აქციის მონაწილეები რუსთაველის გამზირიდან მთავრობის ადმინისტრაციასთან გადაინაცვლებენ, სადაც მთელი ღამის განმავლობაში დარჩებიან

პარლამენტის შენობის მიმდებარე ტერიტორიიდან აქციის „შინ ევროპისკენ“ მონაწილეები მთავრობის ადმინისტრაციასთან გადაინაცვლებენ, სადაც ღამეს გაათენებენ.

შოთა დიღმელაშვილის ინფორმაციით, ხვალ მთავრობის ადმინისტრაციაში სხდომაა დაგეგმილი, რომელსაც დილიდან ხმაურით უნდა შეხვდნენ.

,,მთავრობის სხდომა იმართება ორშაბათს, დილით კანცელარიაში. ამიტომ მივიდეთ და გავაგონოთ ჩვენი ხმა. ჩვენ მთელი ღამით ვიქნებით დაბანაკებული, შეგიძლია თქვენც შემოგვიერთდეთ. ყველამ ერთად ჩავაბაროთ ეროვნული გამოცდა”, - აღნიშნა დიღმელაშვილმა.