პირველი რესპუბლიკის მოედანზე აქცია „მოვდივართ - საქართველო უპირველეს ყოვლისა“ დასრულდა

პირველი რესპუბლიკის მოედანზე აქცია „მოვდივართ - საქართველო უპირველეს ყოვლისა“ დასრულდა.

აქცია „უცნობისა“ და ზაზა პაპუაშვილის მიერ იყო ორგანიზებული და იგი 2 საათზე მეტ ხანს გაგრძელდა. აქციის მთავარი სლოგანი იყო „საქართველო უპირველეს ყოვლისა“. მას ათასობით ადამიანი დაესწრო. აქციის მონაწილეებს ზაზა პაპუაშვილმა, „უცნობმა“ და სხვა ცნობილმა სახეებმა მიმართეს.

დასასრულს გია გაჩეჩილაძემ მისი მეგობრები, აქციის ორგანიზატორები სცენაზე მიიწვია და მათთან ერთად სამშობლოზე იმღერა.