რა ხდება ამ წუთებში სასამართლოში, სადაც ვაკის პარკის ტრაგედიის საქმეზე დაკავებული 9 პირის პროცესი მიმდინარეობს

ამ წუთებში საქალაქო სასამართლოში ვაკის პარკის ტრაგედიის საქმეზე დაკავებული 9 პირის საქმის არსებითი განხილვა მიმდინარეობს.

პროცესზე მხარეები დამატებით მტკიცებულებებს წარადგენენ.

ლაშა ფურცხვანიძის ადვოკატის განცხადებით, ისინი დღეს სასამართლოს წარუდგენენ მათი მოთხოვნით ჩატარებული საინჟინრო ექსპერტიზის დასკვნას, რომლის მიხედვითაც პროექტსა და შესრულებულ სამუშაოს შორის დარღვევის სხვაობა ტრაგედიის მიზეზი ვერ გახდებოდა.

გამოძიება დაკავებულებს ყალბი ოფიციალური დოკუმენტების გამოყენებას და უხარისხო სამუშაოების შესრულებასაც ედავება, რამაც ადამიანის სიცოცხლის მოსპობა გამოიწვია.