შეძრწუნებული ვარ გავრცელებული ვიდეოკადრებით - სალომე ზურაბიშვილი

შეძრწუნებული ვარ გავრცელებული სასტიკი ვიდეოკადრებით, რომელზეც ტყვეობაში მყოფი უკრაინელი სამხედროს თავის მოკვეთაა ასახული, – ამის შესახებ საქართველოს პრეზიდენტი სალომე ზურაბიშვილი სოციალურ ქსელში წერს.

პრეზიდენტის თქმით, ეს კიდევ ერთი დანაშაულია კაცობრიობის წინაშე.

,,კიდევ ერთი დანაშაული კაცობრიობის წინაშე. ომის ამ დანაშაულებს სამართლებრივად უნდა გაეცეს პასუხი.
საქართველო დგას და იდგება უკრაინის გვერდით", - წერს პრეზიდენტი.

ცნობისთვის, სოციალურ ქსელებში ვრცელდება, სავარაუდოდ, უკრაინელი ტყვის სიკვდილით დასჯის ვიდეო.