საქართველოს საელჩოში ილია თოფურიას ვუმასპინძლეთ, რომელიც ვაშინგტონში დონალდ ტრამპის მოწვევით იმყოფებოდა - თამარ ტალიაშვილი

 ილია თოფურია ვაშინგტონში აშშ-ის პრეზიდენტის, დონალდ ტრამპის მოწვევით იმყოფებოდა და თეთრი სახლის ოვალურ კაბინეტში გამართულ პრესკონფერენციაში მიიღო მონაწილეობა, – ამის შესახებ აშშ-ში საქართველოს ელჩი თამარ ტალიაშვილი სოციალურ ქსელში წერს.

"საქართველოს საელჩოში UFC-ისმსოფლიო ჩემპიონს, ილია თოფურიას ვუმასპინძლეთ.

ჩვენს სახელოვან მებრძოლს გადავეცით ძველ-კოლხური ქამრის ბალთა, რომელიც, გვჯერა, მომავალ ისტორიულ ბრძოლაში გამარჯვებისა და მსოფლიო ჩემპიონის ქამრის დაცვის სიმბოლური ნიშანი იქნება.

ილია თოფურია ვაშინგტონში აშშ-ის პრეზიდენტის, დონალდ ტრამპის, მოწვევით იმყოფებოდა და თეთრი სახლის ოვალურ კაბინეტში გამართულ პრესკონფერენციაში მიიღო მონაწილეობა.

ღონისძიებას ასევე დაესწრო UFC-ისგამორჩეული მებრძოლი, ალექსანდრე თოფურია", - წერს თამარ ტალიაშვილი.