ინფარქტის ადრეული ნიშნები - სიმპტომები, რომელთა იგნორირებაც არ შეიძლება

ინფარქტის ადრეული სიმპტომები, რომლებიც ყურადღებას მოითხოვს.

ეს ნიშნები შესაძლოა გამოვლინდეს შეტევამდე რამდენიმე დღით ადრე:

უმიზეზო დაღლილობა და სუსტად ყოფნა: თუ ჩვეულებრივი, ყოველდღიური აქტივობები (მაგალითად, კიბეზე ასვლა) უცბად აუტანელ დაღლილობას იწვევს, ეს შესაძლოა გულის უკმარისობაზე მიანიშნებდეს.

ძილის დარღვევა და შფოთვა: მოულოდნელი უძილობა, ღამის შფოთვა და ოფლიანობა ხშირად წინ უსწრებს გულ-სისხლძარღვთა პრობლემებს. 

სუნთქვის უკმარისობა (ქოშინი): ჰაერის უკმარისობა მცირე ფიზიკური დატვირთვისას ან მოსვენებულ მდგომარეობაშიც კი.

დისკომფორტი სხეულის სხვადასხვა ნაწილში: ტკივილი ან ზეწოლის შეგრძნება, რომელიც გადაეცემა მარცხენა მკლავს, ბეჭებს, კისერს, ყბას ან მუცლის ზედა ნაწილს.