ანდრეი კასიანოვი საქართველოს საგარეო საქმეთა სამინისტროში ახსნა-განმარტებისთვის დაიბარეს

ანდრეი კასიანოვი საქართველოს საგარეო საქმეთა სამინისტროში დაიბარეს. როგორც imedinews-ს უწყებაში განუმარტეს, უკრაინის დროებით რწმუნებულს მის მიერ გაკეთებულ განცხადებასთან დაკავშირებით ახსნა-განმარტებას მოსთხოვენ.

„დავიბარეთ სამინისტროში მის მიერ გაკეთებულ განცხადებასთან დაკავშირებით ახსნა-განმარტებისთვის. ორმხრივი ურთიერთობის სხვა საკითხები ამ შეხევდრაზე მასთან განხილული არ იქნება“, - აღნიშნეს საგარეო საქმეთა სამინისტროში.

საქართველოში უკრაინის დროებითი რწმუნებული ანდრეი კასიანოვი საქართველოდან უკრაინის მოქალაქეების ევაკუაციის შესაძლებლობას არ გამორიცხავს, თუ მათ საქართველოსა და რუსეთს შორის პირდაპირი ფრენების აღდგენისა და „რუსების მასობრივად შემოდინების“ შემთხვევაში, საფრთხე დაემუქრებათ.