ნათია ბახტაძე მოკლულია - „ბრალდებულმა აღიარა, რომ გოგონა მოკლა და ცხედარი გადამალა"

ოკუპირებული აფხაზეთის ე.წ. პროკურატურამ ნათია ბახტაძის მკვლელობა დაადასტურა. 28 წლის ქალის გაუჩინარების საქმესთან კავშირში მყოფი ახალგაზრდა კაცი პირველ აგვისტოს დააკავეს. სავარაუდო დაკავებული აფხაზი სპეცრაზმელია, რომელიც ბახტაძის ოჯახის ინფორმაციით, ქალს ცოლად შერთვის მიზნით ემუქრებოდა.

უწყება ამტკიცებს, რომ გოგო ოჩამჩირეში მცხოვრებმა აინარ ცვიჟბამ მოკლა.  როგორც მათ მიერ გავრცელებულ ინფორმაციაშია ნათქვამი, ბრალდებულმა დანაშაული აღიარა და თქვა რომ მოკლული გოგოს ცხედარი მდინარე ენგურში ჩააგდო.

ამ წუთებში ცხედრის სამძებრო სამუშაოები მიმდინარეობს.