უნდა დავტოვოთ თუ არა პასკა და კვერცხი საფლავზე - მოძღვარის განმარტება

აღდგომის მეორე დღეს თითქმის ყველა ოჯახი ახლობლების საფლავებს მიაშურებს. როგორ უნდა ვახაროთ მიცვალებულებს აღდგომა, რა წავიღოთ საფლავზე და რას ვაკეთებთ არასწორად საფლავებზე გასვლისას. არქიმანდრიტი მაკარი (აბესაძე) ხშირად დასმულ კითხვებს პასუხობს:

- უნდა დავტოვოთ თუ არა პასკა და კვერცხი საფლავზე?

-პასქა და კვერცხი საფლავზე არ უნდა დავტოვოთ. ხშირად მათ ცხოველები თელავენ, რაც უპატივცემულობაა. ბევრი ფიქრობს, რომ უპოვარი აიღებს, მაგრამ თუ დარწმუნებულები არ ვართ, რომ მას მართლა გაჭირვებული იპოვის, უმჯობესია შინ წავიღოთ. ნობათი მხოლოდ მაშინ დავტოვოთ, თუ დავინახავთ ადამიანს, ვისაც ეს სჭირდება.