ირაკლი კობახიძე, მთავრობის წევრებთან ერთად, პარლამენტის თავმჯდომარის წლიური ანგარიშის წარდგენას დაესწრო

საქართველოს პრემიერ-მინისტრი ირაკლი კობახიძე, მთავრობის წევრებთან ერთად, პარლამენტის თავმჯდომარე შალვა პაპუაშვილის წლიური ანგარიშის წარდგენას დაესწრო.

საგაზაფხულო სესიის პლენარულ სხდომაზე შალვა პაპუაშვილმა მეათე მოწვევის პარლამენტის საქმიანობა შეაჯამა და აღნიშნა, რომ განვლილი ოთხი წელი აღსავსე იყო გამოწვევებით, თუმცა ქართველი ხალხის ნდობით, ხელისუფლებამ ეროვნული ინტერესები უმთავრეს პრიორიტეტად აქცია.

როგორც პარლამენტის თავმჯდომარემ განაცხადა, ქვეყნის გამთლიანება და თითოეული მოქალაქის კეთილდღეობა არის ორი უმთავრესი ეროვნული ამოცანა და მეთერთმეტე მოწვევის პარლამენტი სწორედ ამ ეროვნული ინტერესების სამსახურშია.