მსოფლიო • 1787255640

CNN: აშშ-ში დააკავეს ქალი, რომელიც ნიუ იორკის შტატის კაპიტოლიუმის შენობის აფეთქებას გეგმავდა

აშშ-ში დააკავეს ქალი, რომელიც ნიუ იორკის შტატის კაპიტოლიუმის შენობის აფეთქებას გეგმავდა.„სიენენის“ ცნობით, 35 წლის ჯესიკა ბოუის ბრალი ტერორისტული ორგანიზაციისთვის, „ისლამური სახელმწიფოსთვის“ მატერიალური მხარდაჭერის მცდელობაში წაუყენეს.გამოძიების ინფორმაციით, ქალი ISIS-ის იდეოლოგიით იყო შთაგონებული და ორგანიზაციის მხარდაჭერა საჯაროდაც გამოუხატავს.მედიის ცნობით, ბოუი, სავარაუდოდ, კაპიტოლიუმის შენობაში ასაფეთქებელი მოწყობილობის შეტანას გეგმავდა და მისი მიზანი შენობის განადგურება და იქ მყოფი სენატორების მოკვლაც იყო. ბრალდების თანახმად, ქალი კაპიტოლიუმის ტერიტორიაზე რამდენჯერმე იმყოფებოდა და შენობას ფოტოებს უღებდა. გამოძიება ასევე ვარაუდობს, რომ თავდასხმის შემდეგ ბოუი სირიაში გაქცევას და ISIS-ის მიერ კონტროლირებულ ტერიტორიაზე გადასვლას გეგმავდა.ფედერალური ხელისუფლების ინფორმაციით, გამოძიება FBI-მ ჩაატარა და ოპერაციის ფარგლებში აგენტებმა მას გადასცეს ნივთი, რომელიც ბოიუიმ ასაფეთქებელ მოწყობილობად მიიჩნია. ხელისუფლების განცხადებით, მოწყობილობა კონტროლირებადი ოპერაციის ნაწილი იყო და აფეთქება არ მომხდარა.როგორც ცნობილია, ჯესიკა ბოუიმ ისლამი ხუთი წლის წინ მიიღო და სოციალურ ქსელში ისლამის მხარდამჭერი არაერთი ანგარიში ჰქონდა შექმნილი.

მსოფლიო • 1787135867

ვოლოდიმირ ზელენსკიმ ირინა მუდრა პრეზიდენტის ოფისის ხელმძღვანელის მოადგილის თანამდებობიდან გაათავისუფლა

უკრაინის პრეზიდენტმა, ვოლოდიმირ ზელენსკიმ ირინა მუდრა პრეზიდენტის ოფისის ხელმძღვანელის მოადგილის თანამდებობიდან გაათავისუფლა.ამის შესახებ უკრაინის პრეზიდენტის განკარგულებაშია ნათქვამი.ცნობისთვის, გავრცელდა ინფორმაცია, რომ უკრაინის ეროვნული ანტიკორუფციული ბიურო და სპეციალიზებული ანტიკორუფციული პროკურატურა უკრაინის პრეზიდენტის ოფისის ხელმძღვანელის მოადგილე ირინა მუდრასთან ატარებენ საგამოძიებო მოქმედებებს.უკრაინის ეროვნულ ანტიკორუფციულ ბიუროში განაცხადეს, რომ ჩაატარეს სპეციალური ოპერაცია „მაღალი დონის კორუფციის აღმოსაფხვრელად“.უწყების განმარტებით, დანაშაულებრივ დაჯგუფებაში შედიან ვოლოდიმირ ზელენსკის ოფისის ხელმძღვანელის მოადგილე ირინა მუდრა, უკრაინის უმაღლესი რადას ყოფილი დეპუტატი, სახელმწიფო ბანკის გამგეობის თავმჯდომარე და სხვა პირები.„უკრაინის ეროვნულმა ანტიკორუფციულმა ბიურომ და სპეციალიზებულმა ანტიკორუფციულმა პროკურატურამ, მაღალი დონის კორუფციის აღმოსაფხვრელად ჩატარებული სპეციალური ოპერაციის ფარგლებში, გამოავლინეს პირთა ჯგუფი, რომლებმაც ორგანიზება გაუწიეს დანაშაულებრივი გზით მოპოვებული თანხების ლეგალიზაციას და უზრუნველყვეს ეს პროცესი. საუბარია 150 მილიონ გრივნაზე (3,3 მილიონი დოლარი) ნაღდი ფულის სახით, რომელიც, გამოძიების ინფორმაციით, რამდენიმე ფიქტიური კომპანიის ანგარიშის გამოყენებით ლეგალურ ბრუნვაში გაუშვეს, რათა ერთ-ერთი დანაშაულებრივი ორგანიზაციის წევრისთვის, ე.წ. მიდასის საქმეზე, გირაო გადაეხადათ. ჯგუფის შემადგენლობაში შედიოდნენ: პრეზიდენტის ოფისის ხელმძღვანელის მოადგილე, ყოფილი დეპუტატი, სახელმწიფო ბანკის გამგეობის თავმჯდომარე და სხვა პირები“, — ნათქვამია გამოქვეყნებულ ვიდეომასალებში.ირინა მუდრა უკრაინის პრეზიდენტის ოფისის ხელმძღვანელის მოადგილის თანამდებობას 2024 წლის 29 მარტიდან იკავებდა.

ფინანსები • 1787123781

საქსტატი: იანვარ-ივლისში საქართველოში საქონლით საგარეო სავაჭრო ბრუნვა 7.5 პროცენტით გაიზარდა

სტატისტიკის ეროვნული სასმახურის მონაცემებით, 2026 წლის იანვარ-ივლისში საქართველოში საქონლით საგარეო სავაჭრო ბრუნვამ (არადეკლარირებული ვაჭრობის გარეშე) 15 519.2 მლნ. აშშ დოლარი შეადგინა, რაც წინა წლის შესაბამის პერიოდთან შედარებით 7.5 პროცენტით მეტია.აქედან, საქსტატის ცნობით, ექსპორტი 4 670.2 მლნ. აშშ დოლარს შეადგენს, ანუ გაიზარდა 21.6 პროცენტით, ხოლო იმპორტი 10 849.0 მლნ. აშშ დოლარს – ზრდამ 2.4 პროცენტი შეადგინა. ხოლო საქართველოს უარყოფითმა სავაჭრო ბალანსმა 2026 წლის იანვარივლისში 6 178.9 მლნ. აშშ დოლარი შეადგინა, რაც საგარეო სავაჭრო ბრუნვის 39.8 პროცენტია.ამასთან, უწყების ანგარიშით, 2026 წლის იანვარ-ივლისში ათი უმსხვილესი სავაჭრო პარტნიორი ქვეყნის წილმა საქართველოს მთლიან საგარეო სავაჭრო ბრუნვაში 66.3 პროცენტი შეადგინა. ქვეყნის უმსხვილესი სავაჭრო პარტნიორები არიან თურქეთი – 1 960.1 მლნ. აშშ დოლარით, რუსეთი – 1 815.4 მლნ. აშშ დოლარითა და ჩინეთი – 1 792.7 მლნ. აშშ დოლარი.

მსოფლიო • 1787079145

შეიარაღებული პირი საკლასო ოთახში შეიჭრა და მოსწავლეებს ცეცხლი გაუხსნა - არიან დაღუპულები - თავდასხმის ტრანსლაცია სოციალურ მედიაში პირდაპირ ეთერში გადაიცემოდა (უცხოეთი)

ფილიპინების ქალაქ ზამბოანგა სიტის სკოლაში პანიკა დაიწყო მას შემდეგ, რაც შეიარაღებული პირი საკლასო ოთახში შეიჭრა და მოსწავლეებს ცეცხლი გაუხსნა. როგორც ამბობენ, თავდამსხმელს სხეულის კამერა ჰქონდა და თავდასხმა სოციალურ ქსელში პირდაპირ ეთერში გადასცა.სროლის შედეგად ორი ადამიანი დაიღუპა: ერთი სტუდენტი და თავდამსხმელი, ხოლო კიდევ ორი ​​დაშავდა.ინციდენტი ადგილობრივი დროით დილის 7:50 საათზე მოხდა. მამაკაცი საკლასო ოთახში იარაღით შეიჭრა და ცეცხლი გახსნა. როგორც ამბობენ, თავდასხმის შემდეგ თავი მოიკლა.მოგვიანებით, ადგილობრივმა მედიამ გამოაქვეყნა ვიდეო, რომელიც, სავარაუდოდ, პირდაპირ ეთერში გადაიცა Facebook-ზე, სადაც ჩანს იარაღის ტრაექტორია სკოლის დერეფანში, სანამ ის საკლასო ოთახში იყო დამიზნებული.ვიდეოში ისმის და ჩანს, როგორ გარბიან ფორმაში ჩაცმული მოსწავლეები პანიკაში, შენობის გასასვლელისკენ. სავარაუდო დამნაშავესთან დაკავშირებული Facebook ანგარიში მოგვიანებით დეაქტივირებული იყო. მერის, ოლასოს, მიერ ადგილობრივი რადიოსადგურის მიერ გავრცელებული ინფორმაციის თანახმად, თავდამსხმელმა თავდაპირველად იარაღი მაგიდასთან მჯდომ მასწავლებელს მიმართა, მაგრამ ვერ შეძლო, შემდეგ კი სხვა ოთახში გადავიდა და მოსწავლეს ესროლა.სკოლა დაიკეტა და დაიწყო გამოძიება. სროლის შემდეგ, სასწავლო პროცესი დაუყოვნებლივ შეჩერდა და ხელისუფლებამ გამოძიება დაიწყო ინციდენტის ზუსტი გარემოებების დასადგენად.სკოლის ადმინისტრაციამ დაადასტურა ორი გარდაცვალების ფაქტი და განაცხადა, რომ დაუკავშირდა მოსწავლეების მშობლებსა და მეურვეებს, რათა მოეწყოთ მათი სახლში დაბრუნება. - წერს უცხოური მედია

საზოგადოება • 1786966943

„არმია“ საქართველოს ქვიშის ფეხბურთის ჩემპიონი მეორედ გახდა

საქართველოს თავდაცვის სამინისტროს გუნდმა - „არმია“ საქართველოს ქვიშის ფეხბურთის ჩემპიონის ტიტული მოიპოვა. ბათუმის ქვიშის არენაზე გამართული ჩემპიონატის ფინალში „არმია“ ბათუმის სპორტული ცენტრის გუნდს შეხვდა და ანგარიშით - 4:3 დაამარცხა. ფინალური თამაში გარდამავალი უპირატესობით წარიმართა.თავდაცვის ძალების სამხედრო მოსამსახურეებით დაკომპლექტებულ „არმიას“ ჩემპიონატის გარდამავალი თასი და მედლები აჭარის ფეხბურთის ფედერაციის პრეზიდენტმა, ირაკლი თოთლაძემ და ბათუმის საკრებულოს თავმჯდომარემ, ივანე მაისურაძემ გადასცეს.  ჩემპიონატის საუკეთესო მეკარედ „არმიის“ მეკარე, კაპრალი ვახტანგ ტერუნაშვილი დასახელდა, ხოლო საუკეთესო მოთამაშის ტიტული „არმიის“ ფეხბურთელმა გიორგი ქურდაძემ მოიპოვა.საქართველოს ქვიშის ფეხბურთის ჩემპიონის ტიტულის მოგებით, „არმიამ“ მომავალ წელს პორტუგალიაში დაგეგმილი ქვიშის ფეხბურთის ჩემპიონთა ლიგის საგზური მოიპოვა.

ფინანსები • 1786959929

საქსტატი: 2025 წელს საქართველოში განხორციელებული პირდაპირი უცხოური ინვესტიციების მოცულობა 19.3 პროცენტით გაიზარდა

სტატისტიკის ეროვნული სამსახურის დაზუსტებული მონაცემებით, საქართველოში განხორციელებული პირდაპირი უცხოური ინვესტიციების მოცულობამ 2025 წელს 1 900.4 მლნ. აშშ დოლარი შეადგინა, რაც 2024 წლის შესაბამის მაჩვენებელზე 19.3 პროცენტით მეტია, ხოლო 2025 წლის წინასწარ მონაცემებს 12.5 პროცენტით აღემატება.საქსტატის ცნობით, 2025 წელს რეინვესტიციის წილმა მთლიანი პირდაპირი უცხოური ინვესტიციების 82.5 პროცენტი შეადგინა. ამასთან, უწყების ანგარიშით, სამი უმსხვილესი ინვესტორი ქვეყნის წილმა პირდაპირი უცხოური ინვესტიციების საერთო მოცულობაში, 2025 წლის დაზუსტებული მონაცემებით, 44.4 პროცენტი შეადგინა. პირველ ადგილზე იმყოფება გაერთიანებული სამეფო 22.4 პროცენტით – 426.6 მლნ. აშშ დოლარით, მეორეზეა აზერბაიჯანი 11.3 პროცენტით – 214.4 მლნ. აშშ დოლარით, ხოლო მესამეზე – თურქეთი 10.6 პროცენტით – 202.4 მლნ. აშშ დოლარით.2025 წელს სამი უმსხვილესი სექტორის წილმა (განხორციელებული პირდაპირი უცხოური ინვესტიციების მიხედვით) 56.8 პროცენტი შეადგინა. ყველაზე მეტი პირდაპირი უცხოური ინვესტიცია საფინანსო და სადაზღვევო საქმიანობების სექტორში განხორციელდა და 633.2 მლნ. აშშ დოლარი შეადგინა, რაც პირდაპირი უცხოური ინვესტიციების საერთო მოცულობის 33.3 პროცენტია. მეორე ადგილზე იმყოფება უძრავი ქონების სექტორი 254.7 მლნ. აშშ დოლარით (13.4 პროცენტი), ხოლო მესამეზე – ვაჭრობის სექტორი 191.1 მლნ. აშშ დოლარით (10.1 პროცენტი).

პოლიტიკა • 1786955804

მიხეილ სააკაშვილი: სასწრაფოდ დარაზმვის და მოქმედებისთვის მომზადების დროა, ახლა რუსები ჩქარობენ საქართველოს გადაფორმებას და ჩვენ ყველანაირად ხელი უნდა შევუშალოთ

აფხაზეთში და სავარაუდოდ ცხინვალში საწვავის მიწოდება არის ძალიან დიდი რამის ნიშანი და მომზადება. უახლოეს კვირებში ივანიშვილი აპირებს, გადაიხადოს ის ანგარიში, რომელიც მოსკოვმა წაუყენა 2012 წელს ხელისუფლებაში მოყვანისთვის და ახლა უკრაინის ომის კვალობაზე გამდიდრებისთვის. ოთხ წელზე მეტია, ივანიშვილი იკვებება რუსეთის ხელიდან. გააორმაგა რა თავისი სიმდიდრე, რუსეთისთვის სანქციების ავლაში დახმარებით, – ამის შესახებ საქართველოს ყოფილი პრეზიდენტი მიხეილ სააკაშვილი სოციალურ ქსელში წერს.სააკაშვილის თქმით, „ახლა სასწრაფოდ დარაზმვის და მოქმედებისთვის მომზადების დროა“.„ჩემი ინფორმაციით, რუსებმა აგვისტოს დასაწყისში გამოუგზავნეს ორი ტიპის ხელშეკრულების პროექტი, ერთი ეხება დიპლომატიური ურთიერთობების აღდგენას, მესამე მხარესთან არ გარიგებას ერთმანეთის წინააღმდეგ (მესამე ძალაში დასავლეთი იგულისხმება) და ასევე 2 ცალ-ცალკე ხელშეკრულება აფხაზეთის და მთავრობებთან მათი სუბიექტურობის აღიარებით და თავდაუსხმელობის გარანტიით. ეს ხელშეკრულებები უშუალოდ ივანიშვილს გადმოსცეს.რუსეთის მხრიდან ამას კურირებს სერგეი კირიენკო, ქართული საგარეო საერთოდ არ არის პროცესში ჩართული. ივანიშვილი თვლის რომ სწორედ ახლა არის მოსახერხებელი მომენტი ამ საბოლოო ღალატის და ჩაბარების დოკუმენტების ხელმოსაწერად. ხალხი დაშინებულია, ყველაზე ჩხუბისთავები ციხეშია, ოპოზიცია დისკრედიტებულია, დასავლეთს ჩვენთვის არ სცალია. სასწრაფო რეჟიმში მიმდინარეობს ღალატის ტრაქტატის ხელმოწერისთვის იდეოლოგიური მომზადება. საქართველო ომში დადანაშაულება უფრო გაფორმებით ვიდრე ადრე, გეორგიევსკის ტრაქტატი გააძრეს ძველი საბჭოთა ნაფტალინისგან. ყველა ქოც-ტროლი გაგანია ზაფხულში მობილიზებულია რუსეთთან ჩაბარების „გასაპრავებლად“. პუტინის ადმინისტრაციის უფროსის მოადგილე კირიენკო, თვითონაც ყოფილი სოხუმელია. უახლოეს კვირებში კობახიძეს ელიან მოსკოვში ამ ყველაფერზე ხელის მოსაწერად.ახლა სასწრაფოდ დარაზმვის და მოქმედებისთვის მომზადების დროა, თორემ სულ მალე გავიღვიძებთ და აღმოვაჩენთ, რომ ყველაფერი დავკარგეთ და აქ მინდა ვთქვა რაც ადრე არასდროს მითქვამს. ამ საკითხში უნდა აქტიურად ვეკონტაქტოთ რიგით ქოცებს, ისევე როგორც საშუალო დონის თანამდებობის მქონეს. ეს ისეთი საკითხია, სადაც დარწმუნებული ვარ წინააღმდეგობის მოძრაობა ივანიშვილის ბევრ ერთგულ მომხრეშიც იპოვის თანამოაზრეებს. ამ ქოცების სტატუს-კვო აწყობთ, მაგრამ ქვეყნის გაუქმებაზე ისინიც არ იქნებიან თანახმა. ვინაიდან მათი მოტივაცია მაინც განსხვავდება თავისი არსებით რუსი ივანიშვილისგან და ფოფხაძის გაზრდილი კობახიძისგან.ჩვენი ამოცანაა მინიმუმ მივაღწიოთ იმას, რომ სანამ რუსეთი საბოლოოდ დაიწყებს ტორტმანს, არ მივცეთ ქოც-დიქტატურას საშუალება ისეთი დოკუმენტების გაფორმების ოკუპირებულ ტერიტორიებთან, რომელთა გადახედვა შემდეგ ძალიან გაჭირდება. ახლა რუსები ჩქარობენ საქართველოს გადაფორმებას, ჩვენ ყველანაირად უნდა შევუშალოთ ამაში ხელი. ახლა თუ ვიქნებით პასიური, დღევანდელი თაობები ძალიან სამარცხვინოდ დაამახსოვრდება ისტორიას“, – წერს სააკაშვილი.

პოლიტიკა • 1786951770

თამთა მეგრელიშვილი: ოპოზიციის მხრიდან ტერიტორიული დათმობებისა და სუვერენული ინტერესების კომპრომისის წარმატებულ მოდელად წარმოჩენა არის ნაღმი, რომელიც აუცილებლად აფეთქდება

პარტია „ხალხის ძალის“ წევრი თამთა მეგრელიშვილი ოკუპირებულ აფხაზეთთან დაკავშირებით ოპოზიციის წარმომადგენლების განცხადებებს სოციალური ქსელით ეხმიანება და წერს, რომ ეროვნული ინტერესების ხარჯზე გაკეთებული კომპრომისი გრძელვადიანი მშვიდობის გარანტია არ არის.მისი თქმით, ოპოზიციის მხრიდან ტერიტორიული მთლიანობის აღდგენის იდეის  შეუსრულებელ ამოცანად წარმოჩენა და ტერიტორიული დათმობებისა და სუვერენული ინტერესების კომპრომისის წარმატებულ მოდელად აღქმა, საშიში პრეცედენტია და  საქართველოს ეროვნულ ინტერესებს ეწინააღმდეგება.„ტერიტორიული მთლიანობის იდეა თანამედროვე სახელმწიფოს ერთ-ერთი მთავარი საყრდენია. ქართველი ხალხის აბსოლუტური უმრავლესობისთვის ოკუპირებული ტერიტორიების საკითხი არ არის მხოლოდ პოლიტიკური დღის წესრიგი, ეს არის ეროვნული ღირსებისა და სამართლიანობის აღდგენის უალტერნატივო მიზანი.ტერიტორიული მთლიანობის აღდგენა და ისტორიული მეხსიერების დაცვა საქართველოს ეროვნული იდენტობის ფუნდამენტური ნაწილი და ის ღირებულებითი ღერძია, რომლის ირგვლივაც თაობები ერთიანდებიან.ტერიტორიული მთლიანობის აღდგენის გზები და აფხაზეთის რეგიონთან ურთიერთობის ფორმატები საქართველოს პოლიტიკურ დისკუსიაში განსხვავებული სტრატეგიული პოზიციებიდან ფასდება.ოპოზიციის მხრიდან ტერიტორიული მთლიანობის აღდგენის იდეის „ტვირთად“, შეუსრულებელ ამოცანად წარმოჩენა და ტერიტორიული დათმობებისა და სუვერენული ინტერესების კომპრომისის წარმატებულ მოდელად აღქმა, საშიში პრეცედენტია და  საქართველოს ეროვნულ ინტერესებს ეწინააღმდეგება.ეს მიდგომა მოქალაქეებში იმედგაცრუების, ნიჰილიზმისა და სახელმწიფოს მიმართ ნდობის დაკარგვის გარდა, აგრესიის ლეგიტიმაციას ემსახურება, რომელიც შემდგომი ექსპანსიისკენ კიდევ ერთი გზაა.აგრესორისთვის ტერიტორიის დათმობა არ აჩერებს კონფლიქტს და მეტიც, როცა სახელმწიფო თავად ამბობს უარს საკუთარი ტერიტორიების დაცვაზე ან მათ დაბრუნებაზე, საერთაშორისო პარტნიორებსა და ორგანიზაციებს აღარ რჩებათ სამართლებრივი საფუძველი, მხარი დაუჭირონ ამ ქვეყნის ტერიტორიულ მთლიანობასა და არაღიარების პოლიტიკას.ოპოზიციის მხრიდან ტერიტორიული დათმობებისა და სუვერენული ინტერესების კომპრომისის წარმატებულ მოდელად წარმოჩენა არის ნაღმი რომელიც  აუცილებლად აფეთქდება.ეროვნული ინტერესების ხარჯზე გაკეთებული კომპრომისი გრძელვადიანი მშვიდობის გარანტია არ არის და ვერც იქნება.აფხაზეთი და ცხინვალის რეგიონი არის საქართველოს განუყოფელი ნაწილი. კონფლიქტის მოგვარება უნდა მოხდეს მხოლოდ მშვიდობიანი გზით, საერთაშორისოდ აღიარებულ საზღვრებში ტერიტორიული მთლიანობის აღდგენის საფუძველზე.არაღიარების პოლიტიკა და პარტნიორების მხარდაჭერა რჩება უცვლელ პრიორიტეტად. ისტორიული ტკივილი, დევნილთა უფლებები და დაღუპული გმირების ხსოვნა ქმნის მყარ კულტურულ და მორალურ ბარიერს, რომელიც გამორიცხავს საზოგადოების მხრიდან ოკუპაციასთან შეგუებას ან ტერიტორიების „ტვირთად“ აღქმას, შესაბამისად ოპოზიციის გზავნილი, კომპრომისი სუვერენიტეტის ხარჯზე, მიუღებელია და კეთილი ინებეთ და ანგარიში გაუწიეთ ისტორიულ წარსულსა და ხალხის ურყევ ნებას!“ - წერს თამთა მეგრელიშვილი.

მსოფლიო • 1786894274

ისრაელის ომის დანახარჯებმა ღაზაში 136 მილიარდ დოლარს მიაღწია

ისრაელის ომი ღაზაში, რომელიც 2023 წლის 7 ოქტომბერს დაიწყო, ისრაელის ისტორიაში ყველაზე ხანგრძლივი და ძვირადღირებული ომი გახდა.დანახარჯები დაახლოებით 142 მილიარდ დოლარს აღწევს, ხოლო ეროვნული ვალი დაახლოებით 135 მილიარდ დოლარამდე გაიზარდა - წერს მედია, გამოცემა Haaret-ზე დაყრდნობით.ანგარიშის თანახმად, ისრაელი ღაზაში სახმელეთო ოპერაციაში 2023 წლის ოქტომბრის ბოლოს შევიდა და მინიმუმ სამთვიან საბრძოლო მოქმედებებს ელოდა, მიუხედავად იმისა, რომ საბრძოლო მასალის მარაგები შედარებით მოკლევადიანი ომებისთვის იყო გათვლილი.ყოფილი ისრაელელი სამხედრო ოფიცრის თქმით, ზოგიერთი ტიპის საბრძოლო მასალის მარაგი მოკლევადიანი ომისთვისაც კი არასაკმარისი აღმოჩნდა, ხოლო გარკვეულ კატეგორიებში მოხმარებამ თავდაპირველად დაგეგმილ მაჩვენებელს ორჯერ გადააჭარბა.

ასტროლოგია • 1786891279

ფულის ნუმეროლოგია - რომელ ციფრებს მოაქვს ფინანსური წარმატება

ნუმეროლოგია ეზოთერული სისტემაა, რომელიც შეისწავლის რიცხვებსა და მათ მისტიკურ კავშირს ადამიანის ხასიათთან, ბედისწერასთან და მიმდინარე მოვლენებთან. ადამიანებს უძველესი დროიდან სჯეროდათ, რომ რიცხვები განსაკუთრებულ ენერგეტიკას ატარებენ და ადამიანის ცხოვრების სხვადასხვა სფეროზე ახდენენ გავლენას.ნუმეროლოგია გვასწავლის, რომ თითოეულ ციფრს თავისი უნიკალური ენერგეტიკა აქვს. მას შეუძლია ჩვენი თვისებების გაძლიერება, ახალი შესაძლებლობების ან, პირიქით, დაბრკოლებების შექმნა. ამ მხრივ, ე.წ. „ფულის ნუმეროლოგია“ ყოველთვის განსაკუთრებულ ინტერესს იწვევდა.ზოგიერთი ციფრი ბარაქის მოსაზიდად, შემოსავლების გასაზრდელად და წარმატებული პროექტების განსახორციელებლად განსაკუთრებით ხელსაყრელად მიიჩნევა. რა თქმა უნდა, ციფრები ვერ შეცვლის შრომას, ცოდნასა და ფინანსების გონივრულ მართვას, თუმცა ნუმეროლოგებს სჯერათ, რომ კონკრეტული ციფრების ენერგეტიკა კეთილდღეობის შექმნაში გვეხმარება.ციფრი 8 — ფულის მაგნიტინუმეროლოგიაში რვიანი ყველაზე ძლიერ „ფინანსურ“ ციფრად ითვლება. მისი სიმბოლიკა მჭიდროდ უკავშირდება ძალაუფლებას, წარმატებას, მატერიალურ მიღწევებსა და რესურსების მართვის უნარს.შემთხვევითი არ არის, რომ რვიანის ფორმა უსასრულობის ნიშანს — ენერგიის უწყვეტ ნაკადს მოგვაგონებს. ადამიანები, რომელთა დაბადების თარიღში რვიანი ხშირად გვხვდება, როგორც წესი, მეწარმის ჭკუითა და უნარებით გამოირჩევიან, შესანიშნავად ხედავენ ფინანსურ პერსპექტივებს და ყოველთვის მაღალი მწვერვალებისკენ ისწრაფვიან.მიჩნეულია, რომ რვიანის ენერგია გვეხმარება:მსხვილი პროექტების მოზიდვაში,ბიზნესის წარმატებით მართვაში,გონივრული ფინანსური გადაწყვეტილებების მიღებაში,საკუთარი ინიციატივით შემოსავლების გაზრდაში.ციფრი 6 — სტაბილურობისა და ბარაქის ენერგიათუ რვიანი დიდ ფულსა და ამბიციებს უკავშირდება, ექვსიანი მუდმივი კეთილდღეობის სიმბოლოა. ეზოტერიკულ ტრადიციაში ციფრი 6 სახლთან, სიმყუდროვესთან, ოჯახურ ბარაქასა და ნაშრომის შენარჩუნების უნართან იგივდება. ადამიანები, რომლებიც ამ ენერგეტიკის გავლენის ქვეშ იმყოფებიან, რისკიან ავანტიურებზე იშვიათად მიდიან და უპირატესობას შემოსავლის საიმედო წყაროებსა და გრძელვადიან დაგეგმვას ანიჭებენ.ექვსიანი საუკეთესო ციფრად ითვლება:დანაზოგების შესაქმნელად,უძრავი ქონების შესაძენად,გრძელვადიანი ინვესტიციებისთვის,ციფრი 3 — ფინანსური ენერგიასამიანი ურთიერთობების, შთაგონებისა და ახალი შესაძლებლობების ციფრია. ნუმეროლოგიური თვალსაზრისით, სამიანის გავლენით ფული იდეების, შემოქმედების, ურთიერთობებისა და საჯაროობის წყალობით მოედინება. სწორედ ამიტომ, ეს ენერგეტიკა ხშირად ხელოვნების, მარკეტინგის, მედიის, განათლებისა და კომუნიკაციების სფეროში მომუშავე ადამიანებში გვხვდება.სამიანი აძლიერებს:შემოქმედებით უნარებს,ადამიანების დარწმუნების უნარს,ქარიზმას,კლიენტებისა და პარტნიორების მიზიდვის ნიჭს.ციფრი 1 — ლიდერისა და ნოვატორის ენერგიაერთიანი ახლის დასაწყისს, ინიციატივასა და დამოუკიდებლობას განასახიერებს. ფულის ნუმეროლოგიაში ეს ციფრი უკავშირდება ადამიანებს, რომლებიც იღბლის ლოდინის ნაცვლად, შესაძლებლობებს თვითონვე ქმნიან. ერთიანი საკუთარი საქმის წამოწყებაში, ახალი პროექტების ამოქმედებაში და ფინანსურ გადაწყვეტილებებზე პასუხისმგებლობის აღებაში გვეხმარება.მიჩნეულია, რომ ციფრი 1 განსაკუთრებით ხელსაყრელია:ახალი საქმეების დასაწყებად,კარიერული ზრდისთვის,სამეწარმეო საქმიანობისთვის,საკუთარი ბიზნესის განვითარებისთვის.როგორ გამოვიყენოთ იღბლიანი ციფრები?ნუმეროლოგიის მიმდევრებს სჯერათ, რომ ფინანსური ენერგეტიკის გაძლიერება ყოველდღიურ ცხოვრებაშიც შესაძლებელია.ზოგიერთი ამ ციფრებს ბიზნესის დაფუძნების, ხელშეკრულებების დადების თუ ახალი პროექტების ამუშავების თარიღის შერჩევისას ითვალისწინებს. სხვები ყურადღებას აქცევენ ტელეფონის, ავტომობილის, ბინის ან საბანკო ანგარიშის ნომრებს.ასევე ძალიან პოპულარულია პირადი „ფინანსური ციფრის“ გამოთვლა. ამისათვის დაბადების თარიღის ყველა ციფრს შეკრებენ, სანამ ერთნიშნა რიცხვს არ მიიღებენ. მიღებული ციფრი გვიჩვენებს, თუ რომელი თვისებების წყალობით იქნება ადამიანისთვის ყველაზე ადვილი ფინანსური წარმატების მიღწევა.წყარო: 

კულტურა • 1786875582

გელათის რეაბილიტაციის დროებითი კომიტეტი – ცალკეული ჯგუფის მხრიდან ადგილი აქვს საზოგადოების შეცდომაში შეყვანის მიზანმიმართულ მცდელობებს, რაც აზიანებს კომპლექსის გადარჩენის მიზნით მიმდინარე პროცესს

ცალკეული მუდმივმოქმედი ჯგუფის მხრიდან ადგილი აქვს საზოგადოების შეცდომაში შეყვანის მიზანმიმართულ მცდელობებს, რაც აზიანებს კომპლექსის გადარჩენის მიზნით მიმდინარე მასშტაბურ და უპრეცედენტო პროცესს, – ამის შესახებ გელათის რეაბილიტაციის დროებითი კომიტეტის განცხადებაშია ნათქვამი.როგორც კომიტეტში აცხადებენ, საზოგადოების მაღალი ინტერესიდან გამომდინარე, გელათის რეაბილიტაციის დროებითი კომიტეტი საჭიროდ მიიჩნევს, გამოეხმაუროს ბოლო პერიოდში სოციალურ ქსელებსა და მედიასივრცეში გავრცელებულ მორიგ დეზინფორმაციულ ცნობებს გელათში მიმდინარე საკონსერვაციო სამუშაოების თაობაზე.„სამწუხაროდ, ცალკეული მუდმივმოქმედი ჯგუფის მხრიდან ადგილი აქვს საზოგადოების შეცდომაში შეყვანის მიზანმიმართულ მცდელობებს, რაც აზიანებს კომპლექსის გადარჩენის მიზნით მიმდინარე მასშტაბურ და უპრეცედენტო პროცესს. საზოგადოებისადმი პატივისცემისა და სრული გამჭვირვალობის უზრუნველყოფის მიზნით, წარმოგიდგენთ დეტალურ განმარტებებს გავრცელებულ ბრალდებებთან დაკავშირებით. პირველ რიგში, დეზინფორმაციული კამპანიის ავტორების მხრიდან არის მცდელობა ეჭვქვეშ დადგეს კათედრალის დროებითი გადახურვის მართებულობის საკითხი და ვრცელდება უღირსი ცნობები, თითქოს ტაძარი ე.წ. „ცელოფნით“ არის გადახურული. საზოგადოებას შევახსენებთ, რომ გელათის ღმრთისმშობლის შობის სახელობის კათედრალის ერთიანი დროებითი გადახურვა 2020 წლიდან წარმოადგენდა მსოფლიო მემკვიდრეობის ცენტრის (WHC) პირდაპირ და მკაფიო ერთ – ერთ მთავარ მოთხოვნას. ქართველი სპეციალისტების მიერ წარმოდგენილი 19 და ერთიც იტალიური ჯგუფის მიერ შეთავაზებული საპროექტო წინადადებიდან, მხოლოდ გელათის რეაბილიტაციის დროებითი კომიტეტის ხელმძღვანელობითა და ქართველი და გერმანელი სპეციალისტების ერთობლივი ძალისხმევით შემუშავებული სტრუქტურის პროექტი აღმოჩნდა რეალურად განხორციელებადი, რომელიც ყველა ურთულეს გამოწვევას პასუხობს. საგულისხმოა, რომ აღნიშნულმა განხორციელებულმა პროექტმა მსოფლიო მემკვიდრეობის ცენტრისგან უმაღლესი შეფასება დაიმსახურა. რაც შეეხება უშუალოდ გადასახურ მასალას, იგი წარმოადგენს PVC ტიპის მაღალტექნოლოგიური ქსოვილს, რომელიც სამი თვის განმავლობაში სპეციალურად გელათისათვის იქსოვებოდა გერმანიაში, შესაბამის საწარმოში და სრულად აკმაყოფილებს საერთაშორისო საკონსერვაციო სტანდარტებს. აღსანიშნავია, რომ არა ერთიანი დროებითი გადახურვა, შეუძლებელი იქნებოდა ღმრთისმშობლის შობის სახელობის ტაძრის უხარისხო გადახურვების მოხსნა და იმ სველი ინერტული მასალის ამოღება, რომელსაც დღეს გელათის რეაბილიტაციის დროებითი კომიტეტი ახორციელებს.ასევე, უსაფუძვლოა მტკიცებები ინტერიერსა და კედლის მხატვრობასთან დაკავშირებით, თითქოს ტაძრის შიგნით ფრესკების მასობრივი ცვენა მიმდინარეობს. გელათის რეაბილიტაციის დროებითი კომიტეტი სრული პასუხისმგებლობით აცხადებს, რომ მსგავს ფაქტებს ადგილი არ აქვს. ღმრთისმშობლის შობის სახელობის ტაძარში ყველა კრიტიკული კერა დასტაბილურებულია და მიმდინარეობს გეგმური, ეტაპობრივი კონსერვაციის პროცესი. ამასთან, გავრცელებული წერილი, რომლის ავტორიც თავს „გელათის სტიქაროსნად“ მოიხსენიებს, შეიცავს ცრუ ინფორმაციებს, ხოლო აღნიშნული პიროვნება საერთოდ არ წარმოადგენს მონასტრის სტიქაროსანს ან მსახური სასულიერო პირების მრევლს. ამავე კონტექსტში გაჟღერდა მცდარი მოსაზრებები სადრენაჟე სისტემასთან დაკავშირებითაც. ისტორიული და არქეოლოგიური რეალობა ისაა, რომ წმინდა მეფე დავით აღმაშენებლის დროინდელმა სადრენაჟე არხებმა ფუნქციონირება შეწყვიტა 1510 წელს, ოსმალთა მიერ მონასტრის გადაწვის შემდეგ, რაც დასტურდება მონასტრის ტერიტორიაზე ჩატარებული არქეოლოგიური გათხრებით — სადრენაჟე სისტემა საუკუნეების განმავლობაში გამოვსებული იყო მიწით, ნაცრითა და ნახშირით.გელათის რეაბილიტაციის პროცესებისადმი სუბიექტურად და ტენდეციურად განწყობილ გარკვეულ წრეებში არასწორი აღქმა შეიქმნა კომიტეტის მიერ გამოქვეყნებული შუალედური ანგარიშის მიმართაც, რომელიც ტაძრების მიკროკლიმატის კვლევას ეხება. ჩვენთვის უცნობია ანგარიშის კრიტიკოსთა კომპეტენცია კლიმატოლოგიის კუთხით, თუმცა ხაზგასმით აღვნიშნავთ , რომ ზემოხსენებული კვლევის ავტორია იტალიელი პროფესორი დარიო კამუფო — კულტურული მემკვიდრეობის მიკროკლიმატის კვლევის სამეცნიერო დისციპლინის აღიარებული ფუძემდებელი, რომლის სახელმძღვანელოებითაც კლიმატოლოგიის დარგის სპეციალობებზე ევროპის წამყვან უნივერსიტეტებში სწავლობენ. შესაბამისად, გაუგებარია ბატონი კამუფოს ანგარიშში მოყვანილი სამეცნიერო მსჯელობების საფრთხის შემცველად მიჩნევა, რეალობა კი ის არის, რომ კლიმატოლოგიური პრობლემა, რომელიც გელათის კათედრალს აღენიშნება (და რომელიც საუკუნეების მანძილზე პროგრესირებს), ტიპიურია ყველა დიდი კათედრალისთვის, კერძოდ: იმდენად, რამდენადაც გაზაფხულზე ტემპერატურა იზრდება და იწყება ინტენსიური დათბობა, ამ დროს კი ტაძრის კედლები რომელთა სისქეც 170 სმ-ია, ზამთრის სიცივეს ინარჩუნებს და როდესაც მზისგან გამთბარი ჰაერი ინტერიერში შეედინება, ხდება ტაძრის იატაკისა და კედლების (დაახლოებით 70 სმ. სიმაღლემდე) დატენიანება/კონდესირება. ფიზიკის საკითხია, რომ სითბოსა სიცივის შეხებისას ჰაერში არსებული ტენი განიცდის კონდესაციას და მკვეთრი კონტრასტის დროს ნამის წვეთებიც კი წარმოიქმნება. ამიტომ, ერთ-ერთ აპრობირებულ გამოსავლად პროფესორი კამუფო იატაკის ნელ-ნელა შეთბობას გვთავაზობს, გაზაფხულის დათბობიდან ზაფხულის შუა პერიოდამდე, მანამ ვიდრე ტაძარის ტემპერატურა და გარე ტემპერატურა ისე არ გათანაბრდება, რომ კონდესაცია აღარ მოხდება.ხაზგასასმელია, რომ პროფესორ კამუფოს მიერ დასაშვებ მეთოდად დასახელებული იატაკის რეგულირებადი შეთბობა ჯერ მხოლოდ პირველადი სამუშაო ჰიპოთეზაა, რომელსაც ესაჭიროება შემდგომი დეტალური კვლევა და მრავალმხრივი დამუშავება. მსგავსი ტექნოლოგია წარმატებით არის დანერგილი ევროპის მრავალ ისტორიულ ტაძარში ტემპერატურული ცვალებადობით გამოწვეული კონდენსაციის პრევენციის მიზნით. გაუგებრობას იწვევს იტალიურ ინსტიტუტთან — Opificio delle Pietre Dure-თან გაფორმებულ მემორანდუმზე რეაგირებაც. ბრალდება, თითქოს მსოფლიოში ერთ-ერთი ყველაზე ავტორიტეტული რესტავრაციის ცენტრი ჩამოგვყავს ძეგლზე „ექსპერიმენტების“ ჩასატარებლად, ელემენტარული პროფესიული უმეცრება ან პროპაგანდაა. პროექტში გამოყენებული საერთაშორისო ტერმინი „Pilot restoration“ ნიშნავს საპილოტე (საცდელ) რესტავრაციას და არა ექსპერიმენტს. კედლის მხატვრობის რესტავრაციისას ეს გახლავთ მიღებული სტანდარტი: მთლიანი ფრესკის დამუშავებამდე, უმცირეს და ნაკლებად შესამჩნევ მონაკვეთზე მოწმდება საკონსერვაციო ხსნარებისა და მეთოდების უსაფრთხოება, და მხოლოდ დადებითი შედეგის მიღების შემდეგ იწყება სრულმასშტაბიანი პროცესი.ცინიკური და ფარისევლურია მათი მხრიდან გელათის მოზაიკაზე დიდი გულისტკივილით საუბარი, რადგან ჯერ კიდევ 1989 წელს, ბატონი კარლო ბაკურაძე, რომელმაც გელათის ღმრთისმშობლის კომპოზიციის მოზაიკას გადამრჩენი რესტავრაცია ჩაუტარა, წერს, რომ მოზაიკის კომპოზიცია 85%-ით არის მოშორებული საფუძველს. 1990 წლიდან, გელათის რეაბილიტაციის კომიტეტამდე, არავის უზრუნია გელათის უნიკალური მოზაიკის მდგომარეობის შესწავლაზე. აღნიშნულ მუდმივმოქმედ კრიტიკოსებს, რომლებიც წლების განმავლობაში დარგს ხელმძღვანელობდნენ, არცერთხელ მოუწვევიათ ერთი ექსპერტიც კი, რომ არათუ ხარაჩოდან, არამედ იატაკის დონიდან მაინც შეეფასებინათ უნიკალური მოზაიკის მდგომარეობა, რომელიც როგორც ბატონი კარლო ბაკურაძისა 80-იანი წლებისა და ბატონი რობერტო ნარდის ამჟამინდელი ანგარიშები ცხადყოფს, მოზაიკის დაზიანებების სიმძიმე პრაქტიკულად, იდენტურია. ასევე ცინიკური და ფარისევლურია, საკონსერვაციო სამუშაოების ხარისხზე იმ ადამიანების მხრიდან საუბარი, რომელთა უშუალო ხელმძღვანელობითაც ახლადაშენებულ ბაგრატის ტაძარში, სულ რაღაც ერთ წელიწადში, წყლის ჩადინების მასშტაბური პრობლემები შეიქმნა და ეს პრობლემა დღემდე დგას.მოვუწოდებთ კონკრეტული სუბიექტური მიზნებისა ამოცანების მქონე რამდენიმე ადამიანისაგან შემდგარ ჯგუფს, თავი შეიკავონ გელათის რეაბილიტაციის პროგრამის ფარგლებში მიმდინარე საკონსერვაციო სამუშაოების რეპუტაციული დაზიანების მცდელობებისა და საზოგადოების მიზანმიმართულად შეცდომაში შეყვანის მცდელობებისაგან და დაუბრუნდნენ ადამიანური და პროფესიული ეთიკის ნორმებს, ვინაიდან სიცრუემ და ცილისწამებამ მათ უკვე არაერთხელ დააკარგინა სახე. საზოგადოების მართებულად ინფორმირებულობისთვის კი, კიდევ ერთხელ სრული პასუხისმგებლობით ვაცხადებთ, რომ გელათის სამონასტრო კომპლექსში მიმდინარე საკონსერვაციო პროცესები უპრეცედენტოა თავისი მასშტაბით, სამეცნიერო სიღრმითა და საერთაშორისო ექსპერტთა ჩართულობით და შეესაბამება საკონსერვაციო სამუშაოების განხორციელების საერთაშორისო უმაღლეს სტანდარტებს“, – ნათქვამია გელათის რეაბილიტაციის დროებითი კომიტეტის განცხადებაში.

პოლიტიკა • 1786870469

საქართველოს მთავრობა ოკუპირებული ტერიტორიების მცხოვრებთა სამედიცინო დახმარებისთვის ყოველწლიურად საშუალოდ 4-დან 6 მილიონ ლარამდე გამოყოფს. ბოლო 10 წლის განმავლობაში ამ მიმართულებით საბიუჯეტო ხარჯებმა 40-50 მილიონ ლარს გადააჭარბა - დავით ქართველიშვილი

მთავარია, ვინ არის ამ პარანოიის გამავრცელებელი. კვლავ იგივე ადამიანები, რომლებიც 2006-2008 წლებში კოდორის ხეობაში საგანგებოდ გამოთხრილ და დაბეტონებულ სანგრებში ათობით მილიონი დოლარის ღირებულების შეიარაღებას ასაწყობებდნენ, იმისთვის, რომ 2008 წლის აგვისტოში ერთი გასროლის გარეშე ჩაებარებინათ ის რუსებისა და სეპარატისტებისთვის. შემდგომ კი ამ იარაღით რუსებს უკრაინელები გაენადგურებინათ. უკრაინული ჯოჯოხეთის ეს სისხლიანი სპონსორები დღეს ნიანგის ცრემლებს ღვრიან ღალატის თემაზე - ასე ეხმიანება  სოციალურ ქსელში „ხალხის ძალის“ წევრი დავით ქართველიშვილი ოკუპირებულ აფხაზეთში ჰუმანიტარული ტვირთის სახით საწვავის მიწოდების საკითხს და აცხადებს, რომ ამ თემის ირგვლივ მიზანმიმართული სპეკულაციები მიმდინარეობს.მისივე შეფასებით, წინა ხელისუფლების პერიოდში რუსულ სახელმწიფო და კერძო სტრუქტურებთან გაფორმებული გარიგებების მასშტაბი დღეს მიმდინარე დისკუსიების ფონზე განსაკუთრებით საყურადღებოა.მისი ინფორმაციით, პროგრამის ფარგლებში მოქალაქეებს მიეწოდებათ ონკოლოგიური, კარდიოქირურგიული, პედიატრიული, დიაგნოსტიკური, რეანიმაციული და სხვა სახის მაღალკვალიფიციური სამედიცინო მომსახურება.ქართველიშვილი ასევე საუბრობს პროგრამის ფინანსურ მხარეზე და აცხადებს, რომ ოკუპირებული ტერიტორიებიდან მცხოვრები პირებისთვის სამედიცინო დახმარების ხარჯები სახელმწიფო ბიუჯეტიდან იფარება.„მილიონნახევარი ლარის ღირებულების საწვავი ჰუმანიტარული ტვირთის სახით შევიდა მათ შორის ქართველებით დასახლებულ ოკუპირებულ აფხაზეთში და ამას მიეცა არმაგედონული ხასიათის შეფასება, რომლის შიზოფრენიულ შინაარსს ნუღა მომაყვანინებთ. მთავარია - ვინ არის ამ პარანოიას გამავრცელებელი. კვლავ იგივე მოღალატეები, რომლებიც 2006-2008 წ.წ. კოდორის ხეობაში საგანგებოდ გამოთხრილ და დაბეტონებულ სანგრებში ასაწყობებდნენ ათობით მილიონი დოლარის ღირებულების შეიარაღებას იმისთვის - რომ 2008 წლის აგვისტოში ერთი გასროლის გარეშე ჩაებარებინათ ის რუსების და სეპარატისტების ხელში იმისთვის, რომ შემდგომ ამ იარაღით რუსებს - უკრაინელები გაენადგურებინათ. უკრაინული ჯოჯოხეთის აი ეს სისხლიანი სპონსორები დღეს ნიანგის ცრემლებს ღვრიან ღალატის თემაზე.თუ შევაჯამებთ ყველა იმ საკვანძო ქართული ენერგეტიკული, სამრეწველო და ინფრასტრუქტურული აქტივის ღირებულებას, რომლებიც 2008–2012 წლების პერიოდისთვის რუსულ სახელმწიფო და კერძო სტრუქტურებს („ინტერ რაო“, „გაზპრომი“, „ვთბ“, „ალფა-ჯგუფი“, „GeoProMining“ და სხვ.) გადასცეს ამ მოღალატეებმა, რომლებიც დღეს მილიონნახევრის ღირებულების საწვავზე რუსეთის "გაძლიერების" სცენარებს აგებენ: ამ ობიექტების ჯამური საბაზრო ღირებულება დაახლოებით 800 მლნ – 1,2 მლრდ აშშ დოლარად ფასდება. უშუალოდ 2008 წლის აგვისტოს ომის შემდეგ (2009–2011 წ.წ. პერიოდში) რუსულ სტრუქტურებთან გაფორმებული ახალი გარიგებების ჯამურმა მოცულობამ (ხრამჰესი-1-ისა და ხრამჰესი-2-ის პრივატიზების ჩათვლით) დაახლოებით 100–150 მლნ აშშ დოლარი შეადგინა.მას შემდეგ, რაც სვანების მკვლელმა ბარამიძემ - ქართველებს საჯაროდ დასდო ბრალი სამხედრო დანაშაულის (War Crimes) ჩადენაში 1992-1993 წ.წ. და ამით დაადანაშაულა საქართველო: ჟენევის კონვენციისა (Grave Breaches of the Geneva Conventions) და რომის სტატუტით გათვალისწინებული დანაშაულის ჩადენაში ადამიანურობის წინააღმდეგ (Crimes Against Humanity) - რუსულ "წისქვილზე" საუბრებს ან ზოგადად როგორ ბედავენ, ან ნუთუ საერთოდ აზროვნებაგამოშიგნულია მათი ის "ბაბლი", რომელსაც ღმერთმა ის უკანასკნელიც წაართვა, რაც "ჰომო საპიენსებს" პრიმატებისგან განასხვავებენ? ამდენი იდიოტი ერთ სულ მოსახლეზე ძალიან ბევრია ასეთი მცირერიცხოვანი სახელმწიფოსთვის.ბარამიძის მიზანმიმართული მორიგი ანტიქართული გამოხტომის შემდეგ, მე აღარ გამიკვირდება მორიგი ბრალდება, რომ საქართველომ იმის მაგივრად, რომ ხელი შეეწყო "სეპარატისტების პოპულაციის" შემცირებას - წლების განმავლობაში მათ სხვადასხვა სახელმწიფო პროგრამებით ზრუნავს მათთვის კვალიფიციური სამედიცინო სერვისების გაწევას. მე ამ კლასიკური გაგების და ლიბერალური ნაირსახეობის ფაშისტების მხრიდან აღარაფერი გამიკვირდება. კალკულატორების ისეთი ლომები, რომლებიც ენგურზე გადასულ ათობით 30-ტონიან (!) ბენზომზიდებს აფიქსირებენ (გვარამია), ხოლო სოჭიდან რუსებით გადაჭედილ 500-მგზავრიან (!)  "იკარუსებზე" (?) სრულ სისულელეს (გოცირიძე) აჭმევენ თავის უტვინო მაყურებელს - ხვალ არ მოერიდებიან, ეს სამედიცინო დახმარებაც თავის ფაშისტურ კონვერტაციაში გადაიყვანონ.დიახ, დე-ფაქტო აფხაზეთის რეჟიმის მოქალაქეებისთვის ოკუპირებული ტერიტორიებიდან (აფხაზეთი და ცხინვალის რეგიონი) კვალიფიციური სამედიცინო დახმარების გაწევის შესახებ ოფიციალურ სტატისტიკას საქართველოს მთავრობა და საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრო აწარმოებს. სამედიცინო დახმარება მიეწოდება სპეციალური „რეფერალური მომსახურების სახელმწიფო პროგრამის“ (ასევე საყოველთაო ჯანდაცვის) ფარგლებში, რომელიც ხელმისაწვდომია აფხაზეთსა და ცხინვალის რეგიონში მცხოვრები ყველა პირისთვის, მათ შორის საქართველოს მოქალაქეობის ან ქართული დოკუმენტების არქონის შემთხვევაშიც. ასე რომ - გასკდით გულზე ფაშისტებო, ჯალათებო, მკვლელებო და მოღალატეებო.მიუხედავად ანტიქართული ლიბერალური ფაშიზმის ჯერ კიდევ არსებობისა - პაციენტთა ნაკადი იქიდან წლების განმავლობაში სტაბილურია. სხვადასხვა შეფასებით, მიმართვების უმრავლესობა (65%-დან 80%-მდე) სწორედ აფხაზეთის მცხოვრებლებზე მოდის. საშუალოდ წელიწადში: თბილისის მიერ კონტროლირებად ტერიტორიაზე არსებულ კლინიკებში დახმარებას იღებს აფხაზეთისა და სამხრეთ ოსეთის 1 200-დან 1 800-ზე მეტი მცხოვრები. COVID-19-ის პერიოდში: ამ პროგრამის მომსახურებით ისარგებლა აფხაზეთისა და ცხინვალის რეგიონის 2 440-მა პაციენტმა, მათ შორის 860-ზე მეტმა პირმა მკურნალობა უშუალოდ კორონავირუსულ ინფექციაზე გაიარა.პანდემიის შემდეგ, 2023 წელს: საქართველოს მთავრობის ანგარიშის თანახმად, ოკუპირებული ტერიტორიების დაახლოებით 1 500-მა მცხოვრებმა მიიღო უფასო მაღალკვალიფიციური სამედიცინო მომსახურება. მსგავსი ინიციატივების გააქტიურებისა და რეფერალური მომსახურების სახელმწიფო პროგრამის ამოქმედების მომენტიდან, თბილისის მიერ კონტროლირებად ტერიტორიაზე სამედიცინო დახმარება სულ ათობით ათასმა ადამიანმა მიიღო. დახმარების ძირითადი მიმართულებებია:ონკოლოგია (ქიმიოთერაპია, სხივური თერაპია, სიმსივნის ქირურგიული მოკვეთა); კარდიოქირურგია და ენდოვასკულარული ოპერაციები;პედიატრია და მაღალტექნოლოგიური დიაგნოსტიკა (მრტ, კტ); რეანიმაციული მდგომარეობები და გადაუდებელი ტრავმატოლოგია.ეხლა კი - გოცირიძის საყვარელი თემა: დაფინანსება და გამოყოფილი თანხები. გამოკვლევის, სტაციონარული და ამბულატორიული მკურნალობის, ასევე ოპერაციული ჩარევის ყველა ხარჯი სრულად იფარება საქართველოს სახელმწიფო ბიუჯეტიდან. აფხაზეთისა და ცხინვალის რეგიონის მცხოვრებთა სამედიცინო დახმარებისთვის საქართველოს მთავრობა ყოველწლიურად გამოყოფს საშუალოდ 4-დან 6 მილიონ ლარამდე. ბოლო 10 წლის განმავლობაში ოკუპირებული ტერიტორიებიდან მოქალაქეთა მკურნალობის დაფინანსებაზე საქართველოს საბიუჯეტო ხარჯებმა 40–50 მილიონ ლარს გადააჭარბა.ამ დახმარების გაწევის თავისებურებები: აფხაზეთისა და ცხინვალის რეგიონის მცხოვრებლებისთვის სამედიცინო დახმარება 100%-ით უფასოდ ხორციელდება, დაცულია კონფიდენციალურობა - იმის გათვალისწინებით, რომ სოხუმისა და ცხინვალის დე-ფაქტო ხელისუფლება პერიოდულად ზეწოლას ახდენს იმ მოქალაქეებზე, რომლებიც სამკურნალოდ თბილისში, ზუგდიდში, ქუთაისსა თუ ბათუმში მიემგზავრებიან და პაციენტების პერსონალური მონაცემები მკაცრად არის დაცული საქართველოს კანონმდებლობით და ღიად არ ქვეყნდება. აფხაზეთიდან პაციენტების უმრავლესობა ენგურის ხიდის გავლით ზუგდიდის რეგიონის კლინიკებში შედის (მათ შორის საზღვართან სპეციალურად აშენებულ რუხის მრავალპროფილურ საავადმყოფოში) ან თბილისის წამყვან სამედიცინო ცენტრებში იგზავნება.ეს არის იმ ყველაფრის მინიმუმი, რაც აუცილებლად უნდა ვიცოდეთ, თუ რითი განსხვავდება ღალატი - ადამიანობისაგან, ქართველობა - უსამშობლოობისაგან, ჰუმანიზმი - ფაშიზმისაგან, პოლიტიკური ფსიქოპატია - ჯანსაღი სამოქალაქო პოზიციისაგან. დიახ, გენმოდიფიცირებული მოსახლეობის რაოდენობა ჯერ კიდევ დიდია - მაგრამ არა კრიტიკულად საშიში იმისთვის, რომ ნორმალურებს ამ არაჩვეულებრივ ქვეყანაში გადარჩენის და განვითარების პერსპექტივები გვქონდეს, მათ შორის საქართველოს "უძღებ შვილებთან" ერთად...“ - წერს ქართველიშვილი.