პროფესიულ საგანმანათლებლო პროგრამებზე სწავლის გაგრძელების მსურველთა ტესტირება დღეს დასრულდება

პროფესიულ საგანმანათლებლო პროგრამებზე სწავლის გაგრძელების მსურველთა ტესტირების მიმდინარეობას შეფასებისა და გამოცდების ეროვნული ცენტრის დირექტორი თამარ მემანიშვილი მოადგილე ეკატერინე მაჩიტიძესთან და აჭარის ავტონომიური რესპუბლიკის განათლებისა და სპორტის მინისტრის მოადგილე თათია გორგილაძესთან ერთად ბათუმში გახსნილ საგამოცდო ცენტრებში გაეცნო.

პროფესიულ პროგრამებზე სწავლის გაგრძელების მსურველებისათვის ტესტირება 24 ოქტომბერს საბუნებისმეტყველო საგნებში დაიწყო. დღეს, 25 ოქტომბერს კი გამოსაცდელებისათვის ტესტირება წიგნიერებასა და რაოდენობრივ წიგნიერებაში ტარდება.

ტესტირება 27 ქალაქში გახსნილ 42 საგამოცდო ცენტრში მიმდინარეობს. წელს პროფესიულ ტესტირებაზე რეგისტრირებულია 12 600-მდე მსურველი. გასათვალისწინებელია, რომ ზოგიერთი მათგანი ერთზე მეტ გამოცდას აბარებს.