უკრაინული მედია: უკრაინაში რუსეთის შეჭრის შედეგად, 102 სასწავლო დაწესებულება მთლიანად განადგურდა

უკრაინაში რუსეთის შეჭრის შედეგად, 102 სასწავლო დაწესებულება მთლიანად განადგურდა, - ინფორმაციას უკრაინული მედია ქვეყნის განათლებისა და მეცნიერების მინისტრ სერჰი შკარლეტის განცხადებაზე დაყრდნობით ავრცელებს.

მინისტრის თქმით, 1 412 საგანმანათლებლო დაწესებულება დაზიანებულია.

„ჯერ კიდევ გუშინ, ლისიჩანსკიში მდებარე ერთ-ერთი სკოლის სარდაფს თავს 23 ადამიანი აფარებდა. მათ შორის იყვნენ შეშინებული ბავშვებიც. ახლა მხოლოდ კედლებიღაა დარჩენილი“, - წერს მინისტრი Telegram-ზე.