სულხან თამაზაშვილი ოფიციალური ვიზიტით ყაზახეთის რესპუბლიკაში გაემგზავრა

საქართველოს შინაგან საქმეთა მინისტრი სულხან თამაზაშვილი, ყაზახეთის რესპუბლიკაში ოფიციალური ვიზიტით, დელეგაციასთან ერთად გაემგზავრა.

შსს-ს ცნობით, ვიზიტის ფარგლებში, სულხან თამაზაშვილი მონაწილეობას მიიღებს კიბერდანაშაულთან ბრძოლის საკითხებზე საერთაშორისო კონფერენციაში.

ოფიციალური ვიზიტის ფარგლებში ასევე დაგეგმილია საქართველოს შინაგან საქმეთა მინისტრის ორმხრივი შეხვედრა ყაზახეთის რესპუბლიკის შინაგან საქმეთა მინისტრთან, ერჟან სადენოვთან.