აშშ
ფინანსები • 1787059175
რამდენ ლარად შეიძენთ დოლარს და ევროს 19 აგვისტოს
ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.6145 ლარი გახდა. კურსი, რომელიც დღეს მოქმედებდა, 2.6152 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0007 ლარი შეადგინა.რაც შეეხება ევროს, მისი კურსი 3.0265 ლარია. მაშინ, როცა დღეს მოქმედი კურსი 3.0315 ლარს შეადგენდა. შესაბამისად, ევროს ცვლილებამ 0.0050 ლარი შეადგინა.
მსოფლიო • 1787054490
აშშ-ის პრეზიდენტმა, დონალდ ტრამპმა სოციალურ ქსელში გამოქვეყნებულ ფოტოზე ჰორმუზის სრუტე „აშშ-ის ახალ ტერიტორიად“ მოიხსენია.აშშ-ის პრეზიდენტმა, დონალდ ტრამპმა თავის სოციალურ ქსელში, Truth Social-ზე, ჰორმუზის სრუტის რუკის სურათი გამოაქვეყნა წარწერით „აშშ-ის ახალი ტერიტორია“.ტრამპის მიერ გამოქვეყნებულ რუკაზე ირანსა და ომანს შორის მდებარე ჰორმუზის სრუტე წრეშია მონიშნული, ხოლო გამოსახულების ზემოთ ინგლისურ ენაზე წარწერაა „აშშ-ის ახალი ტერიტორია“.
მსოფლიო • 1787046300
იტალიის პოლიციამ პარასკევს ფრანგი მხატვრების - პოლ სეზანის, პიერ ოგიუსტ რენუარის და ანრი მატისის სამი ნახატი ამოიღო, რომლებიც მარტში ჩრდილოეთით მდებარე ქალაქ პარმასთან მდებარე მუზეუმიდან მოიპარეს.პოლიციამ გამოაქვეყნა ქურდობის ამსახველი ვიდეო, სადაც ჩანს, როგორ შედის ორი ნიღბიანი ქურდი ფანჯრიდან, კედლიდან ხსნის სამ ნახატს და მაშინვე ტოვებს შენობას. ძარცვას სამ წუთზე ნაკლები დრო დასჭირდა.იტალიის კულტურული მემკვიდრეობის დაცვის დანაყოფის კარაბინიერებმა ნამუშევრები პოლიციის მიერ რთული გამოძიების შემდეგ ამოიღეს. ხელოვნების ექსპერტების თქმით, მათი სავარაუდო ღირებულება 9 მილიონ ევროს (10,4 მილიონი აშშ დოლარი) აჭარბებს. @primetime.ge კამერის ჩანაწერები: მძარცველებმა მუზეუმიდან სამ წუთში მოიპარეს რენუარის, პოლ სეზანის და ანრი მატისის ნახატები ♬ original sound - Prime Time • პრაიმ ტაიმი
ტექნოლოგიები • 1787046298
აშშ-ის ოთხი შტატი კომპანია „მეტას“ სასამართლოში უჩივის ბავშვებში „ფეისბუქისა“ და „ინსტაგრამზე“ დამოკიდებულების ჩამოყალიბებისთვის.სასამართლო პროცესი კალიფორნიაში დღეს იწყება. პროცესზე ასევე დაიკითხება „მეტას“ დამფუძნებელი მარკ ცუკერბერგი.როგორც კალიფორნიის, კოლორადოს, კენტუკისა და ნიუ-ჯერსის შტატების სარჩელშია ნათქვამი, „მეტამ“ შეცდომაში შეიყვანა საზოგადოება აღნიშნული სოციალური ქსელების უსაფრთხოებასთან დაკავშირებით და გამიზნულად აქცია აპლიკაციები არასრულწლოვნებში დამოკიდებულების გამომწვევად.შტატების სახელით ადვოკატები აცხადებენ, რომ მშობლების თანხმობის გარეშე 13 წელს ქვემოთ ასაკის ბავშვების შესახებ მონაცემების შეგროვებით „მეტა“ კონფიდენციალურობის კანონს არღვევს.შტატები ზარალის ანაზღაურებისთვის 200 მილიარდი დოლარის ოდენობით თანხასა და „მეტას“ პლატფორმებზე არსებითი ცვლილებების შეტანას მოითხოვენ.
მსოფლიო • 1787046209
ირანის პარლამენტის სპიკერი და მთავარი მომლაპარაკებელი მოჰამად ბაღერ ღალიბაფი აცხადებს, რომ ჰორმუზის სრუტე დახურული დარჩება ვიდრე, შეერთებული შტატები ირანთან დროებითი შეთანხმების პირობებს არ შეასრულებს.მისივე თქმით, თეირანი შემდეგი პირობების შესრულებას მოითხოვს: შეერთებული შტატები მოხსნის საზღვაო ბლოკადასა და ნავთობის წინააღმდეგ დაწესებულ სანქციებს; გაათავისუფლებს ირანის გაყინული აქტივების და დაასრულებს ყველა ფრონტზე სამხედრო საფრთხეებისა და ოპერაციებს.ამასთან, სპიკერის განცხადებით, ირანის მოწინააღმდეგეები ცდილობენ, ქვეყანაში არეულობის გაღვივებას. ღალიბაფმა ირანელები გააფრთხილა, რომ მსგავს პროვოკაციებს არ წამოეგონ და აღნიშნა, რომ შიდა დავები ქვეყანას დაასუსტებს და უცხოელ მოწინააღმდეგეებს წაახალისებს.
საზოგადოება • 1787039932
ვინ გახდება „საგანძურის მარათონის“ ყველაზე ძლიერი საგვარეულო?
„საგანძურის მარათონში“ კონკურენცია სულ უფრო მძაფრდება - ამჯერად, მოთამაშეები არა მხოლოდ საკუთარი შედეგისთვის, არამედ საგვარეულოს პირველობისთვისაც იბრძვიან. თითოეული მონაწილეს აქტივობა გავლენას ახდენს მისი საგვარეულოს საერთო შედეგზე, რაც ლიდერობისთვის ბრძოლას ყოველდღიურად ცვლის.ყველაზე ძლიერი საგვარეულოს ტიტულისთვის ერთმანეთს ხარჯიანები, ბარათიშვილები, დოვლათიანები და ანაბრიძეები ეჯიბრებიან. ლიდერებს შორის სხვაობა მცირეა, ამიტომ, მარათონის დასრულებამდე ლიდერი შესაძლოა რამდენჯერმე შეიცვალოს.„საგანძურის მარათონში“ ახლა მხოლოდ პირადი გამარჯვება აღარ არის მთავარი - მოთამაშის თითოეული ნაბიჯი საკუთარი საგვარეულოს შედეგზეც აისახება. შესაბამისად, საგვარეულოს გასაძლიერებლად ყველაზე მარტივი გზა თავად მარათონში აქტიურობაა. მონაწილეებს, ასევე, შეუძლიათ, თამაშში ოჯახის წევრები და მეგობრები ჩართონ და საგვარეულოს ახალი წევრები შემატონ.მარათონის მასშტაბს საპრიზო ფონდიც აჩვენებს - ფინალური ეტაპისთვის 50 000 ლარია გათვალისწინებული, ხოლო ამ ეტაპზე, უკვე გამოვლენილი და დასაჩუქრებულია დაახლოებით 200 გამარჯვებული 250 000-ლარიანი საერთო საპრიზო ფონდიდან.მარათონის ფინალური ეტაპის მოახლოებასთან ერთად, ბრძოლა კიდევ უფრო საინტერესო ხდება - ვინ დაიკავებს პირველი ადგილს: ხარჯიანები, ბარათიშვილები, დოვლათიანები თუ ანაბრიძეები? პასუხი შესაძლოა ყოველდღიურად შეიცვალოს და საბოლოო გამარჯვებულს, სწორედ, მონაწილეების აქტიურობა გამოავლენს.საგანძურისთვის ბრძოლა გადამწყვეტ ეტაპზე გადადის. „საგანძურის მარათონში“ ჩართვა კი, თიბისის მობაილბანკიდან შეგიძლია - შემოდი, იპოვე შენი საგვარეულო და დაეხმარე მას ლიდერობის მოპოვებაში. ვინ იცის, იქნებ სწორედ შენმა აქტიურობამ შეცვალოს რეიტინგი.
ფინანსები • 1787038569
ეროვნული ბანკი: ივნისში ლარი როგორც დოლარის, ასევე ევროს მიმართ გამყარდა
საქართველოს ეროვნულმა ბანკმა სავალუტო ბაზარზე არსებული ვითარება მიმოიხილა. ეროვნული ბანკის ინფორმაციით, ივნისში, წინა თვესთან შედარებით, ლარის საშუალო გაცვლითი კურსი აშშ დოლარის მიმართ 2.6806-დან 2.6561- მდე, ანუ 0.9%-ით, ხოლო ევროს მიმართ 3.1315-დან 3.0621-მდე, ანუ 2.2%-ით გამყარდა.მათივე ცნობით, თვის ბოლოს ლარის ოფიციალურმა გაცვლითმა კურსმა აშშ დოლარისა და ევროს მიმართ 2.6453 და 3.0156 შეადგინა. აღნიშნულ პერიოდში ლარი-დოლარის გაცვლითი კურსის მაქსიმალური მნიშვნელობა 2.6693 იყო, მინიმალური კი – 2.6453. ივნისში, დოლარის საშუალო კურსთან შედარებით, გაცვლითი კურსის მაქსიმალური მნიშვნელობა მინიმალურზე მეტად იყო გადახრილი.„ივნისში, საშუალოდ დოლართან მიმართებაში, თურქულმა ლირამ, როგორც თვის, ასევე წლიურ ჭრილში გაუფასურება განაგრძო. თვის ჭრილში, ასევე გაუფასურდა ევრო და რუსული რუბლი. მცირედ გამყარდა სომხური დრამი, აზერბაიჯანული მანათი კი პრაქტიკულად არ შეცვლილა. რაც შეეხება ლარს, გამყარება შეინიშნება როგორც თვიურ, ასევე წლიურ დონეზე. შედეგად, ლარის ნომინალური ეფექტური გაცვლითი კურსი გამყარდა, როგორც თვიურ, ისე წლიურ ჭრილში. კერძოდ, ივნისში წლიურად 3.8%-ით, თვის ჭრილში კი 1.7%-ით გამყარდა.რაც შეეხება ლარის რეალურ ეფექტურ გაცვლით კურსს, იგი წლიურად 1.3%-ით, თვის ჭრილში კი 1.6%-ით გამყარდა. ნომინალური ეფექტური გაცვლითი კურსის გამყარება რეალურ ეფექტურ გაცვლით კურსზე გამყარების მიმართულებით მოქმედებდა, თუმცა წლის ჭრილში ცალკეულ ქვეყნებთან, მათ შორის თურქეთთან ინფლაციის მაღალი დიფერენციალი რეალურ ეფექტურ გაცვლით კურსზე გაუფასურების მიმართულებით აისახებოდა. ჯამურად, ნომინალური კურსის გამყარება და ინფლაციებს შორის დიფერენციალი ერთმანეთს აბალანსებს, რაც ბოლო თვეებში რეალური ეფექტური გაცვლითი კურსის დონის მის წონასწორულ დონესთან ახლოს შენარჩუნებას განაპირობებს“, – ნათქვამია ეროვნული ბანკის ანგარიშში.
ფინანსები • 1787038483
ივნისში საქართველოში გადმორიცხული ფულადი გზავნილების მოცულობა წლიურად 10.4%-ით, 348.3 მლნ აშშ დოლარამდე, გაიზარდა. საქართველოდან გადარიცხული თანხების მოცულობა კი 16.0%-ით, 39.8 მლნ აშშ დოლარამდე გაიზარდა, – ამის შესახებ ეროვნული ბანკის მიერ გამოქვეყნებულ ანგარიშშია ნათქვამი.ცენტრალური ბანკის ცნობით, გადმორიცხული ფულადი ნაკადების ზრდაში წამყვანი წვლილი რუსეთიდან მიღებულმა გზავნილებმა შეიტანა წლიური 25.1%-იანი ზრდით. 12.7%-იან ზრდას განაგრძობდა აშშ-დან მიღებული გზავნილების წვლილი. ევროკავშირიდან გზავნილების ზრდამ წლიურად 4.8% შეადგინა.„ივნისში ფულადი გზავნილების ძირითად წყაროს 42.2%-იანი წილით ევროკავშირის ქვეყნები, აშშ 19.0%-იანი წილით და რუსეთი 14.8%-იანი წილით წარმოადგენდნენ. ევროკავშირის ქვეყნებიდან აღსანიშნავია იტალიის (15.6%), გერმანიის (8.7%) და საბერძნეთის (7.9%) მაღალი წილი“, – აღნიშნულია საქართველოს ეროვნული ბანკის ინფორმაციაში.
პოლიტიკა • 1787037873
აშშ-ის წინა ადმინისტრაცია ქვეყანასთან, რომელსაც სტრატეგიულ პარტნიორად მოიხსენიებდა, ხშირად სრულიად უსამართლოდ, უკიდურესად ხისტად მოქმედებდა და საქართველოს მიმართ პოლიტიკური ზეწოლის სხვადასხვა მექანიზმს იყენებდა, – ამის შესახებ საქართველოს პრემიერ-მინისტრმა ირაკლი კობახიძემ მთავრობის ადმინისტრაციაში ბრიფინგზე განაცხადა.მისივე თქმით, მათი ამგვარი დამოკიდებულება განსაკუთრებით თვალსაჩინო გახდა სწორედ იმ საკითხებთან მიმართებით, რომლებიც საქართველოს სუვერენიტეტს, კანონმდებლობას, გამჭვირვალობასა და საზოგადოებრივ ღირებულებებს უკავშირდებოდა.„ერეკლე მეორის დროინდელი რეალობის უკეთ გასააზრებლად, დღევანდელ კრიტიკოსებს თუ მხარდამჭერებს ერთი მნიშვნელოვანი რამ უნდა შევახსენოთ, კონკრეტულად კი ის, თუ როგორ მოქმედებენ სახელმწიფოები საქართველოს მიმართ მაშინაც კი, როდესაც ისინი საკუთარ თავს ჩვენს სტრატეგიულ პარტნიორებად ან მეგობრებად მოიხსენიებენ.ამის ნათელი მაგალითია ამერიკის შეერთებული შტატები. აშშ-ის წინა ადმინისტრაცია ქვეყანასთან, რომელსაც სტრატეგიულ პარტნიორად მოიხსენიებდა, ხშირად სრულიად უსამართლოდ, უკიდურესად ხისტად მოქმედებდა და საქართველოს მიმართ პოლიტიკური ზეწოლის სხვადასხვა მექანიზმს იყენებდა. მათი ამგვარი დამოკიდებულება განსაკუთრებით თვალსაჩინო გახდა სწორედ იმ საკითხებთან მიმართებით, რომლებიც საქართველოს სუვერენიტეტს, კანონმდებლობას, გამჭვირვალობასა და საზოგადოებრივ ღირებულებებს უკავშირდებოდა. როდესაც საქართველოს ხელისუფლებამ გარკვეულ საკითხებზე საკუთარი პოზიციის დაცვა და დამოუკიდებელი გადაწყვეტილებების მიღება სცადა, ამის პასუხად პოლიტიკური და დიპლომატიური ზეწოლის სხვადასხვა ფორმა მივიღეთ“,- აღნიშნა პრემიერმა.
სამართალი • 1787036100
შინაგან საქმეთა სამინისტროს ცენტრალური კრიმინალური პოლიციის დეპარტამენტისა და საქართველოს გენერალური პროკურატურის თანამშრომლებმა, ამერიკის შეერთებული შტატების სახელმწიფო დეპარტამენტის წარმომადგენლებთან გაფორმებული ერთობლივი დეკლარაციის ფარგლებში, გამოძიების ფედერალურ ბიუროსთან (FBI) ორმხრივი მჭიდრო კოორდინაციის შედეგად, ამერიკის შეერთებული შტატების სამართალდამცავი ორგანოების მიერ საერთაშორისო დონეზე ძებნილი, ამერიკის შეერთებული შტატებისა და უზბეკეთის რესპუბლიკის მოქალაქე დააკავეს.იმფორმაციას შსს ავრცელებს.უწყების ცნობით, მამაკაცი უცხოური ტერორისტული ორგანიზაციისთვის მატერიალური მხარდაჭერის აღმოჩენის მიზნით შეთქმულების, მატერიალური მხარდაჭერის აღმოჩენისა და აღმოჩენის მცდელობის ბრალდებით იძებნებოდა."ცენტრალური კრიმინალური პოლიციის დეპარტამენტის ორგანიზებულ დანაშაულთან ბრძოლის მთავარი სამმართველოს ძებნის სამმართველოს თანამშრომლებმა აღნიშნული პირი, თბილისის საერთაშორისო აეროპორტში, ერთ-ერთი ქვეყნიდან საქართველოში ჩამოფრენისას დააკავეს.ამერიკის შეერთებული შტატების სამართალდამცავი ორგანოების ცნობით, ძებნილმა პირმა უცხოური ტერორისტული ორგანიზაციისთვის მხარდაჭერის აღმოჩენის მიზნით ამერიკის შეერთებულ შტატებში დაჯგუფება ჩამოაყალიბა, ამავე მიზნით, ასევე, შექმნა ფინანსური დახმარების ქსელი, რომელსაც თავად ხელმძღვანელობდა. აღნიშნულ დაჯგუფების ლიდერი და წევრები აქტიურ მატერიალურ-ტექნიკურ და ფინანსურ მხარდაჭერას უწევდნენ სირიაში, ტერორისტულ ორგანიზაციებს, მათ შორის „ისლამურ სახელმწიფოს“.ამასთან, დაკავებული, სხვადასხვა პირს სირიაში საბრძოლველად გამგზავრებისკენ მოუწოდებდა და აღნიშნულში დახმარებას სთავაზობდა. ამჟამად, დაკავებულის მიმართ კანონით გათვალისწინებული საექსტრადიციო პროცედურები მიმდინარეობს.საქართველოს შინაგან საქმეთა სამინისტრო ამერიკის შეერთებული შტატების სამართალდამცავ ორგანოებთან უკვე მრავალი წელია წარმატებით თანამშრომლობს სხვადასხვა კატეგორიის დანაშაულის წინააღმდეგ ბრძოლაში,"- აღნიშნულია ინფორმაციაში.
მსოფლიო • 1787034009
ტრამპის რეიტინგი მისი პრეზიდენტობის ორივე ვადის პერიოდში მინიმუმამდე დაეცა
დონალდ ტრამპის საქმიანობის მოწონების რეიტინგი 33%-მდე შემცირდა - ეს აშშ-ის საპრეზიდენტო პოსტზე მისი ორივე ვადის განმავლობაში მინიმალური მაჩვენებელია. ასეთია Reuters/Ipsos-ის გამოკითხვის მონაცემები, რომელიც 17 აგვისტოს დასრულდა. გასულ კვირას ტრამპის მუშაობას პრეზიდენტის პოსტზე რესპონდენტთა 35% იწონებდა.წინა ჯერზე ტრამპის მოწონების მინიმალური რეიტინგი - ასევე 33% Reuters/Ipsos-ის გამოკითხვაში 2017 წლის დეკემბერში, მისი პირველი საპრეზიდენტო ვადის დროს დაფიქსირდა.Reuters/Ipsos-ის ექსპერტებს მიაჩნიათ, რომ ტრამპის მოწონების რეიტინგის შემცირების მთავარი მიზეზი ირანთან გაჭიანურებული ომი გახდა. გამოკითხვის მონაწილეებმა განაცხადეს, რომ უახლოეს მომავალში კონფლიქტის დასრულებას არ ელოდებიან.გარდა ამისა, ამერიკელების უკმაყოფილებას საწვავზე ფასების ზრდაც იწვევს, რისი ერთ-ერთი მთავარი მიზეზიც აშშ-ისა და ისრაელის ომია ირანთან.მეორე საპრეზიდენტო ვადის დასაწყისში ტრამპის მოწონების რეიტინგი 50%-ს აჭარბებდა
მსოფლიო • 1787030845
რეჯეფ თაიფ ერდოღანმა დონალდ ტრამპს ირანთან მოლაპარაკებების გაგრძელებისკენ მოუწოდა
თურქეთის პრეზიდენტმა, რეჯეფ თაიფ ერდოღანმა აშშ-ის პრეზიდენტ დონალდ ტრამპს სატელეფონო საუბრისას მოუწოდა, გააგრძელოს მოლაპარაკებები ირანთან ორ ქვეყანას შორის დაძაბულობის დეესკალაციისთვის და შესთავაზა ანკარის მხარდაჭერა სამშვიდობო ძალისხმევაში - ამის შესახებ ინფორმაციას Reuters-ი თურქეთის პრეზიდენტის პრესსამსახურზე დარყდნობით ავრცელებს. „ერდოღანმა განაცხადა, რომ ირანსა და შეერთებულ შტატებს შორის დაძაბულობის ფონზე დიპლომატიის მაქსიმალურად გამოყენებას უდიდესი მნიშვნელობა აქვს, რომ იმედოვნებენ, მოლაპარაკებები გაგრძელდება და რომ თურქეთი კვლავაც გააგრძელებს სამშვიდობო ძალისხმევის მხარდაჭერას“, - აცხადებენ თურქეთის პრეზიდენტის პრესსამსახურში.მათივე ინფორმაციით, ერდოღანმა და ტრამპმა ასევე განიხილეს ორმხრივი ურთიერთობები, ღაზაში მიმდინარე ომი და თურქეთს, საუდის არაბეთსა და პაკისტანს შორის ხელმოწერილი თავდაცვის პაქტი.თურქეთის პრეზიდენტის პრესსამსახურის ცნობით, რეჯეფ თაიფ ერდოღანმა დონალდ ტრამპს განუცხადა, რომ ისრაელის თავდასხმები პალესტინელებზე გაიზარდა იმ დროს, როდესაც ღაზას სამშვიდობო გეგმის მეორე ფაზა უნდა ამოქმედებულიყო.ირანელმა მაღალჩინოსანმა გუშინ Reuters-ს განუცხადა, რომ ირანი „სრულად შეტევით“ სამხედრო პოზიციაზე გადავა, რადგან ომის სამუდამოდ დასრულების მოლაპარაკების მცდელობები შეჩერდა. გამოცემა წერს, რომ ასევე შეჩერებულია პროგრესი ჰორმუზის სრუტეში ნავთობ ტანკერების მიმოსვლის აღდგენის მიმართულებით. თურქეთმა გააკრიტიკა აშშ-სა და ისრაელის თავდასხმა ირანზე, ასევე გმობს ირანის თავდასხმებს სპარსეთის ყურის ქვეყნებზე და სტრატეგიული სრუტის ხელახლა გახსნის მოწოდებით გამოდის.
