რექტორი ჩვეულებრივად აგრძელებს მუშაობას, კატეგორიულად უარვყოფ გავრცელებულ ინფორმაციას! - კახა ჭეიშვილი თსუ-ს რექტორის გადადგომაზე გავრცელებულ ინფორმაციაზე

თსუ-ს რექტორის ჯაბა სამუშიას შესაძლო გადადგომის შესახებ გავრცელებულ ინფორმაციას არ ადასტურებს თსუ-ს ვიცე რექტორი კახა ჭეიშვილი. 

,,საიდან გავრცელდა ეგ ინფორმაცია არ ვიცი, რაღაც ძალიან დიდი გაუგებრობა არის.

მე როგორც ვნახე სააგენტოებში, ადამიანი რომელიც საერთოდ არ ესწრებოდა შეხვედრას, ის ადამიანი ამბობს ასეთ რაღაცებს.

მე მგონი რომ ძალიან დიდი გაუგებრობაა და ამ ფაქტს არ გიდასტურებთ.

რექტორი ჩვეულებრივად აგრძელებს მუშაობას, ჩვენც მისი მოადგილეები ჩვეულებრივად ვაგრძელებთ მუშაობას.

უნივერსიტეტში ჩვეულებრივ გრძელდება ყველაფერი.

ბატონმა ჯაბამ შეხვედრაზე თქვა ასეთი რაღაც - თუ საჭირო იქნება, ან თუ რაღაც ხელის შემშლელი ფაქტორები იქნება, იმ შემთხვევაში რა თქმა უნდა, მეც არ შევუშლი რეფორმის  განხორციელებას ხელს და ამ შემთხვევაში მივიღებ ჩემს გადაწყვეტილებასო. კიდევ ერთხელ კატეგორიულად უარვყოფ ამ ფაქტს“, - გვითხრა კახა ჭეიშვილმა.