უნგრეთმა ევროპა აირჩია, ევროპის გული დღეს ღამით უნგრეთში უფრო ძლიერად სცემს! - ურსულა ფონ დერ ლაიენი

უნგრეთმა ევროპა აირჩია, ევროპა ყოველთვის უნგრეთს ირჩევს. ერთად ჩვენ უფრო ძლიერები ვართ,- ამის შესახებ ევროკომისიის პრეზიდენტი, ურსულა ფონ დერ ლაიენი სოციალურ პლატფორმა X-ზე წერს.

მისი განცხადებით, უნგრეთი ევროპულ გზას უბრუნდება და ევროკავშირი ძლიერდება. „ევროპის გული დღეს ღამით უნგრეთში უფრო ძლიერად სცემს". - დაწერა ევროკომისიის პრეზიდენტმა.

დღეს უნგრეთში საპარლამენტო არჩევნები გაიმართა. საარჩევნო უბნები ადგილობრივი დროით 19:00 საათზე დაიხურა. ამომრჩეველთა აქტივობამ 77.8% შეადგინა. უკვე დათვლილი ხმების მიხედვით, პარტია „ტისამ“ საკონსტიტუციო უმრავლესობა მოიპოვა.