „ჰამასმა“ კი მოლაპარაკებების შეწყვეტაში, ისრაელის პრემიერ-მინისტრი ბენიამინ ნეთანიაჰუ დაადანაშაულა.

მსოფლიო • 1715492664

TikTok-ის მფლობელმა ByteDance-მა აშშ-ის ფედერალურ სასამართლოში საჩივარი შეიტანა

TikTok-ის მფლობელმა კომპანია ByteDance-მა აშშ-ის ფედერალურ სასამართლოში საჩივარი შეიტანა. საჩივარი აშშ-ის პრეზიდენტის, ჯო ბაიდენის მიერ ხელმოწერილი კანონის დაბლოკვას მოითხოვს, რომელიც ByteDance-ს სოცმედიაპლატფორმის გასხვისებას ავალდებულებს.TikTok-მა და ByteDance-მა ერთობლივი სარჩელი აშშ-ის კოლუმბიის ოლქის სააპელაციო სასამართლოში შეიტანეს. სარჩელი ამტკიცებს, რომ კანონი აშშ-ის კონსტიტუციის პირველ შესწორებას, სიტყვის თავისუფლების დაცვის ნაწილს არღვევს. კომპანიები აცხადებენ, რომ პლატფორმის გასხვისება „შეუძლებელია“. მათი მტკიცებით, TikTok-ის გაყიდვა ვერ მოხერხდება ვერც კომერციულად, ვერც ტექნოლოგიურად და ვერც სამართლებრივად.ცნობისთვის, 24 აპრილს პრეზიდენტმა ბაიდენმა ხელი მოაწერა კონგრესისა და სენატის მიერ ორპარტიულად მხარდაჭერილ კანონს, რომელიც TikTok-ის მფლობელ კომპანიას აპლიკაციის გაყიდვას ავალდებულებს, წინააღმდეგ შემთხვევაში ის აშშ-ში აიკრძალება. აშშ-ში TikTok-ს 170 მილიონი მომხმარებელი ჰყავს და პლატფორმისთვის ის უმნიშვნელოვანესი ბაზარია. ბაიდენის მიერ ხელმოწერილი კანონის თანახმად, TikTok-ის გასაყიდად დრო ByteDance-ს 2025 წლის 19 იანვრამდე აქვს.

მსოფლიო • 1715364115

ვაშინგტონი ისრაელისთვის საარტილერიო ბომბების გადაცემას არ აპირებს - ვითარება ახლო აღმოსავლეთში

ვაშინგტონი ისრაელისთვის საარტილერიო ბომბების გადაცემას არ აპირებს. ჯო ბაიდენის ამ განცხადებამ, თეთრ სახლსა და ნეთანიაჰუს ადმინისტრაციის შორის ურთიერთობა გაამწვავა.მოლაპარაკებებში, რომელიც ეგვიპტის შუამავლობით დაჯგუფება "ჰამასსა" და ისრაელს შორის მიმდინარეობდა, ჩართული იყო ვაშინგტონი. ისრაელი ტყვეების გაცვლასთან დაკავშირებით შეთავაზებას არ დათანხმდა და რაფაჰში შესვლის გადაწყვეტილება მიიღო, რასაც შტატების მხრიდან უარყოფითი რეაქცია მოჰყვა.ამერიკის პოზიციას ისრაელის პრემიერმა უპასუხა და განაცხადა, რომ რაფაჰს ტერორისტული დაჯგუფება "ჰამასი" აკონტროლებს. ნეთანიაჰუს თქმით, ისრაელის სახელმწიფოს უსაფრთხოების უზრუნველყოფისთვის, სახმელეთო ოპერაციის დაწყება აუცილებელია.საზღვრისპირა ქალაქ რაფაჰში ისრაელმა საჰაერო დარტყმები დღეს, უკვე განახორციელა, რასაც მშვიდობიანი ადამიანების სიცოცხლეც ემსხვერპლა. ტერიტორია ომის დროს ჰუმანიტარული ბანაკის ფუნქციას ასრულებს,სადაც ამ დრომდე მილიონ შვიდასი ათასი პალესტინელი ლტოლვილი რჩება.რაფაჰში მყოფმა პალესტინელებმა ისრაელის მთავრობის გაფრთხილება სასწრაფო თვით ევაკუაციის შესახებ, უკვე მიიღეს. გარკვეულმა ჯგუფებმა ღაზის სექტორში შემავალი გზა გადაკეტეს, საიდანაც ქალაქი ჰუმანიტარული ტვირთით მარაგდებოდა.ისრაელს ცეცხლის შეწყვეტისკენ მოუწოდებს გაერო. ადამიანის უფლებების დაცვისა და ჯანდაცვის ორგანიზაციები გარდაუვალ ჰუმანიტარულ კატასტროფაზე საუბრობენ.ღაზაში ომის დაწყებიდან დღემდე, ქალაქ რაფაჰს თავი ორ მილიონამდე ადამიანმა შეაფარა. მშვიდობიან მოქალაქეებს რაფაჰში გადასვლისკენ, თავად ისრაელის მთავრობა მოუწოდებდა. თუმცა, დღეს ქალაქი მოსალოდნელი საფრთხის გამო, 110 000-მა ადამიანმა უკვე დატოვა.

მსოფლიო • 1715251257

ბაიდენის განცხადებით, თუ ისრაელი რაფაჰში ფართომასშტაბიან სამხედრო ოპერაციას დაიწყებს, აშშ მას იარაღსა და საარტილერიო ჭურვებს არ მიაწვდის

თუ ისრაელი ქალაქ რაფაჰში ფართომასშტაბიან სამხედრო ოპერაციას დაიწყებს, ამერიკის შეერთებული შტატები მას იარაღსა და საარტილერიო ჭურვებს არ მიაწვდის, - ამის შესახებ აშშ-ის პრეზიდენტმა ჯო ბაიდენმა CNN-ისთვის მიცემულ ინტერვიუში განაცხადა.ის რაფაჰში ამ ეტაპზე არსებულ ვითარებას ისრაელის მხრიდან სახმელეთო ოპერაციის დაწყებად არ აფასებს, ვინაიდან ისრაელის არმია დასახლებულ პუნქტებში არ შესულა.„მკაფიოდ განვაცხადე, რომ თუ რაფაჰში შევლენ - და ჯერ რაფაჰში არ შესულან - არ მოვამარაგებ მათ იარაღით, რომელსაც ისტორიულად იყენებდნენ რაფაჰში და სხვა ქალაქებში პრობლემების მოსაგვარებლად“, - განაცხადა პრეზიდენტმა.გასულ კვირას ვაშინგტონმა, რაფაჰთან დაკავშირებული შეშფოთების გამო, ისრაელს იარაღის ერთი პარტიის მიწოდება უკვე შეუჩერა.

მსოფლიო • 1715235092

ბენიამინ ნეთანიაჰუ რაფაჰში ფართომასშტაბიანი შეჭრის ბრძანებას თუ გასცემს, აშშ შეაჩერებს ზოგიერთი ამერიკული იარაღის ისრაელისთვის მიწოდებას - ბაიდენი

ბენიამინ ნეთანიაჰუ რაფაჰში ფართომასშტაბიანი შეჭრის ბრძანებას თუ გასცემს, აშშ შეაჩერებს ზოგიერთი ამერიკული იარაღის ისრაელისთვის მიწოდებას, – ამის შესახებ აშშ-ის პრეიზდენტმა, ჯო ბაიდენმა „სეინენთან“ ინტერვიუში განაცხადა.„ამ ბომბების შედეგად ღაზაში მშვიდობიანი მოსახლეობა დაიღუპა და იმ სხვა გზებით, რომელთა სამიზნეც იყო დასახლებული პუნქტები. მე გარკვევით განვაცხადე, რომ თუ ისინი შევლენ რაფაჰში, სადაც ჯერ არ შესულან, არ მივაწოდებ იარაღს, რომელიც ისტორიულად გამოიყენებოდა რაფაჰთან საბრძოლველად, ქალაქებთან საბრძოლველად – ეს კი ამ პრობლემას წყვეტს“, – თქვა ბაიდენმა.როგორც აშშ-ის პრეზიდენტი ამბობს, ის გაგრძელებს ისრაელის უსაფრთხოების უზრუნველყოფას.ბაიდენის თქმით, არ მიიჩნევს, რომ ისრაელის რაფაჰზე იერიში სახმელეთო ოპერაციაა.„ისინი არ შესულან დასახლებულ პუნქტებში. რაც გააკეთეს არის საზღვარზე“, – თქვა მან.ინტერვიუს დროს ბაიდენმა ასევე განაცხადა, რომ ისრაელმა აშშ-ის მიერ მიწოდებული იარაღი ღაზაში მშვიდობიანი მოსახლეობის წინააღმდეგ გამოიყენა, ხოლო ჟურნალისტის კითხვაზე, გადაკვეთა თუ არა ისრაელმა წითელი ხაზი, პრეზიდენტმა უპასუხა, რომ ჯერ არა.

მსოფლიო • 1715231228

ვაშინგტონი ოპტიმიზმს ინარჩუნებს ისრაელსა და „ჰამასს“ შორის ცეცხლის შეწყვეტის პოტენციური შეთანხმების მიღწევასთან დაკავშირებით - კარინ ჟან-პიერი

ვაშინგტონი ოპტიმიზმს ინარჩუნებს ისრაელსა და „ჰამასს“ შორის ცეცხლის შეწყვეტის პოტენციური შეთანხმების მიღწევასთან დაკავშირებით, - ამის შესახებ თეთრი სახლის პრესსპიკერმა კარინ ჟან-პიერმა განაცხადა.„ორივე მხარის პოზიციების დეტალური შეფასება აჩვენებს, რომ მათ შეუძლიათ უთანხმოების დაძლევა. ამიტომ, ვაპირებთ განვაგრძოთ ამ პროცესის მხარდაჭერა“, – აღნიშნა ჟან-პიერმა.მისივე თქმით, ბაიდენის ადმინისტრაციის მთავარი პრიორიტეტი ღაზის სექტორისთვის დახმარების გაზრდა და მძევლების დაბრუნებაა.

მსოფლიო • 1715144964

რაფაჰში სასაზღვრო გამშვები პუნქტი კერემ შალომი დღეს გაიხსნება

რაფაჰში, სამხედრო ოპერაციის შედეგად ჩაკეტილი სასაზღვრო გამშვები პუნქტი კერემ შალომი დღეს გაიხსნება, - ამის შესახებ ისრაელზე დაყრდნობით, შეერთებული შტატები იუწყება.საგანგებო განცხადება თეთრი სახლის პრესმდივანმა გააკეთა და აღნიშნა, რომ 24 საათიანი პაუზის შემდეგ, ღაზაში ჰუმანიტარული ტვირთოს მიწოდება აღდგება.„ჩვენ ძალიან მკაფიოდ მივანიშნეთ, რომ დაკეტილი გასასვლელები უნდა გაიხსნას, ჩაკეტვა დაუშვებელია. კიდევ ერთხელ ვამბობთ, რომ სექტორში ჰუმანიტარული დახმარება უნდა გააქტიურდეს. ამიტომაც ძალიან მნიშვნელოვანია, შედგეს ცეცხლის შეწყვეტის შეთანხმება, რაც მძევლების გათავისუფლებას შეუწყობს ხელს. პრეზიდენტი ბაიდენი პრემიერ ნეთანიაჰუს ამის შესახებ კიდევ ერთხელ ესაუბრა და მისგან პირობა მიიღო, რომ კერემ შალომის გასასვლელი გაიხსნება“, - განაცხადა თეთრი სახლის პრესსპიკერმა კარინ ჟან პიერმა.

მსოფლიო • 1715063678

ჯო ბაიდენმა და იორდანიის მეფე აბდულა მეორემ ღაზაში მიმდინარე სიტუაცია განიხილეს

აშშ-ის პრეზიდენტმა, ჯო ბაიდენმა და იორდანიის მეფე აბდულა მეორემ ღაზაში მიმდინარე სიტუაცია განიხილეს.„მათ ხაზგასმით აღნიშნეს „ჰამასის“ მიერ ისრაელელი მძევლების გათავისუფლების აუცილებლობა და გრძელვადიანი ცეცხლის შეწყვეტის შეთანხმება, რომელიც გაზრდის ჰუმანიტარული დახმარების მიწოდებას ღაზაში,”-ნნათქვამია თეთრი სახლის განცხადებაში.მხარეებმა ასევე აღნიშნეს, რომ აუცილებელია გრძელვადიანი მშვიდობა, რომელიც მოიცავს გზას პალესტინის სახელმწიფოს შექმნისკენ, ისრაელისთვის უსაფრთხოების გარანტიებით.ბაიდენმა ასევე მადლობა გადაუხადა მეფე აბდულა მეორეს გაწეული ძალისხმევისთვის.აბდულა მეორემ კი გააფრთხილა ბაიდენი, რომ ისრაელის მიერ რაფაჰზე განხორციელებული თავდასხმა, სადაც 1.4 მილიონი იძულებით გადაადგილებული პალესტინელია, ახალი ხოცვა-ჟლეტის საფრთხეს წარმოშობს.

პოლიტიკა • 1714730656

გოგა ხაინდრავა განცხადებას ავრცელებს

კინორეჟისორი გოგა ხაინდრავა განცხადებას ავრცელებს."გუშინ სახელმწიფო დეპარტამენტის პრესსპიკერმა მეთიუ მილერმა, თეთრი სახლის ეროვნული უშიშროების საბჭოს სტრატეგიული კომუნიკაციების კოორდინატორმა ჯონ კირბიმ და ამერიკის ელჩმა საქართველოში ქ-მა დენიგანმა, ერთი მეორის მიყოლებით შეშფოთება და აღშფოთება გამოთქვეს თბილისში მიმდინარე პროცესებთან დაკავშირებით. პირველ რიგში „მშვიდობიანი მომიტინგეების“ მიმართ პოლიციის მხრიდან თითქოსდა გადამეტებული ძალის გამოყენების გამო. ანუ, ის რომ ქართველი პოლიციელები, შიდა პერიმეტრზე გამაგრებულები, იცავდნენ იმ მომენტისთვის საქართველოს პარლამენტის ცარიელ შენობას, ვანდალებისგან, რომლებიც ცეცხლით და მახვილით, მთელი ღამის განმავლობაში უტევდნენ, ძალადობდნენ, აგინებდნენ, შეურაცხყოფდნენ, ქვებს და ბოთლებს ესროდნენ სამართალდამცველებს, რაც მთელმა საქართველომ და მსოფლიომ პირდაპირ ეთერში იხილა, ნუ იტყვი და ეს ამერიკელი ჩინოვნიკებისთვის მშვიდობიანი აქციის მონაწილეების წინააღმდეგ შემაშფოთებელი ძალადობა ყოფილა. და ეს მაშინ, როდესაც იმავე დღეს, ნიუ-იორკში, კოლუმბიის უნივერსიტეტის სივრცეში მიმდინარე სტუდენტების მშვიდობიან საპროტესტო აქციის მონაწილეებზე ამერიკული პოლიციის მიერ შტურმი იყო განხორციელებული. რობოკოპები სცემდნენ, არბევდნენ, სასტიკად უსწორდებოდნენ ახალგაზრდებს. შეანგრიეს კამპუსის ფანჯრები და კარები. დააპატიმრეს 300 სტუდენტი.პრეზიდენტი ჯო ბაიდენი, ნიუ-იორკის მერი ადამსი, სხვადასხვა დონის ჩინოვნიკები აღფრთოვანებით შეხვდნენ პოლიციის მხრიდან ამერიკული დემოკრატიის დაცვის ამ სამაგალითო გამოვლინების ფაქტს! ერთხმად დაგმეს სტუდენტების საქციელი!ცხადია მსგავსი განცდა ამ ფაქტზე ექნებოდათ თეთრი სახლის პრესსპიკერს მეთიუ მილერს, თეთრი სახლის ეროვნული უშიშროების საბჭოს სტრატეგიული კომუნიკაციების კოორდინატორ კირბის და ელჩ დენიგანს. რადგან იქ ამერიკაში, დემოკრატიის მექაში! სტუდენტების მხრიდან გამოხატვის უფლების, რობოკოპების მიერ აღკვეთა და ბარბაროსული დარბევა, წესრიგის აღდგენა და ლიბერალური დემოკრატიის ზეიმია! აქ კი, მათთვის ვასალურ ჯორჯიაში! ქართული პოლიციის მიერ, უმაღლესი ევროპული, პროფესიონალური სტანდარტით მოქმედება, ფარისეველი ამერიკელი ჩინოვნიკების და მათ მიერ იღლიის ქვეშ ამოდებული, ევროკავშირის მექრთამე დეპუტატების მიერ, ქართული პოლიციის წინააღმდეგ წარმოებული ბინძური კამპანიის საბაბია!პროტესტის პირობებში სტუდენტების ბრუტალურად ცემა და გარეთ გამოყრა მეორე ხარისხოვანი ხდება იმ უმძიმესი, დამაშანტაჟებელი და მასტიგმატიზირებელი განცხადებების ფონზე, რომელიც ამერიკის უმაღლესი თანამდებობის პირებმა გააკეთეს! მათი პრინციპული განცხადებით, ფანჯრების ჩამტვრევის და გარკვეული საგნების დაზიანების გამო, აღარ უნდა დაფინანსდნენ პროტესტში ჩართული სტუდენტების უმივერსიტეტები, მეორე მხრივ კი, თავად ისინი მომავალში სამსახურში არავინ უნდა მიიღოს!აი ეს მივიღეთ ერთ დროს ყველასთვის მისაბაძი ამერიკული დემოკრატიისგან - ახალი ტიპის ფსევდოდემოკრატია, სიტყვის და გამოხატვის თავისუფლების განულებული ღირებულებებით. ჩვენთვის დემოკრატიის სწავლების ამბიციის მქონე ამერიკელებმა, ნაციონალური მოძრაობის სახით, 2003 წელს ერთხელ უკვე შემოგვიტანეთ “დემოკრატია” და ქვეყანაში სადისტური რეჟიმის დამყარებას შეუწყვეთ ხელი. დღეს, ამერიკაშიც იმავე ტიპის “დემოკრატიული” წესები მოქმედებს და კიდევ ერთხელ გსურთ ჩვენს ქვეყანასაც მოახვიოთ თავს, მაგრამ ეს მეორედ ვეღარ მოხდება! ამას აღარავინ დაუშვებს!სწორედ ამის სურვილის გამოვლინებაა, რომ ყოველდღიურად შფოთავთ, დღეში 2-3 განცხადებას აკეთებთ, აკერმანის რეკრუტირებულ 300-400 ბავშვს აგულიანებთ, დარბიან ეს ჭინკებიც და ანგრევენ მთელ თბილისს. გირჩევნიათ საკუთარ პროტესტებს მიხედოთ, ყველანაირი დემოკრატიული სტანდარტის გარეშე ბრუტალურად რომ არბევთ სტუდენტებს!ყარს დანიის სამეფო, ჯერ კიდევ როდის გვაფრთხილებდა შექსპირი! მთელს მსოფლიოს მოედო შმორის სურნელი! გადატრიალებები, „მეიდანები“, ავღანური გაზაფხულები, ვენესუელაში თეთრი სახლიდან დანიშნული „პრეზიდენტები“, „დემოკრატიის შუქურები“ მორჩა! ჩაბარდა ისტორიას კოლონიალიზმი! XXI საუკუნეა! გამოფხიზლდით! დღევანდელ მსოფლიოს სჭირდება პარტნიორობა და არა ბატონყმობა! ყურადიღეთ საფრანგეთის აფრიკული გამოცდილება! ეს პროცესის მხოლოდ დასაწყისია! სხვათა შორის მისტერ მილერ, მისტერ კირბი და მისს დენიგან, ხომ არ გინახავთ გუშინ როგორ პირუტყვებივით ექცეოდა საფრანგეთის პოლიცია დემონსტრანტებს, რა სისასტიკით სცემდნენ, ძაღლებს უქსევდნენ ადამიანებს, ხელკეტებით ცხვირ-პირს უმტვრევდნენ!? არ გაშფოთებთ და არ აღგაშფოთებთ საფრანგეთში ევროპულ და დემოკრატიულ ფასეულობებთან მსგავსი შეუსაბამო ქმედებები, იქნებ მოგვახსენოთ თქვენი აზრი უახლოეს ბრიფინგზე თეთრ სახლში ან თუნდაც განცხადებების სახით. როგორც თქვენ გაღელვებთ საქართველოში, ესე ჩვენ გვაღელვებს დემოკრატიის ხარისხი ევროპაში და ამერიკაში, რადგან კონსტიტუციით გვაქვს გაცხადებული ევროპული კურსი და ნატოს წევრობა. ხომ უნდა იცოდეს ჩვენმა საზოგადოებამ და პირველ რიგში, ამჟამად თბილისის ქუჩებიდან „შიგ ევროპაში“, ნაციონალური მოძრაობის თაოსნობით დაძრულმა, თქვენი ფინანსური მოწყალების შედეგად აკერმანულად დატრენინგებულმა Gen Z-ი სადო-საძმომ, რა ელოდება იქ, ლიბერალურ, ლგბტ, უსარწმუნოებო, ამჟამინდელი დასავლური ფსევდო ღირებულებებით გაცისკროვნებულ სამყაროში.და ბოლოს, უცხოური გავლენის გამჭირვალობის შესახებ კანონს ჩვენ აუცილებლად მივიღებთ, რადგან, როგორც თქვენმა სტრატეგიულმა პარტნიორობამ, რუსულ-ამერიკულმა FARA-ს კანონმა და ევროკომისიის დირექტივამ დაგვარწმუნა, ის აუცილებლად სჭირდება ჩვენ ქვეყანას, რომ სამომავლოდ თავიდან ავიცილოთ უცხოური აგენტურის სიჭარბე და თქვენ მიერ დაგეგმილი და მათ მიერ განხორციელებული შემოტევის მცდელობები ჩვენ სახელმწიფოებრიობაზე და სუვერენიტეტზე! ლგბტ პროპაგანდისგანაც ავარიდებთ ჩვენ შვილებს და შვილიშვილებს! და ყველა თაობა ერთად დავიცავთ ჩვენს მამულს, ენას და სარწმუნოებას!საქართველო დღეს შემდგარი, სუვერენული და დემოკრატიული სახელმწიფოა. თქვენგან განსხვავებით არა ყალბ და დეგრადირებულ, არამედ ტრადიციულ ევროპულ, ანუ ქრისტიანულ ღირებულებებზე დაფუძნებული ქვეყანა. ევროპული ოჯახის, საუკუნოვანი, ერთგული და თავგანწირული გუშაგი და დამცველი! ჩვენ აუცილებლად გავწევრიანდებით ღირსეული ევროპელი ხალხების და ქვეყნების, თანამედროვე კავშირში! რადგან ქართველმა ხალხმა ეს დაიმსახურა თავისი წარსულით, აწმყოთი და მომავალზე ზრუნვით!", - წერს გიორგი ხაინდრავა.

მსოფლიო • 1714466794

აშშ-ის კონგრესი საპასუხო ზომებით ემუქრება ჰააგის სასამართლოს, თუ ისრაელის მთავრობის წევრების წინააღმდეგ დაკავების ორდერები გაიცემა

აშშ-ის კონგრესი საპასუხო ზომებით ემუქრება ჰააგის სასამართლოს, თუ ისრაელის მთავრობის წევრების წინააღმდეგ დაკავების ორდერები გაიცემა, – ამის შესახებ გამოცემა „აქსიოსი“ წერს.გავრცელებული ცნობით, კონგრესის დემოკრატიული და რესპუბლიკური პარტიების წევრები აცხადებენ, რომ შესაბამისი კანონმდებლობა უკვე დამუშავების პროცესშია.კონგრესის ქვედა პალატის სპიკერმა, მაიკ ჯონსონმა გამოაქვეყნა განცხადება, სადაც ხსენებულ ორდერებს „სამარცხვინო“ და „უკანონო“ უწოდა. მაიკ ჯონსონის განცხადებით, თუ ბაიდენის ადმინისტრაცია წინააღმდეგობას არ გაწევს, სისხლის სამართლის საერთაშორისო სასამართლოს შეუძლია, შექმნას და აიღოს უპრეცედენტო ძალაუფლება ამერიკელი პოლიტიკური ლიდერების, ამერიკელი დიპლომატების და ამერიკელი სამხედრო პერსონალის წინააღმდეგ დაპატიმრების ორდერის გასაცემად.„აქსიოსის“ თანახმად, ისრაელის პრემიერ-მინისტრი ბენიამინ ნეთანიაჰუ იქამდე მივიდა, რომ მოუწოდა პრეზიდენტ ბაიდენს, ჩაერიოს ორდერების თავიდან ასაცილებლად.„აქსიოსი“ წერს, რომ თეთრმა სახლმა უარი თქვა კომენტარის გაკეთებაზე ნეთანიაჰუს მხრიდან ბაიდენისთვის მოწოდებაზე, მაგრამ განაცხადა, რომ სისხლის სამართლის საერთაშორისო სასამართლოს არ აქვს იურისდიქცია ამ სიტუაციაში და პრეზიდენტის ადმინისტრაცია არ უჭერს მხარს მის გამოძიებას.ისრაელის მთავრობა ვარაუდობს, რომ ჰააგის სასამართლოს პროკურორი კარიმ ხანი, ისრაელის პრემიერ-მინისტრის, ბენიამინ ნეთანიაჰუს, ისრაელის თავდაცვის მინისტრის, იოავ გალანტის და ისრაელის თავდაცვის ძალების გენშტაბის ხელმძღვანელის, ჰერცი ჰალევის წინააღმდეგ დაკავების ორდერებს მიმდინარე კვირაში გამოსცემს.