რუსეთსა და უკრაინას შორის მოლაპარაკებებში ევროკავშირი შუამავალი ვერ გახდება - ჯოზეფ ბორელი

"რუსეთსა და უკრაინას შორის მოლაპარაკებებში ევროკავშირი შუამავალი ვერ გახდება", - ამის შესახებ ევროკავშირის უმაღლესმა წარმომადგენელმა პოლიტიკისა და უსაფრთხოების საკითხებში ჯოზეფ ბორელმა გერმანულ გაზეთ Frankfurter Allgemeine Zeitung-თან ინტერვიუში განაცხადა.

„რუსები ამას არ მიიღებენ, ისევე, როგორც ჩვენ არ მივიღებთ რუსეთს შუამავლად, საუკეთესო ვარიანტი გაერო იქნებოდა", - განაცხადა ბორელმა.

გარდა ამისა, ბორელის თქმით, ევროკავშირი უკრაინისთვის იარაღის მიწოდების გაგრძელებას, რუსეთის ეკონომიკის შესუსტებასა და ქვეყნის საერთაშორისო იზოლაციას შეეცდება.