შოპოჰოლიზმი, როგორც ბიპოლარული და მანიაკალური აშლილობის სიმპტომი - ფსიქოლოგების მოსაზრება

შოპოჰოლიზმი არის ონიომანიის გავრცელებული სახელი. ონიომანია გახლავთ ლტოლვა, შესყიდვების გასაკეთებლად, რომელსაც ადამიანი ვერ აკონტროლებს. როგორც წესი, ამ ნივთების ყიდვა სულაც არ არის საჭირო და ამიტომ შოპოჰოლიკი ხშირად თავს დამნაშავედ გრძნობს შეძენის შემდეგ. თავად შოპოჰოლიზმი კლასიფიცირდება როგორც სიმპტომი, რომელიც ფარავს სხვა ფსიქიკური სპექტრის აშლილობებს. რა შემთხვევაში უნდა გამოიჩინოთ სიფრთხილე?

ფსიქოლოგები ამბობენ, რომ  შესყიდვების ბანალური ლტოლვის მიღმა შეიძლება იმალებოდეს ძლიერი სტრესი, ურთიერთობის სირთულეები, მარტოობის შიში და მრავალი სხვა.
ფსიქოლოგები ხშირად მიაწერენ შოპოჰოლიზმს, მცდელობას იმის კომპენსაციისთვის, რაც ადამიანს აკლია და ხშირად ეს გრძნობა არ არის დაკავშირებული მატერიალურ ნივთებთან. მაგალითად, მიზეზი შესაძლოა იყოს სიყვარულის, საკუთარი თავით კმაყოფილების სუბიექტურ ნაკლებობასთან. 

ონიომანიას ახასიათებს გარკვეული მახასიათებლები:

რეგულარული უმიზნო ვიზიტები ონლაინ მაღაზიებში,
მთელი დიაპაზონის ნახვა კატალოგებში,
გატაცება სტატუსის მქონე, ბრენდული მაღაზიებით, ჟურნალებით,
რაიმეს ყიდვის სპონტანური დაუძლეველი სურვილი გონივრული მიზეზის გარეშე,
სევდა და უკმაყოფილება, როდესაც შეუძლებელია მაღაზიებში წასვლა,
სინანული შენაძენის გამო,
პრობლემები და კონფლიქტები ოჯახში, რომლებიც დაკავშირებულია ნივთების სპონტანურ შეძენასთან.
„შოპოჰოლიზმი ხშირად გვხვდება გახანგრძლივებული დეპრესიით, ობსესიურ-კომპულსიური აშლილობით, ბიპოლარული აფექტური აშლილობით, მანიაკალური აშლილობით და სხვა დამოკიდებულებებთან ერთად“, - ამბობენ ფსიქოლოგები.

სხვათა შორის, ონიომანია საკმაოდ მარტივად გამოსწორდება ფსიქოთერაპიით, ოღონდ მხოლოდ იმ შემთხვევაში, როდესაც ადამიანი აცნობიერებს ამ სიმპტომის არსებობას და გრძნობს დისკომფორტს ამის გამო.