ტრამპის განცხადებით, ირანზე დარტყმები ჰორმუზის სრუტეში განხორციელებული თავდასხმებისთვის "შურისძიება" იყო

 აშშ-ის პრეზიდენტის დონალდ ტრამპის განცხადებით, ირანზე დამატებითი დარტყმები "შურისძიების" სახით განხორციელდა მას შემდეგ, რაც ირანი ჰორმუზის სრუტეში სამ სავაჭრო გემს დაესხა თავს.

"ეს, ირანის მიერ გემების გუშინდელი დაბომბვის გამო შურისძიებაა", - დაწერა ტრამპმა სოციალურ ქსელში.

ამასთან, ტრამპმა ირანს კიდევ ერთი მკაცრი გაფრთხილება მისცა და თქვა: "თუ ეს ისევ განმეორდება, ბევრად უარესი შედეგი მოჰყვება!"