ონში, ადგილობრივი ხელისუფლების წარმომადგენლებმა მე-12 კლასელებს სკოლის დამთავრება მიულოცეს

საჯარო სკოლებში მეთორმეტე კლასელებისთვის „ბოლო ზარი“ დაირეკა.

ონის მუნიციპალიტეტში გამართულ საზეიმო ღონისძიებას სახელმწიფო რწმუნებულის პირველი მოადგილე, ქრისტინა კობახიძე, რწმუნებულის ადმინისტრაციის ხელმძღვანელთან, მარიკა დვალთან და ადგილობრივი ხელისუფლების წარმომადგენლებთან ერთად სიმონ სხირტლაძის სახელობის სკოლაში დაესწრო.

ხელისუფლების წარმომადგენლებმა მე-12 კლასელებს სკოლის დამთავრება მიულოცეს და ცხოვრების ახალ, საინტერესო ეტაპზე წარმატებები უსურვეს, ასევე, განსაკუთრებული მადლობა გადაუხადეს პედაგოგებს, იმ ამაგისა და დაუღალავი შრომისთვის, რომელსაც თითოეული ახალგაზრდის მიმართ იჩენენ.