1773348202
იმერეთის მხარეში სახელმწიფო რწმუნებული: სტიქიის ზონაში კვლავაც რთული ვითარებაა, ადგილზე რჩებიან გეოლოგები, რომლებიც ახორციელებენ მონიტორინგს
სტიქიის ზონაში კვლავაც რთული ვითარებაა. ადგილზე რჩებიან გეოლოგები, რომლებიც ახორციელებენ მონიტორინგს. ასევე, შინაგან საქმეთა სამინისტრო უსაფრთხოების მიზნით იცავს პერიმეტრს, - განაცხადა იმერეთის მხარეში სახელმწიფო რწმუნებულმა ლევან ზალკაიანმა.
„უნდა დაველოდოთ გეოლოგების დასკვნას, რომლის შემდეგაც გახდება ჩვენთვის ცნობილი, რა დროის შემდეგ შეძლებს მოსახლეობა თავიანთ ტერიტორიებზე შესვლას“, - აღნიშნა მან.
ტყიბულში მეწყრული პროცესების შედეგად დაზარალებულ მოსახლეობას, ადგილობრივი და ცენტრალური ხელისუფლების წარმომადგენლები შეხვდნენ და მათ საჭიროებებს გაეცნენ.
45 ოჯახი ქუთაისსა და ტყიბულში მდებარე სასტუმროებშია გადაყვანილი.
სოფელ კურსებში მეწყერი კვლავ აქტიურია, რაც ტერიტორიაზე სპეციალისტების გადაადგილებას ართულებს.
