შეშფოთებით ვადევნებთ თვალს ყაზახეთში მოვლენების განვითარებას - გაერო 

გაერთიანებული ერების ორგანიზაციის პრესსპიკერის, სტეფან დიუჟარიკის განცხადებით, გაერო შეშფოთებით ადევნებს თვალს ყაზახეთში განვითარებულ მოვლენებს.

„ბუნებრივია, ჩვენ შეშფოთებით ვადევნებთ თვალს და ვაკვირდებით მოვლენების განვითარებას ყაზახეთში. ვფიქრობ, ძალიან მნიშვნელოვანია, რომ მოვლენებში ჩართულმა ყველა მხარემ გამოიჩინოს თავშეკავება, მოერიდოს ძალადობას და წამოჭრილი საკითხები დიალოგის საშუალებით მოაგვაროს“, - განაცხადა დიუჟარიკმა.

შეგახსენებთ, ყაზახეთის ხელისუფლებამ ქვეყნის მთელ ტერიტორიაზე საგანგებო მდგომარეობა გამოაცხადა.