უკრაინის უმაღლესი რადას ინფორმაციით, რუსმა სამხედროებმა ხარკოვში მართლმადიდებლურ ეკლესიას ცეცხლი გაუხსნეს

რუსეთის საოკუპაციო ძალებმა უკრაინის ქალაქ ხარკოვში მართლმადიდებლურ ეკლესიას ცეცხლი გაუხსნეს, – ინფორმაციას „ტვიტერის“ ოფიციალურ გვერდზე უკრაინის უმაღლესი რადა ავრცელებს.

განცხადებაში წერია, რომ ღვთისმშობლის ეკლესიის ფანჯრები, გარე ფასადი და სახურავი დაზიანებულია.

უკრაინის უმაღლესი რადა სოციალურ ქსელში დაზიანებული ეკლესიის ფოტოებსაც აქვეყნებს.