რა ენერგეტიკული ზიანი მოაქვს სოციალურ ქსელში გაზიარებული ბავშვის ფოტოებს - ასტროლოგის და ფსიქოლოგის ახსნა

ფსიქოლოგი და ასტროლოგი გიორგი ლობჯანიძე მშობლებს ურჩევს, რომ მოედიონ სოციალურ ქსელებში ბავშვების ფოტოების გაზიარებას, რადგან, როგორც ის ამბობს, ამგვარი ერთი შეხედვით უსაფრთხო გაზიარებამ შესაძლოა ბავშვი ენერგეტიკულად დააზიანოს.

„სოციალურ ქსელებში მშობლების მხრიდან ხშირად დადებული პატარა ბავშვების ფოტოები, ენერგეტიკულად საკმაოდ დიდი ხიფათის შემცველია.პატარები 6 წლამდე მაინც ,,მთვარის” გავლენის ქვეშ არიან, მთვარე ეს ოჯახი და მშობლების სითბოა. შესაბამისად, მიწებებულია საწყის წლებში მშობელს ბავშვი.მთვარე შიშებია, დაუცველობის შეგრძნებაა. ბავშვებს ამიტომ აქვთ ემოციური მოძალება, როცა სახლს და მშობლის სუნს ვერ გრძნობენ. ტირილი და სტრესი ნათელი მაგალითია.

ყველა ადამიანის აურა (ბიო.ენერგეტიკული ველი) ერთი და იმავე სიძლიერის არ გახლავთ, ამიტომ უამრავი ხალხისგან აღებული თვალი პატარებს უფრო ემოციურებს ხდის და შინაგანადაც ბევრ ნეგატივს იწებებენ, რაც სხვადასხვა ჭირვეულობებში გამოიხატება ხოლმე.ისეთი სიტყვების უკან, როგორიცაა ,,რა ტკბილია / რა საყვარელია” შური, ცუდი სურვილები და ავი თვალი იმალება.

დიდები ძლივს უძლებენ ამას, ხოლო რაღა იქნება პატარებზე …რაღაც შეეხება ავ თვალს და შურს. მოშურნე და ბოროტი თვალი ვერასდროს იქნება წარმატებული. შური ის თვისებაა, რომელიც წარმატებას კეტავს. ავი თვალი კი სამშვინველს დიდ ზიანს აყენებს და ამას პერიოდულად მრავალგზის ჯანმრთელობის პრობლემებიც მოჰყვება.ამიტომ, გაუფრთხილდით თქვენს პატარებს! ყველა ბავშვი იმსახურებს ჯანსაღ გარემოს და ბედნიერ ცხოვრებას!“ - წერს გიორგი ლობჟანიძე.